لو شخص بيحبك وانت رغم انك عارف مش قادر تحبه هاتعمل ايه ؟؟

[meero]

انا عايزة اخد رأيكم فى موضوع مهم بالنسبه لى
لو واحد بيحبك كتيييير وقالك انه بيحبك وانه يتمنى يعيش
معاك وانت متأكد من كلامه وانه عايز يرتبط بيك وفى نفس الوقت انت مش حاسس بكلامه
بمعنى اصح انت مش بتحبه الحب اللى يقصده انت بتعتبره
مجرد اخ او قريب او صديق فقط
واحيانا بتضايق من احساسه وتحس انك حجر ومش حاسس بيه
او يضايقك حبه ليك وانت ولا هنا وحاجات كتييير بضايق وتحسسك بالذنب

ياريت كل واحد يقولى لو اتحط فى وضع زى دا هايعمل ايه

 

[+Roka_Jesus+]

موضوع فعلا مهم
ده اكيد بيختلف عن طريقة الحب نفسها يعني فيس تو فيس ولا عن طريق النت
​

 

[besm alslib]

الموضوع ده مفيهوش احساس بالذنب لانو مصير انسان

دي مش لعبه هتلعبي بيها شويه وترميها

ده مصيرك ولو انتي مش حاسا اي شي تجاهه

فمينفعش ولا باي شكل تحسي بالذنب لان الاحساس بالذنب

ده هو بداية الموافقه على شي غلط

انا عني للامانه مريت في الموقف ده بس كنت صريحه جدا وقلت اني مش بحس بالانسان ده

وعلى فكره قلتهالو بوشو لان الموضوع ده بالذات مينفعش فيه لعب او كسوف او احساس بالذنب

لان لما حياتك تتدمر مش هتروحي للقس تقوليلو احساسي بالذنب هو اللي خلاني ارتبط فيه

زي مبتحسي بالذنب تجاهو حسي بالذنب تجاه نفسك واعرفي انك بتدمري نفسك لو وافقتي على وضع غلط


و معلش انا بالعاده برغي كتير

ونصيحه من انسانه بتتمنى الخير لكل بنت فكري كويس ومتخليش اي مشاعر تمشيكي في طريق غلط


​

 

[besm alslib]

اوبااااااااا انا نسيت موضوع حب عن طريق النت ده

بس روكا فكرتني فيه

لو الموضوع عالنت يبقى انسي خااااااااااااالص حتى لو قالك انو بيموت عشانك

كل ده لعب عيال سوري يعني انا كلامي الاول عن لو كان حد معرفه شخصيه مش نت
​

 

[+Roka_Jesus+]

بس احيانا في حالات الحب عن طريق بتنجح
​

 

[TULiP TO JESUS]

سؤال مهم جدا يا ميرو
طلما مش بتبادلية نفس الشعور يبقي لازم متخدعيهوش وتوصليلة دة ولكن بذكاء وبحرص علي مشاعرة واحساسة
اكيد الانسان اللي بيكن لي في قلبة المشاعر الجميلة دي ميستحقش مني غير رفق بقلبة
دا لو حد عادي مش بيحبك بتخافي علي مشاعرة امال شخص حبك ؟!
يبقي لازم توصلي دة برقة علشان ميتالمش وكمان الاهم انك مش تقولي لحد
يعني شيء مش لطيف ابدا لو الواحد يقول للناس فلان بيحبني وانا رفضت دة
موضوع مهم
الرب معك​

 

[besm alslib]

بس احيانا في حالات الحب عن طريق بتنجح
​

بصراحه الله اعلم حسب بقى الانسان بس المشكله ايا كان ميتضمنش
​

 

[kalimooo]

الموضوع لو نت امر مفروغ منه

ولو عادي بحاول اشرحله واصارحه

ولو لم يقتنع هو الخسران ماذا افعل له

المشكلة عنده ما فيش عندي مشكل

 

[sony_33]

هو واضح ان الموضوع مش نت
اقولك رأى
لو مش حاسة بية قليلو بصراحة انا مش حاسة انى اقدر احبك
مفهاش ذنب ولا حاجة
مش احسن ميفضل كدة على عماة
ام سكوتك معناة انك موافقة على شعورة نحوك بس مترددة
شكرا​

 

[meero]

موضوع فعلا مهم

ده اكيد بيختلف عن طريقة الحب نفسها يعني فيس تو فيس ولا عن طريق النت​

لا مش عن طريق النت دا شخص قريب
لو عن طريق النت ساهله ايه اللى هايخلينى اكلمه
اصلا
وميرسى روكا للاهتمامك

 

[meero]

ميرسى حبيبتى (باسم الصليب )
على رأيك وكلامك صح 100%
وميرسى لنصيحه بجد مرورك اسعدنى كتير

 

[ميرنا]

لو مش حاسة بيه يبقى هترشى بيه شفقة ولا جبر خواطر انتى مش مجبره تعيشى مع حد مش حساه ولانك اول حد هيندم يبقى من الاول هو يعرف حب من طرف واحد مسيرة الفشل باى شكل

 

[meero]

سؤال مهم جدا يا ميرو​

طلما مش بتبادلية نفس الشعور يبقي لازم متخدعيهوش وتوصليلة دة ولكن بذكاء وبحرص علي مشاعرة واحساسة
اكيد الانسان اللي بيكن لي في قلبة المشاعر الجميلة دي ميستحقش مني غير رفق بقلبة
دا لو حد عادي مش بيحبك بتخافي علي مشاعرة امال شخص حبك ؟!
يبقي لازم توصلي دة برقة علشان ميتالمش وكمان الاهم انك مش تقولي لحد
يعني شيء مش لطيف ابدا لو الواحد يقول للناس فلان بيحبني وانا رفضت دة
موضوع مهم


الرب معك ​

ميرسى حبيبى لمرورك وكلامك الجميل دا

 

[meero]

الموضوع لو نت امر مفروغ منه

ولو عادي بحاول اشرحله واصارحه

ولو لم يقتنع هو الخسران ماذا افعل له

المشكلة عنده ما فيش عندي مشكل

ميرسى كليمو لمرورك
واهتمامك ورأيك فى الموضوع اسعدنى كتير

 

[meero]

هو واضح ان الموضوع مش نت

اقولك رأى
لو مش حاسة بية قليلو بصراحة انا مش حاسة انى اقدر احبك
مفهاش ذنب ولا حاجة
مش احسن ميفضل كدة على عماة
ام سكوتك معناة انك موافقة على شعورة نحوك بس مترددة

شكرا​

ميرسى سونى على مرورك
وكلامك اكيد صح 100%
ميرسى للرد والاهتمام

 

[Dona Nabil]

ده اسمه حب من طرف واحد يعنى مصيره الفشل لانه مستحيل انك تقبلى شخص لمجرد انه بيحبك
لازم علشان الحب ينجح ويدوم يكون متساوى فى كل شىء حتى المشاعر
ميرررسى يا ميرووو