تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="خادم البتول, post: 3426979, member: 113971"] [COLOR="Black"][FONT="Times New Roman"][SIZE="5"][COLOR=Black][FONT=Times New Roman][SIZE=5][COLOR=Black][FONT=Times New Roman][SIZE=5][COLOR=Black][FONT=Times New Roman][SIZE=5][CENTER][INDENT] الكلام كتير، غالبا أكتر مما يتخيل أي حد! :).. ولأن الكلام كتير لازم أختصر كتير. بالتالي مش ح اتكلم النهارده عن الأميرة آريال، ولا ح اتكلم عن الإجابات الذكية الرائعة، ولا حتى ح اتكلم عن القفشات اللماحة المرحة. الشيء الأبرز والمفاجئ بالنسبة لي كان استخدام حبو المستمر [B]للصور[/B]، مع مراعاة إن الصور تعبر دايما عن كلامها ومواقفها المختلفة! الأسلوب ده من حبو مش بس كان مدهش، قدم لنا "فيلم" جديد لآريال بمعايشة حية، على الأقل من ناحيتها، ومش بس ساهم في إحساس البهجة الجميل في كل رسايلها، إنما كان [B]إبداع [/B]في ذاته ماخطرش بالطبع لا على بالي ولا على بال عبود في التحضير المبدئي.. بالتالي حبو في الحقيقة أثرت التجربة كلها فوق ما نتصور. احنا بالطبع كنا عارفين إنها ح تثري الحوار بمجرد وجودها ومشاركتها، لكن لمسات إضافية صغيرة منها ـ زي موضوع الصور ده ـ خلى اللقاء كله بالفعل يتجاوز أي توقع كان عندنا! لكن بعيدا عن آريال ـ ونظرا لأني لازم اختصر كلام كتير زي ما أشرت ـ ح انتقل مباشرة [B]لشخصية [/B]حبو نفسها.. بعضكم يمكن عارف إن أول "قراءة" للشخصية عندي بتعتمد كتير على الاسم والصورة اللي كل عضو بيختارهم يعبر بيهم عن نفسه، وطبعا الصورة هي العنصر الأهم.. النهارده ولأول مرة ح اشارك الجميع: يا ترى الصورة اللي اختارتها حبو بتقولنا إيه عنها؟ [IMG]http://www.arabchurch.com/forums/customavatars/avatar110495_12.gif[/IMG] [B]طفلة[/B]: بكل معاني الطفولة.. [B]ووردة[/B]: بكل معاني الجمال! لكن فيه في الصورة دي شيء مهم وفريد من نوعه، ويمكن يكون بدون مبالغة أحد [B]المفاتيح [/B]الرئيسية لفهم شخصية حبو. الشيء الفريد في الصورة هو إن البنت ببساطة مش بتبص ناحية [B]الكاميرا[/B]، ويمكن تكون حتى مش عارفه إنها بتتصور. البنت يتشم الوردة و"عايشة" معاها، بتبتسم لها ومستمتعة بيها، وكل ده بغض النظر تماما عن "[B]وضعها[/B]" في الكادر أو "[B]شكلها[/B]" في الصورة النهائية! بعبارة أخرى: [B]الطفلة[/B] / [B]حبو [/B]مش منشغلة كتير بصورتها في العالم! طبعا كل الرموز دي بتكون لا واعية لما بنختار صورنا، لكنها بتكون حقيقية جدا. حبو من زمان ـ على سبيل المثال ـ وهي عارفة إنها بتغلط في العربي وبتلخبط في أبسط قواعد الإملاء، ومن زمان وهي بالطبع تتمنى ماتغلطش، لكن إجمالا في النهاية لسه بتغلط و ح تفضل تغلط.. ليه؟ حبو تقدر في شهر واحد تتعلم تكتب عربي ممتاز.. لكنها ببساطة في أعماقها كل ده بالنسبة لها [B]مش مهم[/B].. مش مهم "[B]كاميرا[/B]" الناس بتصور إيه.. مش مهم "شكلها" إيه و"صورتها" إيه أمام العالم.. مش مهم رأي الناس في العربي والإملاء أو في أي شيء بتعمله.. المهم هو الوردة: لحظة الجمال والعطر ولحظة استمتاعها بيها وبنفسها وبالحياة كلها! عشان كده حبو تقدر تربي كل الحيوانات [B]بغض النظر [/B]الناس بتربي إيه [B]ورأي الناس إيه [/B]في اللي هي بتربيه.. عشان كده تقدر تنزل البحر وتشوف اللي محدش بيشوفه وكمان تقتنيه وتاخده تغسله وتحتفي بيه [B]وتكشف [/B]لنفسها جماله، وبالطبع بدون أي أنانية منها، لأن العالم لو طلب يشاركها الجمال ده هي بدون تردد بتشاركه، بل بالعكس تتمنى تشاركه.. وأخيرا عشان كده تقدر تيجي منتدى زي ده وتصمد وتستمر مهما كانت عواصف وسموم الكلام اللي ممكن تتعرض لها واللي غيرها ما يحتملهاش.. في كل الحالات هي [B]لا [/B]يعنيها [B]الكادر والصورة[/B].. [B]أي صورة [/B]من أي نوع.. في كل الحالات هي فقط مع لحظة جمال خاصة، لحظة جمال هي بس اللي بتكتشفها وبتشوفها وبتعرف توصلها وتحسها وتحبها ـ في وردة، في حيوان غريب، في شعب مرجانية مهجورة، أو في قلب صديق محب! سلام سلام ألفين سلام.. رغم اختصاري: طال الكلام....... على قلب دافي، أبيض وصافي، يوعد يوافي، ولا يوم يجافي... آه يا حبو ياللي: بدر التمام! آه يا حسنه ياللي: ولا في المنام! كان بدّي أشرح.. معنى الغرام! كان بدي افسر.. لولا الملام! يكفيني اقولك.. ألفين سلام.. دانا رغم اختصاري..... طال الكلام! :) * * * [/INDENT][/CENTER] [/SIZE][/FONT][/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/COLOR] [/QUOTE]

التحقق