- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
انا فتحت الموضوع ده هنا لانه موضوع جدلى وانا صراحة احترت فيه جداااااااااااا وعايزة اعرف رأيكوا لانى بجد مش عارفه اوصل لحاجة معينة فيه
فى بعض دول العالم فيه حاجة اسمها SEP او مايسمى بال syringe exchange program
معناه ايه الكلام ده ؟
المقصود بيه ان الناس اللى بتاخد مخدرات ( عن طريق الحقن ) ونتيجة لكده ممكن يستخدموا حقنة واحدة يستخدمها اكتر من واحد ورا بعض وده طبعا بينقل امراض خطيرة جدا زى الايدز والتهاب الكبدى c
فبعض الحكومات فى العالم قررت انها هتعمل البرنامج ده بحيث ان المدمن يروح ياخد حقنة فاضية معقمة من الصيدلية او من اى مكان تابع للبرنامج ببلاش او بمبلغ رمزى علشان يحقن بيها نفسه بالمخدرات
ليه ؟
علشان ميستخدمش اى حقنة تانية مكان حد تانى ( وساعات كانو بيلموها من القمامة ويحقنو بيها نفسهم ) وبكده هما بيتبعو مبدأ اسمه harm reduction
بمعنى انى بما انى مش هقدر امنعك او اجبرك كدولة انك تبطل تاخد مخدرات بالشكل ده على الاقل اقدر اقلل الضرر اللى ممكن يجى منك نتيجة اللى انت بتعمله ده
يعنى بمعنى اصح انا بحمى المجتمع منك
لان المدمن ده ممكن نتيجة للتعاطى ده يكون عنده الايدز او التهاب كبدى ويتجوز وينقله لمراته وهى ممكن تنقله للاولاد
وممكن ناس مش عندها دم تكون مدمنة وبتشتغل مثلا فى قطاع الصحة ( دكتور او ممرضة او اى حاجة ) وديه حصلت على فكرة ويكون عنده الايدز او اى مرض خطير نتيجة لتعاطيه ويروح ينقل مرضه لعيانيين غلابة مش ليهم ذنب نتيجة لاهماله وقلة ضميرة
ده غير طبعا انتو عارفين انه ممكن يتنقل بردو عن طريق اى جرح حصل عند الكوافير او الحلاق
فأنا بقلل من ضرر هذا الشخص على المجتمع
اللى حصل ان منظمة الصحة العالمية WHO طلعت تقرير سنة 2004 قالت ان البرنامج ده ( بتاع تبديل الحقن للمدمنين ) ادى الى انخفاض معدلات الاصابة بمرض الايدز والتهاب الكبد فى الدول اللى بتطبق النظام ده بشكل ملحوظ
انا بقا محتارة , لانى ساعات اقول ان وجود الحقن بالشكل ده متاحة قدام الناس ده ممكن يشجع الشباب الصغير على التعاطى
وساعات تانية اقول لا ماهو اللى بيتعاطى اصلا مش بيفكر فى موضوع النظافة والتعقيم ده اوى ومهما عملنا ونصحنا هيفضل بردو فيه ناس تتعاطى وتجيب مشاكل لنفسها ولغيرها
انتو رأيكوا ايه؟
فى بعض دول العالم فيه حاجة اسمها SEP او مايسمى بال syringe exchange program
معناه ايه الكلام ده ؟
المقصود بيه ان الناس اللى بتاخد مخدرات ( عن طريق الحقن ) ونتيجة لكده ممكن يستخدموا حقنة واحدة يستخدمها اكتر من واحد ورا بعض وده طبعا بينقل امراض خطيرة جدا زى الايدز والتهاب الكبدى c
فبعض الحكومات فى العالم قررت انها هتعمل البرنامج ده بحيث ان المدمن يروح ياخد حقنة فاضية معقمة من الصيدلية او من اى مكان تابع للبرنامج ببلاش او بمبلغ رمزى علشان يحقن بيها نفسه بالمخدرات
ليه ؟
علشان ميستخدمش اى حقنة تانية مكان حد تانى ( وساعات كانو بيلموها من القمامة ويحقنو بيها نفسهم ) وبكده هما بيتبعو مبدأ اسمه harm reduction
بمعنى انى بما انى مش هقدر امنعك او اجبرك كدولة انك تبطل تاخد مخدرات بالشكل ده على الاقل اقدر اقلل الضرر اللى ممكن يجى منك نتيجة اللى انت بتعمله ده
يعنى بمعنى اصح انا بحمى المجتمع منك
لان المدمن ده ممكن نتيجة للتعاطى ده يكون عنده الايدز او التهاب كبدى ويتجوز وينقله لمراته وهى ممكن تنقله للاولاد
وممكن ناس مش عندها دم تكون مدمنة وبتشتغل مثلا فى قطاع الصحة ( دكتور او ممرضة او اى حاجة ) وديه حصلت على فكرة ويكون عنده الايدز او اى مرض خطير نتيجة لتعاطيه ويروح ينقل مرضه لعيانيين غلابة مش ليهم ذنب نتيجة لاهماله وقلة ضميرة
ده غير طبعا انتو عارفين انه ممكن يتنقل بردو عن طريق اى جرح حصل عند الكوافير او الحلاق
فأنا بقلل من ضرر هذا الشخص على المجتمع
اللى حصل ان منظمة الصحة العالمية WHO طلعت تقرير سنة 2004 قالت ان البرنامج ده ( بتاع تبديل الحقن للمدمنين ) ادى الى انخفاض معدلات الاصابة بمرض الايدز والتهاب الكبد فى الدول اللى بتطبق النظام ده بشكل ملحوظ
انا بقا محتارة , لانى ساعات اقول ان وجود الحقن بالشكل ده متاحة قدام الناس ده ممكن يشجع الشباب الصغير على التعاطى
وساعات تانية اقول لا ماهو اللى بيتعاطى اصلا مش بيفكر فى موضوع النظافة والتعقيم ده اوى ومهما عملنا ونصحنا هيفضل بردو فيه ناس تتعاطى وتجيب مشاكل لنفسها ولغيرها
انتو رأيكوا ايه؟
التعديل الأخير:
