خبر مؤسف عن البابا تواضروس

[سمعان الاخميمى]

خبر مؤسف عن البابا تواضروس



قال البابا تواضروس الثانى، بابا الإسكندرية وبطريرك الكرازة المرقسية، إنه يعانى من آلام بالظهر وقام بعمل فحوص طبية ويفكر فى اجراء عملية جراحية قريبًا".
وأضاف البابا خلال تصريحات لقناة Ctv القبطية، أن الكنائس القبطية بالإيبارشيات سوف تشارك بصندوق تحيا مصر.
وكان البابا تواضروس قد توجه لرحلة رعوية للنرويج وفنلندا والنمسا يوم 19 يونيو الماضى ووصل للقاهرة مساء اليوم، وأجرى فحوص طبية خلال تواجده بالخارج.
نقلا عن اليوم السابع

 

[aymonded]

يعني ايه صندوق تحيا مصر !!!!
​

 

[سمعان الاخميمى]

ده صندوق التبرعات اللى تبرع السيسى ليه بنصف ثروته وراتبه كل شهر وهو عمل فى مضمونه دعوه للمصريين للقيام بالمثل من خلال الصندوق
​

 

[aymonded]

والكنيسة اللي بتقول ان مش فيها فلوس تقدر تعطي للفقراء كلهم وعندها احتياجات ومسئوليات تانية كتير سابت فقراءها واحتياجاتهم واتجهت لصندوق تحيا مصر !!!! هي قلبت على سياسة كده ليه !!!
​

 

[سمعان الاخميمى]

ده تشجيع منها لرجال الاعمال المسيحيين يقوموا بالمثل
​

 

[aymonded]

اللي نفسه افهمه ايه علاقة الكنيسة بتشجيع رجال أعمال مسيحين والا يهود مالها ومال كل ده، دية مش رسالتها خالص دية رسالة المجتمع مش رسالة الكنيسة خالص، تروح تشوف المرضى والمعوزين اللي تم إهمالهم وإعطائهم الفتات، توجه الناس اللي فيها يساعدوا الفقراء المعوزين المكروبين واللي زادت عليهم أمور الحياة...
للأسف الشديد الكنيسة بتضع نفسها في موقف محرج وسط العالم والعالم لن يرحمها، لأنه لا ينبغي أن تترك رسالتها وتترك القطيع كله يُشتت وتصير منظراً أمام العالم والسياسة وتترك رسالة الحياة تحت حجج أنها وطنية وهذا الكلام الذي هبط برسالتها من السماء للأرض والنتيجة ضلال الشباب عن المسيح تماماً وعصره عصراً حتى خرج منه كل حياة وأصبح جيفة يقتات عليها عدو كل خير ... وعجبي على كنيسة اهتمت بالعالم وسياساته وتركت اولادها للذآب الخاطفة... ما علينا الكلام مش له لزوم ولا له فايده، لأن التورط في السياسة أكل الغث والثمين...
​

 

[مونيكا 57]

ربنا يشفى قداسة البابا​

 

[سمعان الاخميمى]

مش سياسة أوى
لكن هو انطلاقا من الدور المجتمعى للكنيسة

​

 

[aymonded]

مجتمعي ايه بس يا جميل
عموماً ربنا معاهم ومع الشباب اللي تاه عن المسيح
​