حملة أنتخاب فرعون ...

[عبود عبده عبود]

أنا عايز فرعون يحكمنى​

​

​

​

إكمنى جبان ..!!
فرعون بالحاشية بتاعته
يطلع موسى
يطلع عوا
شالله يارب يجيبوا هامان ..​

عايز فرعون بيغنى
إكمنه بيصحى ياكلنى
قايم من نومته جعان​

مش عايز فرعون يخرسنى
ويحط "اللامؤاخذة" فى بُقى
إكمنى من شعب حضارى
بيكنسوا الميدان​

مش عايز فرعون من سنى
مالهوش أسنان
عايز فرعون م الأصلى
فرعون ما يخيب ظنى
جايب م الشلة غيلان​

عايز فرعون فنان
نرجع لفنوننا زمان
مش حد يحرم دنيا
مش حد يكون شرقان
تحرم علينا سياحة
ويحجب لنا النسوان​

عايز فرعون فرفوش
شالله يكون قراقوش
لابدقن ولاسة وعمة
ولا حاطط طربوش
ولا يمسح للناتو
الجوخ
ويطاطى للأمريكان​

عايز فرعون يصونى
وسيبوكم م الشلة دية
فرعون هو الفرعون
حتى ولو راقد عيان​

عايز فرعون يحبسنى
ويخرب بيت مطنى
أحسن من دوكها
يقبّوّا
ويحبسوا الأزمان​

عايز فرعون جبار


يزعق بالصوت والتار


يزعل لو حد لمسنى


حتى ولو كان بهزار​

عايز فرعون رجالى
ف الوقت الضيقة عمى
وف وقت الشدة خالى
ولو فى يوم راح يشحت
يشحت عشان عيالى​

عايز فرعون صحيح
يبنى لولاد ولاده
معابد التصحيح
فرعون خالد ما يشيخ
ولا ييجى يوم يريل
على قصر فى شرم الشيخ​

عايز فرعون أصيل
فى وقت الجد يميل
ووقت الأزمة يبان
واقف بسيفه يحمى
من غدر عدو جبان​

مش عايز حد يلومنى
ولا حد يقول بتخرف
ولا حد يكون زعلان
القصة إن أحنا سكرنا​

فاكرين الدنيا دانتنا
فاكرين الحلم ميدان !!


حملة أنتخاب فرعون : عبود عبده عبود - شكرالله سعيكم​

 

[Dona Nabil]

سعيكم مشكور هههههه
ربك يبعت يا عبووود

 

[حبو اعدائكم]

فكرك فى فرعون تفصيل كدا؟!...ده و لا فى الاحلام...بس و مالو نحلم...قبل ما يجى فرعون إلى يحرم حتى الاحلام...
اشكرك يا عبود بجد بجد رااائع ما كتبت كعادتك دائما متئلق فى كتاباتك

 

[Alexander.t]

هى فعلاً مصر محتاجه فرعون
بس محتاجه فرعون قلبه حنين علينا
الله ينور يعمنا

 

[+Nevena+]

الله عليك بجد هو دا الكلام
بس لازم تصحي شكلها احلام
فرعون الان هايكون ولا ملك الجان
فرعون عاوز خدم وحشم قوة وسلطان
وعبيد يتحكم فيهم ويسرق حلمهم والمال
وانشالله يموتوا ما يولعوا هما كمان والعيال
فرعون مارد للاسف في شكل انسان
يوعد كتير وتاني يوم يصبح نسيان
مبقاش في فرعون
من عقله يحكم وبقلبه يحس بالغلبان
ولا من بقه يخرج اللقمه ويقول فلان جعان
وان يوم جه الشتاء يقلع جاكته ويغطي البردان
فين فرعون اللي يكون قلبه طيب حنون انسان ؟

فرعون هايكون دلوقت
بقلب قاسي مغرور سلاحه كلمه الله زي ما بيقول
هايدوس علي الكل وقال بيطبق الشريعه ولكنه غول
مصلحته فوق الجميع مهو بيطبق المثل اللي قال
انا ومن بعدي الطوفان وفي طريقه يهدم جبال
من اجل كرسي وسطله وقوة وبلد عاوزين ايه يا جدعان
اصحوا فوقوا فرعون عمره ما هايكون ابدا انسان


مجرد شخابيط
حبيت اشارك بيها موضوع الرائع عبود
تحياتي لما خطه قلمك المبدع
ويبقي ليك عندي تقييم بقي
سلام

 

[Coptic4Ever2]

احنا محتاجين فرعون قلبه ميت ميعرفش الهزار
وفنفس الوقت يكون حنين على الغلابة واصحاب الحق
ويتعامل بانسانية
ربنا يتسر على اللى الدور عليه

الشعب خلاص مش هيصبر ولا هيسيب فرصة لحد

 

[!! Coptic Lion !!]

زمان ايام الفراعنه الشعب كان بيعبد فرعون

انا عن نفسي كفرت بكل الفراعين
وباعلن الحادبيهم جميعا
مهما كان المسمي فرعون ملك او حتي رئيس
احنا محتاجين اخ يخدمنا
مش ديكتاتور يركبنا

 

[عبود عبده عبود]

فعلا ياعياد ...
بس كان فيه ديكتاتور زمان وفرعون راكبنا أسمه (جمال عبد الناصر ) الله يرحمه ..
لكن كنا فى زمانه قمة فى كل شئ ..وأسأل والدك ...
قمة فى الفنون
قمة فى الأبداع
قمة فى الكرامة
قمة فى الأمان ( بالرغم من زبانية المعتقلات )
قمة فى الأخلاق ...
كنا رواد الشرق الأوسط ...رواد بحق وحقيقى
يكفى أنه فى زمن الفرعون "عبد الناصر"
لم توضع حراسات على الكنائس ولا حتى عسكرى واحد !!
لم تقف سيارات الأمن المركزى على أبواب الجوامع
لم تنفجر كنيسة واحدة
لم يُقتل مسيحى بأسم الأسلام ..
لم يُخدش سائح واحد أو ُمثل بجثته
لم نسمع عن الأرهاب
ولم نسمع عن الجماعات أياهم ..
صدقنى ياعياد ...
فرعون أرحم ميت مرة من اللى جايين ...
أنا عارفهم وتعاملت معهم وصليت خلفهم ..
وربك يُستر

 

[عبود عبده عبود]

شكرا لمروركم جميعا وشكرأ للتقييمات ...​

حملة أنتخاب فرعون : عبود عبده عبود - شكرالله سعيكم​

 

[zezza]

ياااااااه و نجيبه منين ده يا مستر عبود
ده احنا محتاجين فرعون تفصيل ..عشان لسة مانزلش منه فى السوق

 

[AL MALEKA HELANA]

:new5:

المسيحية الحقيقية تعيش تحت اى ظروف وتحت اى سلطان

يبقى نقول . كل اللى يجيبة ربنا كويس

لأننا إن عشنا فللرب نعيش وإن متنا فللرب نموت.
فإن عشنا وإن متنا فللرب نحن.
رومية 14: 7 – 8​

​

ما دام الرب معنا فمن علنا

++ قد تنسى الأم رضيعها، أمّا الرب فلا ينسانا، لأنه لا يشغله شيء عنا. في وقت الألم هو معنا، وفي وقت المرض هو مُلازمنا. وعندما يفتري الناس علينا هو يدافع عنا. وحتى في ساعة الموت لا يتركنا.
​

ويا ريت ما ننساش الآيات المعزية الرائعة اللى فى كتابنا المقدس

+ «لا تخف لأني فديتك. دعوتك باسمك. أنت لي. إذا اجتزت في المياه فأنا معك، وفي الأنهار فلا تغمرك. إذا مشيت في النار فلا تُلذَع، واللهيب لا يحرقك» ( إش 43: 1 ، 2)​

إذن لماذا نخاف؟ ولماذا يزعجنا المستقبل؟ أ ليس مكتوبًا ​

​

«يسوع المسيح هو هو أمسًا واليوم وإلى الأبد» ( عب 13: 8 )​

​

إن الأيام التي نحن عائشون فيها الآن مُحزنة إلى آخر حد، والضيق يحيط بنا من كل جانب، ولكننا بقوة الله محروسون. ​

​

​

ولو لم يكن الله معنا «لجرَفَتنا المياه، لَعَبَر السيل على أنفسنا. إذًا لعَبَرت على أنفسنا المياه الطامية» ( مز 124: 4 ، 5). ​

​

​

كم مرة كادَت أقدامنا تَزِّل لولا وجود الرب معنا! كم مرة حرَّق الأعداء أسنانهم علينا، ولولا أن الله معنا لابتلعونا أحياء عند احتماء غضبهم!​

​

​

:new5:«مباركٌ الرب الذي لم يُسلمنا فريسة لأسنانهم» :new5:​

​

​

( مز 124: 6)



​

​

​

​