رد: حواء في استضافه ادم والعكس ( bob & white.angel )

[عبود عبده عبود]

اية ياعم بداااااااية ...طلاقى هيكون على ايديك كدة ...
وبعدين مال مشاركتك بالعرض كدة لية ؟؟...على ما أمشى وراها
ألاقى نفسى فى الحمام ....
بس قصيدة ( شتيتة ) يا ِولد ...

 

[rania79]

ههههههههههههههههههه
فضحنتى ف وسط اصدقائى ياعوبد وسيحت باسمى
ومالو ياعم
قابل منى بقة
ويخويا بلاش تهريج ورد ع الاسئلة كما قال الكتاب
الكاميرا بتصور
هههههههههههههههههه
​

 

[عبود عبده عبود]

ههههههههههههههههههه​

فضحنتى ف وسط اصدقائى ياعوبد وسيحت باسمى
ومالو ياعم
قابل منى بقة
ويخويا بلاش تهريج ورد ع الاسئلة كما قال الكتاب
الكاميرا بتصور
هههههههههههههههههه​

هننصب ؟؟؟
فين السؤال اللى مارتديتش عليه ؟؟؟

 

[+Nevena+]

احنا هنقعد نهزر بقي ولا ايه


فين يابت الاسئله
كدا فضلك يومين ولسه مش دخلي في الغويض خالص
وعمالين نقوم الدنيا ونقول هتبقي معركه دم للركب
وكله هايبقي هش ونتش ولا ايه

هتشميتي فينا الاعداء كدا

انزل يابنتي بطقم اسئله من الف سؤال
اول قطعيه وكمان ساعه
انزلي بالقطيعه التانيه يجي الفين كدا
واتوووووووووووووووووووووووووصي

هافضل انصح فيكي كدا
اتعلموها بقي
هههههههههه

 

["خْرْيْسْتْوْفُوْرُوْسْ"]

اية ياعم بداااااااية ...طلاقى هيكون على ايديك كدة ...
وبعدين مال مشاركتك بالعرض كدة لية ؟؟...على ما أمشى وراها
ألاقى نفسى فى الحمام ....
بس قصيدة ( شتيتة ) يا ِولد ...

انا برد فى الفواصل بس ...فى ميدان الحرب بتفرج ..لحسن انا مجرب قبل كدا لما الخضار بتاعهم يطلع علينا,,
فجاي اشمت هنا ...
واكون داعم لحضرتك طبعا..
فتقبلني ثرثار حرب بين الفواصل

:mus13:​

 

[عبود عبده عبود]

يا ست أزهااااااااااااااااااااااااااار
يا زهرهر ....
راحت فين ياخويا الست تييى ؟

 

[rania79]

ايتها ال"RANIA"ان كنتي جئتي راشيه..
فكم اهلك الله قبلا من طاغيه..
وان جئتي داعيه
فلقد ضربكم عبود الضربه القاضيه..
ومهما كانت أستغاثتكن
فلن يجيب أحدا لمناديا
فنعدو لكي بالهدايه
والأنسحاب من النوبيك
كأنسحاب غمامه من سماء صافيه
ولا تأخذي غمامتي هجوا
فالغمامة بالغيث أتيه
لكنها أتية علي جنسك فقط
وعلينا تأتي كلعنات ليس لها محصيا
::::::::
ايتها ال"RANIA"
طلبك...



مرفوض مرفوض مرفوض

فمهما حدث ..لن اتخلي عن القائد عبود

فهو غيركن للفكاهة فى دمه وجود

اما حضراتكن ..عذرا..فالغدر فيكن موجود..

فأن وقفت معكي اليوم..

فغدا أعلم اني ...

مطرود مطرود مطرود​

وأن كنتي فى الفكاهة حَبه

فعبودنا فى الفكاهة العنقود ..

وأنتن تأخذن منه البسمه..

ونحن نأخذ منكن النكران والجحود..

وعذرا أود اخبارك

ان سي السيد بعبود يعود

وحتما نحن المنكرين

سيأتي يوما ونسود

ونطبق عليكن حد التمرد

ونذيقكن من أنواع الغيظ ما لم يكن فى تاريخكن معهود

::::::::::::

عبود وأن كنت فى زمانك الأوحدا

فأعلم أنه منصور من بك أقتدي..

وأعلم انك تحت ضروسهن

صخرا جلمدا..

لن يستطيعوا طحنك ابدا ..

وأن أمنوا برب محمدا

فعلي طريق فكاهتك نسير

وبايعناك كوميديان المنتدي

ويا كل أمرأة ..أن صرتن ضده جموع

فعبود حتما يراكموا مفردا

سيطعن فى قلوبكن الغيظ

ولن تجدوا من سخريته بكم منجدا

فكورنه ازرق بالعرق يكافح..

وخضاركن سيضيع سُدي

وكقول من المجالمه أقول

فكاهية انتي يا "RANYA"

ولكني لعبود مناهضا

ولن اغير فى ذلك مبدأ

الشر بره وأبعدا

فيا لغبط قلبي بعبدواِ

صار عليكن مُنَكِدا َ

"RANYA"

وان زللتيني بموضوع القصيده

فها أنا لجميلك جاهدا

ولن أبالي ابدا بخضارك..

فالأزرق عبودا لي محاميا

وبالحق يقضي وبالحق قضي

وأعلمي سيدتي "RANYA"

أنكي وأن مع كل النساء اتحدتي

فعبود يراكما شعبا متباعدا

ونحن الرجال أعلناها حربا

والمستشار لزي النصر ارتدي

وها نحن بهزيمتكن فخورين

وبباقي الجولات ستأتي البينة علي من أعتدي

فهيا لميدان الحرب أمضي

وأعلمي ان كلنا لعبود مساندا

ومن مات فى تحدي المرأه

فهو شهيدا فى سبيل الحق مجاهدا

وبسيف الكلم ندحركم

الا من تاب ورجع وصار عن كرهنا معرضا

ونحن سنمن عليهن بمعسول الكلمات

ونكون لهن فى اعمال البيت مساعدا

اما من اتبع طريق "RANYA"

فبالمطبخ اسفل الثلاجه لها المرقدا

ومن ضحك لعبود فى فكاهه

فله فى نصيبهن قلبا حاقدا

فأحذروا منهن جميل ملامح

ولا تقربوهم فداخلهم وحش مستأسدا

ومنهن من حاولت تقطيعي

ولكني من فتكها جريت مستنجدا

ولكن المبدأ احياني

ولعبود أنا بعد ضلالي عائدا

فلن يغريني فيكي جميلك علي شخصي

ولن أكون معكي متفاوضا

فالرد القاطع ارسله

عذرا فأنا رجل

وضد رجل لن أكون معاهدا

فطلبك سيدتي مرفوض

ومشاركتك عندي بمثابة صوت ليس له صدي

:::::::::::::::::::

اوعي تفهميني صح يا رانيا

انا بهزر والنعمه

لما موضوع القصيده والمسابئه يخلص..

هقلك اني مش كنت بهزر وكنت بتكلم جد
ههههههههه

وهحط جلبيتي فى سناني واجي خوفا من لطشة تقييم سالب يمنحه
لكي خضارك فتردي نقاط عضويتي متخاذله متراجعه مئات النقاط للخلف
::::::::::
متابع جدا لعبود بس اي حد تاني نوووو
​

هههههههههههههههههههههههه
يالهوووووووووووووتى اية كل دة
دة انت طلعت حكاية يابنى من ورايا
بعتنى ياصلاح عشان عوبد افندى رمش العين
عليا النعمة لخسرك ف المسابقة اساسا
وخالى عوبد ينفعك
هههههههههههههههه
​

 

[rania79]

ههههههههههههههه يامعلمتى نفينو من عيونى
كمان دة لقاء تاريخى جغرافى لن يتكرر ع مستوى المنتديات الافغانية غير كل فين وفين
فلزم امخخ صح
ثم براحتنا بقة ف الاسئلة مش تحددى لينا ايام لو سمحتى
ههههههههههههههههههههه
​

 

[rania79]

قولى ياحج عوبد

اكتر مرحلة ف عمرك مقربة ليك كانت اية؟
نفسك تعيش كام سنة؟؟؟؟؟؟؟ وياترى مين اللى تحبو يكمل معاك حياتك
ليك انتيخ؟ انتيم يعنى :smile01
بتؤمن بالصداقة بين الرجل والمراة؟؟؟؟؟؟؟؟
صفة بتكرها ف الست اللى بتعامل معاك؟
اول حاجة تشدك ف الليدى اية بقة ههههههههههههههه:mus25:
ضربت مراتك او واحدة ست قبل كدة؟
وبتعمل اية لما واحدة تعصبك وخلالالالالالالاص هتشد ف باروكتك منها؟
ههههههههههههههههههه

واية رايك ف الرجال اللى بتقلب فلوس زوجاتهم؟:thnk0001:

هقوللك صفات توزعها ع ( معارفك من اسرتك)
حنين اوووى
مقدرش اعيش من غيرك:new8:
دة انت خنيق ورزل هههههههههه
كريم
نفسى اشوفك تانى
كرهت العيلة بسببك هههههههههههه​

 

[!! Coptic Lion !!]

قرار رقم (2)
قررنا نحن ابو عياد عوده التسالي مره اخري
يلا فرفشوا
​

 

[عبود عبده عبود]

قرار رقم (2)​

قررنا نحن ابو عياد عوده التسالي مره اخري
يلا فرفشوا ​

عن أبن تسالى - رضى الله عنه - أنه قال :
قال " أبا مقلة " : عليكم بالكاجوو فأن له وَجَاء ومِلح
قالوا ولكن يا " أبا مقلة " قد بلغ منا الجَهَد والكيلو بسبع وتسعون دينار !
قال : لا تخافوا ولا تُهِنوا فإن "ابا عياد " قد سدد

رواه عبود فى صحيح التدبيس - باب التسالى - ​

 

[!! Coptic Lion !!]

عن أبن تسالى - رضى الله عنه - أنه قال :
قال " أبا مقلة " : عليكم بالكاجوو فأن له وَجَاء ومِلح
قالوا ولكن يا " أبا مقلة " قد بلغ منا الجَهَد والكيلو بسبع وتسعون دينار !
قال : لا تخافوا ولا تُهِنوا فإن "ابا عياد " قد سدد

رواه عبود فى صحيح التدبيس - باب التسالى - ​

إِنَّا اعْطَيْنَاكَ الُكَيَزرّ ۞ فَاصْنَعْ سَانْدُوتّشَاتِ وَلَا تَبْخَلُ ۞ ثُمَّ عَلِمْنَاكَ الْمَيْسِرِ فَقَامَرَ وَلَا تَخْسَرُ ۞ مِنْ سُوْرَةِ ايً كَلَامَ فَاضِيْ
​

 

[+febronia+]

هو اناا دخلت في حصة نصوص واناا مش واخد بالي والا ايييييية :thnk0001:

 

[عبود عبده عبود]

هو اناا دخلت في حصة نصوص واناا مش واخد بالي والا ايييييية :thnk0001:

أنتى كنتى رايحة فين يا فيبى أصلاً ؟؟
حصة الكيميا خلصت ياحبيبتى ...فيه هون عربى ودين
وفكاهة مستوى رفيع ...تحبى تحسنى المجموع ؟

 

[عبود عبده عبود]

قولى ياحج عوبد

ههههههههههه ...مش عارف لية ياصباح كل ما اقرا لك أسئلة باحس بواحدة ( بارشة ) ع الأرض بجلابية البيت وسط الصالة ...
ومن قدام منها مصفة ألومنيا فيها ورق كرنب مسلوق وطبق جنب منه فيه التحابيش بتاعى الحشو ..
شبت وبقدونس وطماطم وتوم وبصل ...
وتاخد ورقاية الكُرنب وتخبطها على حرف المصفى وتحشى وتعصرها فى كف أيديها وتحطها فى الحلة ...
وهى بتقول
قولى يا حج عوبد ...حكى قبل الراجل ماييجى ويطين عيشتى ...

اكتر مرحلة ف عمرك مقربة ليك كانت اية؟

المرحلة الأولى عشان أخترت فيها مادة الكيميا

نفسك تعيش كام سنة؟؟؟؟؟؟؟

الأعمار بيد الله ..ولكننا عائلة معمرة والحمد لله ..
ماعدا جدى لأبى توفى عن عمر يناهز السابعة والثمانون ...
ودة الوحيد اللى اتخطف من العيلة

وياترى مين اللى تحبو يكمل معاك حياتك

أى واحدة بنت حلال ...عايزة تعيش ...مش هدقق يعنى أنا نفسى حلوة قوى

ليك انتيخ؟ انتيم يعنى

ايوة أبن خالى وهو فنان تشكيلى ...
وميزته أنه بيصدع دماغ أمى كل مرة نتقابل فيها
لكن باحبه أكمنه بيشكيلى

بتؤمن بالصداقة بين الرجلوالمراة؟؟؟؟؟؟؟؟

طبعا

صفة بتكرها ف الست اللى بتعامل معاك؟

النكد - الغباااااء

اول حاجة تشدك ف الليدى اية بقةههههههههههههههه

مشيتها -
لفتتة راسها على غفلة -
دقة كعب رجليها -
طريقة تصفيف شعرها -
طريقة تفكيرها -
طريقة كلامها ...
والباقى من العيب التصريح به عشان الرقابة

ضربت مراتك او واحدة ست قبل كدة؟

ماهى مراتى تبقى واحدة ست !!!
أم العيال أكلت منى قلم مرة ....بس قلم " كوريكيت " ...صح يعنى

وبتعمل اية لما واحدة تعصبك وخلالالالالالالاص هتشد ف باروكتك منها؟ههههههههههههههههههه

انتى عارفة ان المحور الصحراوى شاقق عندى من فوق وما بلبسش بواريك
اللى بتعصبنى باقوم من قدامها أو ممكن أكسر عصاية الفتيس فى العربية ...
حصلت مرة

واية رايك ف الرجال اللى بتقلب فلوس زوجاتهم؟

مش رجالة أصلاً ...

هقوللك صفات توزعها ع ( معارفك من اسرتك)

حنين اوووى -

أخويا الكبير

مقدرش اعيش من غيرك

مافيش حد ما بيقدرش يعيش من غير حد - لكن مجازاً - أمى

دة انت خنيق ورزلهههههههههه

أخويا الكبير برضه - عنده الصفتين الحنية والرزالة

كريم

أنا

نفسى اشوفك تانى

ابويا الله يرحمه
- وواحد من برة العيلة ( الله يرحمه برضه ) عشان أقوله أنا سامحتك

كرهت العيلة بسببك ههههههههه

أبن خالتى
دى الأسئلة ؟؟
فين طقم الخوشاف يا صباح ؟

 

[rania79]

ههههههههههههههههههه جلايبة وحلة المونيا
كدة انت ضربت صورتى بمفك

وبما انى بنت بلد وصاحبة اصحابى:new8:
اخبط دى محشى اهو
وكمان حلة صلصة عشان لو عطشت يعنى
هههههههههههههههههه

وبعد مدلعتك بحلتين المحشى والصلصة:smile01
قولى بقة ياعوبد
لية ع طول حاطط صور ف توقيعك ولا الصورة الرمزية عن الاسود والنمور
لية مش بتحط صور دينة مثلا
واشمعنى بتحب الاسود
هل انت عدوانى؟
اكيد ميلوللك واهدافك شريرة
:59::59:


وياترى انت تبع مقولة ( قلب الرجل معدتة)
طفس ف الاكل يعنى من الاخر؟
هههههههههههههههههه

بتعرف تطبخ؟


لو معزوم عند ناس و لاقيت الاكل مش عجبك ومحروق ومنيل هتكمل اكل عشان مش تحرج الناس ولا تسيح وتقول رايك؟

لو ف مطعم شيك ومع ناس اخر شياكة وبعد ماكلتو صممت انك اللى تدفع الشيك وفجاءة لاقيت مش معاك فلوس:59:


تعمل اية لو بعد مكونت علاقة صداقة او حب عن طريق النت
واكتشفت بعد كل دة انها طلعت (مراتك الاولى):59:


لو نازل من بيتكم وضارب كالونيا:smile01 ومتروق وفجاءة ام عيلاء جارتكم حدفتك بحلة الملوخية البايتة هتعمل اية ف ام عيلاء والملوخية؟:smile01:smile01:smile01


لو طلبو منك تغنى اغنية هتقول اية؟؟؟؟

تقول لمين اغنية شرين ( اسال عليا) ؟؟؟؟؟




​

 

[rania79]

نفسك يكون اسمك اية؟؟؟؟؟
شهر ميلادك اية؟
اكتر لون بتحبو؟
استيل لبسك اية ؟+ بتحب لبس الكرافت؟
بتحب تلبس ع الموضة؟؟؟؟؟ ومتابعها؟
اكتر بلد بتحبها ؟
اكتر مكان ف قلبلك؟ ( بخلاف غيط العنب هههههههههههه)

نوع فونك اية؟
بتحب تسافر طيران ولا تركب القوارب هههههههه:59:
البرفيوم اللى بتحبو؟ ( الكالونيا يعنى ياعوبد هههههههههههههه)
بتحب اليل اكتر ولا النهار؟
معدل ساعات نومك قد اية؟؟؟؟
ليك ف الهدوء؟ ولا الضوضاء يامزعج؟:smile01:smile01

بتحب المجاملات؟؟؟؟؟؟؟
انت من النوع المفكر العقلانى؟ ولا النوع اللى بتغلب علية عواطفة؟
امتى تقطع علاقتك باللى قدامك؟؟؟؟؟؟
بتحب الوحدة ولا بتخنقك؟؟؟؟؟
بتحب الملاهى ؟ولا بتخاف تركب المورجيحة؟:59:

اية الحاجة ولا الحد اللى بتعدل مزاج سى عوبد افندى؟:59:
مزاجك ممكن يكون باد اازى؟ قول قول عشان اخالية باد ع طول
ههههههههههههههه




بما انك بن بطوطة وسندباد القرن الماضى:bud: هههههههههه
احكلنا موقف جامد حصل معاك وقت الطيران سؤا موقف رخم ولا حلو


متحكى لينا كابوس ياعوبد حلمت بية؟
ههههههههههههههههههه
​

 

[عبود عبده عبود]

ههههههههههههههههههه جلايبة وحلة المونيا كدة انت ضربت صورتى بمفك ​

أشكرى ربنا أنى ماضربتوش تحت حاجبك ...

وبماانى بنت بلد وصاحبة اصحابى

اخبط دى محشىاهو

وكمان حلة صلصة عشان لو عطشت يعنى​

هههههههههههههههههه​

هو دة ( الكلا ) ...الكلام يعنى ....

وبعد مدلعتك بحلتين المحشى والصلصة

​

قولى بقةياعوبد​

هههههه ياعيون عوبد من جوة ...

لية ع طول حاطط صور ف توقيعك ولا الصورةالرمزية عن الاسود والنمور

​

واشمعنى بتحب الاسود


هل انت عدوانى؟​

اكيد ميلوللك واهدافك شريرة​

​

​

هى الأسود عدوانية ؟؟ ...بالعكس الأسد يرمز الى القوة والى الثقة بالنفس ويرمز أيضاً الى برج من الأبراج يتوافق معى بطريقة غريبة فى كل من عرفتهم سواء على المستوى العملى أو العاتييفى ...
وعمرى ما كانت ميولى أو أهدافى شريرة ولا اتذكر انى فى يوم آذيت حد ...

لية مش بتحط صور دينية مثلا

لأنى من هواة التغيير والتحديث والتعبير بالقلم ...فلو وضعت صورة دينية وغيرتها فقد تُعبر بالخطأ عن تحولى ...
لذا أبتعد تماماً عن أى رمز أو صورة دينية

وياترى انت تبع مقولة ( قلب الرجل معدتة)

هههههههه حسب اللى هتطفيحه لنا يا صباح ...
لكن قلب الراجل مش معدته ...يقدر ياكل عند أمه أو يروح ياكل فى اى مطعم كويس أو أيتوها نصيبة تاخده ويوفر مصاريف الجواز ..
قلب الراجل حاجة تانية آخرها الأكل ...

طفس ف الاكل يعنى من الاخر؟هههههههههههههههههه

ياسلاااااااااااام عليكى وعلى ألفاظك ياصباح ...بقى بعد حلة المحشى أعلاه ..وجرعات من الصلصة الحمراء ...وتقولى لى طفس ؟..
بس هقولك هو لو أنا ضربت حلة المحشى اللى فوق تييى لوحدى تقولى عليا طفس ؟؟ ...مش عارف

بتعرف تطبخ؟

ايوة وبغض النظر عن أى تهريج قبل كدة ...أنا طباخ بريمو وهاوى مطبخ وأتعلمته فى ارقى الفنادق كمان

لو معزوم عند ناس ولاقيت الاكل مش عجبك ومحروق ومنيل هتكمل اكل عشان مش تحرج الناس ولا تسيح وتقول رايك؟

حسب الناس اللى عندهم طبعا
لو واخد عليهم هقوله اية القرف دة ؟ ..لو مش كدة هاكل من سكات أو أملا بطنى بمية

لو ف مطعم شيك ومع ناس اخر شياكة وبعد ماكلتو صممت انك اللى تدفع الشيك وفجاءة لاقيت مش معاك فلوس

هستلف من الناس ( الشيك ) اللى انا عزمهم ...والا هما كمان هيبقوا مأشفرين ؟

تعمل اية لو بعد مكونت علاقة صداقة او حب عن طريق النت
واكتشفت بعد كل دة انها طلعت(مراتك الاولى)
هههههههه

لا أعتقد ان فيه منها أتنين بأى حال من الأحوال ..مش بيقولوا يخلق من الشبه أربعين ؟؟ ...
هنا كسرت القاعدة يخلق من الشبه واحد / صفر

لو نازل من بيتكم وضارب كالونيا ومتروق وفجاءة ام عيلاء جارتكم حدفتك بحلة الملوخية البايتة هتعمل اية ف ام عيلاء والملوخية؟

أما وإن كانت ام علياء المذكورة من المزز آخر حاجة ففيها نظر ..
إن كانت على غير ذمة أحد ( مطلقة – ارملة ) وقصدت بهذه الفعلة لفت نظر الحاج عوبد فقد فلحت وأفلحت ولابأس بها ...
لأنه يُقال أن أول من بدع هذه الفعلة الحميدة هى زينات صدقى فى فيلم شارع الحب مع المدعو عبد السلام النابلسى أملاً فى كسب وده وتعاطفه ...
ودعا هو بالماثور من قوله ( رحمه الله ) ..أفرجها ياباسط ...
أما وإن كانت أم علياء المذكورة ليست من المزز آو كانت على ذمة شحط من الشُحطة فسأردد قوله : خلاااااص ما تفرجهاش أكتر من كدة ...
تبقى لنا الملوخية البايتة – من سؤال الأخت صباح - وهذه ايضاً على وجهين :
إن كانت ملوخية ناشفة على نابت ...فبئساً هى ...
وإن كانت من المخروطة نهاراً على الطريقة التقليدية وعلى ماء أوز ...فنعماً هى ...
هذا والله أعلم

لو طلبو منك تغنى اغنية هتقول اية؟؟؟؟

أغنى ظلموه لو قاعد لوحدى ...
وأغنى أغنية نجاة (( أنا باعشق البحر)) لواحدة فى بالى ...وماحدش من العصابة يسألنى هى مين تييى ..لا على الخاص ولا على البروفايل ..
أقول قولى هذا وأفتح قرنك أنتى وهى فى حالة الزن ...

تقول لمين اغنية شرين ( اسال عليا) ؟؟؟؟؟

مين شيرين تييى ؟؟
والأغنية أصلا بتقول اية بدل ما اخرف ...؟!







​

​

​

​

 

[white.angel]

أغنى ظلموه لو قاعد لوحدى ...
وأغنى أغنية نجاة (( أنا باعشق البحر)) لواحدة فى بالى
[/RIGHT]

مين :fun_lol::smile02
قول قول ماتتكسفش سرك فى بلاعه :675be:
​

 

[!! Coptic Lion !!]

مين :fun_lol::smile02
قول قول ماتتكسفش سرك فى بلاعه :675be:
​

بضم صوتي لصوتك
قولي يا عوبد
اوعي تكون ثوثو :ranting:
​