بـــتـــحـــب ؟ اه بـــــــحــــــــب !

[KOKOMAN]

بتحب ؟ اه بحب​

​

بتحب مين ؟ بحب البنت كتكوتة​

​

هى عندها كام سنة ؟22 سنه​

​

وهى بتحبك ؟ اسكت يابنى دى بتموت فى دباديبى​

​

ازاى؟ كل ما بتشوفنى تقولى بحبك​

​

كده على طول ؟ طبعا صحبك روش برضه
لا ماهو باين​

​

اهلها يعرفوا ؟ لا طبعا​

​

ليه ؟ ممممممممممم مش عارف​

​

يمكن علشان كده غلط ؟ لا طبعا​

​

طيب ليه ؟ جهل بعيد عنك​

​

طيب واخرتها ؟ اخرة ايه​

​

اخرة الحب ده ؟ ادينا بنتسلا​

​

بتتسلا ؟ ايوة​

​

يعنى مش ناوى تتجوزها ؟ هههههه اتجوز مين يا عم انا لاقى اكل​

​

طيب بتحبها ليه ؟ مش عارف انا بحبها اه لكن جواز لا​

​

ليه ؟ يمكن علشان لسة بدرى وصعب اكون اسرة دلوقتى​

​

طيب بتحبها ليه ؟ يابنى اصل انتا مش فاهم طالما دخلت الجامعة لازم يبقى عندك الجيرل فرند بتعتك​

​

وده مهم ؟ طبعا لاننا لازم نواكب العصر ونعيش اللحظة​

​

طيب مانتا كده ممكن تحطم البنت وتصدمها ؟ ايه يا عم الدراما دى
لا مش كده خالص​

​

طيب ازاى ؟ هو يومين وهتنسى وانا هقولها ان غصب عنى​

​

غصب عنك ازاى ؟ ماهو انا حتى لو رحت اتقدملها اهلها مش هيوافقوا غير لما اخلص دراسة واشتغل وحلنى بقى حد لاقى شغل اليومين دول​

​

يعنى انتا بتحبها وممكن تسبها فى اى وقت من غير ما تعمل حساب لمشاعرها ؟
مانا قلتلك يومين وهتنسى وهى هتتجوز وخلاص​

​

بس دا ميمنعش انك هتجرحها ؟ اجرح مين ياعم الدنيا كلها كده هو انتا هتصلح الكون ​

​

عندك حق انا مش هصلح الكون ؟ سلام بقى علشان البنت بتعتى جاية اهى​

​

اتفضل وربنا موجود

هو ده حب شباب الجامعات
اختى انتى غالية جدا عند ربنا فمترخصيش نفسك مع واحد كل همه انه عاوز يتسلى
خليك غالية فى نظرك واوعى تنساقى خلف كلام ليس له اى فائدة
فكرى ان الشاب ده
اولا بيحبنى ليه ؟
واخرة الحب ؟
وهل هو جاد؟
بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية
وستكونى انتى الخاسرة الوحيد فى وقت لن يفيد فيه ندم..........؟

لازم نخلى بالنا كويس يا جماعه من الشباب الالى زى الشاب ده
انا مش بقولكم ماتحبوش بس لازم تتأكدى انى الشاب ده بيحبك بجد

ربنا يستر وشباب المنتدى يسبونى اخرج من هنا على خير
ههههههههههههههه

منقول طبعا بس ضايف كام جمله
:smi411:​

​

 

[Kiril]

ربنا يبارك فيك
في ناس بتتسلي و في ناس عن جد
كان لي زميلي مع انه لسه في كلية الا انه اخد خطوة اجابية و راح اتقدم لأهل البنت
بس هما طبعا قالوا مينفعش دلوقتي
وتعالي لما تخلص

فيمكن صرامة الاهل هي اللي بتدفع ناس لأنها تاخد الموضوع من بره بره

 

[KOKOMAN]

كلام جميل يا كيرو

فيمكن صرامة الاهل هي اللي بتدفع ناس لأنها تاخد الموضوع من بره بره

المشكله بقت فى الاهل الولد لما يحب انوا يدخل من الباب يقولوا لاء لسه بدرى
طيب هوه عايزكم تكونوا على علم بالموضوع ماغلطش يعنى
مرسىىىىىى على مرووورك يا كيرو
وتعليقك
نورت الموضوع ​

 

[MarMar2004]

مرسي كتير يا كوكو علي الموضوع الجميل ده وربنا يعوضك
وفعلا كلامك صح والاعل دلوقتي مش زي زمان بالعكس اصبحو منفتحين عن الاول وكمان يهمهم ان يشوو اولادهم مبسوطين لكن لو في حاجة غلط هينصحوهم ويفهموهم لكن عمرهم ما هيقفو ضد سعادت اولادهم

 

[Aksios]

في ناس بتتسلي و في ناس عن جد

مظبوط فى البعض اللى عاوز يتسلى زى اللى فى الموضوع فوق و لكن ليس كل الشباب كده
هناك بردوه المحترم و اللى ميرضاش كده على اخته و لو حقيقى بيحب الانسانه دى يبقى هيخاف عليها

مشكور على الموضوع

 

[TULiP TO JESUS]

موضوع جميل جدا يا كيرو
ربنا يعوضك
هو فعلا الاكترية بيتسلو
واللي الشباب ميعرفهوش بقة ان البنت لما بتحب بتحب بجد قوى
ومش هما يومين ولا حاجة ذي ما قلت علي لسان الشاب اللي بيتسلا
دا بيبقي جرح عميق جدا صعب شفائة والتأمة لانها هي بتبقي مصدقة جدا
وبتحب بجد وبتصحي علي انة وهم وسراب
وحتي لو مر الزمن مبتنساش
لكن فية اقلية بيكون حب بجد
وعلشان كدة لازم البنت تعرف تفرق بين اللي بيتسلا واللي بجد
موضوع متميز يا كيرو
اجمل حاجة عجبتني فية جملة خليكي غالية في نظر نفسك

 

[Rosetta]

مرسي يا كوكو بجد موضوع رائع
و دارج بهالايام...
بس اكيد مش كل الشباب كده..
و انا بحب اضيف انه البنت في الحالة دي ليها مسؤولية انها تختار الشريك الصح و تكون متاكده انه هو المناسب ليها ..و كمان الحب مش كل شي لانه عندما يجتمع الحب و التفاهم هيكونوا اجمل علاقة .
و ربنا يوفق الكل..

 

[KOKOMAN]

مرسي كتير يا كوكو علي الموضوع الجميل ده وربنا يعوضك
وفعلا كلامك صح والاعل دلوقتي مش زي زمان بالعكس اصبحو منفتحين عن الاول وكمان يهمهم ان يشوو اولادهم مبسوطين لكن لو في حاجة غلط هينصحوهم ويفهموهم لكن عمرهم ما هيقفو ضد سعادت اولادهم

مرسىىى على مروورك يا مرمر
وعلى مشاركتك الجميله
نورتى الموضوع ​

 

[KOKOMAN]

مظبوط فى البعض اللى عاوز يتسلى زى اللى فى الموضوع فوق و لكن ليس كل الشباب كده
هناك بردوه المحترم و اللى ميرضاش كده على اخته و لو حقيقى بيحب الانسانه دى يبقى هيخاف عليها

مشكور على الموضوع

طبعا مش كل الشباب كده
مرسىىى على مروورك يا ربنا موجود
وعلى مشاركتك الجميله
نورت الموضوع ​

 

[KOKOMAN]

موضوع جميل جدا يا كيرو
ربنا يعوضك
هو فعلا الاكترية بيتسلو
واللي الشباب ميعرفهوش بقة ان البنت لما بتحب بتحب بجد قوى
ومش هما يومين ولا حاجة ذي ما قلت علي لسان الشاب اللي بيتسلا
دا بيبقي جرح عميق جدا صعب شفائة والتأمة لانها هي بتبقي مصدقة جدا
وبتحب بجد وبتصحي علي انة وهم وسراب
وحتي لو مر الزمن مبتنساش
لكن فية اقلية بيكون حب بجد
وعلشان كدة لازم البنت تعرف تفرق بين اللي بيتسلا واللي بجد
موضوع متميز يا كيرو
اجمل حاجة عجبتني فية جملة خليكي غالية في نظر نفسك

بصراحه اجمل تعليق قريته
مرسىىى على مروورك يا رجعا ليسوع
وعلى مشاركتك الجميله
نورتى الموضوع ​

 

[KOKOMAN]

مرسي يا كوكو بجد موضوع رائع
و دارج بهالايام...
بس اكيد مش كل الشباب كده..
و انا بحب اضيف انه البنت في الحالة دي ليها مسؤولية انها تختار الشريك الصح و تكون متاكده انه هو المناسب ليها ..و كمان الحب مش كل شي لانه عندما يجتمع الحب و التفاهم هيكونوا اجمل علاقة .
و ربنا يوفق الكل..

تعليقك راااائع يا روز
مرسىىى على مروورك
وعلى مشاركتك الجميله
نورتى الموضوع ​

 

[sara23]

ميرسى على الموضوع الجميل ده يا كوكو وانا لى راى فى الموضوع ده
ان البنت مش المفروض تحول اى مشاعر جواها لعلاقه صريحه مع واحد
حتى لو هو صارحها بكده
لكن العكس الافضل ان هى ما تخليش الموضوع يتطور
الا لو كان الوقت مناسب لكده
شكرا ليك كتير وربنا يباركك​

 

[KOKOMAN]

بس مش كل الشباب كده يا ساره
يعنى البنت لازم تتأكد الاول من مشاعر الشاب نحيتها
وهل هوه فعلا صادق ولا لاء
مرسىىىىى على مروورك يا ساره
نورتى الموضوع​

 

[kalimooo]

مشكور اخي kokoman
على الموضوع القيم
ربنا يباركك
سلام المسيح
​

 

[KOKOMAN]

مرسىىى على مرووورك يا كليم
نورت الموضوع ​

 

[Dona Nabil]

هو ده حب شباب الجامعات
اختى انتى غالية جدا عند ربنا فمترخصيش نفسك مع واحد كل همه انه عاوز يتسلى
خليك غالية فى نظرك واوعى تنساقى خلف كلام ليس له اى فائدة
فكرى ان الشاب ده
اولا بيحبنى ليه ؟
واخرة الحب ؟
وهل هو جاد؟
بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية
وستكونى انتى الخاسرة الوحيد فى وقت لن يفيد فيه ندم..........؟

لازم نخلى بالنا كويس يا جماعه من الشباب الالى زى الشاب ده
انا مش بقولكم ماتحبوش بس لازم تتأكدى انى الشاب ده بيحبك بجد

ربنا يستر وشباب المنتدى يسبونى اخرج من هنا على خير
ههههههههههههههه

توعيه جميله يا كوكو أتمنى ان تصل لكل البنا ت وميرررسى على اضافتك وربنا يباركك​

 

[KOKOMAN]

مرسىىىىى على مروووورك يا دونا
وعلى مشاركتك الجميله
نورتى الموضوع​

 

[Kiril]

ميرسي ع الموضوع

 

[KOKOMAN]

مرسىىىى على مرووورك يا كيرو
نورت الموضوع ​

 

[+SwEetY KoKeY+]

موضوع مهم جدا يا كوكو
ولازم كل البنات تاخد بالها من النوع الى بيتسلى
وياريت الشباب يفكروا فى البنت الى بيتسلوا بيها وبمشاعرها انها اخته هيرضا اخته يتعمل فيها كده
ربنا يحافظ على ولاده وبناته​