شباب بلا ثمر

[ميرنا]

​

​

تفتكر لغاية إمتي ها يبقي رد فعلنا على كل حاجة بتحصل في حياتنا التطنيش، التكبير، التنفيض، وكأن الإهتمام بحياتنا مجرد كماليات؟!!​

ولغاية إمتي ها نفضل مجرد مستمعين و مستقلين بدون اي محاولة للتفكير أو المناقشة أو النقض فتلائي الشاب مثلاً:
في الصيف بيتفرج طول النهار على التلفزيون على اي فيلم أو مسلسل أو حتي برنامج ثقافي بدون ما يفحص ايه الي دخل له و يقبل المناسب و يرفض غير المناسب حتي لو كانت احياناً افكار متناقضة مع بعضها أو مختلفة مع مبادئه. ​

ولغاية إمتي هافضل مش عايز ابذل مجهود و عايز كل حاجة سهلة و سريعة وعايز أحصد نجاح أنا مازرعتوش.​

ولغاية إمتي هافضل ارمي اي فشل او تقصير في حياتي على ربنا شوية و المجتمع شوية والاسرة وانسي تماماً دوري و تقصيري الشخصي.​

فكل الأسئلة السابقة هي ليست دعوة للفشل اذا كنت بتعمل كل ده، لكن هي محاولة لتسليط الضوء على الإمكانيات الكامنة داخل كل إنسان دون استثناء فانت أكيد بتتفق معايا على أن الله منحنا العقل للتفكير و الفحص و الابتكار والإختراع والإكتشاف و ليس لنقبل كل شئ وأي شئ كمسلمات غير قابلة للفهم و المناقشة، فالحقيقة إن كتير من العادات و التقاليد والاعراف يمكن تكون منها الخطأ واحنا مرتبطين بها وعايشين عليها، ويمكن كمان تكون مخالفة للحقيقة اللي ربنا عايزنا عليها وكل ده علشان مش عايزين نفكر و نستغل القدرات و الإمكانيات اللي ربنا أعطاها لنا ... تفتكر ليه؟!!
copyy​

 

[sunny man]

رد على: شباب بلا ثمر

فعلا موضوع يستحق المناقشة و ياريت كل واحد يقرأ هذا الموضوع يكتب تعليق ايجابى

 

[Dona Nabil]

رد على: شباب بلا ثمر

دايما بقول يا ميرنا ان ربنا مديلنا عقل كفايه بس مش بنستغله كفا يه .....وللاسف فعلا مش فى معظم الاحيان بنكون ايجابيين فى طريقة تفكيرنا وفى نظرتنا للاشياء .......اتعودنا نكون تابعين للفكره وللمبدأ مش مبدعين ومطورين ......بس افتكر جزء كبير من المسؤوليه بيرجع لاسلوب التعليم و الذى يخلق كائن متلقى غير قابل للابداع والتطوير ......وهذا يكفى لقتل اى محاوله لخلق مبدع ..........ميرسى يا ميرنا على الموضوع الرائع واتمنى ان تتم فيه المناقشه باستفاضه .......وربنا يباركك .

 

[losivertheprince]

رد على: شباب بلا ثمر

سلام المسيح :
ممكن نتكلم عن الموضوع ده في شوية نقط :
1 - مبدأ الوجدان الجمعي او هو ببساطه التأثير الذي يحدثه الذين حولنا فينا فمثلآ :
لو احنا قاعدين في مكان مغلق وفي شخص حاسس بالقلق الاغلبيه هتبدأ هي كمان تحس بالقلق من غير سبب ومثلآ و احنا في في الشارع وفي مظاهرة مثلآ بتلاقي ناس بتنضم رغم انهم ممكن مش فاهمين ايه الموضوع لكن التأثير بالوجدان الجمعي ده بيخلي الناس تتحرك في كتل مع بعض .
2 - موضوع الاعتماد علي ان الله موجود وهو طبعآ قول بلاعمل اي اننا نجلس وننتظر الحياة الرغده والاموال وكل الحياه بنعمها ونحن نجلس بلاحركة وهذا طبعآ لايمكن ان يتوفر الا بسعينا تجاه العمل لتحقيق الهدف وهذه الطبقة التي تتخذ من شعار ربنا موجود وهيتصرف هما يتخذوا هذا الكلام كشعار ولكن عن عدم فهم او تنفيذ ويسمي هذا بالتواكل وليس التوكل .
3 - اعتقد ان هناك نقطة مهمه احري وهي تأثير الاباء فينا فنحن كثيرآ مانري الاب والام يجلسون بالساعات امام التلفزيون بلاعمل او بلا فعل اي شئ مفيد ونحن نقلدهم بلاتفكير لمجرد التعود ..
اعتقد ان هناك نقط كثيرة تشرح هذا الموضوع القيم .​

 

[girl of my lord]

رد على: شباب بلا ثمر

سلام ونعمه
انا فعلا معاكي في كل الكلام ده بس عايزه الفت نظرك لحاجه ليه الشباب بقي كده ايه السبب
اعتقد البطاله من اهم شئ اللي بيخلي الشاب محبط
تخيلي انسان يتعب ويدرس لمده اربع سنين والثانويه العامه قبلها وفي الاخر يبقي ايه ولا حاجه للاسف بقي اسوء من الجاهل علي الاقل
الجاهل اكيد كان بيشتغل من وهو صغير يعني ليه دخل
امال صاحب المؤهل العالي ولا حاجه
طيب ممكن اعرف احنا ليه بنتعب في الثانويه العامه والجامعه
ده السؤال اللي المفروض الكل يرد عليه
سورى ان كنت طولت ربنا معاكم

 

[losivertheprince]

رد على: شباب بلا ثمر

سلام المسيح :
ممكن سؤال بطالة ايه اللي بنقول عليها دي
انا اولآ عايز اقول ان الشغل كتير جدآ انا عارف ان كلامي ده ممكن يضايق ناس كتير لكن كلمة الشغل في حد ذاتها فالشغل كتير لكن اللي يقبل نوعية الشغل نفسها ده الي مش كتير
علي فكرة انا مش بقول الكلام ده من واقع فراغ ولا حاجة لكن من الواقع اللي حواليا والي عايز يشتغل يدور وهيلاقي وبمنتهي البساطة يتعب شوية انا عارف ان الكلام ممكن يبقي مش مقنع لكن بالراحه فيسه ناس كتير جدآ معاهم بكالريوسات وشغالين في حاجات مالهاش علاقة بالشهادة بتاعتهم لغاية لما الفرصة جت قدامهم واشاغلوا بالشهادة اللي معاهم يعني احنا الي غلطانين في موضوع البطاله دي اما البطالة اللي موجوده فعلآ فهي بطالة العمل بالشهادة ......... مش معني كده ان الواحد يرمي شهادتة الي تعب كتير جدآ فيها لكن لا يتعب شوية كمان ويشتغل حاجة لغاية لما الفرصة بتاعته تظهر .........
علي فكرة انا ليا اصدقاء مروا بالتجربة دي .... اكيد تعرفوا فراي هو مر بالتجربه دي اكن لولا صبرة وعدم تمسكه بالعمل في الشهادة في اول حياته العمليه هو اللي خلاه دلوقتي في مكان احسن وهو مش ساكت برضه لا بيدور علي حاجة احسن الامثلة دي موجودة كتير جدآ ​

 

[girl of my lord]

رد على: شباب بلا ثمر

سلام المسيح :

ممكن سؤال بطالة ايه اللي بنقول عليها دي
انا اولآ عايز اقول ان الشغل كتير جدآ انا عارف ان كلامي ده ممكن يضايق ناس كتير لكن كلمة الشغل في حد ذاتها فالشغل كتير لكن اللي يقبل نوعية الشغل نفسها ده الي مش كتير
علي فكرة انا مش بقول الكلام ده من واقع فراغ ولا حاجة لكن من الواقع اللي حواليا والي عايز يشتغل يدور وهيلاقي وبمنتهي البساطة يتعب شوية انا عارف ان الكلام ممكن يبقي مش مقنع لكن بالراحه فيسه ناس كتير جدآ معاهم بكالريوسات وشغالين في حاجات مالهاش علاقة بالشهادة بتاعتهم لغاية لما الفرصة جت قدامهم واشاغلوا بالشهادة اللي معاهم يعني احنا الي غلطانين في موضوع البطاله دي اما البطالة اللي موجوده فعلآ فهي بطالة العمل بالشهادة ......... مش معني كده ان الواحد يرمي شهادتة الي تعب كتير جدآ فيها لكن لا يتعب شوية كمان ويشتغل حاجة لغاية لما الفرصة بتاعته تظهر .........

علي فكرة انا ليا اصدقاء مروا بالتجربة دي .... اكيد تعرفوا فراي هو مر بالتجربه دي اكن لولا صبرة وعدم تمسكه بالعمل في الشهادة في اول حياته العمليه هو اللي خلاه دلوقتي في مكان احسن وهو مش ساكت برضه لا بيدور علي حاجة احسن الامثلة دي موجودة كتير جدآ ​

سلام ونعمه
اولا انا هجاوب علي كل نقطه انت قولتها اولا انت بتقول مافيش بطاله يعني اي واحد ممكن يشتغل في اي حاجه غير مجاله
طيب تقدر تقولي ليه اصلا بندرس لما كده كده مش هنشتغل في مجالنا
انا اخواتي تربيه انجلش
تفتكر واحد زي ده ممكن يشتغل ايه في محل ولا عامل
ومش معني كلامي ان الشغل عيب بالعكس
بس كده كل واحد ياجماعه ياخد دبلوم ويدور علي صنعه بلا مؤهل بلا تعب
ياريت يكون راي وصلك
سورى ان كنت طولت ربنا معاك

 

[losivertheprince]

رد على: شباب بلا ثمر

سلام المسيح :
لا طبعآ و لا كان الجميع يفعل مثلما قلتي لا يتعب ولا يذاكر وياخدها من الاخر
لا طبعآ
انا بس اقصد انه ما يقعدش ويستني الدور .... لانه عمره ماهيجي ... وانتي قولتي الحل بنفسك الشغل مش عيب لغاية لما الافضل يجي وساعتها تبقي الفرصة الحقيقه .
شكرآ لتفهمك موقفي وشكرآ اكثر للموضوع وشكر اكثر لتحملك كلامي بصدر رحب
ربنا معانا

​