ابننا الحبيب ونور عيوننا
احنا عارفين انك زعلان ومش مبسوط في حياتك معانا ومتضايق من تصرفاتنا اللي مش فاهمها وبترفض تسمع كلامنا
ممكن تسمح لنا نعتذرلك عن اللي مزعلك مننا ونرجوك تسمع حكايتنا يمكن تعذرنا وتفهمنا
الدنيا ماكانتش سايعانا لما جيت لينا وعلي الرغم من ان امك كانت قربت تموت وهي بتولدك الا ان قلبها زغرد اول ما شافتك وتحاملت علي نفسها وعملنا لك حفله سبوع ما حصلتش بين قرايبنا وفرحنا كلنا فيها
ولما جا الليل انت ابتديت تصرخ علشان عندك مغص
طول الليل سهرانين جنبك نحاول نسكتك وروحنا بيك المستشفي وقعدنا لغايه الصبح وفرحنا انك خفيت
طبعا لما الصبح صبح اضطريت اروح الشغل وانا تعبان ويومها المدير طلب مني شغل كتير مقدرتش اعمله كله صح واخدت جزا
وكنت كل شويه عند الدكتور وكل شويه تعب و نسهر معاك ونروح الشغل تاني يوم مرهقين وتعبانين
ماما ترجع بسرعه من شغلها ملهوفه ومشتاقه تحضنك لكن كمان وراها شغل البيت طبيخ وكنس وتنظيف علشان انت تلاقي مكان نظيف تلعب فيه براحتك
طبعا المصاريف زادت عليا بسبب غلاء الاسعار لقيت شغل تاني اضافي علشان ازود الدخل
وعلي الرغم ان الدخل بقي يادوب مكفي الا اني كمان اتحرمت من اللعب معاك ومن اني اخدك في حضني وافرح بيك
لكن ماما كانت بتقولي اخبارك ويوم ما قالت لي انك ابتديت تمشي لوحدك انا هيصت ع الاخر ولما مره سمعتك بتناديني ب ا با بكيت من الفرح
مرت كام سنه وربنا بعت لنا اختك وفرحنا بيها زي ما فرحنا بيك لكن كمان زاد الحمل علي ماما وبقيت بتصحي بدري اكتر قبلنا كلنا علشان تجهز لنا الفطار وسندوتشات المدرسه ولما ترجع وراها تنظيف وطبيخ ومسح وكنس وغسيل وكوي
كمان انت واختك ربنا يخليكم ويفرحنا بيكم
سامحني يعني ما كنتوش متعاونين خالص ترموا اللعب في كل حته وهي تلم من وراكم كل شويه وده يتعبها اكتر
تقول لكم رتبوا لعبكم وما تسمعوش الكلام غصب عنها هتزعق لكم
في مره شافتك وانت بتزق اختك وكنت هتوقعها ماما اتفزعت وضربتك وهي متضايقه انها بتضربك
احنا اسفين ماكنش نفسنا اننا نضربك خالص ولا حتي نزعق لك لكن غصب عننا انت بشقاوتك خليت ده اسلوبنا معاك
طبعا دخلنا في المذاكره والدروس علشان تبقي واحد من احسن الناس في البلد
وانت فاكر اننا غاويين ننكد عليك ونزعق لك علي الرغم انك بعدين هتفهم ان ده لمصلحتك وتشكرنا عليه كمان خناقاتك انت واختك كترت علي كل حاجه وبقيت ماما تتنرفز عليكم كتير
طبعا كل ده والمصاريف بتكتر وانا لازم اشتغل اكتر واكتر علشان الدخل يكفي وتبقوا مبسوطين
والنتيجه اني بعدت عن البيت اكتر وانا تعبت من كتر الشغل ومشاكله وبقيت اعصابي مشدوده علي طول ومش مستحمل كلمه وماما من كتر عدم سماعكم الكلام بقت بتزعق كتير
انا عارف انك مش مسئول قوي عن الوضع ده وهتقولي امال خلفتونا ليه
ها اقولك خلفناك علشان نضم عضو جديد لجسد المسيح
لكن الحياه صعبه شويتين طيب والحل ؟
ابننا الحبيب ونور عيوننا يا تري ممكن تعذرنا شويه وتسامحنا ؟
ممكن نطلب منك طلب
لما تلاقينا بنزعق كتير ابقي حاول تشوف يمكن تكون انت زودتها شويه وضغطت علينا زياده
واكيد لو لاقينا منك شويه قبول لظروفنا وتعاون معانا اكيد هنفرح بيك ونفرحك معانا
ممكن كمان لما تلاقي الامور صعبه شويه تصلي من اجلنا كلنا
تصلي ان ربنا يبارك في الشغل والدخل علشان انا اهدي والاقي وقت اصاحبك فيه
تصلي ان ربنا يدي ماما صحه كويسه وتقدر علي طلبات البيت وتستحمل تعبنا
تصلي ان ربنا يدينا سلام في البيت علشان نقبل كلنا ضعفات بعض ونرجع نحب بعض اكتر من الاول
تصلي كمان ان ربنا يهديك وينور بصيرتك وتبقي راجل في تصرفاتك وما نضطرش نزعق لك
اذكرونى في صلواتكم
احنا عارفين انك زعلان ومش مبسوط في حياتك معانا ومتضايق من تصرفاتنا اللي مش فاهمها وبترفض تسمع كلامنا
ممكن تسمح لنا نعتذرلك عن اللي مزعلك مننا ونرجوك تسمع حكايتنا يمكن تعذرنا وتفهمنا
الدنيا ماكانتش سايعانا لما جيت لينا وعلي الرغم من ان امك كانت قربت تموت وهي بتولدك الا ان قلبها زغرد اول ما شافتك وتحاملت علي نفسها وعملنا لك حفله سبوع ما حصلتش بين قرايبنا وفرحنا كلنا فيها
ولما جا الليل انت ابتديت تصرخ علشان عندك مغص
طول الليل سهرانين جنبك نحاول نسكتك وروحنا بيك المستشفي وقعدنا لغايه الصبح وفرحنا انك خفيت
طبعا لما الصبح صبح اضطريت اروح الشغل وانا تعبان ويومها المدير طلب مني شغل كتير مقدرتش اعمله كله صح واخدت جزا
وكنت كل شويه عند الدكتور وكل شويه تعب و نسهر معاك ونروح الشغل تاني يوم مرهقين وتعبانين
ماما ترجع بسرعه من شغلها ملهوفه ومشتاقه تحضنك لكن كمان وراها شغل البيت طبيخ وكنس وتنظيف علشان انت تلاقي مكان نظيف تلعب فيه براحتك
طبعا المصاريف زادت عليا بسبب غلاء الاسعار لقيت شغل تاني اضافي علشان ازود الدخل
وعلي الرغم ان الدخل بقي يادوب مكفي الا اني كمان اتحرمت من اللعب معاك ومن اني اخدك في حضني وافرح بيك
لكن ماما كانت بتقولي اخبارك ويوم ما قالت لي انك ابتديت تمشي لوحدك انا هيصت ع الاخر ولما مره سمعتك بتناديني ب ا با بكيت من الفرح
مرت كام سنه وربنا بعت لنا اختك وفرحنا بيها زي ما فرحنا بيك لكن كمان زاد الحمل علي ماما وبقيت بتصحي بدري اكتر قبلنا كلنا علشان تجهز لنا الفطار وسندوتشات المدرسه ولما ترجع وراها تنظيف وطبيخ ومسح وكنس وغسيل وكوي
كمان انت واختك ربنا يخليكم ويفرحنا بيكم
سامحني يعني ما كنتوش متعاونين خالص ترموا اللعب في كل حته وهي تلم من وراكم كل شويه وده يتعبها اكتر
تقول لكم رتبوا لعبكم وما تسمعوش الكلام غصب عنها هتزعق لكم
في مره شافتك وانت بتزق اختك وكنت هتوقعها ماما اتفزعت وضربتك وهي متضايقه انها بتضربك
احنا اسفين ماكنش نفسنا اننا نضربك خالص ولا حتي نزعق لك لكن غصب عننا انت بشقاوتك خليت ده اسلوبنا معاك
طبعا دخلنا في المذاكره والدروس علشان تبقي واحد من احسن الناس في البلد
وانت فاكر اننا غاويين ننكد عليك ونزعق لك علي الرغم انك بعدين هتفهم ان ده لمصلحتك وتشكرنا عليه كمان خناقاتك انت واختك كترت علي كل حاجه وبقيت ماما تتنرفز عليكم كتير
طبعا كل ده والمصاريف بتكتر وانا لازم اشتغل اكتر واكتر علشان الدخل يكفي وتبقوا مبسوطين
والنتيجه اني بعدت عن البيت اكتر وانا تعبت من كتر الشغل ومشاكله وبقيت اعصابي مشدوده علي طول ومش مستحمل كلمه وماما من كتر عدم سماعكم الكلام بقت بتزعق كتير
انا عارف انك مش مسئول قوي عن الوضع ده وهتقولي امال خلفتونا ليه
ها اقولك خلفناك علشان نضم عضو جديد لجسد المسيح
لكن الحياه صعبه شويتين طيب والحل ؟
ابننا الحبيب ونور عيوننا يا تري ممكن تعذرنا شويه وتسامحنا ؟
ممكن نطلب منك طلب
لما تلاقينا بنزعق كتير ابقي حاول تشوف يمكن تكون انت زودتها شويه وضغطت علينا زياده
واكيد لو لاقينا منك شويه قبول لظروفنا وتعاون معانا اكيد هنفرح بيك ونفرحك معانا
ممكن كمان لما تلاقي الامور صعبه شويه تصلي من اجلنا كلنا
تصلي ان ربنا يبارك في الشغل والدخل علشان انا اهدي والاقي وقت اصاحبك فيه
تصلي ان ربنا يدي ماما صحه كويسه وتقدر علي طلبات البيت وتستحمل تعبنا
تصلي ان ربنا يدينا سلام في البيت علشان نقبل كلنا ضعفات بعض ونرجع نحب بعض اكتر من الاول
تصلي كمان ان ربنا يهديك وينور بصيرتك وتبقي راجل في تصرفاتك وما نضطرش نزعق لك
اذكرونى في صلواتكم
