تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="خادم البتول, post: 3417575, member: 113971"] [COLOR=Black][FONT=Times New Roman][SIZE=5][COLOR=Black][FONT=Times New Roman][SIZE=5][COLOR=Black][FONT=Times New Roman][SIZE=5][COLOR=Black][FONT=Times New Roman][SIZE=5] [FONT=Arial][SIZE=5] زي ما قلت: كلمة مجامل كانت "[B]الجسر[/B]" اللي عبرت من خلاله لمواجهة مسألة أكبر. قبل ما تبعتيلي مباشرة كنت بالفعل بفكر أعمل إيه؟ هل ممكن توبيك زي ده يُساء فهمه أو قراءته! عدو الخير طبعا مش ح يسيبنا ف حالنا. في نفس الوقت ده مش توبيك عادي ده عمل أدبي.. يعني ح اعمل "ملحق" لعمل أدبي؟؟ ح اعمل "مذكرة توضيحية"؟؟ أنا بالكتير بارد على الناس عشان أشكرها. طيب أعمل إيه؟؟؟ فجأة لقيتك بتقولي "مجامل".. قلت بسسسس هي دي.. شقاوة ربنا بعتها لي بالكلمة دي. :) فمعلش يا صاحبي أنا خدتك كوبري المرة دي :smile01.. عشان كده كان لازم بردو أظبّطك في الآخر. :) "[B]الرسولة[/B]" دي خدي بالك ماقالهاش قبل كده حد غير "[B]نزار قباني[/B]" لحبيبته! يعني شغل من بتاع زمان وحتة أصلي أوي سنييه بجد مش أي كلام! :) ما تغلاش عليك يا شقشق. :16_4_10:[/SIZE][/FONT] [FONT=Arial][SIZE=5]حاضر. :) تسلميلي يا قمر. [/SIZE][/FONT] [FONT=Arial][SIZE=5] أولا المجاملة بمعنى [B]التشجيع [/B]أنا مش ضدها طبعا.. و"[B]مغازلة القلوب[/B]" عايزة حكمة كبيرة عشان لا تعثر، وأخيرا "[B]شجعوا صغار النفوس[/B]" لازم تكملي الآية عشان يبان المقصود: "شجعوا صغار النفوس، اسندوا الضعفاء، تأنوا على الجميع". بالتالي لا تنطبق، لأني أصلا [B]لا أرى [/B]صغارا أو ضعافا. أنا مين أصلا عشان أفكر داخلي إن ده صغير النفس أو ده ضعيف؟ صحيح أنا بشوف أخطاء، وحتى أخطاء قاتلة أحيانا، لكن فكرة إن المخطئ ده صغير أو ضعيف لا تأتي [B]بالمرة [/B]إلى ذهني.. [B]إطلاقا[/B]. أنا أرفض الخطأ بكل قوة، نعم، وحتى باعلن ده بصراحة وجرأة، لكن بالنسبة لشخص المخطئ نفسه كل اللي بفكر فيه بمنتهى الأمانة وبمنتهى البساطة هو شيء واحد: "[B]هو ليه أخطأ[/B]"؟ السؤال ده بس اللي بيفضل شاغلني، وابتدي أتابع المخطئ ده وأروح اقرا رسايله لحد ما افهمه ابتداء.. ليه؟ لأن احنا أساسا مش فاهمين بعض في العالم الرقمي ده.. مش فاهمين بعض أصلا، [B]والقلب الإنساني من العمق بحيث إن افتراض الفهم [/B]ـ عبر شاشة واسم حركي وشوية رسايل ـ [B]هو افتراض أحمق [SIZE=5]تماما[/SIZE][/B]! لكن بعد البحث وبعد ما أفهم الشخص بدرجة ما، أو على الأقل أفهم [B]أسباب الخطأ [/B]من الناحية النفسية والروحية، غالبا بيكون إحساسي تجاهه [B]الإشفاق[/B]. والإشفاق غير الشفقة. الإشفاق إني أحس زيه، أقف موقفه، أشعر مشاعره، بالتالي أبرر خطأه ولو بدرجة، بالتالي أقدر أسامحه. بعد كده ممكن أبعد شوية عن الشخص ده، أحتفظ بمحبتي ليه ـ أو على الأقل تقديري [B]لضعفه ومحنته [/B]ـ بس محبة من بعيد لبعيد.. مش بس عشان اتجنب الخطأ والعثرة معاه، ومش بس عشان الوقت محدود، إنما كمان عشان أنا ابتداء مقدرش أقدم بالفعل كتير على المستوى الإنساني من خلال عالم ديجيتال وشاشة باردة! دوقتي كووووول اللي فوق ده بقا على الخطأ والمخطئ، على أصعب ما واجهت وخبرت شخصيا في هذا المكان، فما بالك باللي مش مخطئ أصلا!! يعني أنا لما أذكر في رسالة زي دي أسماء أمة وأيمن وروز وطارق ـ [B]فقط على سبيل المثال [/B]ـ هل دول صغار نفوس عشان أشجعهم؟ هل دول ضعفاء عشان اسندهم؟ إنتي بتهزري؟ :smile01 ده كل واحد في دول ـ اسم الصليب على دول ـ كل واحد يسند لوحده محافظة! :smile01[/SIZE][/FONT] [FONT=Arial][SIZE=5]أتمنى.. بس ده مش بتاعي ده بتاع ربنا.. هو اللي بيبعت.. النوع ده بالذات من رسايلي مش بتاعي.. [B]إنتي [/B]شخصيا لو تفتكري أهديتك زمان ترنيمة مع رسالة مطولة، لكن مشيت من غير ما استنى أي رد أو تعليق منك.. ومرة أهديت بنت كان اسمها "[B]أرجوان[/B]" رسالة تعزية طويلة من غير حتى ما اقولها، ويمكن لحد دلوقت هي نفسها ما شافتهاش.. ومرة أهديت "[B]بنت المسيح[/B]" فيديو "آفا ماريا" وبردو من غير ما اقولها، وبعد يمكن شهر أو أكتر لقيتها بالصدفة شافتها وعملت لي تقييم وبالتالي عرفت إنها وصلتلها... فاهمة؟؟ أنا ماليش صالح.. مش بتاعي. أنا واقف على باب ست الكل، "[B]خادم[/B]" على عتبة "[B]البتول[/B]"، تبعتني [B]هي [/B]بشوية ورد آروح أنا أحطهم في العنوان وأطير أرجع لها. الورد بقا يوصل إمتى.. يوصل وللا ما يوصلش.. ماليش صالح.. مش بتاعي. كل اللي اعرفه إن صاحب الوردة [B]لما يكون جاهز [/B]بيوصلها ويستلمها.. ولو مش جاهز بتبقا قدامه ـ وهو محتاجها ـ لكن مابيشوفهاش! عشان كده توبيك زي ده مليان ورد.. لكن مفيش مخلوق هنا قلت له تعالى أنا عامل حاجة حلوة وكاتب اسمك فيها.. لأني ببساطة عارف: اللي جاهزين ح ييجوا [B]لوحدهم [/B]ويستلموا وردهم ويفرحوا وافرح معاهم من أول يوم.. واللي مش جاهزين [B]مش ح يشوفوا التوبيك أصلا [/B]رغم إن اسمهم ممكن يكون مكتوب جوا وليهم ورد خصوصي! وحتى لو شافوه يمكن يسيئوا فهمه أو قراءته! ليه؟ لسه مش جاهزين! لسه شوية. :) [/SIZE][/FONT] [FONT=Arial][SIZE=5] يقين العلم؟؟ طيب ممكن أعرف اليقين ده منين؟ :) أنا يا صديقتي زي أي إنسان وبالقطع أحتاج المساعدة والتشجيع إذا كان معنى المجاملة هو [B]التشجيع [/B]على حد تفسيرك. يمكن كل الفرق بيني وبين البعض ـ [B]فقط البعض [/B]حتى مش الكل ـ هو إني مش "[B]متورط[/B]" أوي مع العالم. وحتى ده نفسه لا يرتبط بـ "ناضج راجح العقل" دي. ده ممكن أي إنسان في أي سن يحققه لو بس فهم شوية حاجات عن نفسه وعن العالم اللي عايش فيه. يعني هو في الحقيقة "[B]فهم[/B]" أكتر منه "نضج"، ساعدني ربنا بظروف وتجارب ودراسات معينة من وأنا صغير أوي من طفولتي وحققت تدريجيا الفهم ده. غير كده ما زلت طبعا إنسان ضعيف جدا وما زلت بجاهد وبحاول وما زلت طبعا بتعلم.. غير كده ما زلت دايما في احتياج لقوة ربنا وسنده وتشجبعه من خلال أحباؤه وسفراؤه. ;) يعني انتي بس "جاملي" ومالكيش دعوة. :) [/SIZE][/FONT] [FONT=Arial][SIZE=5] متأكد دلوقت إنك فاهماني.. أما "بالمثل" فأنا الحقيقة قررت أرد ببساطة وتلقائية بغض النظر عن أي شيء، وبمنتهى الصدق المرة دي باكتب لك بطريقتي المعتادة، يعني مفيش في ذهني أي أشخاص أو اعتبارات أو رسائل رمزية. :) ختاما أشكرك كتير يا شقاوة وأشكرك خاصة على مشاركتك رغم إنك مش في المود تماما. أشكر ذكائك اللي بيعرف يطلّع مني كل الكلام ده، وأشكر قلبك الياسمين، اللي عطره الفريد النادر أقوى من كل قيود الديجيتال وزجاج الشاشات! :) [/SIZE][/FONT][CENTER][FONT=Arial][SIZE=5]* * *[/SIZE][/FONT] [/CENTER] [/SIZE][/FONT][/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/COLOR] [/QUOTE]

التحقق