تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="aymonded, post: 3752069, member: 81598"] [COLOR=Black][FONT=Times New Roman][RIGHT][B][SIZE=4]مشكلتنا في مصر هو عدم الاعتراف بالتقصير لازم تطلع مليون ألف حجة وحجة، والهدف من الاعتراف هو تعديل الوضع بصورة أكثر فاعلية، لأن مش كل انتقاد يتقلب لمعنى أن الغرض هو هدم منظومة، فالموضوع مش مسألة ثغرة (لأنها ثغرة واسعة قووووي) القصة كلها في واقع شديد الخطورة والألم وكله معاناة ومصيبته في سياسة التبرير، ودية المصيبة والطامة الأكبر، لأن خلط الأمور ببعضها خطير ومستحيل يوجد سياسة تبرير مع بحث جاد عن علاج المشكلة، فالمريض لازم يعترف بمرضة ولا يبرر وجوده، بل يبحث جدياً عن الطبيب الشاطر اللي يقدر يقدم علاج شافي على أرض الواقع فعلياً ليكون الشفاء تام، لأن الموضوع مش مسألة ثغرة الموضوع بيتطور وقصة القتل والسيناريو المصاحب بيتكرر بصورة ملفتة للنظر بشكل مستفز خطير، فبدل سياسة التبرير والإعلان عنها، يتم البحث عن إيه هو الحل من الناحية الأمنية، مش احنا طبعاً اللي هانقوله ونعمله، لأن هناك أجهزة لازم تشتغل وتشوف العيب فين وتصلحه بسرعة، والدليل على تصليحه الفعلي هو عودة الناس لأماكنها بصورة سريعة وفيها أمن وأمان حقيقي يعني مش مجرد رجوع وكله تمام، لكن المؤسف في الموضوع هو وجود تبرير والبحث عن الألفاظ والنقاش حولها هل هو تهجير والا نزوح والا مجرد قلق والا اسمه ايه.. وتضييع وقت على الفاضي في مشكلة سطحية والغرض منها حفظ ماء الوجه، وكأن المشكلة في المُسمى مش مشكلة في الحدث وحله. وعجبي على دفن الرؤوس في الرمال وتضييع الوقت في جدل بلا معنى ولا ثمر حقيقي، فامتى ننظر للأمور بواقعية ونشوف أماكن التقصير فين وتتعالج على أرض الواقع، ولو فيه حد مش عارف يظبطها يسبها لغيره، زي المريض اللي بيروح لدكتور مش يعرف يديله العلاج السليم، فلو فضل يروح له ويلجأ إليه ويفضل على نفس ذات العلاج عينه عمره ما هايخف فلازم يغير الدكتور ويدور على حد جدير عنه وله خبرة أوسع واكبر يعرف يشخص صح ويعالج صح، ويعرف ازاي يديله علاج جديد يتناسب مع حاله، لكن مش يكرر له نفس العلاج ونفس الطريقة ونفس الأسلوب، مع أن تمت تجربته وطلع مش نافع نهائياً، واحنا عاملين زي الي بيروح لنفس الدكتور اللي جربه ألف مرة ومش نافع معاه لغاية ما بدأ يطلع في الروح ويموت وينتهي، وييجي اولاده يروحوا لنفس الدكتور وياخدوا نفس العلاج بعينه ويحصلوا ابوهم ويموتوا زيه برضو.. وهكذا وانا مش فاهم ليه كل واحد ينتقد الناس اللي بتنتقد الأوضاع ويصورهم على انهم بيحاولوا يهدموا المنظومة كلها أو عايزين يشوهوا الإنجازات اللي لا شايفنها على أرض الواقع ولا ظاهره قدامنا فعلياً وبنستفيد منها، ونتهدد بأننا هانبقى زي سوريا والا العراق، مهو مش معقول نسكت ونحيي ونقول آمين وكله تمام يا حكومة وكله تمام يا ريسنا الحياة بقت سهلة والجو جميل وكلنا في أمن وأمان، والدنيا حوالينا كل يوم بتبقى اصعب من اليوم اللي قبله ويتقال ده مجرد خطأ بسيط أو مجرد ثغرة، وكأن قتل وحرق الناس وطردهم أو عدم شعورهم بالأمان شيء بسيط وعادي واحسن من بلاد تانية، أو لما نشتكي من الأسعار وضيق المعيشة تيجي المقارنة بدول عندها مجاعات، هل هذه المقارنات والمبررات سليمة ويقولها مسئولين في دولة !!!! الثغرات اللي بيحصل كلام عنها بتوسع والخطأ البسيط بيكبر ويزيد، وطول ما موجود مُكابرة وعدم اعتراف بالوقائع هانفضل زي ما احنا، وسلم لي على الثورة اللي المفروض قامت على اساس الحرية والاعتراف بالخطأ وإصلاحه ورجعت ريمة لعادتها القديمة، والحجة الإخوان والناس الخونة والمؤامرة وهدم الوحدة الوطنية واتنين يبوسوا بعض قدام الشاشات بعد لما قالوا كلمتين يهدوا الناس اللي بتصقف في الآخر وتقول الحمد لله احنا مش زي الدول التانية ومصيبتنا اقل منهم نشكر ربنا بقى ونحمدوه.. الخ، ويتجمل الكلام من رجال الدين من الجانبين بشوية أقوايل وآيات وأحاديث ويحصل خلط ما بين السياسة والدين بشكل مستفز كالعادة مع شوية فتاوي من هنا وهناك، واحنا في النهاية لا كلنا ولا شربنا وبقى الحال على ما هو عليه، ولا يوجد حل غير انك تصبر على جارك السو يا يرحل يا تيجي مصيبه تشيله، ويفضل الكلام كلام والحوار حوار وتستمر الدايرة المُغلقة، لكن لا يوجد فعل ولا حل، وأوعى حد يتكلم لأننا احسن من سوريا وما يحدث في جنوب أفريقيا وفي بلاد الماو ماو... آه ثم آه وعجبي [/SIZE][/B][/RIGHT] [/FONT][/COLOR] [/QUOTE]

التحقق