عندى كام حتة موكيت بيتحطوا فى زوايا الأوض شكلهم حلو بيتنفضوا و يبقى تمام بيبرقوا
طلعت فى دماغي اغسلهم . و يدوب حطيتهم فى طبق و شوية مسحوق غسيل و افتح مية و عينك ما تشوف الا النور و ادعك برجلي و غير المياه مرات كتيرة لغاية ما بقي ماشي الحال
فكرني الامر ده بحالتي و يمكن يفكرك الامر ده بحالك
انا و انت من برا بنبرق احنا الخدام ، احنا القادة
احنا دارسي الكتاب و اصحاب الكلمة
طيب ادخل قدام الرب و شوف اللى هيطلع
فَقُلْتُ: «وَيْلٌ لِي! إِنِّي هَلَكْتُ، لأَنِّي إِنْسَانٌ نَجِسُ الشَّفَتَيْنِ، وَأَنَا سَاكِنٌ بَيْنَ شَعْبٍ نَجِسِ الشَّفَتَيْنِ، لأَنَّ عَيْنَيَّ قَدْ رَأَتَا الْمَلِكَ رَبَّ الْجُنُودِ».
(إشعياء ٦: ٥)
طيب الحل
٦ فَطَارَ إِلَيَّ وَاحِدٌ مِنَ السَّرَافِيمِ وَبِيَدِهِ جَمْرَةٌ قَدْ أَخَذَهَا بِمِلْقَطٍ مِنْ عَلَى الْمَذْبَحِ، ٧ وَمَسَّ بِهَا فَمِي وَقَالَ: «إِنَّ هذِهِ قَدْ مَسَّتْ شَفَتَيْكَ، فَانْتُزِعَ إِثْمُكَ، وَكُفِّرَ عَنْ خَطِيَّتِكَ». (إشعياء ٦: ٦، ٧)
اكمل اشخاص حصل معاهم ايه قبل الغسيل و الشطف... و بعده .....
بلاش... ما أنا عارف و أنت عارف اللى فيها
طيب يالا ندخل نتغسل و نتشطف بمية الكلمة و فى عرش النعمة و بلاش مقاوحة .
#NagehNaseh
