- إنضم
- 6 يوليو 2010
- المشاركات
- 3,777
- مستوى التفاعل
- 1,303
- النقاط
- 0
قواعد ( البنات ) الأربعون
2. اياك تسأل أي بنت مالك؟ لو لقيتها قاعدة متضايقة .. البنات بصفة عامة بيحبوا يقعدوا متضايقين وغالبًا ده ليه علاقة بالجينات والهندسة الوراثية .. لو قررت تبقى فدائي ورحت سألتها هاتديك الرد العبقري ( مفيش ) وانت ممكن تكون بالغباء الكافي وتصدقه .. في الحالة دي هاتلاقيها ماشية تدندن ( فيه حاجات تتحس ومتتقلش ) وهتلاقي نفسك بتكرر السؤال تاني وتالت ومليون مرة لحد ما تبهرك بالرد التاني وهو : شوف انت عملت ايه وانت تعرف ! :act23:
3. أي أكل بتعمله مراتك هو الصحي والمفيد والطريقة الصح لعمل الأكل ده .. المشكلة إنك انت اللي خدت على أكل مامتك مع إنه ( ميتاكلش بصراحة ) !
4. أي بنت في الدنيا مبتحبش تشتري لبس منتشر وفيه ناس كتيرة بتلبسه عشان تتميز عن الباقيين .. وده معناه إنك – لو لا قدر الله – فكرت تشتريلها ليس هدية روح اشتري درع روماني عتيق أو زي خفاش بس يكون بينك ! :new8:
5. اياك تقعد ساكت قدام بنت وإلا هتسألك بتفكر فيه ايه .. ومهما حاولت مش قادرين يصدقوا إن الرجالة أغبى من إنهم يفكروا في أي حاجة ذات قيمة وهايفترضوا فورًا إنك بتفكر في واحدة تانية ومخبي عنها بس باين عليك على فكرة وهي عارفة وساكتة بمزاجها !
6. البنت بتفهم في الديكور وانت لأ عشان دي حاجات بناتي وانت أصلاً كنت عايش في كهف ولو سبتك انت تختار الديكور هاتعيشوا في مقلب زبالة !:11azy:
7. البنت عايزاك تعرف هي عايزة ايه ومن غير ما تقوله .. ولو مجبتوش يبقى انت يا غبي يا بخيل !
8. البنت بتقعد وقت طويل في الحمام لأسباب ملهاش أي علاقة بالحاجات اللي بتدخلك انت الحمام .. غالبًا هم بيدخلوا .. يقفلوا على نفسهم .. بيتنقلوا في الزمن لأيام الديناصورات وبيعيدوا تشكيل مصير الكوكب وبعدها يرجعوا .. وغالبًا برضه هم أسباب انقراض الديناصورات ! :smile02
9. شعر البنت مهم جدًا ولازم تلاحظه وتاخد بالك من اي تسريحة جديدة عملتها حتى لو كان مجرد إنه متنعكش .. المهم تاخد بالك وتتبهر واياك تقول رأيك بأمانة عشان انت أصلاً شعرك وحش ومليان قمل ! :yaka:
10. البنت بتتكلم عشان ربنا خلق لها لسان مش أكتر .. الفروق التلاتة بين الراجل والبنت لما بيتكلموا هو إن الراجل لما بيتكلم بيبقى عنده حاجة يقولها .. لما بيتكلم بيقول الحاجة دي فعلاً .. لما بيقول اللي هو عايزه بيسكت !
11. البنت مبتتخنش إطلاقًا و وزنهم عمره ما بيزيد ما أكلوا .. الجاذبية الأرضية هي اللي بتضطهدهم !
12. البنت عندها قوة ملاحظة مخيفة وتقدر تشوف عينة الـ DNA اللي بنت تانية سابتها على هدومك وبالعين المجردة ! :bud:
13. البنت لما بتمشي بتتحرك بخطوات بطيئة ولو عايز واحدة تمشي بخطوة سريعة قولها إن فيه تخفيضات على أول الشارع !
14. البنت عندها أسماء تانية للحاجات غير المتداولة بين سائر البشر .. يعني الكلب اسمه بوبي .. القميص اسمه شيميز .. والهدية اللي انت جبتها في عيد ميلادها اسمها العك اللي انت جبته!
15. عيد ميلاد البنت هو مناسبة قومية وطنية لازم تاخدلها أجازة وتبدأ تحضرلها من قبلها بعشر شهور على الأقل ولازم تكون الهدية قيمة غالية بتقول إنك بتحبها وعارف بالضبط هي نفسها في ايه وذوقك هو نفس ذوقها .. م الآخر كده ليلة عيد ميلادها ارمي نفسك قدام عربية عشان تخلع ! :hlp:
16. البنت لما بتضحك على أي حاجة بتقولها بيبقى عشان لقت افيه هاتقوله عليك لما تقابل صاحباتها بعد ما تسيبك !:new6:
17. البنت متقدرش تشيل أي حاجة إلا إذا كانت هاتحدفها عليك !:spor24:
18. البنت على طول زهقانة حتى لو خدتها في جولة حول العالم وخضت معاها مغامرات مخضهاش أدهم صبري في حياته .. دايمًا البس تحت هدومك لبس أراجوز و ابتدي اتعلم ازاي تحول التفاح لخواتم فيها فصوص ماس من دلوقتي !:crazy_pil
19. لما بنت تتكلم حاول – مع إن ده شبه مستحيل – تركز في كل اللي بتقوله لأن البنات عندهم مقدرة مذهلة يقولوا معلومات شديدة الأهمية وسط الكلام .. يعني عادي جدًا تلاقي البنت بتقول : ولما رحت أشتري الشنطة ملقتش لون التوكة اللي انا عايزها فسألت على الموز لقيته أغلى من بتاعة اللبن اللي على أول الشارع وطلعت مرات صاحبك بتخونه مع جوز أختك فعديت على بتاع السمك وجبت من عنده أربع بيضات وهناك لقيت شراب فيليه .. الخ !
20. لو بنت جت سألتك في لحظة سعادة نادرة ( قولي بصراحة .. كنت بتحب واحدة تانية قبلي ؟ ) إياك ترد عليها بصراحة .. الباب ده لو اتفتح هاتقعد بقيت عمرك بتحاول تقفله والرد الصحيح المعتمد في مثل هذه المواقف هو : حبيبتي .. أنا قبل ما أعرفك أصلاً كنت شاذ ! :smile01
21. البنت بتتعامل مع الطقم الصيني على إنه آثار نادرة لا يصح استخدامها إلا للطواريء .. انت كمان لازم تتعامل مع النيش على إنه مقبرة فرعونية لو دنستها هاتجيلك لعنة الفراعنة !
22. البنت مبتعرفش تسوق ومش ذنبها إطلاقًا إنك كنت ماشي في الشارع أو بتحاول تجري من عربيتها وملحقتش !
23. البنت مبتحبش الولد اللي بيكدب مهما كان السبب .. الإستثناء الوحيد اللي ممكن تعديه لما هي تقولك : قولي كلام حلو !
24. من حق أي بنت تقول على أي ممثل إنه قمور قوي في حين إنه لازم يتطبق عليك الحد لو شفت مونيكا بيلوتشي ومقمتش جبت اللي بطنك امتعاضًا وقرفًا !
25. علاقة البنت بالتليفون هي نفس علاقتك بالكورة .. متحاولش تفهمها ولا تواجهها ولا حتى تتكلم فيها عشان متزعلش !:banned:
26. انت مبتقابلش صحابك إلا صدفة ودي غلطة بيقع فيها ناس كتير .. أصل لو عندك وقت تقابل صحابك يبقى ليه مقعدتش معاها !:ranting:
27. لو قابلت صحابك والبنت سألتك ( هاه واتكلمتوا في ايه ؟ ) اديها رد يخليها تسكت .. قولها مثلاً : كنا بناقش نظرية نيتشه عن الجنس الآري في ظل المعطيات اللي ميشيل فوكو اتكلم عنها في كتابة الأخير واللي دار رادوغا ترجمته عن الروسي .. تيجي أقرالك منه ٣ فصول ؟!:t33:
28. أي حلم بتحلمه أي بنت له دلالة ودايمًا التفسير حاجة من اتنين .. يا انت ماشي مع واحدة تانية .. يا واحدة تانية ماشية معاك !
29. البنت دايمًا شايلة بلاوي جواها وساكتة ومستحملة .. ايه هي البلاوي دي ؟ .. الله أعلم !:bomb:
30. البنت لما بتضايق يتضحك ولما بتفرح بتعيط ولما بتقعد في البيت بتبقى عايزة تخرج ولما بتخرج بتبقى عايزة تروح ولما بتحس إن جالها برد بتعمل كل اللي ربنا يقدرها عليه عشان تعديك !
31. عمرك شفت بنت بتعطس أو بتكح أو السفن أب بيأثر فيها ؟ .. ولا أنا !:t19:
32. البنت بتحب تحس إنها ملكة .. ومفيش ملكة في الدنيا معندهاش عبيد !
33. البنت بتحب الورد مش لأنهم بيعملوا بيه حاجة .. بس مجرد كونهم خلوك تشتري ورد من اللي موجود ببلاش في أي جنينة معناه إنهم انتصروا !:smile01
34. انت بتستحمى بصابونة لكن البنت لأ .. البنت عندها ٩٢٣٤٣ مستحضر تجميل لو حاولت انت تجربهم هاتبوش أو هاتتحول لضفدعة !
35. البنت لما تقولك استناني خمس دقايق يبقى انت عبيط عشان مجبتش معاك حاجة تنام بيها !:a4:
36. البنت لو كانت عايزة تتعلم ازاي تحافظ على الأجهزة مكنتش اتجوزتك عشان تجيبلها غيرها لما تبوظ !
37. البنت لما تخلف بتتحول لأم .. مش أم ولادك وبس لأ أمك انت كمان ولازم تسمع كلامها وإلا مش هاتديك مصروف !:spor22:
38. البنت تحب الراجل اللي يحكمها .. عشان تجيبه وتمشيه على العجين بعدها .. هو ده التحدي ! :ura1:
39. البنت لما تجيب سيرتك من وراك تأكد إنك انت ونص عيلتك بتاخدوا حسنات ببلاش ! :new2:
40. البنات فعلاً أذكى مننا .. بدليل إننا منقدرش نعيش من غيرهم ! :love45:
Tamer Ibrahim
التعديل الأخير:
