عايز تموت خش هنا ... طرق جامده موت للموت

[bebosho]

عاوز تموت شهيد
ياتركب طياره - ياتركب عباره

عاوز تموت م الجوع
.ياتشترى شقه - ياتشترى عربيه بالقسط

عاوز تموت م الحسره
ياتتفرج ع الفاترينات فى ستى ستارز - ياتروح زياره لمارينا

عاوز تموت م الغيظ
ياتتفرج ع القنوات المحليه - ياتتفرج ع النشره الجويه

عاوز تموت م الزهق
ياتستنى الأشاره لما تفتح - ياتستنى دورك فى الطابور فى التأمين الصحى

عاوز تموت م الهبل
يا تخش ع النت - ياتسمع نجوم الأف أم

عاوز تموت مخنوق
ياتروح مصلحه حكوميه - ياتقرا الجريده اليوميه

عاوز تموت مفروووس
ياتركب تاكسى - ياتركب دش

عاوز تموت مرعوووووب
ياتستنى نتيجه الثانويه العامه - ياتستنى نتيجه التحاليل عند الدكتور

عاوز تموت مشهور
ياتتجوز رقاصه - ياتنصب على بنك

عاوز تموت مليونير
ياتعمل فيديو كليب - ياتلعب كوره

عاوز تموت ورا الشمس
ياتشغل مخك - ياتفتح بؤك

عاوز تموت منكاد
ياترشح نفسك فى الأنتخابات - ياتخش ف أتفاقيه الجات

عاوز تموت م الحزن
ياتفكر دايما ف أحوالك - ياتحط الحكومه ف بالك

عاوز تموت م الضحك
ياتتجوز أتنين - ياتشتغل مع المجانين

عاوز تموت ف حالك
أعمل نفسك دايما....مش واخد بالك

مخطوف .. وبيحققوا معايا



تحياتى

بيبو

 

[ابن الفادي]

بيبو :ranting:
علي راي المثل القائل
كل الطرق تؤدي الي رومــــا
تفتكر نختار اي وحده فيهم
كل الطرق عندك غالية ومكلفة
مفيش حاجة ارخص والدفع
بالتقصيد المريح
او حاجة علي نفقة الدولة:kap:

 

[bebosho]

ايه يا فريد؟
انت عايز تموت بلوشى كده
طبعا مينفعش
ده كان زمان
دلوقتى كل حاجه غليت:t32:

 

[ابن الفادي]

يا عزيزي لو فيه امكانية
مكنتش عزيتها عليك
لكن انا قلتلك شروطي
وده مفيهوش فصال

 

[adel baket]

بيبو مفيش طريقه ارحم من كل الحاجات دى
الرب يباركك وشكلاا ليك:a82: :a82: :a82: :a82: :a82: :a82:

 

[coptic hero]

ايه يا بيبو الجمال ده دانت ماسيبتش طريقه بس ما قلتش لو عاوز تموت من غير ما تاخد بالك نعمل ايه نتجوز طبعا صح ههههههههههه

 

[bebosho]

ههههههه
ممكن فعلا
بس مش شايف انها طريقه شنيعه اوى

 

[K A T Y]

ميرسي يا بيبو علي الموضوع الجميل ده

وانا هاموت هاموت باي طريقة المهم امةت

 

[lovebjw]

بيبو :ranting:
او حاجة علي نفقة الدولة:kap:

على نفقة الدولة انت عايش فى دولة ايه قولتلى

 

[بنت الفادى]

معندكش موته تكون فرى شويه​

:t32: :t32: :t32:​

 

[ابن الفادي]

عاوز تعرف انا في اي دولة طيب وماله نقولك
الاول كنت في القطب الشمالي كنت مربي 2 دب ابيض
و3 اسود و 4 منقطين وللاسف ماتو من البرد وانا هربت
و ومنها رحت جنوب افريقيا كان معي زرافة بس رقبتها
قصيرة وفيل بستخدمة في الرحلات الطويلة وقت الصيد
كنت بصطاد اطخم حاجة في الغابة لاتقلي اسد
ولا نمر كنت بصطاد عصافير .
بعدها رحت شمال شرق اسيا كانو محتاجين مدرب
كراتية وكونغفو ولكن انا رفضت كل العروض وقلت اشتغل
في مصنع ابربوابير الجاز زي الريحاني
وبعد كدة طلبوني في اليو اس ايه قالو عاوزين سينتور
بدل الاخ اللي استقال بس اختلفت معاهم علي بدل الانتقال
هم قالوا نجبلك عجلة وانا طلبت كرتة بحمار تخيل كلن و عاوزين
يضحكوا عليا فاكرين اني قريب بلدياتنا المهم متفقتش معاهم
طلبوني في غرب اوربا مدرب لاحد النوادي الكبيرة اللي بتلعب
في كأس العالم في مسابقات البلي والسيجة بس اخلتفت معاهم
علي حاجة بسيطة ادوني سكن فخم جدا عباره عن عشة وسط
سطوح الجيران بس كان السرير عليه بطانية ولحاف ومن غير مخدة
قلت زي بعضة احط ؟؟؟؟؟؟؟ تحت راس وجابولي خط تليفون وقلولي
العدة عليك طبعا انا رفضت الكلام دة وقلت لازم تجيبو العدة انا كبرت
في دماغي وقلت وحياة راس حماتي منا قاعد في البلد دي بعد كده
ولازم ارجع بلدي علشان بلدي مفيش احسن منها لانها هي الوطن
ودلوقتي قاعد خالي شغل فوق سطح الهرم بصلح مناخير ابوالهول
عرفت العنوان ولا اقول من الاول يا اخي د انت رغاي بشكل

 

[lovebjw]

يعنى بعد دا كله متعلمتش وعايز تموت على نفقة الدولة
طاب وحياة راس حماتك متسبيش منخير ابو الهول قبل ما تلاقى شغل
دانت بلدك مليان شغل والشغل على افة مين يشيل بس هى الفكرة فى الافة اللى يشيل
حزب المحبة

 

[ابن الفادي]

تعرف انا بدور علي شغل ليه
علشان بقالي 25 سنة بشتغل
بدون راحة ودماغي تعبت من الارقام
فقلت ادور علي حاجة جديدة

وان ملقتش شغل استقيل واقعد في البيت
بس المشكلة يا بطل في قعدة البيت
هتلاقيني قاعد بدور عليك في النت
منين متروح هتشوفني وانا مش
عاوزكم تزهقو مني ماشي يا عم باسم
ولا يا لاف وسلام

 

[lovebjw]

واحنا نقدر يا باشا دانت الخير والبركة بتاعنا
دانت اليوم اللى مش بتدخل فيه المنتدى بيكون ناقص كتير
وصدقينى يا عسل انا بهزر معاك دانت الكل فى الكل فى المنتدى والحزب وكل حاجة يا معلم
هو احنا نقدر نقعد قعدة وانت مش منورها دانت حبيب الكل يا استاذى الجميل
حزب المحبة

 

[mony2020]

موضوع جامد جدا بس انا محتار اموت ازاى بس بجد لذيذ اوى

رب المجد يسوع المسيح يكون معنا

 

[ابن الفادي]

اشكرك اشكرك اشكرك
مرسي مرسي مرسي
:94: :94: :94:
علي الكلام الحلو ده يا لاف
علشان كده انا بحبك
:36_3_15: :36_3_15: :36_3_15:
وبصراحة انتو كلكم مجموعة
زي العسل وتتحبوا
وتعبيرا علي الحب ده
وزع الهدايا دي عليكم
:748pf: :748pf: :748pf: :748pf:
حزب المحبة