سؤال مهم جدا جدا وارجو لو يعرف حاجة يقول

[يوليوس44]

هو عبارة عن موقع لنشر الاعلانات التجارية العالمية
- جاءت هذه الفكرة من قلت المشاهدة للاعلانات التجارية

- قام موقع GlobalAdMart بنشر اعلانات للشركات الكبرى بحيث تضمن مشاهدة الاعلان للشركة التجارية الناشرة لهذا الاعلان وتتم كيفية هذا الامر

- بان تعطي مشتركيها نسبة من الارباح مقابل مشاهدة الاعلانات

وتاخذ من مشتركيها رسوم للتسجيل وكذالك رسوم على الانسحاب من الموقع لتضمن اكبر عدد... من المشاهدة للاعلانات

وتعطي ايضا عمولات للمشتركين المسجلين مسبقا على كل مشترك جديد وسيتم شرح هذه النقطة لاحقا
ومقابل كل اعلان تشاهده 10$
واذا كنت مشتركا ب 1300$

يكون لديك 3 حسابات أي ما يعادل 15 اعلان أي 150 $ اسبوعيا

150$ * 4 اسابيع = 600 $ هذا هو حصيلة دخلك الشهري الثابت ما يعادل 4000 جنية مصرى

فهل الموضوع دة صح ولاا ية ياشباب اللى يعرف حاجة يقول ويفيدنا جميعا
انا عن نفسى مش مصدق لو حد جرب يفيدنا ويشرح لينا ​

 

[عبود عبده عبود]

لو اللى بيتكلم مجنو
بقى المستمع عاقل
الحداية ما بترميش كتاكيت ​

 

[aymonded]

أنا زيك مش مصدق يا جميل، لأن واحد اعرفه دخل في هذا الموضوع من سنوات وأول ما ظهر في سنة 2006 وكان كله كلام ليس له معنى ولم يستفيد شيئاً به، ولكن الله وأعلم الآن شكله إيه يا ترى !!! واعتقد اعتقاد شخصي، والله واعلم وهي فتوة مني، أنها كلها أمور نصب والربح بيبقى فقط من الداخلين والمنسحبين...
​

 

[aymonded]

لو اللى بيتكلم مجنو
بقى المستمع عاقل
الحداية ما بترميش كتاكيت ​

جبت من الآخر والمفيد يا أجمل أخ حلو
بجد صدقت في هذا الكلام جداً ويحضرني موقف واحد عمله زمان، وهو موضوع الربح وكل واحد يدفع جنية ليحصل على 100000 جنية، وكل واحد ياخدها كل أول شهر، وبعد شهر واحد وجمع الفلوس لم يحصل أحد على شيء قط، وذهب الموضوع أدراج الرياح لأن مين اللي هايروح يعمل محضر في قسم علشان واحد أخد منه جنية !!!! والنصب له قواعد وأصول برضو هههههههههه
​

 

[عبود عبده عبود]

أنا زيك مش مصدق يا جميل، لأن واحد اعرفه دخل في هذا الموضوع من سنوات وأول ما ظهر في سنة 2006 وكان كله كلام ليس له معنى ولم يستفيد شيئاً به، ولكن الله وأعلم الآن شكله إيه يا ترى !!! واعتقد اعتقاد شخصي، والله واعلم وهي فتوة مني، أنها كلها أمور نصب والربح بيبقى فقط من الداخلين والمنسحبين...​

ياريس بيتسرقوا من خلاله الكريديت كاردز
دى عصابات دولية ومعروفة فى أفريقيا ​

 

[aymonded]

كلامك صح جداً يا جميل لأني أعرف واحد صديق اتسرق منه فلوس كتير من الكريدت كاردز فعلاً، فأنا مصدق كلامك 100%
​

 

[يوليوس44]

ايوة نورت المحكمة ياشباب شكرا شكرا شكرا. انا بقول زيكم كدة المشكلة فى ناس اصدقائى كتير ومنهم ناس كمان دكتور فى الجامعة مشتركين فيها .
بس بعد الافادة دة والمعلومات الخطيرة دة وخصوصا الحداية ما بترميش كتاكيت
​

 

[Vanishing_Son]

استاذي جلوبال اد مش نصب وانا مشترك فيه وكنت بفكر اكتب شرح ليه اول ما اوصل البيت هكتبه وانا اعرف الفرنشيز بتاع بلو اوشن اسمه اندرو انشاء ربنا هوضحهولك وهى مش حدايه يا انكلى هى بس فكرة جديدة وفعلا مش نصب

 

[يوليوس44]

استاذي جلوبال اد مش نصب وانا مشترك فيه وكنت بفكر اكتب شرح ليه اول ما اوصل البيت هكتبه وانا اعرف الفرنشيز بتاع بلو اوشن اسمه اندرو انشاء ربنا هوضحهولك وهى مش حدايه يا انكلى هى بس فكرة جديدة وفعلا مش نصب

اية الخبطة دة يا جماعة. ماشى هنستنى لما توصل بالسلامة وتوضح الشرح لينا ونستفيد منك يااخى
وربنا معاك توصل بالسلامة ومنتظر التوضيح والشرح يااخى الحبيب​

 

[aymonded]

عموما لحد علمي إلى الآن أن كل ما شوفته كان نصب، أما أن ظهر شيء جديد الله وأعلم بيه بصراحة، مش هاقدر أفتي فيه، بس لما قال لي واحد على أني اشترك في هذه الإعلانات طلب مني إني ادفع فلوس في الأول للاشتراك فرفضت عموماً لأني مش مرتاح لهذه الأمور والله وأعلم وراها إيه في النهاية، وبتفكرني في اللي كان بيطلب فلوس من كل واحد وعملها زي الجمعية في الآخر، يعني مش شغل ولاحاجة بالمعنى المفهوم، هو بس كل اللي اعرفه أن فيه إعلانات تبع جوجل لو اتحطت في الموقع وكل واحد بيدخل يضغط على الإعلان بيتحسب لصاحب الموقع المشترك بفلوس، ده اللي اعرفه فقط غير كده مش برتاح لكل هذا الكلام حتى لو في البداية حقق مكسب بس وراء الموضوعات ديه أيه في النهاية ومين بالظبط شيء غير معروف ولا مفهوم، وهل ممكن عن طريقها يتم التهكير على الجهاز مثلاً أو ايه اللي بيحصل بالظبط، كل ده مبهم جداً، والله واعلم ايه قانونه أو ما هو موقفه القانوني، لأن ده أهم شيء يُسأل فيه، عموماً قبل القدوم على أي خطوة لابد من فحصها جيداً جداً وعدم التصديق إلا بعد مشاورات ومعرفة قانونية هذا الموضوع وما هي الأثار المترتبه عليه، لكي لا يقع أحد تحت طائلة القانون في يوماً ما أو يظهر اي مشاكل فيما بعد ربما بعد شهور أو سنة أو سنوات، فالمستعجل برجليه يُخطا وهذا ما تعملته في هذا العالم الصعب...

ثم كيف نثق في الناس عبر النت، لأننا لا نعرف عناوين بعضنا البعض وأرقام الموبايل ممكن تتغير في أي وقت، ففي العالم الافتراضي وضع المصداقية بسهولة في أحد شيء يصعب للغاية، لأن الفصل بين الغث والثمين شيء يصعب جداً في هذه الأيام الصعبة على الأخص.... النعمة معكم
​

 

[Strident]

هو عبارة عن موقع لنشر الاعلانات التجارية العالمية
- جاءت هذه الفكرة من قلت المشاهدة للاعلانات التجارية

- قام موقع GlobalAdMart بنشر اعلانات للشركات الكبرى بحيث تضمن مشاهدة الاعلان للشركة التجارية الناشرة لهذا الاعلان وتتم كيفية هذا الامر

- بان تعطي مشتركيها نسبة من الارباح مقابل مشاهدة الاعلانات

وتاخذ من مشتركيها رسوم للتسجيل وكذالك رسوم على الانسحاب من الموقع لتضمن اكبر عدد... من المشاهدة للاعلانات

وتعطي ايضا عمولات للمشتركين المسجلين مسبقا على كل مشترك جديد وسيتم شرح هذه النقطة لاحقا
ومقابل كل اعلان تشاهده 10$
واذا كنت مشتركا ب 1300$

يكون لديك 3 حسابات أي ما يعادل 15 اعلان أي 150 $ اسبوعيا

150$ * 4 اسابيع = 600 $ هذا هو حصيلة دخلك الشهري الثابت ما يعادل 4000 جنية مصرى

فهل الموضوع دة صح ولاا ية ياشباب اللى يعرف حاجة يقول ويفيدنا جميعا
انا عن نفسى مش مصدق لو حد جرب يفيدنا ويشرح لينا ​

كنت من زماااان سمعت عن حاجة زي دي....بس مش بالارقام الفظيعة دي

انت اصلاً اخرك كام اعﻻن في اليوم وكل واحد بقرش ساغ وﻻ حاجة

والوقت اللي هتضيعه في انك تلف عليهم (عشان تاخد فلوس اكتر) هيبقى كبير والمبلغ مش كبير....4000 دي مش صح

واحد صاحبي كان عمل script يلف عليهم لوحده بس ماعملش كتير لانه لو كان طول هيقفشوه ويمنعوه
(اللي بيقلب بسرعة زيادة بيكشفوه ﻷن الscripting سهل جداً) وكده كده فيه حدود في اليوم
وهو عملها مرة for fun ,خﻻص

 

[يوليوس44]

كنت من زماااان سمعت عن حاجة زي دي....بس مش بالارقام الفظيعة دي

انت اصلاً اخرك كام اعﻻن في اليوم وكل واحد بقرش ساغ وﻻ حاجة

والوقت اللي هتضيعه في انك تلف عليهم (عشان تاخد فلوس اكتر) هيبقى كبير والمبلغ مش كبير....4000 دي مش صح

واحد صاحبي كان عمل script يلف عليهم لوحده بس ماعملش كتير لانه لو كان طول هيقفشوه ويمنعوه
(اللي بيقلب بسرعة زيادة بيكشفوه ﻷن الscripting سهل جداً) وكده كده فيه حدود في اليوم
وهو عملها مرة for fun ,خﻻص

شكرا للشرح يااخى بس انا مش فاهم حاجة بجد دماغى وقعت وندوز هههههههههه دماغى انا لفت بجد ​

 

[Strident]

انهي جزء طيب؟

 

[aymonded]

الأخ الحبيب Libertus وفى واستوفى وكلامه هو الصح 100% فعلاً، شكراً لك أخي الحبيب على توضيح الصورة كاملة لكي يكتمل الموضوع ويبقى تمام
​

 

[بايبل333]

عندئنا الموضوع مختلف تماما تدفع الف جنية تاتى بشخص تاخذ علية 30 دولار بس يدفع الف جنية لحد ما تصل 400 دولار تكسب لاب توب وفعلا الناس دفعت الفلوس وكسبت لاب اوب وموبايل كمان
"علما بان ممكن تغيير الطلب من لاب الى اجهزة ثانية "

مصدر موثوق

 

[aymonded]

ههههههههههههههههه طالما مصدر موثوق منه يبقى حلال
​

 

[يوليوس44]

ههههههههههههههههههههههههههههههههه
على فكرة الموضوع منتشر جدا جداجدا .
وانا بقيت مش عارف اشترك ولااشترك ؟​

 

[Strident]

لو مش واثق من الحاجة ومش عارف بتدي معلوماتك او الcredit card لمين ما تشتركش

ولما يجي لك ايميل يقول لك انت كسبت في سحب....ما تتدلقش وتبعت بياناتك...

دور الاول في جوجل هتلاقي الايميل ده وصل لعشرميت واحد غيرك...

طب بص يا عم يوليوس....ابعت كده لينك البتاع ده وانا ادور لك هو هجص ولا بجد

بس لو 4000 في الشهر من دلوقتي اقدر اقول انه هجص

 

[يوليوس44]

لو مش واثق من الحاجة ومش عارف بتدي معلوماتك او الcredit card لمين ما تشتركش

ولما يجي لك ايميل يقول لك انت كسبت في سحب....ما تتدلقش وتبعت بياناتك...

دور الاول في جوجل هتلاقي الايميل ده وصل لعشرميت واحد غيرك...

طب بص يا عم يوليوس....ابعت كده لينك البتاع ده وانا ادور لك هو هجص ولا بجد

بس لو 4000 في الشهر من دلوقتي اقدر اقول انه هجص

هوwww.globaladmart.com تقريبا يا ااخى دة هو الينك او الموقع
اللى كتبة لى صديق ولااعلم عنه شى ​

 

[aymonded]

لو مش واثق من الحاجة ومش عارف بتدي معلوماتك او الcredit card لمين ما تشتركش

ولما يجي لك ايميل يقول لك انت كسبت في سحب....ما تتدلقش وتبعت بياناتك...

دور الاول في جوجل هتلاقي الايميل ده وصل لعشرميت واحد غيرك...

طب بص يا عم يوليوس....ابعت كده لينك البتاع ده وانا ادور لك هو هجص ولا بجد

بس لو 4000 في الشهر من دلوقتي اقدر اقول انه هجص

ده كلام سليم، بس فعلاً 4000 ده مستحيل ومش ممكن حد يصدقه خالص، أصل لو 4000 بجد هاتلاقي العالم كله اشترك فيه بدون تردد، بس دايماً المبالغ اللي بتوضع بالشكل الضخم ده بيقى وراها شيء غير سليم مش انصحك حتى لو جه أقرب صديق قال لك مضمون اوعى تصدق وانسى الموضوع تنماماً، وحذتاري تضع أي بيانات ولو كانت حتى بسيطة أو تقبل بتسطيب أي ملف أو برنامج على جهازك أو اي شيء من هذا القبيل، أو تضع أي فلوس في الموضوع...
​