قُل " نعلاً " للدستور دعماً للزلابية

[عبود عبده عبود]

أحسن حاجة للى مش فاهم حاجة انه ينزل يقول للدستور
"نعلاً" ..
وهى علامة "ميكس " ما بين " نعم " و " لآ "​

فاللى نفسه ان مصر تستقر وتبقى حلوة ولذيذة
ويبطلوا مليونيات ووجع دماغ
هينزل يقول " نعم " للدستور وخلاص​

واللى مش عاجبه الوضع
وشايف ان الدنيا هتبقى زى الكاكاه فيما بعد
هيقول " لآ "​

ومن أعتز بمش فاهم فلن يُذل
ومن قال "نعلاً" للدستور فلن يَضِل
وعليه بأغنية " أحمد عدوية " – راحوا الحبايب
ييجى يوم عقلى فى رااااسى ويوم مااااا يجيش ...
يووووم ....يوم يوم يوم ...
يابنت السلطان ...حِنى ع الغلبان المية فى أيدكى...​

وبنت السلطان هنا هى " مصر " ...​

وقيل أن السلطان " مورسيكوش " وقت ان فتح مصر
عدى على بتاع " الزلابية " فلقاه حاطط أيده على خده
ومبطل نار ...!!​

فلما سأله قال ان الزيت ناقص !
فأمر على الفور بأمداد المذكور بالزيت اللازم​

ثم أتضح أن هناك نقصاً فى السكر !!
فأمر من توه بأمداده بالسكر​

ثم علم أن الدقيق غير متوفر.. مما يضر بصناعة الزلابية فى بر مصر ..!!
فأمر على الفور بتعليق كل تجار الدقيق على خوازيق قصر الأتحادية​

وهكذا تم توفير الدقيق والسكر والزيت لعم " بتاع الزلابية " ..!!​

لأن اللى بنى مصر كان فى الأصل " أخوانى " ...
حيث برع فى صنع الزلابية المكسوة بالسكر البودرة الناااااااعم
وقام بلفها بورق حكومى أتضح فيما بعد أنها أستمارات الأستفتاء على حكم " مورسيكوش " ..​

وهى تلك الأستمارات التى تَبُتَ فيما بعد أنها أصوات
من قالوا ( لا ) لحكم " مورسيكوش "
فذهبت أصواتهم لدعم صنع الزلابية فى بر مصر​

ولنستكمل أغنية " يا بنت السلطان " ....
محسوبك عدوية
باحب أسكندرية
وكايرو دى بلدى
والدول العربية​

أدينى أدينى أكترررر ...!!!​

:t33::t33::t33::t33::t33:​

 

[عبود عبده عبود]

شكرأ لكل من لّيِّكينى ​