عيشة خنقة وزنقة وقرف

[ABOTARBO]

عيشة خنقة وزنقة وقرف

ليه ربنا هايعاقبنا بعد مانموت واحنا اصلاً عايشين في جهنم نفسها... عايشين حياة خنقة وزهق وملل وعيشة صعبة وتجارب وحزن و....
ولما بنعمل حاجة تزعل ربنا بتبقيى غصب عننا من كتر الهم من كتر من احنا مش عايشين أصلاً فليه هايعاقبنا...
أكيد عدى عليك الكلام دا في يوم من الأيام أو انت شخصياً عايشة وجواك... بس مين قال ان احنا هنخش النار؟؟؟؟

عشان نتفق أنا معاكم وموافقاكم في وجهة النظر وشايف إن الدنيا على الأرض جهنم ومش حلوة بس خليني أسأل سؤال.... تفتكروا إن ربنا مش شايف أيه اللي بيحصل على الأرض؟؟؟

يمكن اللي باين إن الموضوع فلت من إيد ربنا وإن ربنا سايبنا نولع في الأرض وكأننا مش ولاد ملك الملوك!!!! طب ولما احنا ولاد ملك الملوك ومش لائيين نعيش.. يبقه ازاي يعني؟؟؟؟
طيب جربنا نصبر شوية يمكن الوضع يختلف.. يعني أيه وازاي وامته؟؟؟

ساعات ربنا بيحطنا في الفرن عارفين ليه؟؟؟ لأنه شايف فينا "نوع لحمة" كويسه فبينتبه لحياتنا ويبتدي يشكل فينا... والمصيبة انه بينتبه لينا فبيركز معانا.. وهنا تبدأ المعاناه والأسئلة وتلاقي نفسك بقيت قاعد في أوضة لوحدك "الفرن" ومخك يبتدي يرمي ف أسئلة والأسئلة تخبط في السقف وترجعلك تاني ومفيش حل....!!!! أنا عارف احساسك.. بس عايز أقولك على حاجة مهمة امته الطباخ بيقرر يطلع اللحمة من الفرن؟؟ لما تستوي....

ينفع يطلعها وهيا لسه نية أو نص سوى؟؟؟ لو كدا هتترمي في الزبالة ومحدش هياكلها أو يستفاد بيها... طيب وبعدين؟؟ تطلع أكله محصلتش.. تفتكر اللحمة بتبقى مبسوطة وهي في الفرن... أكيد لأ.. ليه؟ عشان طول حياتها عايشة نية واتعودت على كدا وفجأة واحد كدا مع نفسه قرر إنه يحطها في الفرن... يااااا سلام!!!
أولع أنا بقه دا اللي بتقوله اللحمة..

في حاجة مهمة أوي أوييييي في الحتة دي لو مش عايز تخش النار بعد ما تموت يبقى هتخشها وانت عايش عشان تتسوى وتتظبط وتستوي صح وتبقى ليك ريحة وطعم ولون... وهنا يبقى لك قيمة ومنظر...

مفيش حاجة من غير ثمن أو شيء كويس من غير تعب بس لما تلاقي إن الموضوع يستاهل هتبقى فاهم اللي بيحصل ليه ويستاهل ولا لأ...
واختار انت بقه بس...

:nunu0000:

منقووووووووول
​

 

[asmicheal]

اية الموضوع الكفتة دة ربنا موجود
لحمة وفرن

اسمح لى اختلف معاك

لان وسط التجارب تعزياتك يا رب تلذذ نفسى
ويدك بالحقيقة تحملنى
عارف ربنا موجود
انا بقيت افرح الان بالالم مهما كان تعبة
لانة معناة ان يد ربنا هتشتغل وبقوة
وانى هقرب اكتر من ربنا
وهارمى اثقال كتيرة تثقل سفينتى

كلنا بنتعب
لكن كل ما ربنا بيدوقنا حبة وتعزياتة يصبح اتون النار جنة مع شبية ابن الالة


ولم تمس النار شعرة من رؤؤسهم
ولا راحة الدخان كانت بشعرة من شعورهم

سواء كنت فى الارض او فى السماء
مدام ربنا معايا
مش هتفرق
ارض من سماء
راجة من تعب
المهم انا فين مع ربنا ولا لا

اوعى تزعل لو تعبيراتى كانت شديدة
دة انفعالى بالموضوع

دامت كل مواضيعك رائعة وجميلة
وتثير عظيم تاملى

 

[روزي86]

ميرسي علي الموضوع الجديد من نوعه

ربنا يعوضك

 

[طحبوش]

شكرا ليك ربنا موجود على الموضوع

 

[ABOTARBO]

اية الموضوع الكفتة دة ربنا موجود
لحمة وفرن

اسمح لى اختلف معاك

لان وسط التجارب تعزياتك يا رب تلذذ نفسى
ويدك بالحقيقة تحملنى
عارف ربنا موجود
انا بقيت افرح الان بالالم مهما كان تعبة
لانة معناة ان يد ربنا هتشتغل وبقوة
وانى هقرب اكتر من ربنا
وهارمى اثقال كتيرة تثقل سفينتى

كلنا بنتعب
لكن كل ما ربنا بيدوقنا حبة وتعزياتة يصبح اتون النار جنة مع شبية ابن الالة


ولم تمس النار شعرة من رؤؤسهم
ولا راحة الدخان كانت بشعرة من شعورهم

سواء كنت فى الارض او فى السماء
مدام ربنا معايا
مش هتفرق
ارض من سماء
راجة من تعب
المهم انا فين مع ربنا ولا لا

اوعى تزعل لو تعبيراتى كانت شديدة
دة انفعالى بالموضوع

دامت كل مواضيعك رائعة وجميلة
وتثير عظيم تاملى

عمرى ما أزعل من أولاد ربنا
مرور متميز...الرب يباركم
سلام المسيح لكم

 

[ABOTARBO]

ميرسي علي الموضوع الجديد من نوعه

ربنا يعوضك

شكرا لحضرتك
الرب يباركم
سلام المسيح لك

 

[ABOTARBO]

شكرا ليك ربنا موجود على الموضوع

مرور كريم ومتميز
الرب يباركم