قصة المراة الزانية

[حسين دوكي]

سلام و نعمة يسوع رب المجد

كنت اسمع في الماضي و اقتنعت بما سمعت لانني كنت اصدق الاشياء التي اسمعها بسرعة (اشياء معينة) ان قصة المراة الزانية التي وردت في الكتاب المقدس مضافة و انها لا توجد في البردية 66 و المخطوطة السينائية و و و و
هل هذا الكلام صحيح ؟
شكراً لكم و الرب يبارككم.

 

[apostle.paul]

ان قصة المراة الزانية التي وردت في الكتاب المقدس مضافة و انها لا توجد في البردية 66 و المخطوطة السينائية و و و و
هل هذا الكلام صحيح ؟

قصة المراة الزانية فعلا مش موجودة فى اقدم بريات لانجيل يوحنا
بس قبل مناقش القصة نقديا
فى مفهوم تانى لازم تفهمه تاريخيا

تعرف ايه الفرق بين الانجيل الشفاهى والكتابى؟؟

 

[حسين دوكي]

الصراحة لا

منكم نستفيد

 

[apostle.paul]

الصراحة لا

منكم نستفيد

طيب ياعزيزى افهمك
الانجيل مش كتاب
الانجيل رسالة خلاص
وكل رسول من رسل المسيح راح يبشر بانجيل المسيح
مش معناه واخد كتاب يبشر بيه معناه حامل رسالة المسيح
والكنيسة الاولى فى عصر الرسل امنت بالمسيح بدون انجيل
اقوال يسوع والاحداث اللى حصلت مع المسيح الىل كان بيكرز بيها الرسل هو دا الانجيل الشفاهى

والرسل لما طلبوا الكنائس يكتبوا ليهم ما بشروهم بيه
كتبوا بعض اقوال المسيح وبعد الاحداث الىل حصلت معاه فى كتاب (دا الانجيل المكتوب)

الاتنين مصدر للسلطان فى التعليم الرسولى
سواء القصص الانجيلية المكتوبة او المنقولة بالتقليد الشفاهى عن السن رسل المسيح ولا فرق بينهم من حيث سلطانهم فى التعليم

فلنفرض جدلا ان يوحنا لم يكتب هذة القصة فى انجيله
لكن نفس من ينادون بهذة الفكرة قالوا ان القصة من تقليد انجيل يوحنا الشفاهى


طيب قبل مناقش القصة نقديا
هل لو اثبتنا تاريخية القصة وانها فعلا حصلت مع يسوع المسيح
تفرق معانا هل هى بقلم يوحنا الحبيب نفسه او بقلم اخر كتب ما قاله يوحنا الحبيب شفهيا؟؟؟؟؟؟؟؟؟؟؟

 

[حسين دوكي]

اكيد اخي الرسول بولس لان ما دام الي كتبها نقل عن القديس يوحنا تبئا برضو من القديس يوحنا

 

[apostle.paul]

طيب حلو اوى
اذن قبلا المفروض نشوف مصادر خارج نصوص العهد الجديد اتكلمت عن قصة المراة الزانية انها حصلت مع المسيح ولالا
ونبدا بالدسقولية(تعاليم الاباء الرسل)
الاقتباس من كتاب فيلند فيلكر

وترجمة الاقتباس من كتاب الدسقولية
هو كالاتى

من التى امكست فى ذات الفعل وقدموها للمسيح
وقال لها هل ادانك الشيوخ
ولا انا ادينك ايضا اذهبى ولا تخطائى
فين الحوار دا تم؟؟؟؟؟؟
​

 

[حسين دوكي]

في قصة المراة الزانية طبعا الكلام واضح اوي
اه فهمت يعني هو موجود في الانجيل الشفاهي طب في الكتابي موجود برضو؟

 

[apostle.paul]

في قصة المراة الزانية طبعا الكلام واضح اوي

طيب كويس
اذن القصة معروفة ان فى امراة امسكت فى ذات الفعل وقدموها للمسيح وقال لها اما دانك احد ولا انا ادينك اذهبى ولا تخطأى
وهذة القصة لم ترد سوى فى انجيل يوحنا
وهذة القصة موجودة فى التراث المسيحى
يعلق فيلند فيلكر ويقول

ان القصة انتقلت بالتقليد الشفاهى والاناجيل المنحولة
لو رجعنا كدا للاناجيل المنحولة هنلاقى الاتى
فى انجيل منحول يسمى
protogospel of james
الكتاب دا مكتوب فى القرن الثانى
ومكتوب فيه مقولة منسوبة للمسيح
كالاتى
Οὐδὲ ἐγώ κρίνω
وانا لا ادينك
والقديس بابياس اشار لامراة امسكت فى ذات الفعل وقدمت للمسيح فى انجيل يسمى انجيل العبرانين

وانا الى الان لم اناقش القصة نصيا
انا بناقشها تاريخيا الاول
​

 

[حسين دوكي]

طيب كويس اذا القصة موجودة تاريخياً و بالادلة كويس جدا
لكن هل موجودة نصياً في المخطوطات و هكذا ام ماذا ؟
انا خلاص متاكد انه موجودة في التاريخ

 

[apostle.paul]

لكن هل موجودة نصياً في المخطوطات و هكذا ام ماذا ؟
انا خلاص متاكد انه موجودة في التاريخ

طيب كويس نبدا من القرن الرابع فيما اقدم
القصة محذوفة من السينائية والفاتكيانية والاتنين بيعودوا لنفس العائلة ومرجح بقوة انهم من الخمسين نسخة اللى نسخهم يوسابيوس القيصرى للملك قسطنطين
طيب احنا عندنا دليل علمى ان القصة معروفة بالنص فى القرن الرابع
ايوة ...........
اولا القديس جيروم من القرن الرابع اقتبس القصة فى كتاباته
ومش بس كدا دا بيقولنا انه فى زمنه وجد مخطوطات لاتينى ويونانى كثيرة موجود فيها قصة المراة الزانية فى انجيل يوحنا

فى الانجيل حسب القديس يوحنا يوجد العديد من المخطوطات اللاتينى واليونانى يوجد فيها قصة امراة زانية المتهمة قدمت للرب
مش بس كدا
القديس جيروم صنع ترجمة الفلجاتا فى القرن الرابع ووضع فيها قصة المراة الزانية بالكامل
طيب اقدم نسخة للفلجاتا لانجيل القديس يوحنا
هى نسخة من القرن الرابع ويرجح انها نسخة القديس جيروم نفسها
والمخطوطة موجودة فى دير سان جال
ودا نص القصة حسب مااورده العالم [FONT=&quot] هاميلتون تورنرفى نسخته للبشائر الاربعة

فما رائيك؟؟؟؟؟؟؟؟
​

[/FONT]

 

[حسين دوكي]

من كلام الدكتور هولي بايبل الذي سمعته و كلام التاريخ و كلام المخطوطات القديمة يتضح انها موجودة و اكيد لم تضاف
طب ليه المخطوطان السينائية و الفاتيكانية مش موجودة فيهم؟

 

[apostle.paul]

من كلام الدكتور هولي بايبل الذي سمعته و كلام التاريخ و كلام المخطوطات القديمة يتضح انها موجودة و اكيد لم تضاف
طب ليه المخطوطان السينائية و الفاتيكانية مش موجودة فيهم؟

بس علشان نبقى علميين
ومضحكش عليك
انا لا اقدر ان اجزم ان القصة بقلم يوحنا
وتيار علماء النقد النصى يقرون بان القصة ليست بقلم يوحنا
على الجانب التانى تيار علماء النص المسلم بيقولوا القصة بقلم يوحنا
لكن ما نقدر ان نجزم بيه ان القصة تاريخية وجزء لا يتجزا من تقليد انجيل يوحنا
وهذا ما يهمنا نحن كمسيحين ولا يفرق معنا ان القصة بقلم اخر او بقلم يوحنا طالما القصة قانونية وتاريخية
القصة موجودة فى شواهد كتير قديمة
موجودة فى كل شواهد الدياتسرون الغربى
وموجودة فى فلجاتا القديس جيروم
موجودة فى النسخة الممفسية(القبطية)
بيقول الاب متى المسكين فى دفاعه عن اصالة القصة

ودى صورة من النسخة القبطية البحيرية
موجود فيها القصة

ويكمل الاب متى ويقول

فعلا القصة موجودة فى كتاب تعاليم الرسل من القرن الرابع المعتمد على الدسقولية بكلماتها

القصة جزء لا يتجزا من انجيل يوحنا
واقتبس منها القديس اغسطينوس ديدموس الضرير امبروسيوس جيروم امبروساستر والمخطوطات اللاتينية القديمة ومخطوطة بيزا من القرن الخامس
كل مخطوطات النص البيزنطى والقراءات الكنيسة
هناك شواهد غير انجيلية من التقليد المسيحى ذكرت القصة انها حدثت مع المسيح
لا يهمنى القصة بقلم يوحنا او غيره
ما يهمنى هو ان القصة رسولية حقيقية قانونية


تصحيح بسيط ما قولته عن انجيل protogospel of james
الكلام ورد فى بعض المرجع لكن انا راجعت نص الانجيل ملوش علاقة بقصة المراة الزانية للامانة
​

 

[apostle.paul]

نقطة اخيره بالنسبة لمقولة بابياس ومعرفته بقصة المراة الزانية فى تعليق فيلند فيلكر يقول

بيعلق ويقول ان القصة الىل ذكرها من المحتمل انها نفس القصة التى نعرفها اليوم
ويضيف ان معرفة بابياس بالقصة معناها ان القصة فى سنة 100 ميلادية كانت معروفة
ودا بيضيف اكتر ان القصة تحوى تقليد ليسوع حقيقى



​

 

[Twin]

جميل جداً .... ربنا يبارك الأحبة

ينقل الي قسم الرد علي الشبهات​

 

[حسين دوكي]

عمتن انا فهمت هي خلاص موجودة في المخطوطات القديمة جدا و التقليد و و و
و سمعت من الدكتور هولي بايبل انه توجد علامة في المخطوطة تدل انهم يعرفوها و لكن فضلوا ان لا يكتبوها

 

[apostle.paul]

طيب نختم بتعليق فيليب كومفورت

القصة حقيقية تاريخيا
معروفة فى التقليد الشفاهى الرسولى
وان لم تكن بقلم يوحنا ذاته لكنها من تقليد انجيل يوحنا
وقبلت كقصة قانونية فى انجيل يوحنا من الكنيسة ككل
​

 

[حسين دوكي]

شكراً اخي عرفت الاجابة الرب يباركك