ثورة العابرين 1/7/2012

[حبيب يسوع]

الاصدقاء الاعزاء وجدت على الفسبوك ان هناك سوف تقام وقفة احتجاجية امام ماسبيروا يوم 1/7/2012
لذا ارجوا من كل العابرين والعابرات فى جمهورية مصر العربية وكل المسيحين المشاركة فى هذه الوقفة الهامة كى يشعر العالم باننا مظلومين ومضطهدين ولا يوجد حرية عقيدة فى مصر وانهم يهددوننا بالقتل وتطبيق حد الردة علينا نريد ان نكون مسيحين نصلى فى الكنائس ونلبي الصليب وان يتم تغير اسمائنا الى اسماء مسيحية وان يكتب فى البطاقة مسيحى
اتمنى من كل واحد يكتب ماذا يريد من هذه الوقفة

 

[Waiting+Jesus]

ثورة العابرين كان حلم بيراودنى وكنت أصلي من أجله

ربنا بيقولى انه الفتره الجايه هتكون مختلفه وانه العابرين هيزيدوا

واننا سنجاهر يايماننا و هيكون لينا كنايس وناخد اكتر م اللي بنحلم بيه

أنا متفائله جدا وان كانت الوقفه دى مش واضح مين اللي بيقودها وأهدافها مش مرتبه

أعتقد انه الموضوع محتاج تنظيم ورعايه من بعض المنظمات الحقوقيه والعابرين الناشطين زى نجلاء الامام

عشان نوصل لهدف ..اعتقد ان الوقفه دى لو نزل فيها كل العابرين مش هيكفيهم ماسبيرو ولا التحرير

ده لينك الصفحه ع الفيس بوك

https://www.facebook.com/Protes.25.11.2011


​

 

[sha2awet 2alam]

فكرو بالراحة شوية
اما المسيحيين اللى اتظاهرو قدام ماسبيرو سبق و اتداسو بالدبابات قدام العالم كله و محدش همه و حقهم راح و اسمهم مسيحيين المولد يعنى واخدين الدين على البطاقة زى ما بيقولو
فماحال العابرين بقا ؟؟ انتو عايزين تروحو تقولو احنا كنا مسلمين و شوفنا الاسلام وحش و بقينا مسيحيين و هاتو حقوقنا فى ظل دولة بترسم طريقها انها تكون دولة اسلامية ؟؟؟؟؟ مش منطق و مش معاكو فيه .. اصبرو على اقل تقدير .. تشوفو البلد ماشية ازاى .. ربنا يحافظ عليكم بس بلاش تمشو ورا كلام اى شخص محدش يضمن اى حد دلوقتى اصلا ربنا العالم مين اللى صاحب الفكرة و قصده الحقيقى منها ايه و الناس هتستغل الموقف ازاى و نتايجه ممكن تكون ايه !

 

[مونيكا 57]

رجاء الانتظار حتى تصبح مصر بلد مدنية ديمقراطية
اى بعد ان يتم تحجيم الاخوان والسلفين
والا ما الفائده اذا قتلوكم فى الميدان
ربنا يحميكو ويحافظ عليكم ويعطيكو سؤال قلوبكم​

 

[عبود عبده عبود]

إهدوا شوية ...مش فورة حماسة هى ...الحياة أكبر من أن تُدار
عن طريق الفيس البوك ...

 

["خْرْيْسْتْوْفُوْرُوْسْ"]

انا سأكون من أول الناطقين بشهادتي امام العالم كله .. لكن الأمر يحتاج تريث ..

ربما ليس علينا الأنتظار كثيرا..

لأن هناك حصانه خاصه لنا وهناك حمايه لنا لا يستطيع أحد أختراقها مهما كانت سلطته ..أنه النور الذي وجدناه ..واثقين فيه أنه يحمينا ..

 

[!! Coptic Lion !!]

مين صاحب فكره تجمع اكبر عدد من العابرين في وقت ومكان واحد ؟

انا شايف انها مش اكتر من تجميع كل البيض في سله واحده
او بمعني اصح وسوري في التشبيه

الفيران كلها هتتلم في مصيده واحده
اصضعف الايمان انهم يعرفوا شخصيات ناس منهم مكنوش يعرفوا بعبورهم
​

 

[aymonded]

يا إخوتي كونوا حكماء كالحيات بسطاء كالحمام، فهذه الأفعال حماسية بدون تروي، مثل من معه ذهب غالي وأموال كثيرة وكنوز ضخمة عظيمة
وذهب ليلقيها أمام المارة ومنتظر أن يقولوا له هذا حقك، بل كل من سيراكم سيمزقكم على أساس أنه يقدم خدمة حسنة لله، والمستعجل برجليه دائماً يُخطأ، والشهادة لابد ان تاتي في أوقاتها الخاصة وليست بتسرع منا، بحجة أننا نريد أن نشهد ليسوع، فوقت الشهادة حينما ياتي فلنشهد ونعترف، ولكننا لا نذهب للموت بأرجلنا، لأن هذا يُسمى انتحاراً وليس شهادة...

كونوا معافين في روح الإفراز والتمييز
النعمة معكم
​