رايحين علي فين كده ؟؟؟

[MATTEW]

سلام المسيح مع الكل

طبعا عنوان الموضوع يعتبر غامض شويه

لكن ملقيتش حاجه تانيه اكتبها للعنوان

كنت عايز اتكلم معاكم في موضوع الحياه الروحيه و الدينيه لكل واحد فينا

كام واحد فينا مسيحي فقط بالأسم

كم واحد فينا بيطبق يوميا وصايا المسيح و الأنجيل عموما

اتكلم معكم في هذا الموضوع الأني اري حاليا ما لا يعجبني في الشباب من جيلي و الأجيال الجديده

اصبح الشباب الجديد لا يقرأ الكتاب المقدس اللي اصبح التراب يعلوه

حتي الأجبيه لا يعرف اين هي الأن

حتي ان هناك منا لا يعلم مايهيات ابسط الأيمان

و لكي لا اكذب عليكم انا منهم حاليا

سؤالي ما اسباب حدوث هذا

و ما حل هذه المشكله

منتظر ارأكم

سلام المسيح معكم

Fady

​

 

[روزي86]

فعلا يا فادي ده بيحصل

وياريت يكون في حل عشان كلنا نواظب علي قراءة الانجيل باستمرار

ربنا يبارك حياتك

 

[النهيسى]

ربنا فاحص القلوب والكلى

يمكن يعجبك واحد وتقول عليه قديس ويكون بالعكس

أو نقول على واحد أنه وحش ويكون عند ربنا أنسان كويس
ووممكن الوحش نهايته تكون عظيمه

وفيه قديسين كتير كده

الذى تجده أنسان وحش صلى له , بيبقى محتاج صلاه
مثل أم القديس أوغسطينوس لما صلت له

شكرا جدا لموضوعكم الراائع

 

[Dona Nabil]

عندك حق يا فادى للاسف كتير بنهمل فى حياتنا الروحيه وبنهتم بحاجات تانيه اقل اهميه
فرصه نشجع بعض هنا على قراية الكتاب المقدس والاهتمام بالمواضيع الروحيه وانا عن نفسى ليا هنا اخت جميله بترشدنى وبتساعدنى ومن محبتها حتى بتحددلى اقرا ايه .. ربنا يخليهالى
ميرررسى يا فادى وربنا يبا ركك

 

[besm alslib]

الموضوع مهم وخطير فعلا

بس للاسف صعب نحدد اسبابه

لانها كلها اسباب غير مقنعه ومرفوضه

لان لو قلنا ظروف الحياة او المشاكل فدول سبب ادعى اننا نقرا في الكتاب المقدس

سؤالك اخي حاسه ان صعب نرد عليه

لكن زي مقالت دونا يمكن هنا تكون الفرصه في اننا نشجع بعض


شكرا اخي على الموضوع المهم واتمنى ان كلنا نرجع تاني لاحضان كتابنا المقدس​

 

[kalimooo]

لانه الناس اصبحت تعتقد عن ادراك او غير ادراك ان القاعدة

هي الارض وباننا خالدون هنا لو كل واحد فينا فكر ولو مرة

بالاسبوع اننا زائلون وموتى حقيقيون ان لم نقم مع الرب

مشكور اخي على الموضوع المهم