تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="Desert Rose, post: 3705525, member: 102180"] [COLOR="RoyalBlue"][FONT="Georgia"][SIZE="5"]عندي تعليقين ، انا دائماً استغرب نقدك الدائم لفاطمة ناعوت، وأحس انك زي ما تكون مش مصدقها او شاكك في نواياها ، معرفش ده إحساسي ، لكن بالنسبه لفاطمة احنا منعرفش عنها غير كتاباتها، يعني مفيش حاجة في حياتها او اي شكوك حواليها انها من المرتزقة المأجورين اللي بيقولو كلام معين ويقبضو من ناس ودوّل لأغراض سياسية معينه ودوّل في مصر فيه منهم كتير ودوّل أولي بالنقد من فاطمة ، وحتي ان كان كتاباتها مجرد كلام علي ورق فهي بردو مش بتضر حد زي باقي الناس اللي افكارهم مسمومه وبتعمل فتن وتنشر الكرة والحقد والتعصب في المجتمع لكن انت عايز تساوينا احنا بالمسلمين اللي بيفرحو بكلام واحد مأجور زي نبيل لوقا بيباوي اللي ياريتو بيهاجم او ينقد علي حق، يعني عارف لو كان بينقد المسيحية ولا المسيحيين وتصرفاتهم ولا البابا علي حاجات فعلا حقيقية مش كدب وتلفيق كنّا احترمناه، يعني مثلا لو مسيحي راح فجر جامع فيه ناس مسلمين ابرياء وطلع نبيل بيباوي يقول ده المسيحيين عندهم فكر ارهابي ، او تصرفاتهم ارهابيه وعنيفة نقول ماشي عنده حق كلام مبني علي واقع فعلا كلنا شايفينه ، إنما انقد وأهاجم لمجرد أني مأجور ومرتزق ، وبعدين تقولنا اننا بنفرح بفاطمة اللي بتتكلم كلمه حق سواء انت وافقت عليها او لا مش مهم ، لان الحق يفضّل حق سواء انا وانت او الكون كله رفض الاعتراف بيه ، اننا بتفرح بيها زي نبيل لوقا بيباوي اللي طوب الارض عارف انه مأجور زيه زي جمال اسعد الكداب المنافق المتملق وتساوي بين واحدة مفيش عليها شبهات وبتقول الحق اللي واضح زي الشمس سواء انت شوفته ولا لا وواحد منافق ومأجور ، يبقا مينفعش ، ولا ايه يا أستاذ عبود؟ ده انت شغلتك القانون يعني خلط الأوراق ده ميطلعش من واحد بيشتغل في القانون :fun_oops: الحاجة التانية ، هي قالت رايها في دبح الحيوانات ، مجابتش سيرة العقيدة ، او الدين ، لو كانت اتكلمت عن دبح الفراخ مكانش حد هاج وماج زي ما عملو في موضوع الأضحية لان الموضوع ببساطة ليه علاقة بالدِّين ، رغم ان أساسا موضوع الأضحية موجود بشكل تاني في العقيدة اليهوديه يعني هي مهاجمتش المسلمين وعقيدتهم يعني بالذات ، هي أساسا مهاجمتش عقيدة هي عبرت عن حزنها علي اللي بيحصل في الحيوانات طبعا انا فاهمه ان الشعوب ألعربيه مبتفهمش يعني ايه رفق بالحيوان ، لأنهم أصلا ميعرفوش يعني ايه رفق بالانسان علشان يرفقو بالحيوان ، انا فاهمه مستوي الوعي عندنا في النقطة ديه شبه منعدم ، وكلامها ده كان هيتاخد عادي جدا لو في مجتمع بيفهم معني الرفق بالحيوانات، انا شخصيا أتألم لما اشوف حيوان بيتبدح قدامي حتي لو في فيديو ، رغم إني مش نباتية ، لكن فعلا الموضوع لما تفكر فيه بحياديه هو فعلا مؤلم واعتقد هو ده اللي هي عملته فكرت في الموضوع بمعزل عن العقيدة بمشاعر إنسانية خالصه لقيته فعلا مؤلم فيه منظمات عالميه زي PETA والمنتجات التجميليه اللي هي Cruelty free يعني انها لم تجرب علي حيوانات موجودة في أماكن كتير في العالم بترفض دبح الحيوانات ، عادي رأيهم ، بس ده مش معناه انهم معترضين علي ربنا ولا انهم ملحدين وفاسدين ، وحتي لو كان. ديه مشاعرهم وده رأيهم ، ناس بتحب الحيوانات عادي يعني لكن انا طبعا فاهمه ليه الشعوب ألعربيه متقدرش تفهم ناعوت ، لأننا عندنا همجيه في التعامل مع الحيوانات ، واعتقد انها اتكلمت عن طريقة الدبح في الشوارع والدم اللي بيملي الارض والشارع ، ده حتي لو انت قلبك جامد ومش بيفرق معاك دبح الحيوانات منظر المجازر اللي بتحصل في الشوارع ولا منظر الناس ولأطفال اللي بتغرق أيديها في الدم ده مش بس منظر غير انساني ده حتي غير حضاري ، ده كان بيحصل في القرون الوسطي مش في 2015 افتكرت لما كنت صغيرة في مصر وانا راجعه من المدرسة كنت بشوف العيال الصغيرة تمسك طوب وزلط وترميه علي الكلاب اللي ماشيه في الشارع بمنتهي الغباء ويبقي الكلب لا بيه ولا عليه ودوّل يرمو بلاهم عليه بمنتهي الغباء، المشكله مش فيهم بس ، المشكله في الناس التنحة اللي حواليهم اللي بدل ما يوعوهم بيوقفو يضحكو او علي الأقل مبيعملوش حاجة لتصحيح السلوك العدواني ده ضد حيوانات لا بيها ولا عليها ، بس احنا كده عندنا ميول للاستقواء والافترا علي الضعيف سواء حيوان او إنسان فأنا فاهمه كويس ان لا دلوقتي ولا القرن الجاي شعوب بالشكل ده ممكن تفهم فاطمة بتقول ايه من الناحية ديه ، كل اللي فرق معاهم وجه في بالهم الدين والدفاع عن الدين اللي لحس مخهم وياريته ظاهر في سلوكهم المقرف سواء ناحية الانسان ولا الحيوان وهنروح بعيد ليه ، ده لِسَّه حادثة الكلب المسكين اللي مسكوه قطعوه لِسَّه حاصله مفيش كأم شهر ، توريك قد ايه انهم لا يمكن يفهمو الست ديه بتقول ايه ووصلت بيهم التفاهه انهم يرفعو عليها قضيه علشان قالت رايها في دبح الحيوانات هي لا منعتك ولا منعت غيرك انك تدبح وتآكل، اذا كانت هي بترفض الدبح والاكل الحيواني هي حرة ، وحرة بردو تقول رايها في الموضوع مش فاهمه انا ايه معني الهجوم ده كله ، مع ان فيه ناس بتقول حاجات غبيه ممكن تولع في المجتمع هي اللي تستحق يتفردلها مقالات وكتب في قله أدبها وغباءها مش فاطمة ناعوت اللي علي الاخر الزمن نساويها بالماجورين زي نبيل بيباوي ولا نساوي المسيحيين بالمسلمين الفرحانيين باي شتيمة وخلاص ، المسيحيين مش تافهين وأغبياء وعندهم احقاد للدرجة ديه ، زي ما هما بردو مش ملايكة لكن الموضوع ملوش علاقة بالملائكيه قد ما ليه علاقة بطريقة التفكير وانا قولتلك قبل كده محاولاتك لمساواة طريقة تفكير المسيحي بالمسلم في اي حاجة محاولات فاشلة وأي عيل صغير عارف انها فاشلة ، لأنك اعتقد لا يمكن هتقدر تعرف او توصل احنا اتربينا ازاي وباي طريقة تفكير ده مش تكبر او تعالي لكنه فعلا اختلاف كبير جدا وحقيقي[/SIZE][/FONT][/COLOR] [/QUOTE]

التحقق