طلب مشورة سريعة جدا

[marmora9]

انا تعبانة جدااااااااااا و محتاجة اتكلم مع حد يرشدنى لحل انا و جوزى بينا مشاكل كتيرة بسبب باباة و انة قريب منة اوووى وبيسمع كلامة و باباة مش بيحبنى و بيعمل بينى و بينى جوزىمشاكل كتيرة و حمايا بيشتمنى و رفع ايدة عليا 4 مرات علشان يضربنى و بيدعى عليا انا و اهلى و كل دة لانى فى بداية الجواز كنت لما اروح عندهم مكنتش بتحرك كتير و دة امر طبيعيى انا متجوزة فى بلد بعيد عن اهلى بينى و بينهم 7 ساعات بالقطر و اخترت اترك اهلى و اصحابى و كل حاجة علشان خاطر جوزى و دلوقتى بيسيبنى فى البيت على طول من غير ما يسال عليا يروح الشغل و يطلع على ابوة و بعدين بالليل يجى البيت علما باننا متجوزين من سنتين و نصف و عندنا طفل انا سيببت البيت مرتين قبل كدة لعدم احساسى بالامان و المحبة و الاسرة و احساسى دايما بالوحدة عمرة ما جابلى حاجة على العيد لا غير العيد الشبكة اخدها منى انا دلوقتى خايفة ياخد ابنى منى و عايشة على طول فى رعب فى خوف انا مش عايزة اسيب البيت تانى نفسى نعيش مبسوطين نفسى اعيش فى امان و سعيدة صعبان عليا ابنى يكبر و بينا مشاكل او انا و باباة منفصلين انا حاولت اكسب جوزى بكل الطرق كان بيبقى كويس معايا و يجى من عند ابوة متغير اكتر من الاول مش عارفة اكسبة لان باباة واخدة من خالصاى خروجة نخرجها مع بعض لازم اخواتة يكونوا معانا مخرجناش ادا لوحدنا الا مرة حتى مفتاح البيت واخدة منى بيحرمنى من التناول و قبل كدة حرمنى من قراية الانجيل جبت اب كاهن البيت علشان يقعد يحككى معانا مرضيش يجى يقابلة و راح عند باباة لغاية ما مشى اب الكاهن معلش طولت عليكم بس انا مخنوقة اووووووووووووى و نفسى فى حل سريع جدا جدا غيير انى اسيب البيت محتاجة صلواتكم معانا

 

[yousif3]

الحكمة بنت بيتها وأسست اساستها.. طوبي لمن طلبها وأقتناها..
بيوت كتير في مجتمعنا المصري فيها المشكلة دي.. والحل دايماً بيكون في أيدك وأيد الأزواج أو الزوجات المظلومين زيك.. بس بيكون الموضوع محتاج شوية حكمة وصبر
ومتهيألي أن أفضل طريقة للمشكلة دي هي طريقة (البذل في مقابل العطاء).. ودايما الطريقة دي بتحتاج منك أنتي شوية بذل كتير في الأول عشان تجبريه يعطي... بس لازم يحس حكمتك في الموضوع دا أنه لازم يحس بمقدار بذلك عشانه.. (وعشان أهله).. وكمثال بسيط... تقوليله بلسان حسن (ودا أول البذل) تقوليله أيه أخبار أهلك.. أنا عايزة نفسي أروح أساعدهم شوية وألخ.. والشق التاني في كلامك تعرفيه أنك كنتي مقصره في حقهم عشان انت مش بتهتم بيا... بس عامة هما وحشوني....
وهكذا في كل مشكلة....
وياعزيزتي تأكدي... أن مقدار نفاقك هو اللي هيهدم أسلوبك.. لازم يكون البزل بتاعك من قلبك وعن حب فعلا مش نفاق... لو بزلتي من قلبك مش هتنتظري عطاء.. وهتقدري تسعديه.. ولو أسعدتيه تبقي دي اللحظة اللي هيحس فيها بقيمتك وأحتياجه ليكي...
يا أختي... قدمي ليه السعادة من قلبك ليه ولأسرته. هيحس بقيمتك.. ولو حليتي مشكلتك معاه هو الاول هتتحل مشكلتك مع أبوه... لأنه هيحب البنت اللي أبنه ميقدرش يستغني عنها.. حتي لو هيحبك غصب عنه...

أبدأي بجوزك...

 

[marmora9]

انا مقرش اروح عند حمايا البيت ولا مرة دخلت فيها هناك الا و شتمنى و يعدى عليا و ممكن توصل لم الايد و جوزى مش بيقدرش يكلمة و يمنعة انا فى الاول كنا على طول هناك نايمين صاحين هناك و مرواحى ليهم قل بسبب المشامكل لغاية ما بطلت خالص و لما كنا بنروح كان يقول لزوى قامى البنت ى مش بتحبك علشان كنت بطلب منة يبع عن بنت معاة فى الشغل و كنت بقول لمامتة و اخواتة عليها كانوا يقولولى سيبية يعيش حياتة حنى الاعتراف مش بيعترف كنت لما احاول معاة يقولولى سيبية فى حالة متزنيش علية خلية براحتة انا متشكرة اوووى لردك

 

[Dona Nabil]

بصى يا مرموره انا يمكن حسيت بكلامك اوووى علشان أنا كمان ف أول جوازى كنت بعيد عن بلدى واهلى والاحساس بالغربه ميحسش بمرارتها الا اللى جربها فعلا
أول كام سنه من الجواز طبيعى البيت بيمر بعواصف كتير بتكون عباره عن تقلبات وتجارب ناتجه عن اختلاف الشخصيات والبيئات لكن بتمر وبنتعلم منها ومع الوقت بتروح لحالها وبتختفى
خلينا واقعيين حماكى بالتأكيد مش هيعيش أد ما عاش وبالتأكيد غلاوته عند جوزك مش هنقدر نقلل منها ولا حتى نزيحها
يبقى احنا قدام موقف مفروض وواقع لازم نعرف نتعامل معاه
لو جوزك حس بكراهيتك لاهله مستحيل هتنولى رضاه
فيبقى ع الاقل حتى لو انتى فضلتى بعيد عن اهله قدامه لازم تتكلمى عنهم بالخير وتشجعيه يزورهم ويسأل عليهم ويشاركهم كل ظروفهم ومناسباتهم .. وصليله احساس ان عدم القبول ده من ناحيتهم بس
صدقينى لما هيلاقى ده منك هيتغير ومش هيصدق عنك اى كلام وحش منهم وهيقابل ده بالرضا وبالمعامله الكويسه ليكى ولاهلك
خلى بيتك هادى ومستقل ومحبب عنده
اخلقى من بيتك جنه يحب يجيلها ويكره يبعد عنها
خليكى صديقته وسره اشغليه بحبك وبابنك اسحبيه ناحيتك بكل طريقه تقدرى عليها .. استخدمى زكائك
حاولى تخليه يروح معاكى الكنيسه ولو مره ف الاسبوع
حسسيه باحتياجك ليه وباهميته عندك
الراجل طفل كبير بيفضل محتاج للتدليل و انه يفضل حاسس انه حد مهم عند مراته وانك متقدريش تستغنى عنه ابداااا
صدقينى مفيش راجل يكره الاستقرار بس كمان مفيش بيت بينجح بدون ما الزوجه تكون عاوزه بيتها ينجح
بلاش تستسلمى بسرعه ولا تهربى من المشاكل ولا تسيبى بيتك ع الفاضى والمليان
اغضبى وازعلى وعاتبى وانتى جوه بيتك وبلاش تشتكى كل شويه لاسرتك متخلهومش شريك ف مشاكلكوا هتبقى انتى الخسرانه
حلى مشاكلك معاه بينك وبينه وبسسسس
ابدأى انتى ومدى ايدك بالمحبه شوفى بيحب ايه واعمليه علشان هو كمان يبتدى يفكر يرضيكى ويحاول يسعدك
ادى محبه واهتمام وتسامح ع اد ما تقدرى وصدقينى الزمن كفيل يحل كل مشاكلك وتوصلى للسعاده اللى بتتمنيها
من كل قلبى بتمنالك حياه مستقره وسعيده وانا دايما ف خدمتك
ربنا معاكى يا حبيبتى

 

[marmora9]

بجد كلامك ريحنى اووووووى انا بجد نفسى اووى اخلية يروح الكنيسة حتى مرة كل شهر يعترف لاكن هو مش راضى خالصانا حاسة لو اتكلم مع اب كاهن هو هيرشدة و ينصحة بدل ما ياخد نصيحة من باباة انا بحب جوزى اووووووى وخايفة علية و خايفة على حيانا مع بعض و صدقينى انا بحاول اوفرلة كل وسائل الرراحة بحاول ارضية باى شكل علشان اكسبة و بيجيب نتيجة بس لما بيروح هناك بيرجعلى واحد تانى خالص انا نفسى اقوى شخصيتة مش اى كلمة تتقال على مراتة يصدقها او يقلب عليها بمجرد ان باباة يقولة حاجة عليا مش كويسة

 

[Dona Nabil]

بجد كلامك ريحنى اووووووى انا بجد نفسى اووى اخلية يروح الكنيسة حتى مرة كل شهر يعترف لاكن هو مش راضى خالصانا حاسة لو اتكلم مع اب كاهن هو هيرشدة و ينصحة بدل ما ياخد نصيحة من باباة انا بحب جوزى اووووووى وخايفة علية و خايفة على حيانا مع بعض و صدقينى انا بحاول اوفرلة كل وسائل الرراحة بحاول ارضية باى شكل علشان اكسبة و بيجيب نتيجة بس لما بيروح هناك بيرجعلى واحد تانى خالص انا نفسى اقوى شخصيتة مش اى كلمة تتقال على مراتة يصدقها او يقلب عليها بمجرد ان باباة يقولة حاجة عليا مش كويسة

انك تجذبيه للكنيسه ده دورك واوعى تملى من المحاوله معاه مره ومرات
بالنسبه لضعفه قدام اهله زى ما فهمتك باباه مش هيعيش للابد اعتبريه وضع مؤقت واتحملى شويه وفوتى شويه علشان المركب تمشى
وحاولى تفتحى مجال لاصلاح علاقتك باهله واحده واحده صدقينى ده هيفرق كتير معاكى
الكلمه الحلوه بتميل القلوب وممكن بمكالمة تليفون تكسبى منها كتير
طالما فى حب يبقى التفاهم مش مستحيل صدقينى
ربنا يوفقك

 

[marmora9]

ميرسى اووى على اهتمامك بالموضوع ربنا يعوض تعب محبتك

 

[sosofofo]

ازيك يا مرمورا
حبيبتي كلنا فعلا زي ماقالت دونا اننا بنتعرض لعواصف ورياح شديدة وخصوصا في بداية الجواز وممكن نعقد الي ٥ سنين جواز واحنا ممكن منكنش فهممنا بعض لسه
انت ممكن في الاول حاولي تفهمي وتعرفي ازاي تتدخلي لقلب جوزك وخصوصا انت بتحبيه يعني هتستحملي وزي ماقالت دونا برضه حاولي انك ترضيه لانه لو رضي عنك هو في الاول هيبقي عدينا الجزء الاصعب في الموضوع وهيبقى موضوع باباه عليه هو

ثاني حاجة فعلا لارم بيتك وانت تكوني عشرة على عشرة علشان ميقدرش سيبك فترة كبيرة ويعقد عند باباه دا ممكن لما هو مايروحش عنده او يتاخر شويه على باباه انت تفكريه لان باباه ممكن يكون قاعد لوحده وصدقيني هتفرق معاه خالص والاحساس ده هيوصل لباباه هيوصل

ثالث حاجة موضوع الكنيسة والاعتراف بصي ان الي اعرفه لما بنزن علي حد في الموضوع ده مش بيسمع
فانا اعمل ايه اول حاجة اصلي لربنا هو الي يدخل القلب ويملكه وبالمره انا كمان اصلي
ممكن احكي له بطريقة غير مباشره عن الاعتراف او التناول وفي كلام قليل
وبالصلاة ربنا هيعمل كتير

بصي اوعي تفتكري انك لوحدك في المشكلة دي في ناس كتير قوي قوي وربنا بيدخل كتير وكتير وكتير
ربنا معاك وطمنينا عليك ببركة صلوات ام النور العذراء الغالية​

 

[حبيب يسوع]

الرب معك يا بنتى واكثرى من الصلاة الرب يتدخل ويحل مشكلتك وحاولى التقرب من حماكى وشوقى هو عايز ايه

 

[marmora9]

انا متشكرة جدا يا جماعة على اهتمامكم بالموضوع انا محتاجة صلواتكم معانا