esambraveheart
مفصول لمخالفة قوانين المنتدى
- إنضم
- 3 ديسمبر 2007
- المشاركات
- 4,560
- مستوى التفاعل
- 325
- النقاط
- 0
فكر الذئب في طريقه مبتكره يستدرج بها الارنب جاره و ياكله ..فوضع حبل علي يديه لتظهر و كانهما مربوطتان و ربط قدميه و ربط حبل في عنقه و راح امام باب بيت الارنب جاره يصرخ ويبكي حتي خرج الارنب علي صوت صراخه .
الارنب :مالك ..بتصرخ و تبكي ليه ..طيرت النوم من عيني ؟
الذئب : زهقت من الدنيا و من ان كل الناس بتقول عني وحش مفترس ..و دلوقتي عاوز انتحر و مش عارف
الارنب محاولا نصح الذئب ليتراجع عن قرار الانتحار :طب وليه الكابه دي ..ده حتي الحياه حلوه و خساره ان الواحد ينتحر و يسيبها ..و بعدين انا ذنبي ايه في ده كله ؟؟
الذئب ( متصنعا البكاء و الياس و الانهيار ) : مش انت جارى ..يبقي لازم تساعدني ..و اهو بالمره تخلص مني و ترتاح للابد و تعيش في امان باقي ايام عمرك ..و يبقي لا ديب و لا يحزنون .
فكر الارنب في الكلام فراقته فكرة التخلص من تهديد الذئب الي الابد ..و لذلك قرر ان يساعده في الانتحار
الارنب :طب و انا ممكن اساعدك ازاي عشان تنتحر ؟؟؟
الذئب : بسيطه خالص ..شايف الحبل اللي مربوط في رقبتي ده ..كل اللي هاتعمله انك حاتربط طرف الحبل الثاني في المسمار اللي فوق الشباك...و انا عليا الباقي بعد كده.
الارنب :بس المسمار عالي قوى و حتي لو وقفت علي الشباك مش حاطوله.
الذئب : انا حاساعدك ..انا حاطلع علي الشباك و امسكك بسناني لغاية ما تطول المسمار وتربط الحبل فيه ..و بعد كده انط انا من علي الشباك ..و اتشنق.. و اموت ..و ترتاح انت للابد.
الارنب ( بارتياب ) :و لازم يعني تمسكني بسنانك ؟؟؟..ما تمسكني بايديك احسن .
الذئب : معلش يا صاحبي ..زى ما انت شايف ايديه مربوطين لزوم الانتحار ..عشان ما اقدرش اخلص نفسي و اضمن ان الحبل حايشنقني.
و ازاء اغراء فكرة التخلص من الذئب الي الابد ..يقرر الارنب المجازفة ..فيضع نصف جسمه الاسفل في فم الذئب و يسمح له ان يمسكه باسنانه..و بالفعل يكمل الذئب الخطه للنهايه حتي يطمئن الارنب و لا يهرب قبل ان يتمكن منه الذئب تماما...و يصعد الذئب علي حافة الشباك و يتناول الارنب طرف الحبل و يرفعه الذئب بفمه عاليا ليربط الحبل في المسمار .
الارنب ( بغباء و سذاجه و هو لا يزال في فم الذئب) :
انا ربطت الحبل في المسمار خلاص ..ياللا بقي نط من علي الشباك .
الذئب بلؤم شديد: معلش ياصاحبي ..سامحني ..اصل طعم رجليك اللذيذ في بقي خللاني احس قد ايه الدنيا و الحياه حلوين و ان خساره ان الواحد ينتحر و يموت و يسيب ده كله..يظهر انك كان عندك حق في كلامك ..
الارنب ( برعب شديد ) : يعني ايه ؟؟؟؟؟ انت مش قوللت انك حاتنتحر؟؟؟؟
الذئب ( و هو يفك الحبل من رقبته علي عجل ) : لا ..المره دي حاسمع كلامك اللي كله حكم لان فعلا الحياه حلوه و تستحق ان الواحد يفكر و يراجع نفسه مره واتنين قبل ما يتسرع بقرار غبي زى قرار الانتحار..يعني تقدر تقول كده اني رجعت في كلامي و مش حانتحر خلاص ..هممممم
الارنب :مالك ..بتصرخ و تبكي ليه ..طيرت النوم من عيني ؟
الذئب : زهقت من الدنيا و من ان كل الناس بتقول عني وحش مفترس ..و دلوقتي عاوز انتحر و مش عارف
الارنب محاولا نصح الذئب ليتراجع عن قرار الانتحار :طب وليه الكابه دي ..ده حتي الحياه حلوه و خساره ان الواحد ينتحر و يسيبها ..و بعدين انا ذنبي ايه في ده كله ؟؟
الذئب ( متصنعا البكاء و الياس و الانهيار ) : مش انت جارى ..يبقي لازم تساعدني ..و اهو بالمره تخلص مني و ترتاح للابد و تعيش في امان باقي ايام عمرك ..و يبقي لا ديب و لا يحزنون .
فكر الارنب في الكلام فراقته فكرة التخلص من تهديد الذئب الي الابد ..و لذلك قرر ان يساعده في الانتحار
الارنب :طب و انا ممكن اساعدك ازاي عشان تنتحر ؟؟؟
الذئب : بسيطه خالص ..شايف الحبل اللي مربوط في رقبتي ده ..كل اللي هاتعمله انك حاتربط طرف الحبل الثاني في المسمار اللي فوق الشباك...و انا عليا الباقي بعد كده.
الارنب :بس المسمار عالي قوى و حتي لو وقفت علي الشباك مش حاطوله.
الذئب : انا حاساعدك ..انا حاطلع علي الشباك و امسكك بسناني لغاية ما تطول المسمار وتربط الحبل فيه ..و بعد كده انط انا من علي الشباك ..و اتشنق.. و اموت ..و ترتاح انت للابد.
الارنب ( بارتياب ) :و لازم يعني تمسكني بسنانك ؟؟؟..ما تمسكني بايديك احسن .
الذئب : معلش يا صاحبي ..زى ما انت شايف ايديه مربوطين لزوم الانتحار ..عشان ما اقدرش اخلص نفسي و اضمن ان الحبل حايشنقني.
و ازاء اغراء فكرة التخلص من الذئب الي الابد ..يقرر الارنب المجازفة ..فيضع نصف جسمه الاسفل في فم الذئب و يسمح له ان يمسكه باسنانه..و بالفعل يكمل الذئب الخطه للنهايه حتي يطمئن الارنب و لا يهرب قبل ان يتمكن منه الذئب تماما...و يصعد الذئب علي حافة الشباك و يتناول الارنب طرف الحبل و يرفعه الذئب بفمه عاليا ليربط الحبل في المسمار .
الارنب ( بغباء و سذاجه و هو لا يزال في فم الذئب) :
انا ربطت الحبل في المسمار خلاص ..ياللا بقي نط من علي الشباك .
الذئب بلؤم شديد: معلش ياصاحبي ..سامحني ..اصل طعم رجليك اللذيذ في بقي خللاني احس قد ايه الدنيا و الحياه حلوين و ان خساره ان الواحد ينتحر و يموت و يسيب ده كله..يظهر انك كان عندك حق في كلامك ..
الارنب ( برعب شديد ) : يعني ايه ؟؟؟؟؟ انت مش قوللت انك حاتنتحر؟؟؟؟
الذئب ( و هو يفك الحبل من رقبته علي عجل ) : لا ..المره دي حاسمع كلامك اللي كله حكم لان فعلا الحياه حلوه و تستحق ان الواحد يفكر و يراجع نفسه مره واتنين قبل ما يتسرع بقرار غبي زى قرار الانتحار..يعني تقدر تقول كده اني رجعت في كلامي و مش حانتحر خلاص ..هممممم
التعديل الأخير:
