#كلمتين_في_ودنك عيد الحب

[لمسة يسوع]

#كلمتين_في_ودنك عيد الحب :

من النهاردة بليل في ناس بتجهز لبكره عشان ناس بتحبها....
( أعمل إلا عليك عشان تسعد انسان بتحبه وكن امين مع هذا الانسان الي النهاية )

وفي ناس دلوقتي حزينة عشان لسه مفيش حد مناسب.....
( لو لسه الانسان المناسب مش موجود ثق ان الله من محبته محضر ليك النافع ليك في الوقت المناسب)

وإلا كان في حد في حياته و مكملش........
(أعرف ان الله صالح جدا و لو كان في ارتباط و مكملش لخيرك و ربنا عنده الافضل لحياتك )

الحب الحقيقي بين اثنين مش ورد و هدية و بس ....
لأن كل ده مجرد تعبير مادي !
الأهم التعبير الفعلي انك تكون بتسعد الانسان المرتبط بيه بفعل محبة و احتمال و صبر و ثقه و تفهم....

و الحب الحقيقي الا من خلاله هتعرف معني الحب و ازاي تحب شريك حياتك يأتي من منبع الحب الإلهي ❤

و ده بيكون من خلال الصلاة التي هي أساسا العلاقة مع شخص الله عشان كده قال القديس أغسطينوس:
❤الصلاة هى بلوغ العقل المملوء حبا إلى الله
إنها تشغل الذهن والقلب والفكر والرغبة والمعرفة والحب الإلهي❤ #اقول_الاباء_القديسين

ما أجمل كلمات الآباء عن الحب الإلهي هي خلاصه خبره سنين من الجهاد الروحي و الحب الإلهي الذي اشعل قلبهم محبه في الله بدون توقف و به اصبح حبهم للجميع من نبع الحب الإلهي بدون توقف .

مع محبتي الصادقة في المسيح يسوع
أبونا
مكاريوس بولس