للبنات فقط ...

[REDEMPTION]

+

سلام نعمه ..

تفضلت الاخت العزيزه ميرنا بطرح موضوع للشباب فقط ... وعلى نفس القياس اطرح هذا الموضوع ... ولكن للبنات فقط




1 - من الشاب الذى يلفت انتباهك وتشعرى انك منجذبه لسماعه او رؤيته ؟

2 - ايهما يلفت انتباهك فى الشاب .. قوته الجسمانيه .. ام وسامته .. او هدوءه وادبه ؟

3 - ما رأيك فى شباب اليوم من حيث :

- الثقافة
- المبادىء
- الادب

4 - من هو الشاب الذى يجبرك على احترامه ؟

5 - ان اعجبت بشاب وتحول هذا الاعجاب الى حب ... كيف تخبرينه بذلك ؟ (( مطلوب طريقه ))

6 - هل تخبرى حبيبك او خطيبك بأدق تفاصيل حياتك ؟

7 - ما رأيك فى الحب عن طريق الانترنت (( اختارى اجابه واحده ))

- جيد ومن الممكن ان يكون حب ناجح
- غير ناجح
- لا ادرى

8 - اكتشفتى ان حبيبك على علا قه بفتاه اخرى .. ماذا تفعلى ؟


9 - ايهما تفضلى :

- شاب ذو عواطف ملتهبه
- شاب وقور هادىء
- شاب بارد

 

[ميرنا]

بقا دا مقلب تعمله يا طارق ماشى اللى بنعمله فى الناس هتعملوه فينا

 

[Coptic Man]

احييك يا طارق علي الموضوع الجميل

وفي انتظار ردوده

حتي تكون الاستفادة للجميع

 

[><)))))*>]

:smil7: ايوة كدة يا طارق

 

[ميرنا]

1 - من الشاب الذى يلفت انتباهك وتشعرى انك منجذبه لسماعه او رؤيته ؟

اللى بيحسسنى باهتمامه دايما ودايما على باله
2 - ايهما يلفت انتباهك فى الشاب .. قوته الجسمانيه .. ام وسامته .. او هدوءه وادبه ؟
هدوء وادبه ووسامته

3 - ما رأيك فى شباب اليوم من حيث :


- الثقافة
- المبادىء
- الادب

الادب بصراحه
4 - من هو الشاب الذى يجبرك على احترامه ؟

اللى بيحترمنى ومش بيعدى حدوده

5 - ان اعجبت بشاب وتحول هذا الاعجاب الى حب ... كيف تخبرينه بذلك ؟ (( مطلوب طريقه ))
بما انى لخمه ومش جريئه يعنى احاول احسسه انى مهمتمه بيه اكتر من اى حد دايما اسمع كلامه احترمه احاول متدخلش فى اى امور مش بيحب يفتكرها
6 - هل تخبرى حبيبك او خطيبك بأدق تفاصيل حياتك ؟
اكيد طبعا

7 - ما رأيك فى الحب عن طريق الانترنت (( اختارى اجابه واحده ))

- جيد ومن الممكن ان يكون حب ناجح
- غير ناجح
- لا ادرى

جيد ومن الممكن يكون ناجح بس على شرط يكون عارفين بعض سؤا اتقابلو او كانو يعرفو بعض بس عرفو بعض اكتر عن طريق النت اما نت اول عن اخر بتكون صعبه شويه
8 - اكتشفتى ان حبيبك على علا قه بفتاه اخرى .. ماذا تفعلى ؟
هنسحب من سكات


9 - ايهما تفضلى :

- شاب ذو عواطف ملتهبه
- شاب وقور هادىء
- شاب بارد

وقور وهادىء

 

[REDEMPTION]

+

معلش يا ميرنا فيه حكمة بتقول (( على الباغى تدور الدوائر )) :smile01 ... منتظر اجابتك واجابات كل العضوات وفيه جايزه لاحسن تعليق فى اخر المشاركات

اشكركم ><)))))*> و mena_hot .. .. اشكركم على التشجيع :11:

ا

 

[الرائحة الذكية]

+

سلام نعمه ..

سلام ونعمة

تفضلت الاخت العزيزه ميرنا بطرح موضوع للشباب فقط ... وعلى نفس القياس اطرح هذا الموضوع ... ولكن للبنات فقط




1 - من الشاب الذى يلفت انتباهك وتشعرى انك منجذبه لسماعه او رؤيته ؟

الشاب اللطيف اللذيذ الخفيف على المعدة((سهل الهضم يعنى)):99:

2 - ايهما يلفت انتباهك فى الشاب .. قوته الجسمانيه .. ام وسامته .. او هدوءه وادبه ؟

اول شئ يلفت انتباهى فى الشاب هو مظهره ووسامته لكن بعد كده هدوءه وادبه وشخصيته..

3 - ما رأيك فى شباب اليوم من حيث :

- الثقافة
ضاربين طبعا .. لكن مش كلهم فى شباب مثقف بردو لكن ثقافة ضحلة ..

- المبادىء
يعنى فى ناس كويسة الى حد ما لكن مش كتير ..

- الادب
فى المؤدب والمحترم وفى النص نص وفى الوحش ده موجود فى كل عصر او زمن ..

4 - من هو الشاب الذى يجبرك على احترامه ؟

الشاب اللى بيحترم نفسه اولا..

5 - ان اعجبت بشاب وتحول هذا الاعجاب الى حب ... كيف تخبرينه بذلك ؟ (( مطلوب طريقه ))

هابعتله رسالة على الموبايل او ايميل مثلا وهاقوله انى بحبه ..

6 - هل تخبرى حبيبك او خطيبك بأدق تفاصيل حياتك ؟

حسب التفاصيل دى شكلها ايه .. يعنى فى حاجات شخصية مش هاقولها مثلا..

7 - ما رأيك فى الحب عن طريق الانترنت (( اختارى اجابه واحده ))

- جيد ومن الممكن ان يكون حب ناجح
- غير ناجح
- لا ادرى

غير ناجح

8 - اكتشفتى ان حبيبك على علا قه بفتاه اخرى .. ماذا تفعلى ؟

هاكسر دماغه طبعا ههههههه .. لا هاضايق طبعا وهافرقعه فورا ..


9 - ايهما تفضلى :

- شاب ذو عواطف ملتهبه
- شاب وقور هادىء
- شاب بارد

شاب ذو عواطف ملتهبة ..

شكرا يا طارق بس ليه الاحراج ده لازم تكسفنا يعنى

 

[REDEMPTION]

13 - ما رأيك فى شباب اليوم من حيث :


- الثقافة
- المبادىء
- الادب

الادب بصراحه

ميرنا انا عاوز رأيك فى شباب (( اليوم )) من حيث الثقافة والمبادىء والادب .. يعنى تقوليلى رأيك فى كل دول ...


جميل ناردين تعليقك ... مع بعض الملاحظات الى هقولها اخر المشاركات

فين باقى العضوات :a4:

 

[ميرنا]

ما رأيك فى شباب اليوم من حيث :

- الثقافة
- المبادىء
- الادب

الثقافه فعلا مش كتار خالص

المبادىء تقريبا ضئيل جدا اللى فى الزمن دا عنده مبادىء وبيطبقها

الادب بقى بصراحه منغير زعل ضئيل لما تلاقيه فى الشباب منكرش انى فيهم كويس جدا كمان لكن معظمهم انتو عارفين

 

[الرائحة الذكية]

جميل ناردين تعليقك ... مع بعض الملاحظات الى هقولها اخر المشاركات

فين باقى العضوات :a4:

لسه هاستنى اخر المشاركات ؟؟؟؟؟​

 

[artamisss]

+

سلام نعمه ..


1 - من الشاب الذى يلفت انتباهك وتشعرى انك منجذبه لسماعه او رؤيته ؟

الشخصيه اللى احس انى بستفيد من القعده معاها يعنى تفيدنى فى اثراء معلوماتى اتعلم منها مواقف او خبرة فى الحياه بالاضافه للشخصيه الجنتل احترمها جدا للى بتدى المرأة حقها من غيرتكلف

2 - ايهما يلفت انتباهك فى الشاب .. قوته الجسمانيه .. ام وسامته .. او هدوءه وادبه ؟
قوته الجسمانيه يعنى يكون ممشوق القوام والوسامه عادى ادام مقبول شغال والهدوء والادب طبعا
3 - ما رأيك فى شباب اليوم من حيث :

- الثقافة
- المبادىء
- الادب
من حيث الثقافه احيانا بحسهم صففرررررررررررررررر
من حيث المبادئ ليهم مبادئ غريبه بس انا معرفهاش ههههه
الادب لما تكون الشخصيه اللى قدامهم تجبرهم على انهم يحترومها بس لكن لو اترفع التكليف هاتلاقى قله ادب
4 - من هو الشاب الذى يجبرك على احترامه ؟
الشخص اللى يحترمنى ويقدرنى ويعرف قيمتى كويس
5 - ان اعجبت بشاب وتحول هذا الاعجاب الى حب ... كيف تخبرينه بذلك ؟ (( مطلوب طريقه ))
استحاااااااااااااااااااااااااااااااااااااله اقوله لانه جايز يلقطها وهى طايرة ويستغل الفرصه ويعجب بنفسه ويقعد يقول انا حواليا كتير
اقصى طموحى انى هاهتم بيه فقط زياده هو يلاحظها مش البشر كلهم يلاحظوها
6 - هل تخبرى حبيبك او خطيبك بأدق تفاصيل حياتك ؟
لا طبعا ليه ده لسه خطيبى مش جوزى يعنى لو ماحصلش نصيب يبقى ايه بقى كل اسرارى معاه لا طبعا
7 - ما رأيك فى الحب عن طريق الانترنت (( اختارى اجابه واحده ))

- جيد ومن الممكن ان يكون حب ناجح
- غير ناجح
- لا ادرى
مقدرش اقول ناجح ومقدرش اقول فاشل لكن لو الطرفين جادين فعلا ليه لاء
8 - اكتشفتى ان حبيبك على علا قه بفتاه اخرى .. ماذا تفعلى ؟

اعرف بدأها من امتى العلاقه دى ايه حدودها بالظبط هل تطورت الى حد غير مقبول ايه سلوكيات البنت دى
وفى الاخر اكيد هاهزئه واسيبه وامشى
9 - ايهما تفضلى :

شاب عواطفه ملتهبه ها يجيييييييييييييد التعبير عن حبه وده اللى يعجبنى
- شاب ذو عواطف ملتهبه
- شاب وقور هادىء
- شاب بارد

مفيش احسن من كدة بقى المشرفه جاوبت بكل صراحه هاتشرد انا عارفه فى المنتدى بكرة :new6:

 

[REDEMPTION]

+


معلش يا ناردين كلها كام سنه ان شاء ونخلص الموضوع ووقتها هقولك على تعليقاتى :teeth_smile:

ومش معقوله هو المنتدى ما فيهوش بنات ولا ايه !!

الانسات الفاضلات ... اين انتم ؟؟ :teeth_smile:

 

[ميرنا]

قول يا رجاله هتلاقيهم هنا مفيش انسات

 

[REDEMPTION]

+

اشكرك جدا يا artamisss

وواضح اوى انك مشرفه ديمقراطيه جداااااااااا .. بدليل انك ما بخلتيش عليا بالمشاركات وكتبتى تلات مشاركات مره واحده ورا بعض :08:

 

[blackguitar]

هابعتله رسالة على الموبايل او ايميل مثلا وهاقوله انى بحبه ..

دانتى جريئه اوى يا ناردين هههههههههههههه

اقصى طموحى انى هاهتم بيه فقط زياده هو يلاحظها مش البشر كلهم يلاحظوها
6 - هل تخبرى حبيبك او خطيبك بأدق تفاصيل حياتك ؟
لا طبعا ليه ده لسه خطيبى مش جوزى يعنى لو ماحصلش نصيب يبقى ايه بقى كل اسرارى معاه لا طبعا

لا بجد .....عجبونى اوى الرأين دول
ايه الحلاوة دى يا ديانا ههههههههههههههههه

موضوع جميل يا طارق وجااااااااااااااااى فالجوووووووووووون
يلا كله يطلع بفضايحه

 

[REDEMPTION]

+

واضح ان ما اغلب البنات اللى فى المنتدى مكسوفين ...

هقول بعض الملاحظات على مشاركاتكم ... وده رأى شخصى ..

تفضلت ميرنا وقالت كل اللى فعلا عاوز اشوفه فى بنات اليوم من ناحية افكارهم ونظرتهم للطرف الاخر ... اهنيكى يا ميرنا .... بس يا ريت يكون الكلام ده فعلا حقيقى ...


ناردين .. او الرائحه الذكيه ....

انتى قولتى يا ناردين بالنسبة للثقافه انهم :

(( ضاربين طبعا .. لكن مش كلهم فى شباب مثقف بردو لكن ثقافة ضحلة .. ))

وبصراحه مش كلهم مثقفين زى ما قولتى ... لكن برضه المثقفين فيهم .. ثقافتهم مش ضحلة .. يعنى انتى خلتيى حتى المثقفين منهم .. ذو ثقافة ضحله برضه .. يعنى ما فيش حد مثقف ثقافة قويه ... ... طبعا دى يا ناردين نظره غير واقعيه للامور .... انتى ممكن يكون صادفك فى حياتك النوعيات دى من الشباب اللى هما (( ضاربين )) فى ثقافتهم ... لكن فيهم شباب ثقافتهم رائعه ... بجد ... بس هما محتاجين الفرصه مش اكتر ...

كمان ناردين قولتى فى الطريقه اللى هتستخدميها علشان تعرفى شاب انك بتحبيه او معجبه بيه انك :

(( هابعتله رسالة على الموبايل او ايميل مثلا وهاقوله انى بحبه .. ))

وبصراحه دى جراءه كبيره شويه .. مش لاننا شرقيين .. اتربينا على عادات وتقاليد ... لاء ... لكن عاوز اقول ان اللى بيضفى جمال على الفتاه .. اى فتاه ... هو حياءها .. خجلها .. وده بيذكيها اكتر عند الشاب .. ما اجمل الفتاه الرقيقه .. لان الرقه ابدا لا تهمش المرأه .. او تجعلها فى المرتبه الثانيه عند الرجل .. اطلاقا ... بل اجد ان المراه الرقيقه الخجوله بطبعها ... تعلم جيدا قيمتها .. وذاتها .. هى امرأه ... يجب ان لا تحاول ان تقلد الرجل .. لان لكل نوع سماته .. وتكوينه .. وطبيعته ..

ما زلنا مع ناردين ... وقالت عند سؤالها عن هل ستخبر حبيبها او خطيبها عن ادق تفاصيل حياتها .. اجابت :

(( حسب التفاصيل دى شكلها ايه .. يعنى فى حاجات شخصية مش هاقولها مثلا.. ))

طبعا يا ناردين من حق (( خطيبك )) ان يعرف كل شىء عنك ... ولا اقصد التفاصيل الخاصه بالبنات وخلافه ... انتى تفهمين طبعا ما اقصده ... ولكنى اقصد تفاصيل حياتك الروحيه والعاطفيه والاجتتماعيه والنفسيه .. فى الماضى (( على سبيل المعرفه ليس اكثر )) والحاضر (( بدقه )) ..

لكن حبيبك ... ليس من حقه معرفة تلك التفاصيل .. الا اذا انتى اخبرتيه بذلك ... او كان بينكم حب عميق وانتى تثقين تماما انه جاد بالفعل فى الارتباط بك (( وهذا يحتاج الى معرفة كيف اكتشف انه جاد )) ... ولكن لا يفضل ان يعلم كل شىء عنك ... ولكن حياتك العاطفيه السابقه تهمه ايضاً .. وقد تكون هى الاستثناء الوحيد ..

وبسؤالك عن الحب على الانترنت هل هو ناجح ام لا .. اجبتى :

(( غير ناجح ))

اعرف اكثر من شاب منهم من تزوج او خاطب .. وتعرفوا عن طريق الانترنت (( كبدايه )) .. ويعيشوا فى سعاده بالفعل ... ولكن التعارف لهدف الارتباط على الانترنت له اصول .. وقواعد يجب على اى من الطرفين ان يكون حريص على الا يتعداها ..



artamisss


(( قوته الجسمانيه يعنى يكون ممشوق القوام والوسامه عادى ادام مقبول شغال والهدوء والادب طبعا ))

من الطبيعى ان يلتف انتباهنا الشكل والمظهر الخارجى .. ولكن لا ينبغى ان يأخذ ذلك اكثر من دقائق .. وبعدها نهتم بالجوهر .. لانه هو الذى سيستمر معنا الى المنتهى ..

(( ن حيث الثقافه احيانا بحسهم صففرررررررررررررررر
من حيث المبادئ ليهم مبادئ غريبه بس انا معرفهاش ههههه
الادب لما تكون الشخصيه اللى قدامهم تجبرهم على انهم يحترومها بس لكن لو اترفع التكليف هاتلاقى قله ادب ))

النسبة للثقافه .. ارجوا قرائت ردى على ناردين فى هذه النقطه ... الادب ........ من يحترم الشخص المحترم فقط ولا يحترم الاخرين ويعاملهم بالمثل (( اى بقلة ادب )) اذا هو ايضاً يفتقر الى الادب

(( استحاااااااااااااااااااااااااااااااااااااله اقوله لانه جايز يلقطها وهى طايرة ويستغل الفرصه ويعجب بنفسه ويقعد يقول انا حواليا كتير
اقصى طموحى انى هاهتم بيه فقط زياده هو يلاحظها مش البشر كلهم يلاحظوه ))

لا تعليق ..

(( لا طبعا ليه ده لسه خطيبى مش جوزى يعنى لو ماحصلش نصيب يبقى ايه بقى كل اسرارى معاه لا طبعا ))

طالما لم تثقى فيه ... اذا لماذا وافقتى على الارتباط به ؟؟ !! ... من حقه ان يعلم كل اسرارك ... كلها ... لكن ... بعد انت تتاكدى من انه يحبك من اعماقه بالفعل ... وانتى ايضاً تحبيه ... لانه ما اجمل ان يكون الارتباط قائم على الصدق والصراحه ... منذ البدايه

(( شاب عواطفه ملتهبه ها يجيييييييييييييد التعبير عن حبه وده اللى يعجبنى ))

يقول علماء النفس ... الشاب العاطفى (( جدا ))... هو شاب .. فى الغالب شهوانى ... لا يستطيع تحمل المسئوليه الكامله ... أنانى ... سطحى ... يهتم بالمظهر اكثر من الجوهر .. متقلب .. يكذب كثيراً ...

هذا رأى علماء النفس .... ورأيى ايضاً

انتظر تعليقاتكم

 

[ميرنا]

الحمد لله برىء مش عليا اى تعليقات خالص ربنا يستر دانتا طلعت القطط الفطسانه

 

[REDEMPTION]

+

الحكايه مش قطط فطسانه يا ميرنا ...ابدا صدقينى ... انا لا اقصد ابدا فى تعليقاتى انى انتقد الشخص نفسه ... لانه من الممكن ان يكون الشخص قال وجهة نظر المجتمع والبيئه اللى عايش فيها لكن عند الواقع العملى ممكن وجهة النظر دى تتغير .... وايضاً تعليقاتى ليست من الثوابت التى ينبغى على الكل السير على خطاها ..

تقدرى تقولى ان كل انسان له فلسفته ووجهة نظره فى الامور المختلفه اللى بيمر بيها

كل تحيه وتقدير لكل الاعضاء .. وكل محبه حقيقيه نابعه من القلب اليهم جميعاً ...

صلواتكم عنى

طارق ..

 

[Coptic Man]

تحليل دقيق وجميل يا طارق

لك تحياتي اخي الحبيب

 

[girl_in_jesus]

انا هقول رأيى مع انى حسيت ان التعليقات خلصت...........


1 - من الشاب الذى يلفت انتباهك وتشعرى انك منجذبه لسماعه او رؤيته ؟


اولا الشاب اللى احس انه مهتم بيا وثانيا اللى احس انه محبوب ومحترم....


2 - ايهما يلفت انتباهك فى الشاب .. قوته الجسمانيه .. ام وسامته .. او هدوءه وادبه ؟

انا رأيى اللى يكون جسمه كويس وشكله مقبول ومؤدب وعمتا انا مبفضلش الشاب الهادى لان الهدوء ده من طبع البنات ((ومقصدش انه يكون معفرت خير الامور الوسط))بس ده ميمنعش ان فى شباب هاديه وفى بنات بتحب كده رأيى مش مقياش ريختير يعنى.........:t33:


3 - ما رأيك فى شباب اليوم من حيث :


- الثقافة

فى مثقف وفى مش مثقف بس الاغلب ((مش)).....

- المبادىء

ممكن يكون فى ناس عندها مبادئ بس دى قليل....

- الادب

فى شباب مؤدب جدااا حتى لو مع بنت مش كويسه بس الاغلب ((لو البنت مؤدبه يبقي مؤدب لو مش مؤدبه يبقي كذلك))


4 - من هو الشاب الذى يجبرك على احترامه ؟

اللى بيحترم نفسه واللى حواليه اكيد لما يكون كده مش هبقي انا قليله ذوق معاه....


5 - ان اعجبت بشاب وتحول هذا الاعجاب الى حب ... كيف تخبرينه بذلك ؟ (( مطلوب طريقه ))

انا عن نفسي بصراحه مش هحب واحد وهى مش بيحبنى او لسه بيفكر بس لو حصل اكيد ههتم بيه ولو محستش قبول للاهتمام ده خلاص مستحيل اقوله انى بحبه نهائي حتى لو هموت عليه وهبتدى احاول انسى الموضوع ده ...........اما البنات اللى بتروح تقول لولد انه بيحبها بتغنى اغنيه ((اقولك بحبك)) لاصاله .....


6 - هل تخبرى حبيبك او خطيبك بأدق تفاصيل حياتك ؟


اولا :: حبيبى -----> اكيد مش هحبه غير لما اكون واثقه فيه وساعتها هتبقي تفصيل حياتى ممكن بس مش كله بصراحه...

ثانيا :: خطيبى -----> لو حسيت اننا بنحب بعض بجد وواثقين فى بعض اكيد هيبقي ده من حقه.....

7 - ما رأيك فى الحب عن طريق الانترنت (( اختارى اجابه واحده ))

- جيد ومن الممكن ان يكون حب ناجح
- غير ناجح
- لا ادرى

جيد ومن الممكن ان يكون حب ناجح جدااا كمان لو هما الاتنين جادين وبيحبوا بجد واكيد مش هيحبوا بعض بجد غير لما يشوفوا بعض ويعرفوا بعض على طبيعتهم كويس....

8 - اكتشفتى ان حبيبك على علا قه بفتاه اخرى .. ماذا تفعلى ؟

علاقه بقتاه اخرى؟؟؟ خيانه !!!! انا عن نفسي مقبلش الكذب فى العلاقه يبقي الخيانه هى انفصال بلا راجعه حتى لو عمل ايه لانى هنسحب من حياته اصلا....

9 - ايهما تفضلى :

- شاب ذو عواطف ملتهبه
- شاب وقور هادىء
- شاب بارد


اكيد شاب وقور بس مش هادى واكيد يكون بيعرف يعبر عن مشاعره ............
:36_3_11:

ربنا يباركك موضوع حلو جدااا بس ربنا يستر من القطط الفطسانه :yaka: