ليه البنت بتبقى اوحش يوم خطوبتها او فرحها ؟!

[Critic]

انا عايز افهم ايه سر الظاهرة دى ؟!
فى حياتى كلها مشفتش بنت فى خطوبتها او فرحها الأ وكانت اوحش من الاوقات العادية !
اخر كام فرح حضرته (او اتفرجت على صوره) خلونى اضرب كف على كف ! العروسة اوحش بمرااااااحل (وده مش رأيى لوحدى ده بيكون بالأتفاق !), والسؤال الأهم : هل مبصتش فى المراية قبل ما تنزل ؟!
ومحدش يقولى دى حالة شاذة , الحالة الشاذة انى الاقى بنت احلى فى فرحها , ليه دايما مكياج الوش فى اليوم ده بيكون بالكيلو وبيكون موحشها ؟! هل مثلا اللى حواليها بيجاملوها ويقولولها ان كدة حلو فمش بتاخد بالها انها اوحش ؟! او من الارتباك مش بتلاحظ كدة ؟! ولا اذواق معظم الكوافيرات وحشة ؟ولا ايه الحكاية بالظبط يا اخوننا ؟!!
هل هى لعنة بتحل على كل العرايس ؟!!

 

[روزي86]

هههههههههههه

لا بجد ضحكتني اوي

مش شرط علي فكره في ناس بتطلع وحشه وفي العكس
​

 

[Samir poet]

عندك حقا
اقولك لية انا بشوفهم يوم الخطوبة او الفرح
سنينهم صفرة جداااااااااا
وحشة بخاف منهم وحشة جداااااااااا
ودا اللى بشوف واضح جدااااااااااااااااااااا
وضوح الشمس
​

 

[+Nevena+]

ههههههههههههههههههه
اه هي بتكون لعنه الميك اب الزايد عن حده فعلا
بيغير شكل العروسه بطريقه فظيعه
ولانه بيغير اللي معاها كمان
فمحدش بيشوف شكل حد وحش لان كلهم اوحش من بعض

بس نقول ايه
سنه بقي ههههههههههههههههههه

 

[tasoni queena]

بتكون مأفورة المكياج وخاصة بقى بتاع العيون

بتبقى مبررررقة

 

[grges monir]

مش موضوع وحشة ولا حلوة بقى عندى
الموضوع ان فية بنات مش بعرفها ساعة الخطوبات او الجوزات
بفضل اشبهة عليها هى ولا مش هى هههههههه

 

[حبو اعدائكم]

هو عمتا البنت لو وحشه بتلاقيها فى خطوبتها قلبت ملكه جمال مش فاهما كيف..بتبقا شخصيه جديده مش معروفه هههههههه
و لو البنت اصلن حلوه الميكب بيخليها وحشه... هههه ده بجد فى ناس وشها مش حلو فى الميكب مخصوص إلى هو اوفر....
بس بتبقا عامله مثل عروسه المولد ههههههه-- بس البنت لاذم تعمل تيست قبلها بكام يوم علشان يومها بتبقا متلخبته و المفروض هى تصمم على الالوان إلى هى عارفا إنها بتليق عليها.... --

 

[oesi no]

من الاخر ياريس المكياج بيجى بالعكس يعنى لو تقلته وهى وحشه هتطلع حلوة لو هى هى حلوة وتقلته بتطلع عفريت
وكله بيرجع للكوافير اللى بيمكيجها

 

[!! Coptic Lion !!]

الموضوع بسيط جدا
هي بتخرج من عند المزين قمر 14
اول ما عواجيز الفرح بيشفوها بيقموا رزعينها العين اللي هي

ويفضلوا بقي
هي ليه كده معصعصه ابوها مش لاقي يأكلها ولا ايه
كل كده احمر واصفر ليه يعني هي وحشه اوي كده

هوب العروسه تلاقيها قلبت قرد وخساره الــ 3000 جندي
اللي لهفهم الكوفرهرجي


ومحدش يقولي بطل هبل
دا الحسد مذكور في القرآن " انتوا هتكفروا ولا ايه
هههههههههههههههه
​

 

[marcelino]

مش كله
​

 

[sparrow]

هو طبعا غير ان احيانا المكياج مش بيبقي متظبط والكوافيرات بتعك وخلاص رغم انهم بيبقوا واخدين بلاوي ههههههه
في سبب مهم جدااا ودا اهم سبب بالنسبالي
الحاله النفسيه للبنت يا كريتيك بتاثر علي وشها وملامحها ونظرتها حتي هي للمكياج حلو خفيف تقيل
التوتر والقلق وضغط ما قبل الخطوبه والفرح بياثروا علي الوش وملامحه بشكل كبير اكتر كمان من المكياج

 

[white.angel]

بص يا كريتيك هو طبعاً مش كلهم ..
ولكن .. بيرجع للكوافير اللى بيظبط الميك اب بتاعها
كل ما الكوافير بيكون ارقى بيكون الميك اب افضل ..
يعنى بلاش المزين اللى تحت البيت .. لانه بيبهدل الدنيا ..
وبعدين البنت احياناً بتغير لون شعرها .. فده بيدى فرق للناس بتحس انها مش حلوه اوى .. واحيانا الفستان .. مش بيبقى مظبوط .. فا بتحس ان العروسه كلها ملخبطه ومضربه فى الخلاط ..
​

 

[ميرنا]

اى حاجة لما بتذيد بتقلب يا كيرو
بس هى بنسبالها بتكون اول مرة تشوف شكلها كدا مش عارفة ان كان حلو او وحش لانى مستغربة نفسها يلهوى ع اللى عملته فيهم انا فى الخطوبة الاولى مكنتش مستوعبة انى دى انا لانى الميكب كتير كمان لما يسيح من الحر سيبك انتا مبقعة وتلاقى الوان نزلت تحت والوان طلعت فوق والوان اتمسحت اصلا
بس صراحة هى عبال مبيعملولها الميكب بتكون داخت وفصلت لانى انا قعدت وقتها من 11 الصبح مشيت 6 وساعة استديو بعدها لا دمار الحقيقة

 

[sha2awet 2alam]

يا كريتيك انت رايح الافراح تعاكس العروسة و سايب كل البنات اللى فيه !! :a82:
المشكلة فى كذا حاجة اولا المفهوم العجيب ان العروسة لازم تكون يوم فرحها او خطوبتها واحدة تانية اصلا و لازم تصدم الناس بمواهبها و فى الغالب هى بتصدمهم الحقيقة بس بالمصايب اللى عملاها ... ثانيا نادرا ما عروسة بتفكر تعمل تيست للبلاوى اللى هتحطها فى وشها و بتسيبها بالبركة بقا :a82: ... ثالثا الكوافيرات اللى فاهمين انهم لازم يحطو ميكب بتمن الفلوس اللى اخدوها و هما مبيخدوش قليل فبيكترو فى الميكب بزيادة ... رابعا العروسة بتتوتر توتر غيرعادى يوم غريب عليها و اول مرة تلبس كدة و اول مرة تعمل الميكب دة غير ان كل المعازيم هيتفرجو عليها حتةحتة و اللى يقول على الفستان و اللى يقول على الشبكة و اللى يقول على الميكب من الاخر الحفلة بتبقى عليها مش ليها فطبيعى تتوتر و دة بيبان اوى على وشها ..

ااما تيجى ترتبط ( دة لو حصل اصلا :smil15: ) ابقى خلى عروستك تعمل نفس الميكب قبلها بيومين تلاتة و تشوف شكلها فيه احتياطى عشان تبقى ضامن مين اللى هيطلعلك من الكوافير يوم الفرح احسن يضحكو عليك و يبدلوها جوا :smil12:

 

[ميرنا]

يا كريتيك انت رايح الافراح تعاكس العروسة و سايب كل البنات اللى فيه !! :a82:
المشكلة فى كذا حاجة اولا المفهوم العجيب ان العروسة لازم تكون يوم فرحها او خطوبتها واحدة تانية اصلا و لازم تصدم الناس بمواهبها و فى الغالب هى بتصدمهم الحقيقة بس بالمصايب اللى عملاها ... ثانيا نادرا ما عروسة بتفكر تعمل تيست للبلاوى اللى هتحطها فى وشها و بتسيبها بالبركة بقا :a82: ... ثالثا الكوافيرات اللى فاهمين انهم لازم يحطو ميكب بتمن الفلوس اللى اخدوها و هما مبيخدوش قليل فبيكترو فى الميكب بزيادة ... رابعا العروسة بتتوتر توتر غيرعادى يوم غريب عليها و اول مرة تلبس كدة و اول مرة تعمل الميكب دة غير ان كل المعازيم هيتفرجو عليها حتةحتة و اللى يقول على الفستان و اللى يقول على الشبكة و اللى يقول على الميكب من الاخر الحفلة بتبقى عليها مش ليها فطبيعى تتوتر و دة بيبان اوى على وشها ..

ااما تيجى ترتبط ( دة لو حصل اصلا :smil15: ) ابقى خلى عروستك تعمل نفس الميكب قبلها بيومين تلاتة و تشوف شكلها فيه احتياطى عشان تبقى ضامن مين اللى هيطلعلك من الكوافير يوم الفرح احسن يضحكو عليك و يبدلوها جوا :smil12:

ليه يا شقاوة انتى متعرفيش انتى التيست دا مجرد اغراء عشان تحجزى عندهم انا عملت تيست فى الخطوبة التانية كان هادى تحفة بس جيت يوم الخطوبة العك ينقح بقى واتعصبت واتخنقت التيست بيعملوهلك حلو جداا بس يوم الخطوبة تلاقى ابداع تانى خالص

 

[sha2awet 2alam]

ليه يا شقاوة انتى متعرفيش انتى التيست دا مجرد اغراء عشان تحجزى عندهم انا عملت تيست فى الخطوبة التانية كان هادى تحفة بس جيت يوم الخطوبة العك ينقح بقى واتعصبت واتخنقت التيست بيعملوهلك حلو جداا بس يوم الخطوبة تلاقى ابداع تانى خالص

انا اعرف بنات عملو التيست عند كوافير معين و نفس اللى حصل فى التيست هو اللى حصل فى الفرح و نشكر ربنا العروسة طلعت امورة .. يمكن الفرق كان فى كريم الاساس او المثبتات او كدة الحاجات اللى بتخلى الميكب يقعد فترة اطول .. لكن مفترض الالوان هى هى و بنفس الدرجة .. لو الكوافير عمل غير التيست المفروض الوصيفة بتاعتك بتكون واقفة على ايده عشان لو بوظ حاجة هى بتقوله عشان العروسة مش بتبقى فايقة طبعا

 

[!! Coptic Lion !!]

ليه يا شقاوة انتى متعرفيش انتى التيست دا مجرد اغراء عشان تحجزى عندهم انا عملت تيست فى الخطوبة التانية كان هادى تحفة بس جيت يوم الخطوبة العك ينقح بقى واتعصبت واتخنقت التيست بيعملوهلك حلو جداا بس يوم الخطوبة تلاقى ابداع تانى خالص

يا ضنايا يا بنتي
يعني وشك بقي معمل تجارب ؟
​

 

[fredyyy]

عارفين

يوم ما روحت آخد عروستي من عند الكوافير

لاقيته مكشَّر ... أتاري العروسة قالت له

أنا عاوزه بس أرِّكب الترحة ... لكن كل العِلب إليِّ قدامك دي مش لزماني

الراجل إتعفرت ... قالت له كل إليِّ إنت عاوزه هتاخده

قال لها ... سمعت المحل يا أفندم ... قالت له العربية عل بعد 3 متر والعريس هيبسطك

وفعلاً خرجت بدون مكياج ... شوفوا ... وقت ضايع عند الكوافير

ويخلِّي العروسة في منتهى الإجهاد ... بلاش نسمع كلام الناس

ولو يا عروسة حد قالك ... ليه ما فيش مكياج ... إحرجيه وقولي ... هو أن وحشه ولا إيه

.

 

[ميرنا]

انا اعرف بنات عملو التيست عند كوافير معين و نفس اللى حصل فى التيست هو اللى حصل فى الفرح و نشكر ربنا العروسة طلعت امورة .. يمكن الفرق كان فى كريم الاساس او المثبتات او كدة الحاجات اللى بتخلى الميكب يقعد فترة اطول .. لكن مفترض الالوان هى هى و بنفس الدرجة .. لو الكوافير عمل غير التيست المفروض الوصيفة بتاعتك بتكون واقفة على ايده عشان لو بوظ حاجة هى بتقوله عشان العروسة مش بتبقى فايقة طبعا

لا حاسبى مهى دى مواهب بلدنا يحبو يطلعو العروسة مخنوقة من نفسا عشان تتخانق مع خطيبها ويا تفك يا تطلق حاجة من اتنين :beee:

 

[ميرنا]

يا ضنايا يا بنتي
يعني وشك بقي معمل تجارب ؟
​

لا يا واعى منا بتعلم الحمد لله انى فى الخطوبتين فكيت:beee: عشان محدش يقولى صور فين بعدين لو النحس اتفك واتخطبت تالت مش هعمل خطوبة اصلا كل واحد يلبس دبلته ونتقابل يوم الفرح :smil12: بلا خنقة يا راجل