رد: حواء في استضافه ادم والعكس ( bob & white.angel )

[+Nevena+]

أغنى ظلموه لو قاعد لوحدى ...
وأغنى أغنية نجاة (( أنا باعشق البحر)) لواحدة فى بالى ...وماحدش من العصابة يسألنى هى مين تييى ..لا على الخاص ولا على البروفايل ..
أقول قولى هذا وأفتح قرنك أنتى وهى فى حالة الزن ...








[/RIGHT]

هههههههههههههه
انا عن نفسي مش هأسأل
لاني عارف الاجابه :love34::love34::love34:

 

[عبود عبده عبود]

هههههههههههههه
انا عن نفسي مش هأسأل
لاني عارف الاجابه :love34::love34::love34:

برافو عليكى يا أزهاااااااااااار
آدى اول واحدة هتموت وتعرف ...

 

[عبود عبده عبود]

مين :fun_lol::smile02
قول قول ماتتكسفش سرك فى بلاعه :675be:​

خلصى أمتحانات الأول وبعدها نحكى ...

 

[عبود عبده عبود]

بضم صوتي لصوتك
قولي يا عوبد
اوعي تكون ثوثو :ranting:​

حتى انت يابروتس ؟؟؟
خليها ع الميل بقى

 

[+Nevena+]

برافو عليكى يا أزهاااااااااااار
آدى اول واحدة هتموت وتعرف ...

بقوله عارفه
تقول هتموت وتعرف

طب والنبي اسيحلك بقي
مش انت كنت حطيتها في توقيعك وانا سألتك
وانت قولتلي انك ........... وهي لـــ ...............

ها اقول تاني ولا اسكت احسن :blush2:

 

[white.angel]

وانت قولتلي انك ........... وهي لـــ ...............
ها اقول تاني ولا اسكت احسن :blush2:

اموت فى الكلمات المتقاطعه :t33:
​

 

[white.angel]

خلصى أمتحانات الأول وبعدها نحكى ...

لاحظ ان كلامك جاااااااااااارح :2:
وانا اشجب هذا :spor22:
​

 

[عبود عبده عبود]

نفسك يكون اسمك اية؟؟؟
اللى موجود فى البطاقة .. ​

شهر ميلادك اية؟
أبريل​

اكتر لون بتحبو؟
اللون السنفيحى بيبقى جميل قوى ​

استيل لبسك اية ؟
يعنى اية أستايل ؟​

بتحب لبس الكرافت؟
أساس​

بتحب تلبس ع الموضة؟؟؟؟؟
يعنى أية ألبس ؟​

ومتابعها؟
لو ديفلية حريمى أكيد هتااااااااااابع ​

اكتر بلد بتحبها ؟
لم أر فى حياتى أجمل من أورلاندو تبع ولاية ميامى أمريكا​

اكتر مكان ف قلبلك؟ ( بخلاف غيط العنب هههههههههههه)
بخلاف غيط العنب وبغض النظر عن "دينا" صاحبته
باعشق أسكندرية​

نوع فونك اية؟
نوكيا فيما يروى الرواة ...​

بتحب تسافر طيران ولا تركب القوارب هههههههه
طيران ...​

البرفيوم اللى بتحبو؟( الكالونيا يعنى ياعوبد هههههههههههههه)
xs​

بتحب اليل اكتر ولا النهار؟
بيقولك (( وجعلنا الليل لباسا وجعلنا النهار معاشا )) ...
وماتفهميش غلط بليزز​

معدل ساعات نومك قد اية؟؟؟؟
تمانية ​

ليك ف الهدوء؟ ولا الضوضاءيامزعج؟
الهدوء.... يا ازعج خلق الله على وجه البسيطة ...​

بتحب المجاملات؟؟؟؟؟؟
نعم بالقطع ....بشرط ألا تكون نفاقاً ​

انت من النوع المفكر العقلانى؟
عقلانى فيما يخص الشغل وباحب التحدى حتى ولو خسرته ​

ولا النوع اللى بتغلب علية عواطفة؟
لو النون تستاهل ...يووووووة ..تاخد عواطف للصبح ...
بس هى تلاحق لو شاطرة​

امتى تقطع علاقتك باللى قدامك؟؟؟؟؟
لو كداب ..وللأسف بأخسر شغل كتير من الداء اللى فيا ده ​

بتحب الوحدة ولابتخنقك؟؟؟؟
لأ مش باتخنق من الوحدة لكن أنتى خنيقة بجد ​

بتحب الملاهى ؟ولا بتخاف تركب المورجيحة؟
عارفة فكرتينى بأول أسئلتك ...بتحب الأطفال ؟ بتحب زنهم..أية جر الرِجل دة ؟
أنجزى وهاتى م الآخر..عايزانى أفسحه ملك فى الملاهى ولا الحديكة الدولية ؟​

اية الحاجة ولا الحداللى بتعدل مزاج سى عوبد افندى؟
الحاجة هى كوباية قهوة تركى محوجة بوش سكر زيادة ..
الحد أنسانة رقيقة ومهذبة ومش نكدية
بس حلوة منك ياصباح سى عوبد افندى تييى

مزاجك ممكن يكون باد اازى؟ قول قول عشان اخالية باد عطول
هههههههههههه
لو قابلت حاجة غبية قدامى ...
يالا أتغابى عليا بقى ​

بما انك بن بطوطة وسندباد القرن الماضىهههههههههه
احكلنا موقف جامد حصل معاك وقت الطيرانسؤا موقف رخم ولا حلو​

الحلو كنت راجع من جدة وواحدة منقبة قعدت جنب منى ...بعد الأقلاع وفك الأحزمة قامت دخلت الحمام ..
ثم فوجئت بحتة دين أم موزة لم يسبق للبشرية أن جادت بمثلُها وجلست الى جوارى مع برفيوم أخترق الأجواء السعودية والدول المحبة للأستهبال ...
وفتحت معى حوارات ..لمدة ساعتين ( زمن الرحلة )
الحاج عوبد بقى ضاع ضياع الأرنب التائهة فى البرية ...

موقف رخم فى مطار برلين وكان معايا أسطوانة أكسجين باوصلها لشخص وهو فهمنى انها فاضية ...لكن بعد نزولى من الطيارة أستوقفنى واحد ظابط المانى ( وما أدراكى ما الألمانى ) – قالى اية دى ؟ - قلت له فاضية – وحبيت اتفزلك وأأكد له فضائهافتحت فتحة الغاز أنطلق منها أكسجين مضغوط فى صالة الجوازات بصوت يشبه الفرقعة ...ما درتيش الا وأربع شحوطة يحوطنى بالرشاشات ...
واقسم بالذى هو بيننا يا صباح ماعرفش دول طلعوا لى منين وامتى ...هههه
أتحجزت ساعتين فى مطار برلين مع تحقيق باللغة الألمانية اللى ما فهمش منها غير ( جود النخت ) – يعنى صباح الخير -
هو يحقق معايا وانا اقوله (جود النخت)
يفتح محضر وانا أرد – جود النخت - ...
فاكرة شويكار فى مسرحية سيدتى الجميلة – الجو جمييل ؟؟ أهو انا كنت كدة ...
أخيرا أنقذنى قائد الطائرة المصرية واخد الآسطوانة ورجع بيها تانى ع القاهرة ..وشكرته بشدة وانا عمال أردد ( جود النخت )
وماصدقتش انى عديت منها بخير !!!

متحكى لينا كابوس ياعوبدحلمتبية؟
ههههههههههههههههه​

حلمت والعياذ بالله انك شرفتينا فى القاهرة...الكابوس مش فى انك جيتى لاسمح الله ...لالالا
على عينى وراسى ياصباح ...
الكابوس أنك كنتى جايبة البنات معاكى وراسمة ان عوبد هيفسحهم لك على ما تقضى انتى مشوارك وترجعى (!!!)
ففهمت سبب أسئلتك اللى فاتت كووووووولها :
بتحب الآطفال ؟
بتحب زنهم ؟
بتحب الملاهى ياعوبد وألا بتخاف م المورجيحة ؟!!!!!!!!!

 

[عبود عبده عبود]

لاحظ ان كلامك جاااااااااااارح :2:
وانا اشجب هذا :spor22:​

آمية يا وايت آمية ...." أفتر" بقى ...بعدين يعنى

 

[حبو اعدائكم]

( جود النخت ) – يعنى صباح الخير -
يعنى تصبح على خير...

 

["خْرْيْسْتْوْفُوْرُوْسْ"]

:fun_lol:​

عوبد​

 

[عبود عبده عبود]

( جود النخت ) – يعنى صباح الخير -

يعنى تصبح على خير...[/QUOTE]

هههههههههههههه
ماهو عشان كدة التحقيق طول ...
تخيلى بقى لى خمستااااااااشر سنة وأنا فاهم أنى كنت باقوله صباح الخير ؟؟؟؟؟؟؟!!!!!!!!!
طلعت تصبح على خير ؟؟؟!!!.... صحيح العلام حلو ياولاد
أتارى الراجل كان بيتشال ويتهبد كل مايسألنى !!!!
هو يقولى اية أزاى ركبت بيها الطيارة ....
هههه وانا باقوله تصبح على خير ...

 

[عبود عبده عبود]

:fun_lol:​

عوبد​

عايز أية ؟؟؟؟
البنات بس اللى تقولى يا عوبد:t33:
أنت تقول عبود ....نعم ؟؟؟:ranting:

 

["خْرْيْسْتْوْفُوْرُوْسْ"]

عايز أية ؟؟؟؟
البنات بس اللى تقولى يا عوبد:t33:
أنت تقول عبود ....نعم ؟؟؟:ranting:

نعم الله عليك يا سي عوبد ...موش قصدي وحياة ربنا دا حرف ال (و) متمرد عندي اليومين دول وببيفط قبل حرف ال(ب)
فتظهر (عوبد)
بث تتتتتي الموسكله..
ع فكره قائدنا الفكاهي...
موش غلط اننا نغلط ..بس غلط اننا منصححش الغلط
وحضرتك فى مره طلبت مني اكون منظم..
وانا أتبعت طلبك وأيقنت اني مش كنت منظم..
ولما بقيت بتابع حضرتك
لقيت ان حضرتك منظم حتي فى تنسيق مشاركتك
رغم ان تنسيقها بياخد وقت لأعتمادها علي اكواد وكدا..
ودا خلاني ايقن ان طلبك ببعض النظام فى الماضي كان للنظام لا اكثر..
وانا اشكرك علي تنبيهي لأني بعض تطبيق النظام شعرت بالفرق فى الوقت والجهد..
وانا اهو بحاول اجمع الصبر علشان اتعلم اصبر عل تنسيق المشاركه بطريقتك الممتعه...
​

:smil13:

 

[AL MALEKA HELANA]

إية الحكاية
هى دى دورة تعليم الفوتو
ولا دورة تعليم إسم عوبد وعبود
​

 

["خْرْيْسْتْوْفُوْرُوْسْ"]

إية الحكاية
هى دى دورة تعليم الفوتو
ولا دورة تعليم إسم عوبد وعبود
​

شكلك دخلتي هنا غلط..دورة الفوتو الناحيه التانيه..
:spor22:​

 

[AL MALEKA HELANA]

شكلك دخلتي هنا غلط..دورة الفوتو الناحيه التانيه..
:spor22:​

هههههههههههههههههههههههههههههههه

تتصور فعلاً الفوتو على إيدى اليمين وأنا دخلت شمال

عادى ممكن نقلب الموضوع ده فوتو برضو هههههههههههههههههه

 

["خْرْيْسْتْوْفُوْرُوْسْ"]

هههههههههههههههههههههههههههههههه

تتصور فعلاً الفوتو على إيدى اليمين وأنا دخلت شمال

عادى ممكن نقلب الموضوع ده فوتو برضو هههههههههههههههههه

هههههههههه..انا موافق استاذه..بس انتي احمي ضهري من ranya >>اصلها ممكن تعلن عليا حرب..وانا هحاول اتوددل عوبد علشان يسيبنا نقلب الموضوع لدورة فوتو...عملتي اخر تطبيق روعه ..بس هعلق الناحيه التانيه علشان محدش يحسدك..
:t16:

الحق اجري بئا قبل ما صحاب الموضوع يحضروا ويتمردوا ع الوضع الحالي..وأنتي خليكي براحتك انتي عضوه خضراء زيهم يعني عندك مضادات لونيه

:beee:​

 

[AL MALEKA HELANA]

هههههههههه..انا موافق استاذه..بس انتي احمي ضهري من ranya >>اصلها ممكن تعلن عليا حرب..وانا هحاول اتوددل عوبد علشان يسيبنا نقلب الموضوع لدورة فوتو...عملتي اخر تطبيق روعه ..بس هعلق الناحيه التانيه علشان محدش يحسدك..
:t16:

الحق اجري بئا قبل ما صحاب الموضوع يحضروا ويتمردوا ع الوضع الحالي..وأنتي خليكي براحتك انتي عضوه خضراء زيهم يعني عندك مضادات لونيه

:beee:​

ولا يهم يا غالى
رانيا حبيبتى ومش هتقول حاجة
وتقريباً عندها غسيل النهاردة ومش فاضية للموضوع دة
وعوبد مشغول فى موضوع تانى وإحتمال ميجيش هنا تانى
والإحتمال الأكيد إنه هيروح يجيب التموين
أصله سمع إنهم نزلوا كيلو رز زيادة
هههههههههههههههههههههههههه

 

[عبود عبده عبود]

وحضرتك فى مره طلبت مني اكون منظم..

وانا أتبعت طلبك وأيقنت اني مش كنت منظم..
ولما بقيت بتابع حضرتك
لقيت ان حضرتك منظم حتي فى تنسيق مشاركتك​

:smil13:

يااااااااااه ياجدع ...انت لسة فاكر ؟؟؟
طيب طيب ..كويس ...على فكرة بقى هيلانة تبقى حماتيييى
فخد بالك