للعزاب والعازبات حصريا.. asmicheal

[asmicheal]

كفتة الارز على طريقتى روعة

​

كفتة الارز على طريقتى روعة

كفتة داود باشا
المقادير
كيلو لحمة مفرومة
علبة سبايسى كامينا للكفتة المشوية ( العلبة كيسان هتستخدمى كيس واحد فقط )
2 كوب ارز يضرب فى مطحنة البهارات ضرب خفيف وليس بودرة
زيت للقلى

الصلصة
2 ثمرة طماطم تقشريها ثم تضعيها فى الخلاط
ربع ملعقة ثو مفرى
ملعقة سمنة

الطريقة
يخلط كيلو اللحم مع الاسبايسى مع ال الارز المفرى
تكورى كور صغيرة قد البلى (لانة ينفش ) او اصابع حسب رغبتك
تقلى الكور فى الزيت حتى اللون الذهبى
ترفع وتترك تبر قليلا
ويمكن تخزينها كور مقلية فى اكياس وتوضع ب ال ديب فريزر لحين استخدامها
توضع فى الصلصة


الصلصة
يسخن السمن
يوضع ربع ملعقة الثوم حتى تصفر
يضاف عصير ثمرتين الطماطم
تترك حتى تغلى لا تسبك جامد
بمجرد ما تغلى غلوتين
ضعى الكفتة الكور المقلية
وطى النار
واتركيها تستوى ( حوالى 10 دقائق )
وبالهنا والشفا



=




=

 

[asmicheal]

لانشون لحم

​

طريقة عمل اللانشون لحم
المقادير:
عدد 3جبن نستو
عدد 3بيضه
3 ملاعق دقيق
3 ملاعق زيت
3 ملاعق لحم مفروم
3 ملاعق بنجر مفروم
4 فصوص حبهان مطحون
معلقة فلفل اسود مطحون
6 فصوص ثوم
مقدارملح

التحضير:

المقادير السائله البيض والجبن و البنجر
والزيت والفلفل والحبهان والثوم والملح ونحطهم فى الهراسه
او الخلاط ونبدا بالخلط
بعد كده حطى اللحم المفروم واخلطى
ضيفى الدقيق شويه بعد شويه واخلطى
يظهر خليط كثيف ومتجانس
حضرى كبايه سالستين وادهنيها زيت
وحطى الخليط فى الكبايه
وهزيها علشان الهوا يطلع
وغطيه بورق الفويل لطبخ:
حضرى حله فيها ميه وخليها تغلى
وبعدين حطى الكبايه
وخليها تغلى لمده نص ساعه والغطى مقفول وبعدين
هدى النار وسبيها من ساعه لساعه ونص وكل ما استوت كويس
هتكون النتيجه هايله
بعد السوا سبيه يبرد وبعدين قطعيه

منقول ومجرباه حلو

=




=

 

[asmicheal]

​

طريقة عمل أحلي لانشون فراخ.........في المنزل
أولاً - المقادير
1-نصف كيلو صدور فراخ مخليه
2-نصف م.ص ثوم
3-شوية كسبره ناشفه مطحونه
4-1بيضه
5-ملح وفلفل وشوية شطه كمان (هذا غختياري من حيث حبك للشطه)
6-1/2 2 م بقسماط

ثانياً الطريقه:
1-نضع في الكبه كل ما سبق ونفرمهم معا حتي تتكون لدينا عجينه
2-نأتي بورق ألومنيوم وندهنه بالقليييل من الماده الدهنيه
3-نضع العجين اللي عملناها بها ونلفها علي هيئة اسطوانه ونضبطها كي تكون متساويه وشكلها عامل زي بتاعة اللانشوه
4-نضعها في صينيه بها ماء وندخلها الفرن لمدة تقريبا 1 ساعه ممكن تقل او تزيد حسب ما تحسي انها استوت
5-توضع في الثلاجه الي ان تبرد ثم تقدم
نصيحه (لا تحاولي تذوقها بعد الخروج من الفرن )









=





=

 

[asmicheal]

خلطة روعة للبانية من الصديقة عبير فوزى
كوبين زبادى
معلقه كبيرة مايونيز
ملح فلفل
بصله مقطعه نص
راس توم او اقل شويه
نص كوب زيت
نص كوب ميه وممكن يزيد على حسب الحاجه
معلقتين زيت
فلفلايه رومى وطمطايه مقطعه وكله فى الخلاط

الاستخدامات بقى
1- تجيبى شرايح البانيه قبل البيض والبقسماط يتنقع فى الخليط ده لمده ساعتين فى التلاجه
يطلع من التلاجه تسيبى شريحه فى الصوص وتقطعيها صغير والباقى تتبليه عادى الاول دقيق وبعدين بيض وبقسماط والعادى بقى
الشريحه الى باقيه فى الصوص بعد ماتحمرى لسان عصفور تحطى عليه الصوص بالشريحه الى باقيه وعلى برام وفى الفرن
2-
تحمرى مكعبات فراخ لحد ماتحمر بالبصل والتوم وتحسىانها بدأت تتدبل انزلى عليها بشرايح الجزر وطماطم مقطعه رفيع منزوعه القشر
واول ماتحسى انها بدأت تتسبك انقليها على صينيه او برام وعليها الصوص وسيبها تتشرب فى الفرن ولو مش حابه ممكن تكملى فى الطاسه
3- الصوص لوحده على مكرونه مسلوقه وسلطه خضرا ويقدم على وشها بقدونس
اما موضوع البانيه بصى انا باحط دقيق فى الاول عليه ملح وفلفل على البيض والتوم والبصل البودرة بيبقى نص معلقه على البقسماط
وفكرة حلوة لو حطيتى على البقسماط كورن فليكس مجروش بيبقى مقرمش بعد القلى بس المهم تضغطى على الفراخ كويس علشان مينزلش منك فى الزيت









==

 

[asmicheal]

​

البــــــــــــط المسلـــــــــــــوق
الطريقة الاولى طريقتى الخاصة غير منقولة بس روعة

للحصول على بط بدون زفارة عيبها الوحيد تقطيع البطة

يغسل بالملح و الدقيق جيدا مثل باقى الطيور ثم ينقع فى ماء و خل لمدة 1/4 ساعة

تقطعى البطة ل 4 اجزاء
فى صينية مناسبة متسعة تضعى سمنه وتحمرى البطة من الناحيتين
تنشلى البطة
تسخنى ماء حوالى 8 كوب حتى يغلى
تضعى البطة لتسلق
مع ملح وفلفل وحبهان ولورا



طريقة ثانية
أولا : يغسل بالملح و الدقيق جيدا مثل باقى الطيور ثم ينقع فى ماء و خل لمدة 1/4 ساعة

ثانيا : تغلى الماء ثم تضيفى البط ولا تغطى عليها حتى لا تغمق الشوربة و إنزعى الريم كلما تكون و تضيفى بصلة متوسط معاهم و بعد نزع الريم ضيفى فصين حبهان + فصين مستكة + ورقة لورا ( لورى أو غار ) + فلفل أسود
وهنا ممكن تغطى على البطة ( خوفا من أن تطير من الحلة ) و قرب النضج ضيفى الملح [و طبعا الحاجات ديه تضاف بعد نزع الريم حتى لا تنزع معه من الأول ] و بس خلاص هى ديه كل الحكاية شفت بقى سهلة إزاى

ملحـــــوظة :
ممكن إضافة قليل من الخل إلى الماء وهذا يساعد على سرعة النضج و وكذلك لا يكون لها رائحة



البـــــــــــــط المحمـــــــــــــــر

أولا التحمير بالفرن
* بعد سلق البط تصفى جيدا من ماء السلق
* تدهن البطة بالصلصة أو السمن و تدخل الفرن و تفتح الشواية و تترك حتى تحمر مع مراعاة تقليبها على كل الجوانب حتى لا تحترق

ثانيا : التحمير فى السمن
* بعد سلق البط تصفى جيدا من ماء السلق
* تقدح ملعقتى سمن و تحمر البطة فيهما مع مراعاة التقليب كلما إحمر جانب منها
و تقدم فى طبق مفروش بورق من الخس أو أرز خلطة ( وسبق شرحه من قبل )
ويجمل بطرنشات الطماطم و الخيار و الجزر و بالهنا و الشفا

ملحوظـــــــــــة

هذه هى الطريقة االأساسية فى عمل و طهى جميع أنواع الطيور( بط ـ أوز ـ ديك رومى ـ دجاج ـ.......إلخ )


منقولة بس نفس طريقتى

=


https://www.youtube.com/watch?v=xbEf6uTjddI&ab_channel=مشمنقول_الوصفةبايدكعلىموبيلكفىمطبخك


=

 

[asmicheal]

القلقاس وتريكاتة على طريقتى

​

القلقاس وتريكاتة على طريقتى
================
المقادير
كيلو قلقاس
3 - 4 مج شوربة
عصير ليمونة


الخضرة
2 حزمة سلق
1 حزمة كسبرة
1 حزمة شبت

ملعقة ثوم مفرى

الطريقة

خدعة الخضرة الرهيبة
- اغسلى خضرة القلقاس (يقرطف السلق كالملوخية )
- اتركيها تصفى ميتها قطعيها بالعرض لتصبح مستطيلات صغيرة
- ضعيها فى كيس مفرودة بالفريزر لتتجمد
- بالكبة اضربيها هتصبح بودرة رائعة
-اقدحى 4 ملاعق سمن وحمرى فيها الخضرة قبل ما تنشف ضعى ملعقة الثوم وقلبيها الى ان تصفر الثوم وتنشف الخضرة واحترسى لا تحرقيها


- يقشر القلقاس ويمسح بفوطة
- يقطع مربعات
- تغلى الشوربة ويوضع بها القلقاس ليستوى (اوعى يتهرى ) تعصرى علية ليمونة
- يوضع الخضرة على القلقاس المسلوق ويغلى على نار هادئة 5 دقائق
بالهنا والشفا

ملحوظة
=====
1-
لو هتعملى القلقاس بلحمة
-تشوحى اللحمة بملعقة سمنة مع بصلة
- تضعى 3 - 4 مج ماء
-تزيلى الريمة وتضيفى ملح وفلفل وحبهان وتتركى اللحم يستوى
- تضعى القلقاس المربعات فى الشوربة وتكملى عادى


2-
الان لا يوجد قلقاس بستخدم قلقاس بسمة داخلة كيس خضرة مفرى
يحمر فى السمنة
ولما يقرب ينشف تضعى علية ملعقة ثوم صغيرة تصفر معه


3-
يمكنك عمل خضرة كثيرة وتقسيمها لعبوات لكل طبخة ودى ممكن تقعد معاكى خضرة القلقاس المحمرة بالثوم لمدة سنة بغير ما تتغير
ويادوب
تغلى الشوربة تضعى فيها مربعات القلقاس وعصير ليمونة حتى يستوى القلقاس
ثم تضيفى الخضرة




=

 

[asmicheal]

​

ف السريع ... · لازانيا
· نصف كيلو لحم مفروم
10 وحدات لازانيا خضراء أو صفراء .
· كيلو لحم مفروم .
· بصلتان مفرومتان .
· 2 ملعقة كبيرة بقدونس مفروم .
· 4 حبات من الطماطم المقطعة .
· 2 ملعقة أكل كبيرة زعتر
· 4 ملاعق كبيرة صلصة الطماطم .
· كأس من جبنة الموزاريلا مبشورة .
· ملعقة صغيرة بهار .
· 2 ملعقة صغيرة ملح .
· 4 كؤوس صلصة البشاميل .
الـطـريـقـة : -
1- تسلق اللازانيا كل واحدة على حدة .تسلق فى ماء مغلى وملح وزيت نصف سلقه ثم توضع فى الحال فى ماء بارد
2- يحمر البصل بقليل من الزيت ثم يضاف إليه اللحم والبقدونس والبهارات
والملح .
3- بعد دقيقتين يضاف إليه الطماطم والزعتر والصلصة ويحرك جيداً .
4- يرفع على النار ويترك جانبا وتحضر صينية بايركس ويصب في قاعها قليل من صلصة البشاميل ويرص فوقها 3 شرائح من اللازانيا ثم يوضع فوق الشرائح قليل من اللحم المفروم وقليل من الجبن المبشور ثم تسقى بقليل من البشاميل .
وهذا تتبع نفس الطريقة مع باقي شرائح اللازانيا حتى تغطى آخر طبقة البشاميل ثم الجبن المبشور ثم تدخل بعد ذلك في الفرن لمدة 2/1 ساعة بعد ذلك تقدم وهي ساخنة .
=




=

 

[asmicheal]

​

البـــــــاســـــــــتـــــــا الايطاليه

500 جرام باستا ( مكرونه) اى نوع
500 جرام لحم مفروم
5 حبات طماطم
5 حبات مشروم او اكثر حسب الرغبه
معلقه كبيره Organo (دا نوع من الزعتر بس مش مطحون)
فص ثوم + 3 بصلات متوسطين الحجم
معلقه شاى فلفل اسود+ ملح حسب الرغبه
5 معالق كبيره صلصه المكرونه
200 جرام جبن موتزريلا
4 الى 6 معالق جبن سائل
علبتين كريمه + كوب لبن طازج
1/2 كوب زيت زيتون
اوراق بقدونس طازج للديكور


الطريقة

1- نسلق المكرونه مع الملح
2- نقطع البصل ونقليه فى زيت الزيتون
3- نضيف اللحم ونتركه على النار لربع ساعه حتى ينضج
4- لصلصه المكرونه نقطع الطماطم ونضيفه لمده 15 الى 20 دقيقه
حتى ينشف ماء الطماطم مع مراعاه التحريك المستمر
5- نقطع الثوم ونضيف له الكريمه الحامضه فى **ديه لحالها
ونضيف لها 1/4 معلقه من الـ organo + الملح + الفلفل الاسود + الحليب + الجبن السائل
6- نرفع المكرونه من النار ، نصفيها ، نضع لها صلصله المكرونه
7- نأخذ خلطه اللحم ونضيف له باقى الـ organo + ملح + فلفل اسود ونخلطهم مع المكرونه على نار هادئه
8- نقطع المشروم ونضيفه للخليط الى ان يلين ثم نرفعه من النار
9- نسكب خليط المكرونه فى طبق التقديم و نبشر فوقه الجبنه الموتزاريلا
ثم نصب عليه خلطه الكريمه الحامضه
10- بعد ذلك نضعه 10 دقائق فى الميكروويف لكى يذوب الجبن ويقدم


منقول ومجرباة روعة



=






=






=

 

[asmicheal]

​

الـــدجـــــاج الـــمـــتــــبـــل بالـــبـــهــــارات الايـــطــــالــــيــــه مــع الــفـــيـــتــــوتـــشـــيـــنـــى
المقادير:
- 4 قطع من انصاف صدور الدجاج
- 4 معالق اكل من زيت الزيتون
-1 ونصف معلقه شاى من الثوم المفروم جيدا
-3/4 معلقه شاى من البهارات الايطاليه
- علبه من مكرونه فيتوتشينى وتطهى حسب تعليمات العلبه

طريقه التحضير:
1-يسخن الفرن على درجه حراره 350 ونأخذ وعاء طهى للفرن وندهنه بالزيت
2-يخلط زيت الزيتون مع الثوم والبهارات الايطاليه فى وعاء وتضاف على الدجاج بالفرشاه وتدهن كل ناحيه فيها
3-تتبل فى الثلاجه لمده ربع الى نصف ساعه بعدها نضعه فى وعاء الفرن لمده 40 دقيقه الى ان يستوى الدجاج
4- يقدم الدجاج فى طبق مع الفيتوتشينى والذره المسلوقه ويزين حسب الذوق





منقول ومجرباة روعة







=






=

 

[asmicheal]

​

تسالى لطيفة
الدوريتوس “Doritos” فى المنزل بوصفة بسيطة وسهلة..
1 كوب دقيق
1\2 كوب دقيق ذره
2ملعقه كبيره زيت
1ملعقه صغيره ملح
1 ملعقه صغيره سكر
1\2 ملعقه صغيره كمون
1\2 ملعقه صغيره كركم
1\2 ملعقه صغيره شطه
الطريقة
- يتم عجن كل هذا مع بعض بماء دافئ وتكون العجينه ناشفه
- وتترك العجين ترتاح حوالى 1\2 ساعه وتقسم هذه العجينه الى قطع صغيره حوالى 15 قطعه
- ثم بعد ذلك نبدأ نفرد القطعه الاولى بالزيت على الرخامه
ونحاول ان تفرد على قدر المستطاع
- ونسخن طاسه تيفال على النار بدون اى ماده دهنيه ونضع العجينه المفروده فيها

- ثم نقلبها على الجهه الاخرى وهى مش باخد وقت خالص ومش لازم تتحمر لالالالا
وبعد ان ننهى الكميه كلها نبدأ نقطع انصاف ثم ارباع ثم اثمان

-وبعد تقطيع كل الكميه نقلى هذه المثلثات فى زيت عميق لمده دقيقه واحده او حنى ناخذ لون ذهبى فاتح

- وبتخرجه على ورق نشاف
بالهنا والشفا

منقول وروعة




=

 

[asmicheal]

عاوزة اقول لكم على طريقتى بكباب الحلة
لانها روعة ياريت تجربوها
المقادير
كيلو لحم يقطع مربعات
ربع ملعقة ملح وقليل من الفلفل الاسود قليل من القرفة هامه تعطى طعم مميز جدا
بصلة كبيرة تقشر وتترك صحيحة
ملعقة سمنة
ربع ملعقة ثوم مفرى

الطريقة
-تتبلى مكعبات اللحم بالملح والفلفل والقرفة
-تضعى مكعبات اللحم المتبلة على النار مع البصلة الصحيحة
- تقلبى حتى تشرب اللحم مائها على نار هادية
- تضعى ملعقة السمنة وتقلبى اللحم
- تضعى ربع ملعقة الثوم وتقلبى
-تضيفى نصف كوب ماء
-تقلبى وتتركية يتشربه على نار هادية وهكذا حتى تستوى اللحم
- يقدم كباب الحلة مع ارز مفلفل مع توزيع صوص الكباب عليه وسلطة خضراء
بالهنا والشفا








=






=

 

[asmicheal]

​

عاوزة اقول لكم على طبق من اختراعى رائع ومكتمل العناصر الغذائية ويحبة الجميع
مكرونة بالصلصة البيضاء
كيس مكرونة (400 جرام ) يفضل الشرائط ويمكن باى نوع
2 مرقة ماجى
4 ملاعق صغيرة دقيق
4 ملاعق زبدة او سمنه
2 كوب لين
نصف كوب مبشور جبن موتزريلا وشيدر
يمكن اضافة مربعات لحم فراخ مسلوقة
الطريقة
- تسلق المكرونة
-تضعى ملعقتين زبدة او سمن وتقلبى فيهم المكرونة المصفاة حتى تتفلفل
-تدوبى ملعقتين الزبدة او السمنة وتضيفى لها ال 4 ملاعق دقيق وتقلبيها حتى لا تكلكع
- تضعى بالصلصة البيضاء ال 2 مرقة وتدوبيها وعلى نار هادئة حتى يكثف قوامها ترفع من النار
- تضعى الصلصة البيضاء مع الجبن المبشور وقطع الفراخ المربعات و تقلبيها على النار دقيقة
- تضعى فيها المكرونة المسلوقة المصفاة على النار دقيقة تقدم ساخنة
بالهنا والشفا

الصورة من النت الطريقة من اختراعى

=

 

[asmicheal]

طريقة تحويل الزبدة الى سمن

​

طريقة تحويل الزبدة الى سمن
الزبد لو كان لونه ابيض تبق زبده جاموسى واللون الاصفر زبدة بقرى وهناك فرق فلوس وطعم
الزبده الجاموسى اغل ودسمه وطبعا البقرى العكس
اي كمية من الزبدة بتسبيها تسيح على نار متوسطة

و هنا بعد ما ساحت بتظبطي النار بحيث ان الزبدة تغلى بس على خفيف مع التقليب على فترات

تسبيها تغلى لحد ما تفصل هتلاقي لونها هيبدأ يتغير يبقى شفاف شوية لو واخدة بالك الطبقة الاولى بدأت تخف


كل شوية قلبى عليها
لما تلاقيها فصلت كدة بتحطي م ملح ربع معلقه ملح صغيره لكل كيلو ذبدة و تقلبى و دقيقتين و طفي النار


هنا بعد ما طفيتي النار و سبتيها تهدى شوية

اتركيها تبرد وضعيها فى برطمانات من الزجاج وممكن تتركيه من غير ثلاجه لمده شهرين بس انا بحب احفظها فى الثلاجه لاانى اتركه لمده طويله

طبعا اللي في القاع دة اللبن او المرتة اللي ممكن تستخدميها في عمل البيض و الفول او حطيها مع المش بيدلها طعم حلو











=

 

[asmicheal]

نييجى بقى للكلام المهم - كل سنة وانتم طيبين حبايبى المسلمين

كيفية اختيار الذبيحة السليمة .

https://www.youtube.com/watch?v=wQ_sRnKYRnc

=​

 

[أَمَة]

تسلم ايدك يا حبيبتي على استمراريتك.... :018A1D~146:

 

[asmicheal]

طبق مشــــويات ضانى

​

​

​

طبق مشــــويات ضانى

ربع كيلو لحم ضانى صغير من بيت الكلاوى
نصف كيلو ريش ضانى صغيرة
ربع كيلو كبدة شرايح رفيعة
2 كلاوى ضانى
4 قطع صغيرة من اللية فى حجم البندقة
2 بصلة مفرومة فرما ناعما
2 معلقة كبيرة عصير ليمون
ملح وفلفل
الطريقة
تشق الكلاوى نصفين وتغسل جيدا
نغسل اللحمة والريش ثم ينقع الجميع فى البصل
المبشور بعد دعكه بالملح والفلفل وعصير الليمون
يترك الخليط منقوعا لمدة نصف ساعة
يشوى فى الشواية بعد دهنها بالزيت او على الفحم
اول ما تشوفى الدم ابتدى يظهر على سطح اللحمة
نقلب اللحمة على طول على الناحية التانية
لحد ما تلاقى برضة الدم ظهر على اللحمة بعدها
تقلبى اللحمة لحد ما تستوى لمدة دقايق
نشيل اللحمة من على الشواية ونرصصها على
طبق مفروش بالبقدونس


=

 

[asmicheal]

اللحمة الضانى بالفرن


اللحمة الضانى بالفرن
نصف كيلوغرام لحم، ضاني
بصل- بصلتان جوليان او ممكن مكعبات
نصف كوب زبادي
واحد فلفل أخضر، مبشور او مقطع
- اثنين فص ثوم
-طمطماية طماطم، مبشورة
- واحد ملعقة كبيرة خل
-واحد ملعقة صغيره شطة، حسب الرغبة
- ربع ملعقة صغيره فلفل أسود، حسب الرغبة
ربع ملعقة صغيره بهارات لحمة
- نصف ملعقة صغيره قرفة
- نصف ملعقة صغيره كمون
ملح

طريقة تحضير اللحمة الضانى بالفرن
-في قدر ماءٍ مغلي، يوضع اللحم لمدة خمس دقائق ثم يغسل جيداً.

-في وعاء، تخلط جميع المكونات ويتبل بها اللحم ثم يترك في الثلاجة ليلة كاملة.

-يوضع في صينية ويدخل إلى الفرن حتى ينضج ثم ينقل إلى طبق التقديم ويقدم ساخناً.

=









=[/SIZE]​

​

 

[asmicheal]

​

طاجن بامية باللحمة الضاني
كيلو نصف لحم، ضانئ
1 بصلة، مفرومة حلقات مقطعة
1، باقة كزبرة (يمكن الاستغناء عنها )
500 جرام بامية
ملعقة مفرية ثوم
عصير كيلو طماطم
ملح وفلفل أسود
2 فلفل حار
4 ملعقة كبيرة زيت او سمنة
الطريقة
- في قدر على النار، يوضع الزيت مضاف عليه البصل ويقلى جيداً ليصفر لونه ثم تضاف اللحمة وتقلى.
- تضاف الطماطم، الصلصة، الفلفل، الثوم والملح وتقلى ثم يضاف الماء لتنضج اللحمة.
- تضاف البامية والكزبرة المفرومة ناعم على قدر اللحمة وتوضع في طاجن ثم تدخل الفرن حتى تستوي مع بعضها البعض.
=












=





=

 

[asmicheal]

​

بالنسبة للشوى
اهم حاجة تنغز اللحم بالسكين وتنقع اللحم على الاقل ليلة بالخلطة فى الثلاجة ادنى وقت ممكن 6 ساعات
شوى الضان بطريقة سهلة
• لحمة ضاني مقطعة مكعبات متوسطة الحجم أو “ريش”.
• كوب كبير عصيرطماطم.
• ملعقة صغيرة فلفل أسود.
• ملعقة صغيرة شطة حمراءناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورةناعم.
• 1 بصلة كبيرة.
• فلفل رومي أخضر.
• نص فنجان زيت.
الطريقة:
1. نغسل اللحم جيدا
2. نعد تتبيلة اللحم وهي عبارة عن “الزيت + الخل + الكمون
+ جوزة الطيب + البصلة + عصير الطماطم + الفلفل الأسود +
الفلفل الأخضر + الثوم + الشطة” ونضربهم معا في الخلاط.
3. ثم نحضر صينية وندهنها بااتتبيلة ثم نبدأ في
رص اللحمة في صورة طبقات وبين كل طبقة وطبقة نضع خلطة
التتبيل…
4. بعدما ننتهى من التتبيل ، توضع الصينية فى التلاجه ليلة بحالها
لمدة 6 ساعات، وبعدها نستطيع شيها على الشواية الكهرباء أوالفحم
بالف هنا وشفا
عيد سعيد


=

 

[asmicheal]

ديك رومى محشى فريك بالفرن بدون سلق

​

عاوزة اقول لكم على حاجة لطيفة جربتها وطلعت روعة
ديك رومى محشى فريك بالفرن بدون سلق
المقادير
ديك رومى 4 كجم
2 كيس فريك الضحى
8 بصلات
بابريكا - ملعقة كبيرة ملح - ملعقتين خل - فلفل اسود - ملعقة ثوم مفرى
كوب زبادى
ملعقة نعناع ناشف مفرى ناعم
عصير برتقال
4 ملعقة سمنة كبيرة
الطريقة
-بعد ذوبان الديك (موجود منتجات الاديرة بكنيسة العذراء الزيتون )

- معلومة جديدة للديك
نظفي الديك واغسليه جيداًً تحت ماء جارية
كوبان من الملح الخشن
نذوّب الملح في كميّة كافية من الماء، ونسكبه بعد ذلك على الديك الرومي، ونغمره بالمزيد من الماء حتى يُغمر. نترك الديك الرومي منقوعاً في الماء المملح لمدة لا تقل عن ساعتين، ثمّ نرفع الديك من الماء، ونضعه في مصفاة حتى يتصفى.

- فى الخلاط تضربى 5 بصلات مع بابريكا - ملعقة كبيرة ملح - ملعقتين خل - فلفل اسود - ملعقة ثوم مفرى
كوب زبادى
-تضعى الخليط فى مصفاة لينزل عصير بصل فقط على الديك تدهنية بيه من جوة ومن برة
- تدهنى الديك من الخارج بالخلطة وتشققيه بالسكينة وتحقنية بالخلطة
- تغطية بالفويل و تتركية ليلة بالثلاجة
- تجهزى الفريك 2 كيس الضحى تغسلى الفريك وتتركية بلا نقع
تحمرى 3 بصلات مفرية عليها ملعقة ملح فى 3 ملاعق كبيرة سمنة واول ما تصفر تضعى الفريك وتقلبية مع البصلة حتى يفلفل
-تسخنى 3ونصف كوب ماء كبيرة حتى الغليان
-تضعى الماء المغلى على الفريك
-تفركى النعناع الناشف فى مصفاة شاى لينزل بودرة على الفريك
-تقلبية وتقفلى علية وتتركية يستوى على نار هادئة حوالى 10 - 15 دقيقة
- تسلقى كبدة واونصة الديك
-تحشى الديك انا بحشى من الطبلة ومن الداخل (بيبقى عامل زى الفنادق هههههههه )
-تضعى الكبدة والاونصة وتخيططى على الحشو وتربطى رجلين الديك
- تجهزى صينية منايسبة بولرق فويل 4 طبقات
- تضعى اما جزر او انصاف برتقال او بصل بالقاع تحت الديك حتى لا يلتصق بالقاع
-تضعى الديك وتضعى بقاع الصينية كوب واحد مملوء ماء مغلى
- ملعة سمنة مع عصير برتقالتين تدهنى بيها الديك من الخارج
-تضعى بصلتين فوقة حتى لا يلتصق فويل تغطيته بلحم الديك
-4 طبقات فويل تغطى بيها
- تسخنى الفرن على 220 درجة
-تضعى الديك مغطى ساعة ونصف ثم ترفعى عنه الغطاء حوالى 15- 30 دقيقة حتى يصير لونة ذهبيا
- لا يحتاج تقليب نهائى هوة طلع زى الصورة دى من النت بس ملحقتش اصورة طار هههههههههههه
بالهنا والشفا ياريت تجربوة











=