تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="REDEMPTION, post: 60682, member: 1472"] [B]ميرنا انا هسألك سؤال وتجاوبى عليه بمنتهى الصراحه .. ممكن ؟؟[/B] [B]انتى تحبى ترتبطى بشاب كله عواطف ولا كله عقل ولا مزيج من العواطف والعقل ؟؟؟[/B] [B]لو كله عواطف يبقى مش هيقدر يقود سفينة حياتكم اطلاقاً وتأكدى من كلامى ده ..... ولو كله عقل يبقى انتى هترتبطى بأله .... لكن لو عواطف مع عقل هيبقى هو ده الزوج المثالى ...[/B] [B]ده اللى قصدته فى كلامى ... انا ما اتكلمتش على شاب (( لاغى )) عواطفه .... لاء ... انا اتكلمت عن شاب عنده عواطف .. وممكن تكون عواطف جباره كمان ... لكن بيستخدم عقله فى الامور اللى زى دى .... هو ممكن يُعجب ببنت ... لكن عقله يقوله حاسب استنى .. انت عندك ايه دلوقتى ؟؟ .. ايه التزاماتك ؟؟ ... تقدر تعمل ايه للبنت دى ؟؟ .. ايه اللى ممكن تقدر تقدمه غير الحب ؟؟ ... لان يا ميرنا تاكدى من انسان له خبرات كتير اوى فى الموضوع ده .. ان الحب وحده لا يكفى .... مهما قولنا من شعارات .. او حتى مهما قولنا من كلام احنا دلوقتى مقتنعين بيه .... [/B] [B]الحب اساسى جداً فى الحياه الزوجيه ... ومن غيره هتنهار ... لكن بجوار الحب فيه حاجات كتير اوى لازم تكون متوفره ... [/B] [B]اى سؤال بيدور فى ذهنك دلوقتى يا ميرنا لازم ترجعى للاصل بتاعه ... بمعنى ... انتى بتقولى [COLOR=blue] انا بتكلم عن ان شخص ((( بعد ))) قصه حب يقول للبنت مفيش نصيب[/COLOR] ... وليه يا ميرنا هو سمح انه يبقى حب جامد اوى بالشكل ده .... وطبعا الحب الجامد ده ما جاش فى يوم ليله .. اكيد اخد وقت لغاية ما وصل للمرحله دى ... طيب فى خلال الوقت ده ما فكرش لحظة هيرتبط ازاى بحبيبته ؟؟؟!!! ... اصلا ما فكرش فى مستقبله شكله ايه ؟؟؟ .. [/B] [B]انا بفحص المشكله يا ميرنا من اصلها ... مش من بعد ما حبوا بعض وانتهى المشوار .. لاء ... دايماً الانسان يدور على اصل المشكله ... الاساس ... يعنى مثلا انا حبيت بنت .. والموضوع تطور وبقى حب كبير اوى ... لدرجة ان فكرت الفراق دى مش فى الذهن اطلاقاً ولا يمكن انها تيجى فى عقلى .... و للاسف ما عنديش امكانيه للارتباط ... السؤال بقى ... طيب وبعدين ؟؟؟؟؟؟؟ .. اولا ... علقت بنت معايا ... ومش عارف لو ارتبطت بحد هيكون ايه ظروفها ورد فعلها (( ده اذا وافقت بحد اصلا )) .. وحتماً هتوافق ... لان مش معقوله هتعاند وهتزعل البيت كله وهتسبب مشاكل علشانه ... ولو وافقت يبقى معاها عذر ... لان الشاب الحكيم لا يمكن يقبل انه يرتبط ببنت وقفت فى وش بيتها كله وقصاد مامتها وباباها علشانه ... لان زى ما بيقولوا اللى مالوش خير فى اهله مالوش خير فى حد ... ومش معنى كلامى انها ما تحاولش تقنع اهلها بالانتظار .. لاء طبعا هى لازم تعمل بكل طاقتها ... ولا بلاش بكل طاقتها لان طاقة البنت فى الامور دى ممكن توصل للهرب مع الحبيب :) ... لكن تحاول تقنع اهلها بكل الطرق انهم ينتظروا شويه .. ده من نقطة .. كمان الحبيب الهمام اللى اتعلق قبل الاوان لازم تكون خطواته بعد كده سريعه ... قويه ... فعاله ... علشان اولا يثبت لنفسه انه شخص محترم وجاد ... وثانياً يثبت لاهل حبيبته انه كفء للارتباط ببنتهم وانه محل ثقه واطمئنان ... كل الكلام ده يا ميرنا لو الشاب ارتبط بقصة حب عنيفه قبل ما يكون نفسه ... تصورى بقى ان فيه شاب جاهز وعاش قصة حب مع انسانه وجد فيها كل اللى بيحلم بيه ... وهى كمان المثل ... واتقدم واتخطبوا .... تخيلى كم المشاعر الصادقه المطمئنه اللى هتكون بينهم ... والسعاده ... وراحة البال .....[/B] [B]اصدقائى ... مشاعرك سواء بنت او ولد ... فقط لحبيبك ... الذى سيكون زوجك بأذن المسيح وحسب ارادته .... [/B] [B]اجمل شىء ان مشاعر زوجتى تكون بكر لىّ ... اكون انا اول انسان يشعر بها .. وتبوح بها له ... واقصد بذلك المشاعر الصادقه .. وليست فترات المراهقه الطبيعيه ...[/B] [B]واجابتى على سؤالك وهو هل يمكن ان تتخلى عن حبيبتك ؟؟ اقول ... اذا حدث واحببتها قبل ان اكون نفسى وهى متمسكه بى لابعد الحدود فمن الممكن ان اتخلى عنها ... فى حاله واحده فقط .. ان مُت[/B] [B]صلواتكم ...[/B] [/QUOTE]

التحقق