تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="rana1981, post: 837966, member: 28086"] انا هي اول مرة بكتب قصة بس سمعت هي القصة وحبيت اكتبها الكن وانشالله تحبوها وهي القصة اسمها حب كانون كان في كاتب معروف كتير ومرة احدى المعجبات فيه بعتت اله رسالة عبرت فيها عن اعجابها فيه فرد الكاتب برساله الها واستمرت ارسال الرسائل بيناتهن وصار يحبوا بعض من دون ما يشوفوا بعض بس عن طريق الرسائل وبعدين طلب الكاتب من الصبية انه يشوفها فرفضت وقالتله انت حبيتني من دون ما تشوفني فخلص مافي داعي تشوفني فرد عليها وقلها انا بحبك كيف ما كنتي وانا قبلان فيكي كيف ما كان شكلك فوافقت انه تشوفه بمحطة القطار وقالتله رح كون لابسة فستان احمر وحاملة كتابك فانبسط كتير الكاتب ولما صار وقت الموعد راح على محطة القطار وصار ينتظرها وفجاة مرت جنبه صبية كتير حلوة بس لابسة فستان اخضر فقال بنفسه معقول هي بس لا هي قالتلي انه فستانها احمر و هي لابسة فستان اخضر بس يا ريت تطلع حلوة متل هي الصبية وفجاة شاف عجوز بشعة كتير لابسة فستان احمر وحاملة كتابه فقال بنفسه معقول هي الصبية يلي انا حبيتها بس هي كتير بشعة بس لا انا قلتلا رح حبك وضل حبك كيف ما كان شكلك فركض لعند العجوز وقلها حبيبتي اديش انا مبسوط بشوفتك فبعدته العجوز وقالتله مين حبيبتك انا ما بعرفك فقلها مبلا انت حبيبتي وهي انت لابسة فستان احمر وحاملة كتابي قالتله لاااااا في صبية عطتني فستانها وهاد الكتاب وطلبت مني اوقف هون واخدت فستاني الاخضر ولبسته .......... هاد هو المقصود بحب كانون يلي بكون فيه برد ومطر وشمس فيه جميع الفصول يعني انا نحب الشخص كيف ما كان مو نحب غيرنا لما يكونوا اقوياء ولما يضعفوا نبعد عنهن او بحبهن لما يكونوا حلوين واذا صار معهن شي وتغيرت ملامحهن نبطل نحبهن بتمنى تعجبكن القصة واذا كان في حدا قبلي كاتبها فبعتذر لانه ما عندي فكرة عن هالشي [/QUOTE]

التحقق