توضيح نوع العلاقة بين الولد و البنت !!!!

[love2be]

العلاقة بين أى ولد و بنت ف الغالب بتكون زمالة موصلتش لدرجة الصداقة

لأن فى فرق شاسع بين الصداقة و الزمالة

الصداقة : انك يكون ليك صاحب بتتفسحو بتخرجو مع بعض بتبقى دايمة طول العمر سواء ارتبط او اتجوز او خلف .

الزمالة : علاقة مؤقته بين شخصين تنتهى العلاقة بأنتهاء المصلحة. يعنى هى اساسها المصلحة او المنفعة مش اكتر.


لو طبقنا مبدأ الصداقة ع العلاقة بين الولد و البنت

بالنسبة (للبنت)

ينفع تستمر العلاقة لبعد متتجوزى او لو حتى كنتى مرتبطة ؟
لو شفتى زميلك ده و انتى مع جوزك ف الشارع هتقدرى تسلمى عليه ؟.
لو زميلك اتصل بيكى الساعة 12 بالليل و قالك عاوزك معايا ف مشوار هتقدرى تروحى ؟
ينفع تروحى تذاكرى معاه ف البيت ؟
لو اتأخرتى ف المذاكرة هينفع تباتى ؟
لو شوفتى زميلك بيتخانق هتروحى تتخانقى معاه ؟
أقل حاجة السلام بين الأصحاب اول اما بيشوفو بعض بياخدوا بعض بالأحضان تقدرى تعملى كده ؟

و غيره كتيير

أما بالنسبة للولد

كل ده ينفع​

​

 

[Alexander.t]

انت مش بتتكلم على زماله ، انت بتتكلم على علاقه غير سويه اصلا
الساعه 12 ايه يبنى ، انت مصرى؟

 

[Coptic MarMar]

لالالالالا فى صداقة بين الولد والبنت طبعا
بس فى حدووووووووود للصداقة دى
يعنى اللى انت بتقوله ده مينفعش أصلا
والصداقة مش بتتلخص فى انى أتصل بصديقى 12 باليل عشان ينزل معايا
أو أى حاجة من اللى ذكرتها ..
الصداقة أسمى بكتييييييييير
يعنى مثلا لو ليا صديق أحتاج مساعدة فى اى حاجة أقدر أعلمها
هعملها لو طلب منى حاجة فى مقدرتى هعملها له
لو معاه مشكلة هساعده يشوووف لها حل
كده تبقى صداقة وبرضه بحدود
لكن الزمالة دى بتكون فى الشغل او الدرسة
وبتكون فى حدود الموقف ووووووووووبس
يعنى زميلى فى الكلية فالكلية زمايل لكن بره الكلية ولا اعرفه
وده الفرق بين الصداقة والزمالة بين البنت والولد ​

 

[back_2_zero]

انا شايفة اننا فى مجتمع شرقى و الصداقة بين الولد و البنت تبدأ ف الكلية
ف الكلية صحاب و بيتكلموا و عادى
برة الكلية لا تعرفنى ولا اعرفك
لو شفتنى بنقتل ملكش دعوة بردة
​

 

[lo siento_mucho]

الصداقه مش بالحاجات اللي انت ذكرتها دي خااالص
ولا لو محصلش كده مش نسميها صداقه يعني
الصداقه اسمى من كده بكتيييير وكل شيئ وليه حدود
مش عارفه ايه اللي خلاك تفكر كده وتقارن المقارنه دي ؟؟؟

 

[love2be]

انت مش بتتكلم على زماله ، انت بتتكلم على علاقه غير سويه اصلا
الساعه 12 ايه يبنى ، انت مصرى؟

انا بديكم امثلة للى بيحصل بين أى اتنين اصحاب و لاد

و بقولكم ان مينفعش يحصل الكلام ده بين أى ولد و بنت
تحت أى مسمى

عشان كده أى علاقة بين اى ولد و بنت بتكون زمالة
و بس​

 

[ponponayah]

لو زميلك اتصل بيكى الساعة 12 بالليل و قالك عاوزك معايا ف مشوار هتقدرى تروحى ؟

ينفع تروحى تذاكرى معاه ف البيت ؟
لو اتأخرتى ف المذاكرة هينفع تباتى ؟

أقل حاجة السلام بين الأصحاب اول اما بيشوفو بعض بياخدوا بعض بالأحضان تقدرى تعملى كده ؟

و غيره كتيير

ازاى يعنى هيحصل الكلام اللى انت كاتبة دا
ومتقولش بيحصل من بنات
ومفيش حاجة اسمها وغير كدا كتير

انا بديكم امثلة للى بيحصل بين أى اتنين اصحاب و لاد

انت هنا بتتكلم على اتنين ولاد
لو اتكلمت نفس الكلام على اتنين بنات هينفع
لان مفيش بنت بتعمل الكلام اللى حضرتك كتبة دا​

 

[+Bent El3dra+]

لو شفتى زميلك ده و انتى مع جوزك ف الشارع هتقدرى تسلمى عليه ؟.
لو زميلك اتصل بيكى الساعة 12 بالليل و قالك عاوزك معايا ف مشوار هتقدرى تروحى ؟
ينفع تروحى تذاكرى معاه ف البيت ؟
لو اتأخرتى ف المذاكرة هينفع تباتى ؟
لو شوفتى زميلك بيتخانق هتروحى تتخانقى معاه ؟
أقل حاجة السلام بين الأصحاب اول اما بيشوفو بعض بياخدوا بعض بالأحضان تقدرى تعملى كده ؟​

هو ايييييييه الكلام ده
بجد نو كومنت
رحمتك يارب
​

 

[+SwEetY KoKeY+]

الكلام الى انت بتقوله ده
اكنك من كوكب اخر بصراحه​

 

[MIKEL MIK]

لا تعليق افضل​

 

[govany shenoda]

الي انت كتبه ده ملهوش دعوه بلصداقه
الصداقه حاجه غير كده خالص
هو اني لو انا في مشكله اوصديقي في مشكله نساعد بعض
مش شرط تبقي الساعه 12 بليل نخرج مهو اليوم 24 ساعه مينفعش نخرج غير 12 بليل
ومين قالك ان لو اتنين بنات اصدقاء ممكن يباتو عند بعض
في عائلات كتير مش بترضي بكده
انا من اعز اصدقاء ولد احنا اصدقاء من 10 سنين وجوزي عارفه
وساعات كتير بنخرج مع بعض مهو لو انا بعمل حاجه غلط هخاف اعرفو لجوزي زي ما انت بتقول
هو احنا اصدقا في السر
سوري ديه متباش صداقه ديه تبقي حاجه تانيه​

 

[love2be]

الي انت كتبه ده ملهوش دعوه بلصداقه
الصداقه حاجه غير كده خالص

ممكن حضرتك تشرحيلنا الصداقة بالظبط

هو اني لو انا في مشكله اوصديقي في مشكله نساعد بعض
مش شرط تبقي الساعه 12 بليل نخرج مهو اليوم 24 ساعه مينفعش نخرج غير 12 بليل

انا بتكلم لو حصلت مشكلة عنده والده تعب مثلا ف وقت متأخر و هو لوحده و حصل و اتصل بيكى
هتنزلى معاه اما عن حكاية ان اليوم 24 ساعة ف دا ممكن نطبقة ف حالة نتيجة الثانوية العامة اننا نصبر لتانى يوم
فى مواقف مينفعش نستنى لتانى يوم فيها

ومين قالك ان لو اتنين بنات اصدقاء ممكن يباتو عند بعض
في عائلات كتير مش بترضي بكده

انا بقول لو أتأخرتم فالمذاكرة مثلا أو فرحها فاضلو يومين و في حاجات مكملتش ف الشقة

انا من اعز اصدقاء ولد احنا اصدقاء من 10 سنين وجوزي عارفه
وساعات كتير بنخرج مع بعض مهو لو انا بعمل حاجه غلط هخاف اعرفو لجوزي زي ما انت بتقول

أما عن النقطة دى
فأنا هعمل عليها استطلاع و هيبقى للرجالة بس و نشوف
كام راجل هيوافق ع الموضوع ده ؟

هو احنا اصدقا في السر
سوري ديه متباش صداقه ديه تبقي حاجه تانيه

أقدر أعرف منك
أيه هى الحاجة التانية ؟​

 

[Dona Nabil]

العلاقة بين أى ولد و بنت ف الغالب بتكون زمالة موصلتش لدرجة الصداقة

لأن فى فرق شاسع بين الصداقة و الزمالة

الصداقة : انك يكون ليك صاحب بتتفسحو بتخرجو مع بعض بتبقى دايمة طول العمر سواء ارتبط او اتجوز او خلف .

الزمالة : علاقة مؤقته بين شخصين تنتهى العلاقة بأنتهاء المصلحة. يعنى هى اساسها المصلحة او المنفعة مش اكتر.


لو طبقنا مبدأ الصداقة ع العلاقة بين الولد و البنت

بالنسبة (للبنت)

ينفع تستمر العلاقة لبعد متتجوزى او لو حتى كنتى مرتبطة ؟
لو شفتى زميلك ده و انتى مع جوزك ف الشارع هتقدرى تسلمى عليه ؟.
لو زميلك اتصل بيكى الساعة 12 بالليل و قالك عاوزك معايا ف مشوار هتقدرى تروحى ؟
ينفع تروحى تذاكرى معاه ف البيت ؟
لو اتأخرتى ف المذاكرة هينفع تباتى ؟
لو شوفتى زميلك بيتخانق هتروحى تتخانقى معاه ؟
أقل حاجة السلام بين الأصحاب اول اما بيشوفو بعض بياخدوا بعض بالأحضان تقدرى تعملى كده ؟

و غيره كتيير

أما بالنسبة للولد

كل ده ينفع​

​

طيب .. ولو انى قلت رأيى فى موضوع صداقة الولد والبنت فى موضوع تانى لكن مفيش مانع اتكلم هنا باستفاضه اكتر
وزى ما وضحت قبل كده يا محمود فى عوامل كتير بتتحكم فى الصداقه دى ومش بس بتتحكم فى صداقة الولد والبنت لا وكمان فى صداقة الولد بالولد والبنت بالبنت
المجتمع والبيئه المحيطه وحتى المستوى المادى والثقافى والاجتماعى
ما هو مفيش حد يقدر يقول ان منظور المجتمعات المختلفه واحد لاى أمر
مثلا فى المجتمعات ذات المستوى المادى والاجتماعى العالى ( ومبتكلمش هنا على المجتمعات الغربيه ) بينظر لصداقة الولد والبنت على انها شىء عادى ومقبول ومفيش اى اعتراض اسرى عليها ومفيش حتى فرصه انه حد يفكر فى مدى لياقتها
أما فى المجتمعات الاقل مادياً واجتماعيا قد تكون النظره مختلفه وده برضه له اسباب
قلة فرص التواجد ما بينهم مثلا فرص الاشتراك فى النوادى اقل
الاختلاط ما بين الاسر بتكون فى نطاق محدود واحيانا بيكون الاختلاط بين الجيران على اقصى حد وفى المناطق الشعبيه طبعا بتكون فى حدود اكثر فى التعامل قد لا يتخطى حدود السلام عن بعد
منقدرش ابدا نقول ده مجتمع صح وده مجتمع غلط
لكل مجتمع عاداته وتقاليده
نيجى بقى لرأيى الشخصى فى هذا النوع من الصداقه
انا ومن واقع تجربتى الشخصيه ليا من الاصدقاء عدد كبير وما زلنا على تواصل فى المناسبات والاعياد وعلى الفيس بووك
وبالنسبه لتساؤولاتك اللى سردتها بتعجب ساجيبك عليها
انا معك نعم فى فارق بين الزماله والصداقه و لكن هذا الفارق موجود ايضا بين الولد والولد وما بين البنت والبنت
انت ربطت مفهوم الصداقه بالخروج والفسح والوجود خارج البيت لوقت متأخر
سامحنى هذا منظور ضيق جداا جدااا لمفهوم الصداقه
فالصديق بالنسبه لى هو المستمع الجيد والناصح الامين وهل يجب ان تكون نظرة الولد للبنت دائما نظره خاطئه ومعيوبه ولذلك يجب الفصل ما بينهم منعا لحدوث اى شىء خطأ !!
نعم لى اصدقاء اعتز بهم جدااا تجمعنى بهم ذكريات هى من اجمل ما مررت به ولزوجى صديقات له كثير من الذكريات الجميله معهن والتى احترمها جدااا كما هو يحترم اصدقائى احكى له عنهم ويحكى لى عنهن
نتقابل كاسر واسلم عليهم عادى حتى ان زوج اختى الوحيده هو صديق عمرى وهو بالنسبه لى اغلى من اخويا
يا محمود أنا لو داريت عن زوجى اى علاقة صداقه بريئه اذن هى كانت خطأ من البدايه ولذك اخفيها وهذا ما ارفضه شكلا ومضمونا فأنا لم اخطىء لادارى خطأى ولست على استعداد لان ادارى اى شىء انا على اقتناع تام بصحته لمجرد أن هناك من يراها خطيئه لا تغتفر
مسألة البيات عند الصديق والخروج لوقت متأخر والتليفونات المتأخره والمذاكره عنده ولا الخناق كل ده مش من اساسيات الصداقه على الاطلاق ولا تشكل اى اهميه للصداقه الحقيقيه بمعناها المحترم
الصداقه يا محمود هى نطاق اوسع واشمل واعم من شوية المظاهر والكلام
وارجع واقول ده مجرد رأى واحترم كل من يخالفنى معنديش مشكله ابداااا انى اختلف معاك أو مع اى حد فى اى رأى
ربنا معاك

 

[love2be]

طيب .. ولو انى قلت رأيى فى موضوع صداقة الولد والبنت فى موضوع تانى لكن مفيش مانع اتكلم هنا باستفاضه اكتر
وزى ما وضحت قبل كده يا محمود فى عوامل كتير بتتحكم فى الصداقه دى ومش بس بتتحكم فى صداقة الولد والبنت لا وكمان فى صداقة الولد بالولد والبنت بالبنت
المجتمع والبيئه المحيطه وحتى المستوى المادى والثقافى والاجتماعى
ما هو مفيش حد يقدر يقول ان منظور المجتمعات المختلفه واحد لاى أمر
مثلا فى المجتمعات ذات المستوى المادى والاجتماعى العالى ( ومبتكلمش هنا على المجتمعات الغربيه ) بينظر لصداقة الولد والبنت على انها شىء عادى ومقبول ومفيش اى اعتراض اسرى عليها ومفيش حتى فرصه انه حد يفكر فى مدى لياقتها
أما فى المجتمعات الاقل مادياً واجتماعيا قد تكون النظره مختلفه وده برضه له اسباب
قلة فرص التواجد ما بينهم مثلا فرص الاشتراك فى النوادى اقل
الاختلاط ما بين الاسر بتكون فى نطاق محدود واحيانا بيكون الاختلاط بين الجيران على اقصى حد وفى المناطق الشعبيه طبعا بتكون فى حدود اكثر فى التعامل قد لا يتخطى حدود السلام عن بعد
منقدرش ابدا نقول ده مجتمع صح وده مجتمع غلط
لكل مجتمع عاداته وتقاليده
نيجى بقى لرأيى الشخصى فى هذا النوع من الصداقه
انا ومن واقع تجربتى الشخصيه ليا من الاصدقاء عدد كبير وما زلنا على تواصل فى المناسبات والاعياد وعلى الفيس بووك
وبالنسبه لتساؤولاتك اللى سردتها بتعجب ساجيبك عليها
انا معك نعم فى فارق بين الزماله والصداقه و لكن هذا الفارق موجود ايضا بين الولد والولد وما بين البنت والبنت
انت ربطت مفهوم الصداقه بالخروج والفسح والوجود خارج البيت لوقت متأخر
سامحنى هذا منظور ضيق جداا جدااا لمفهوم الصداقه
فالصديق بالنسبه لى هو المستمع الجيد والناصح الامين وهل يجب ان تكون نظرة الولد للبنت دائما نظره خاطئه ومعيوبه ولذلك يجب الفصل ما بينهم منعا لحدوث اى شىء خطأ !!
نعم لى اصدقاء اعتز بهم جدااا تجمعنى بهم ذكريات هى من اجمل ما مررت به ولزوجى صديقات له كثير من الذكريات الجميله معهن والتى احترمها جدااا كما هو يحترم اصدقائى احكى له عنهم ويحكى لى عنهن
نتقابل كاسر واسلم عليهم عادى حتى ان زوج اختى الوحيده هو صديق عمرى وهو بالنسبه لى اغلى من اخويا
يا محمود أنا لو داريت عن زوجى اى علاقة صداقه بريئه اذن هى كانت خطأ من البدايه ولذك اخفيها وهذا ما ارفضه شكلا ومضمونا فأنا لم اخطىء لادارى خطأى ولست على استعداد لان ادارى اى شىء انا على اقتناع تام بصحته لمجرد أن هناك من يراها خطيئه لا تغتفر
مسألة البيات عند الصديق والخروج لوقت متأخر والتليفونات المتأخره والمذاكره عنده ولا الخناق كل ده مش من اساسيات الصداقه على الاطلاق ولا تشكل اى اهميه للصداقه الحقيقيه بمعناها المحترم
الصداقه يا محمود هى نطاق اوسع واشمل واعم من شوية المظاهر والكلام
وارجع واقول ده مجرد رأى واحترم كل من يخالفنى معنديش مشكله ابداااا انى اختلف معاك أو مع اى حد فى اى رأى
ربنا معاك

دونا اولا
انا بشكرك على مشاركتك و على رأيك ؟

هو انا مش معترض على كلامك انا بدى امثلة واقعية
انا مؤمن جدا ان الصداقة مفهومها اشمل من كده بكتير

لكنى معترض معاكى ف نقطة
انا عارف ان الصداقة مش حاجة غلط أو عيب لكننا ف مجتمع شرقى
طالما انا وصلت لمرحلة الأرتباط اعتقد انى واجب عليا تجاه الأنسان اللى ارتبط بيه
انى اوليه الأهتمام و اقطع علاقتى بأى حد و انا مش معترض انك تحكى معاه
الحب و الأرتباط لازم يتبنوا على حقايق و صراحة لكنها بتكون مرحلة ف حياة الأنسان وانتهت

دا رأى ف الموضوع

و اختلاف الرأى لا يفسد للود قضية


شكرا ليكم جميعا​

 

[zama]

يا أخ محمود أنا اللى فهمتوا أنك بتتكلم بثقافة لو أطبقت بمصر تسمى أنحلال و تسيب ..

دا أنا حضنت أخواتى فى السفريات بس و المناسبات ، أنت جاى تقولى حضن ..

ههههههههههههههههههههههههههههههههههههههههههههههههه

(( حدث ولا حرج )) ..

 

[sony_33]

بالنسبة (للبنت)

ينفع تستمر العلاقة لبعد متتجوزى او لو حتى كنتى مرتبطة ؟
كلمة العلاقة غير الصداقة
المفروض تقول ينفع تستمرالصداقة......... لاكن العلاقة يبقى كلنا نروح القسم
لو شفتى زميلك ده و انتى مع جوزك ف الشارع هتقدرى تسلمى عليه ؟.
واية يعنى متسلم وعادى وبتحصل اية المشكلة
لو زميلك اتصل بيكى الساعة 12 بالليل و قالك عاوزك معايا ف مشوار هتقدرى تروحى ؟
هو لازم علشان الولد صديق البنت لازم يطلبها فى اى شئ اذذا كان الواحد بيطلب اصحابة الاولاد الساعة 12 ظهرا ومحدش بيرضى يجى
ههههههههههههههههههههه
ينفع تروحى تذاكرى معاه ف البيت ؟
ينفع طبعا مش البيت فى ضواحى فرنسا
لو اتأخرتى ف المذاكرة هينفع تباتى ؟
اة ينفع تبات مع والدتة التعبانة علشان تاخد بالها منها علشان اخواتة الرجالة بيباتو فى الشغل؟؟؟
لو شوفتى زميلك بيتخانق هتروحى تتخانقى معاه ؟

دى سهلة بقى وقفة البنت ب100 راجل​

أقل حاجة السلام بين الأصحاب اول اما بيشوفو بعض بياخدوا بعض بالأحضان تقدرى تعملى كده ؟

طبعا تقدر ولية لا مش حضن اخوى
هههههههههههههههههههههه​

يا صديقى احنا فى بلد شرقى وحياتك لو ينفع الكلام دة كلة مكنتش اتجوزت كنت قدتها صداقة
ههههههههههههههههههههههههههه
ربنا معاكم​

 

[love2be]

يا أخ محمود أنا اللى فهمتوا أنك بتتكلم بثقافة لو أطبقت بمصر تسمى أنحلال و تسيب ..

دا أنا حضنت أخواتى فى السفريات بس و المناسبات ، أنت جاى تقولى حضن ..

ههههههههههههههههههههههههههههههههههههههههههههههههه

(( حدث ولا حرج )) ..

و الله يا أخ زاما
الراجل مبيخافش من كلام الناس و كل واحد حاسس بنفسه​

 

[love2be]

يا صديقى احنا فى بلد شرقى وحياتك لو ينفع الكلام دة كلة مكنتش اتجوزت كنت قدتها صداقة
ههههههههههههههههههههههههههه
ربنا معاكم​

التصرفات اللى انا ذكرتها ممكن تحصل بين أى اتنين اصحاب سواء كانو الأتنين و لاد أوكانو الأتنين بنات

هو انت عمرك م قابلت واحد صاحبك وخدته بالحضن
أيه يا جدعان هو انا بقول حاجة عيب
كله اتكسف و حط وشه ف الأرض

بالنسبة للأخ زاما

يقولك لالألألألأ و كلام الناس و ثقافة المجتمع وكلام كبير

و انا قولتلك روح اتجوزه

و لا اعمل معاه نص اكليل

حسستونى انى جاى من أوروبا و بطالب بحقوق ال ...............


انا بقول الكلام ده يحصل بين أى اتنين اصحاب و لاد حاجة عادية أو بين اى اتنين بنات عادى
دى تتسمى صداقة صحوبية و عارف ان دى مش كل واجبات الصداقة

و طبعا عمرها مهتحصل بين ولد و بنت ساعاتها مش هتبقى صداقة و لا زمالة دى هتبقى سفالة

عشان كده قلت ان أى علاقة بين أى و لد و بنت بتبقى زمالة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مفيش راجل يقنعنى انه يبقى ماشى مع المدام و فجأة يقابلهم واحد ف الشارع
و تقوله

(روح قلبى أحب اعرفك هانى صديق الطفولة ياما لعبنا مع بعض دا صديقى الأنتيم كنا بنخرج مع بعض و بنذاكر مع بعض لحد متخرجنا )

يجى جوزها يشكر هانى و يقوله

(هانى بجد انا مش عارف اشكرك أزاى و اردلك الجميل ده كرست عمرك تلعب مع المدام و تفسح فيها و تذاكرلها اكتر من 10 سنين )

يروح هانى رادد عليه و يقوله
(انت بتقول أيه يا راجل دا واجب علينا )​

فين الغيرة فين النخوة
طب ياراجل احترم كلمة ( ذكر ) اللى ف البطاقة
و لا هى محطوطة زينة
بلاش البطاقة
احترم الشنب اللى ف وشك اللى يقف عليه الصقر

 

[zama]

و الله يا أخ زاما
الراجل مبيخافش من كلام الناس و كل واحد حاسس بنفسه​

هناك فرق بين التبجح و الجراءة ..

الجراءة هى المطالبة بالحق ، هى لفظة يوصف بها الإقدام الإيجابى الهدف ..

أما التبجح هى الإصرار ع المطالبة بالخطأ و عدم التراجع عن الموقف السلبى الهدف ..

==

ما ذكرته تعليقاً ع جزئية (( إن الراجل ما يخاف من كلام الناس )) ..