سخافات معاكسة الشباب للبنات

[ميرنا]

سخافات معاكسة الشباب للبنات




في الحي الشعبي ..بسبس

في الحي الراقي . . توت..تيت..تات​

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .​

* رأي البنات
تقول شريهان محمود بكالوريوس رياض أطفال أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
أما سامية فؤاد محاسبة فتقول : والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
وتقول شذا متولي : بصراحة أنا ما بحبش المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
زفوني أهلي . . أهلي .
وتقول إيناس بدري معدة إذاعية
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .
أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .

* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
أحمد سالم - مرشد سياحي - يقول ك
طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .
فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي صديق غاوي يعاكس المنقبات . .ده
سلوك فردي لا يحركه تصرف الغير . . دي مبررات خايبة للشباب المستهتر .
محمود رحيم .. معهد تكنولوجيا يقول : احناما بنفرقش في المعاكسه بين محجبة وغير
محجبة المعاكسة روشنةبنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!30:
يزين الشباب بصراحة هى دى مصر

 

[Ferrari]

اولاً ميرسي ليكى يا ميرنا على الموضوع

وانا شاب وممكن اعاكس لكن تربيتى وسلوكى يمنعونى انى اعمل الشئ السخيف دة

وهو فعلاً ظهرة المعاكسة بقيت دلوقت عادة عند الشباب

واحب اقول ان الشاب اللى يعمل كدة دة يبقى شاب مستهتر وعنده شئ من النقص فى شخصيته

وبيحاول يدريه بافعاله دية ( عشان بس اصحابه مش يقولوا عليه انه خام )

وهو بيفرح بنفسه لما وحدة بتضحك له بس للاسف هو بيفكر ان كل البنات ممكن يضحكوا ،

مي عرفش انه ممكن يقع مع واحدة غير مؤدبة تمسكة تخلى كرمته فى الارض

ومش بس قصاد صحابه لا وكمان قصاد كل الناس ومش بعيد كمان ياكل علقة مكلهاش حــ......... فى مطلع

فايريت الشباب يفوق ويدور على حاجة يعملها تكون افضل تنفعه وتنفع من حوله مش العكس .

اسف على الاطالة

وميرسي مرة تانى على الموضوع والرب يبارك حياتِك

​

 

[عاشقة يسوع]

سلام ونعمه



موضوع مهم ومميز مبسوطه اني مريت عليه لاعطي تعليقي

بصراحه اول ما قرأت اسم الموضوع خطرلي اول شي ان ملهاش حل زي مقالت ميرنا

ان ده كان من زمان وتطور بس وانا بكمل قراءه الموضوع لفت نظري جمله معينه هي (( فعلا حاجة غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة المعاكسة .))

اللي لفت نظري بالجمله دي ان انا عايشا هلا ببلد اوربي عمري

مشوفت واحد بيعاكس او بيدايق اي وحده اللي بيحب يتعرف على وحده بيحاول

يكلمها بصراحه سمحتلو اوك لو لا بيبعد بادب عشان كده بتصور ان سبب المعاكسات

هما الاهل والتقاليد والعادات نفسها اللي احنا بنتكلم عنها لان كلنا بيعرف ان بالعالم

كلو في مبدء المرفوض مرغوب ومن كتر مبيبقى في حاجات بتحد من مساحة

الحريه وبتزيد من مساحة الممنوع بتخلي الضد يظهر تلقائي ويتحول لطريقه سلبيه اساسها الاعتراض على الممنوع

وبيحاول الشباب وبقصد الجيل الشاب مش الشباب وبس بيحاولو يعترضو على

هالعادات وعلى هالنوع من الكبت بانهم يظهرو بااي شي غلط ومش بس

بالعاكسات انما هي وسيه من الوسائل الغلط اللي بيظنو انها ممكن تكون معبره

وكل هالشي شي داخلي كامن مش شي ظاهر يعني شي بتقصدو النفس الانسانيه مش العقل

معلش انا طولت الكلام بس لانو موضوع فعلا مهم بتشكرك اختي مره تانيه على طرحوو تسلم ايديكي

 

[Scofield]

سواء الولاد او البنات الاتنين قلالة الادب بجد
انا بشوف بنات بتتعاكس و تضحك فى وش اللى بيعاكسها فراحنة قوى
و المصيبة انى بشوف ظباط و عساكر بيعاكسو البنات والكلام ده للبيقول فين البوليس
ده غير البنات اللى بتلبس لبس عريان خالص وسطها و فوق صدرها كله باين خالص حتى المحجبات بتلبس حجاب على الشعر و من تحت لا شئ هو كل حجابها شعرها بس
والمنقبات بقى دول حكاية تانية البت منهم لابسة النقاب يستر وشها من الناس بس تلاقيها ماشية مع شبان كتير يعنى لو جبنا واحدة عادية من غير حجاب او نقاب و جبنا واحدة جنبها بنقاب هنلاقى ان اللى لابسة النقاب ماشية مع اولاد و العادية ممكن تكون لوحدها و على فكرة معظم البنات الى بتتحجب او تلبس نقاب ده مش علشان الدين ده علشان عاوزة تتجوز و تبان قدام اى واحدة انها محترمة والله اعلم باللى داخلها ومهما لبست مسيرها تتفضح
نيجى بقى للولاد اللى ليهم نوعين
النوع العادى وده اللى بيعاكس لانه لا معاه فلوس يتجوز ولا شغلانة و قاعد فاضى طول النهار وكتر اللف فى الشارع و قعدة القهاوى تخليه يتغير سلوكة و يبقى قليل الادب و كمان الكبت اللى فى البلد و التخلف و الثقافة العربية الاسلامية اكبر الاسباب للتخلف الموجود و قلة الادب يعنى نيجى للدول الاوربية و المتقدمة نلاقى كل واحد ماشى فى حاله ولا بيبص على اللى جنبه حتى لو بيموت ودى حصلتلى شخصيا انى كنت تعبان وانا مسافر برة و كل الناس شافونى ولا حد قالى مالك او اى شئ
نيجى بقى على الولد الغنى
اكتر الشباب اللى من النوع ده بيكون عنده كل حاجة بس حاسس من جواه بعقدة النقص و يحب يداريها انه يتمنظر بالعربية اللى جابهاله بابى او الساعة الدهب اللى جابتهاله مامى و يتمنظر بقى بموبايل او هدومه مثلا او الدهب اللى لابسه و كده و طبعا اهله ميعرفوش عنه حاجة لانهم شغالين يجمعو فلوس و سايبينه مع نفسه يربى نفسه

 

[kalimooo]

مش عارف ارد اية اخت ميرنا لان هذه العادة
ليست موجودة عندنا ممكن بسبب الحرية الزائدة
اذ لا يعود الشاب بحاجة للمعاكسة ممكن لو اتغيرت شوية عادات
المجتمع ككل تتحسن اخلاق الشباب المعاكس ولو قليلا"
موضوع مميز
مشكورة عليه
سلام المسيح​

 

[+SwEetY KoKeY+]

فعلا يا ميرنا مافيش بنت متعكستش حلوة اوى وحشه اوى لبسها ملفت او عادى بجد
هما الشباب اتعودوا على كده مش لاقين حاجه يعملوها
ميرسى للموضوع الجميل ده يا عسل​

 

[ميرنا]

اولاً ميرسي ليكى يا ميرنا على الموضوع​

وانا شاب وممكن اعاكس لكن تربيتى وسلوكى يمنعونى انى اعمل الشئ السخيف دة​

وهو فعلاً ظهرة المعاكسة بقيت دلوقت عادة عند الشباب​

واحب اقول ان الشاب اللى يعمل كدة دة يبقى شاب مستهتر وعنده شئ من النقص فى شخصيته​

وبيحاول يدريه بافعاله دية ( عشان بس اصحابه مش يقولوا عليه انه خام )​

وهو بيفرح بنفسه لما وحدة بتضحك له بس للاسف هو بيفكر ان كل البنات ممكن يضحكوا ،​

مي عرفش انه ممكن يقع مع واحدة غير مؤدبة تمسكة تخلى كرمته فى الارض​

ومش بس قصاد صحابه لا وكمان قصاد كل الناس ومش بعيد كمان ياكل علقة مكلهاش حــ......... فى مطلع ​

فايريت الشباب يفوق ويدور على حاجة يعملها تكون افضل تنفعه وتنفع من حوله مش العكس .​

اسف على الاطالة​

وميرسي مرة تانى على الموضوع والرب يبارك حياتِك​

طب هو عاوز يرسم الدور على اصحابة انو واد مخلص احنا زنبنا ايه فى البهدلة دى :smil8:​

 

[ميرنا]

سلام ونعمه​

موضوع مهم ومميز مبسوطه اني مريت عليه لاعطي تعليقي​

بصراحه اول ما قرأت اسم الموضوع خطرلي اول شي ان ملهاش حل زي مقالت ميرنا ​

ان ده كان من زمان وتطور بس وانا بكمل قراءه الموضوع لفت نظري جمله معينه هي (( فعلا حاجة غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة المعاكسة .)) ​

اللي لفت نظري بالجمله دي ان انا عايشا هلا ببلد اوربي عمري​

مشوفت واحد بيعاكس او بيدايق اي وحده اللي بيحب يتعرف على وحده بيحاول ​

يكلمها بصراحه سمحتلو اوك لو لا بيبعد بادب عشان كده بتصور ان سبب المعاكسات ​

هما الاهل والتقاليد والعادات نفسها اللي احنا بنتكلم عنها لان كلنا بيعرف ان بالعالم​

كلو في مبدء المرفوض مرغوب ومن كتر مبيبقى في حاجات بتحد من مساحة ​

الحريه وبتزيد من مساحة الممنوع بتخلي الضد يظهر تلقائي ويتحول لطريقه سلبيه اساسها الاعتراض على الممنوع ​

وبيحاول الشباب وبقصد الجيل الشاب مش الشباب وبس بيحاولو يعترضو على ​

هالعادات وعلى هالنوع من الكبت بانهم يظهرو بااي شي غلط ومش بس ​

بالعاكسات انما هي وسيه من الوسائل الغلط اللي بيظنو انها ممكن تكون معبره ​

وكل هالشي شي داخلي كامن مش شي ظاهر يعني شي بتقصدو النفس الانسانيه مش العقل ​

معلش انا طولت الكلام بس لانو موضوع فعلا مهم بتشكرك اختي مره تانيه على طرحوو تسلم ايديكي ​

لا ابدا مطولتش هو موضوع محتاج كلام كتير فعلا وبحسدك على ابلد المحترمة الى عايش فيها عاوز اقولك انى فعلا مفيش بنت فلتت من المعاكسة محترمة فى لبسها او لااء مفيش حد بيترحم فعلا هى تقريبا بقت هواية عند الشباب ​

 

[ميرنا]

سواء الولاد او البنات الاتنين قلالة الادب بجد
انا بشوف بنات بتتعاكس و تضحك فى وش اللى بيعاكسها فراحنة قوى
و المصيبة انى بشوف ظباط و عساكر بيعاكسو البنات والكلام ده للبيقول فين البوليس
ده غير البنات اللى بتلبس لبس عريان خالص وسطها و فوق صدرها كله باين خالص حتى المحجبات بتلبس حجاب على الشعر و من تحت لا شئ هو كل حجابها شعرها بس
والمنقبات بقى دول حكاية تانية البت منهم لابسة النقاب يستر وشها من الناس بس تلاقيها ماشية مع شبان كتير يعنى لو جبنا واحدة عادية من غير حجاب او نقاب و جبنا واحدة جنبها بنقاب هنلاقى ان اللى لابسة النقاب ماشية مع اولاد و العادية ممكن تكون لوحدها و على فكرة معظم البنات الى بتتحجب او تلبس نقاب ده مش علشان الدين ده علشان عاوزة تتجوز و تبان قدام اى واحدة انها محترمة والله اعلم باللى داخلها ومهما لبست مسيرها تتفضح
نيجى بقى للولاد اللى ليهم نوعين
النوع العادى وده اللى بيعاكس لانه لا معاه فلوس يتجوز ولا شغلانة و قاعد فاضى طول النهار وكتر اللف فى الشارع و قعدة القهاوى تخليه يتغير سلوكة و يبقى قليل الادب و كمان الكبت اللى فى البلد و التخلف و الثقافة العربية الاسلامية اكبر الاسباب للتخلف الموجود و قلة الادب يعنى نيجى للدول الاوربية و المتقدمة نلاقى كل واحد ماشى فى حاله ولا بيبص على اللى جنبه حتى لو بيموت ودى حصلتلى شخصيا انى كنت تعبان وانا مسافر برة و كل الناس شافونى ولا حد قالى مالك او اى شئ
نيجى بقى على الولد الغنى
اكتر الشباب اللى من النوع ده بيكون عنده كل حاجة بس حاسس من جواه بعقدة النقص و يحب يداريها انه يتمنظر بالعربية اللى جابهاله بابى او الساعة الدهب اللى جابتهاله مامى و يتمنظر بقى بموبايل او هدومه مثلا او الدهب اللى لابسه و كده و طبعا اهله ميعرفوش عنه حاجة لانهم شغالين يجمعو فلوس و سايبينه مع نفسه يربى نفسه

سيبك يا سكوفا كله كوم وبتاع مامى كوم تانى يباااى مطيقش اسمع سيرة الناس دى خسارة يبقى راجل بلمنظر دا :smil8:
وفى ناس عندها هواية :11azy:​

 

[ميرنا]

مش عارف ارد اية اخت ميرنا لان هذه العادة

ليست موجودة عندنا ممكن بسبب الحرية الزائدة
اذ لا يعود الشاب بحاجة للمعاكسة ممكن لو اتغيرت شوية عادات
المجتمع ككل تتحسن اخلاق الشباب المعاكس ولو قليلا"
موضوع مميز
مشكورة عليه

سلام المسيح​

عقبال يارب ما مجتمعنا تدخله الحرية الزايدة دى دى عالم غريبة فعلا​

 

[ميرنا]

فعلا يا ميرنا مافيش بنت متعكستش حلوة اوى وحشه اوى لبسها ملفت او عادى بجد​

هما الشباب اتعودوا على كده مش لاقين حاجه يعملوها

ميرسى للموضوع الجميل ده يا عسل​

فعلا لو صاحية من النوم ونازلة كدا مش هتترحمى برضو

 

[engy_love_jesus]

بجد ياميرنا ياريتها تيجى على يا جميل او ياعسل

دلوقتى الافظع بقى مد الايد والكلام السافل الى بيتقال

بجد مش بعرف اقول ايه او اتصرف ازاى وممكن اقف اعيط فى الشارع

وعارفة المصيبة ايه ان ممكن الى بيعاكسوا دول بنات

يعلم ربنا ايام الامتحانات مش كنت بقدر اطلع من البيت لوحدى الا ومعايا

بابا علشان كانت فى مدرسة فنية للبنات برانا وكانوا بيقولوا لالفاظ صعبة اوى

لا وكمان خدى عندك بقى فيه ناس نفسها تعاكس بس قال عاوزة تبان انها محترمة شوية

فتقولك ايه بسم الصليب على جمالك العدراء تحفظ جمالك

مهيا بردة اسمها معاكسة ولا لو لزقنا فيها الدين متبقاش معاكسة

وياريتها بتقتصر على البنات والاولاد المراهقين بس

لا بجد بقيت بلاحظ الاطفال كمان بيعكسوا والكارثة انك تلاقى

الولادين هما الى بيعلمهوم يعاكسوا

مرة كنت ماشية واب بيقول لابنة قول لطنط انتى موزة حلوة ياطنط

ولا الى يقل لابنه شايف الستات مش امك

بجد كلام صعب ولو هتكلم هقول كتير من الى بنشوفة بجد حرام

ياريت كل واحد يمشى فى حالة ومش ليه دعوة بحد ولا يعاكس ولا يبص على حد

اكيد هتفرق كتير وهنتقدم بدل ما نقف على النواصى نعاكس

نروح نعمل اي حاجة تفيدنا ومرسية ياميرنا ياقلبى لطرحك للموضوع المهم ده ​

 

[ميرنا]

بجد ياميرنا ياريتها تيجى على يا جميل او ياعسل ​

دلوقتى الافظع بقى مد الايد والكلام السافل الى بيتقال ​

بجد مش بعرف اقول ايه او اتصرف ازاى وممكن اقف اعيط فى الشارع ​

وعارفة المصيبة ايه ان ممكن الى بيعاكسوا دول بنات ​

يعلم ربنا ايام الامتحانات مش كنت بقدر اطلع من البيت لوحدى الا ومعايا ​

بابا علشان كانت فى مدرسة فنية للبنات برانا وكانوا بيقولوا لالفاظ صعبة اوى ​

لا وكمان خدى عندك بقى فيه ناس نفسها تعاكس بس قال عاوزة تبان انها محترمة شوية ​

فتقولك ايه بسم الصليب على جمالك العدراء تحفظ جمالك ​

مهيا بردة اسمها معاكسة ولا لو لزقنا فيها الدين متبقاش معاكسة ​

وياريتها بتقتصر على البنات والاولاد المراهقين بس ​

لا بجد بقيت بلاحظ الاطفال كمان بيعكسوا والكارثة انك تلاقى ​

الولادين هما الى بيعلمهوم يعاكسوا ​

مرة كنت ماشية واب بيقول لابنة قول لطنط انتى موزة حلوة ياطنط ​

ولا الى يقل لابنه شايف الستات مش امك ​

بجد كلام صعب ولو هتكلم هقول كتير من الى بنشوفة بجد حرام ​

ياريت كل واحد يمشى فى حالة ومش ليه دعوة بحد ولا يعاكس ولا يبص على حد ​

اكيد هتفرق كتير وهنتقدم بدل ما نقف على النواصى نعاكس ​

نروح نعمل اي حاجة تفيدنا ومرسية ياميرنا ياقلبى لطرحك للموضوع المهم ده ​

مرة ماشية انا واصحابى وراجل عاوز اقول انو رجلة والقبر اصلا ماشى يقول موزة تخيلى واحد اد جدك بيعاكس بنشوف بلاوى بامانة انا مبقتش اخاف قد من الناس اكبيرة دى بحسهم ضاربين ولا لاسعين مش طبيعين وانا شفتها حكاية العدرا لا بس هو كان محترم قال بسم الصليب عليكى انا افتكرت انى كنت هقع حتى بسئل صحبتى فى ايه ايامنا سودة وتلاقى بنت ماشية مع خطيبها وتتعاكس برضو يعنى ولا الهوا دم دا بطلو بقت مية

 

[محب الانسانيه]

التربيه في الصغر لها دور كبير وعلى الاباء مسؤوليه كبيره

 

[ميرنا]

صح يا محب ​

 

[bahaa_06]

لا يوجد طريقه أو فعل سوى الصلاه والصوم لهذا الموضوع بنوع من الخصوصية ..صدقونى كم من اللقاءات ومن القوانين اللى بتتكلم عن الموضوع ده ولم تأت بفائده
اللى فعلا هيخلى الموضوع ده ينتهى هو تخصيص اجتماع للصلاه من اجله وتخصيص فتره زمنيه للصوم الجماعى من اجله ويتم الاعلان عنه فى منتدانا الكريم فى كل مكان واللى نقل جبل المقطم مش هيقدر يخلى الشباب يبطل معاكسه .. ولا إيه ؟؟
الرب لا يترك عصا الخطاه تستقر على نصيب الصديقين
ترعاهم بقضيب من حديد .. ومثل انية الفخار تسحقهم .... مز 2 : 9 ​

 

[وليم تل]

مش البنات بتشتكى من المعاكسات
ميرنا
واذا ما اتعاكستش ها تروح البيت وتقول لمرايتها
هو فى اية انا وحشة ولا اية :hlp: :t30:
وصدقينى دى سلوكيات شازة فى مجتمعاتنا
الشرقية من زمان وليست حديثة العصر
طالما هناك ولد وبنت
ودمتى بود​

 

[ميرنا]

لا يوجد طريقه أو فعل سوى الصلاه والصوم لهذا الموضوع بنوع من الخصوصية ..صدقونى كم من اللقاءات ومن القوانين اللى بتتكلم عن الموضوع ده ولم تأت بفائده

اللى فعلا هيخلى الموضوع ده ينتهى هو تخصيص اجتماع للصلاه من اجله وتخصيص فتره زمنيه للصوم الجماعى من اجله ويتم الاعلان عنه فى منتدانا الكريم فى كل مكان واللى نقل جبل المقطم مش هيقدر يخلى الشباب يبطل معاكسه .. ولا إيه ؟؟
الرب لا يترك عصا الخطاه تستقر على نصيب الصديقين

ترعاهم بقضيب من حديد .. ومثل انية الفخار تسحقهم .... مز 2 : 9 ​

ربنا يرحم

 

[ميرنا]

مش البنات بتشتكى من المعاكسات

ميرنا
واذا ما اتعاكستش ها تروح البيت وتقول لمرايتها
هو فى اية انا وحشة ولا اية :hlp: :t30:
وصدقينى دى سلوكيات شازة فى مجتمعاتنا
الشرقية من زمان وليست حديثة العصر
طالما هناك ولد وبنت

ودمتى بود​

لا بتهزر مفيش بنت بتقول كدا
ربنا يرحم حتى لو البنت ماشية مع مامتها بكل رخامة بياعكسو الدم مفيش خالص

 

[وليم تل]

لا بتهزر مفيش بنت بتقول كدا
ربنا يرحم حتى لو البنت ماشية مع مامتها بكل رخامة بياعكسو الدم مفيش خالص

لا طبعا مش بهزر ميرنا
ورغم انى رافض تماما معاكسات الشباب للبنات
لانها اقتحام لخصوصية وحرمة كل بنت
كما ان هناك معاكسات استفزازية تخدش الحياء
ولكن فعلا فى بنات لو ما اتعاكستش بتتعقد
ولو بنت ماشية مع صحبتها وصحبتها اتعاكست اللى اتعاكست
بتسكت والتانية بتنزل ردح على من عاكس والسبب الداخلى
انهم ما عاكسوهاش زى صحبتها
واسئلينى انا عن بنات طنطو حوا :smil16:​