تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="+إيرينى+, post: 3743793, member: 71003"] [COLOR="DarkOrchid"][CENTER][B][SIZE="5"][FONT="Times New Roman"]فى أثناء الزيارة الأولى دخل أبى و أبوه فى حوار طويل حول الشركة و قيادتها [COLOR="Black"](شىء ممل بالنسبة لى)[/COLOR] :closedeye المهم كنت مركزة مع العريس لدرجة إنه كل ما يحاول يبص لى يلاقينى مبحلقة فى عينيه :w00t: أخته الكبيرة كانت بتحاول تكلمنى كنت بأرد عليها و أنا بصة للعريس مش بصة لها خاااااااااااااااالص و يبدو أن الموضوع لفت إنتباه عائلته كلها فحاولوا واحد ورا التانى يكلمونى و أنا عند نفس المبدأ أرد و مبحلقة للعريس طبعا كانت دوشة جامدة أنا اسرتى 5 أفراد و هم 9 أفراد يعنى فيه 14 فرد قاعدين بيرغوا العريس معاه شقة فى العجمى (بيت عيلة لسة بيبنوه) بيشتغل فى إحدى الشركات للصناعات الكيماوية و خريج هندسة و تكنولوجيا (جامعة حلوان) مرتبه 380 جنيه ثم فوجئت إن أبو العريس بيقول لبابا إحنا عايزين الخطوبة كمان أسبوعين و الجواز كمان سنتين و الصاعقة إن بابا وافق على طول فحددوا معاد الخطوبة يوم 3/7/1998 كان يوم جمعة و كان كمان فى صيام الرسل و إحنا كمسيحيين لا نفضل الخطوبات أيام الجمع و لا أيام الأصيام ما حبكتش _ الصيام ح يخلص 12/7 ما تستنوا !! شىء لفت نظرى و بالأخص إن الجواز كمان سنتين إيه سر الاستعجال ؟! و بعدين ح تخوتونا بأكل صيامى فى الخطوبة ليه ؟! لكن بابا و أبوه إتفقوا : من الصعب حتى إن الواحد يقول رأيه إنتهت الزيارة _____________ زعلت من بابا يومها و قولت له : كدة برضوا ما تعمليش قيمة ؟ قال : فين يا بنتى ؟؟ قولت له : كنت تقول لهم لما نسألوا عليه / لما ناخدوا رأى العروسة / أى حاجة من ديه _ مش توافق على طول كدة فقال لى بحدة : أومال عايزاه يدخل و يخرج من بيتنا من غير ما يخطبك ؟ :t26: انتهت المناقشة و سكت - الرجالة اتفقوا خلااااااااااااااااااص _______________________ امتى ح الحق اجيب فستان خطوبة فى خلال اسبوعين ؟؟ و كان اقتراح اختى : اننا نستلف فستان خطوبة احدى صديقاتها [COLOR="black"]( جسمها فى نفس حجم جسمى) [/COLOR] هذه الصديقة : أمها موديستة [COLOR="black"](يعنى هى الل بتفصل لبنتها فساتين خطوباتها ، اصلها اتخطبت 5 مرات) :w00t: [/COLOR] [COLOR="Blue"]دا بقى فستان الخطوبة نمرة 2 بالنسبة لها[/COLOR] :08: و بالفعل جاء الفستان بدون اى معاناة الفستان جه كحك عليا كان لونه ذهبى و كان جمييييييييييييييييييل لم أرى فى حياتى حتى الآن فستان فى جماله و تمت الخطوبة بالفعل فى منزلنا السعيد يوم 3/7/1998 [URL="http://www.arabchurch.com/forums/showpost.php?p=3743821&postcount=196"][SIZE="5"][B][FONT="Times New Roman"][CENTER]يتبع [/CENTER][/FONT][/B][/SIZE][/URL] [/FONT][/SIZE][/B][/CENTER][/COLOR] [/QUOTE]

التحقق