الموضوع ده يا جماعه يعتمد على قوه الملاحظه
سائقين الميكروباصات بيكتبوا حجات غريبه عليهم
كل واحد حسب الى هو عاوزه بقى
كلمه او خاطره من تأليفه
ههههههههههههههههههه
وانتوا عارفين بقى ممكن يكتبوا ايه
ممكن مثلا
1 - متبصليش يا جبان .. ده انا جايبها بدهب المدام .
2 - ربنا يحميكى من الميكانيكى .
3 - الحلوه اسمها تفاحه للسفر والسياحه .
4 - تعمل حسابى اقدرك .. تهزر معايا اعورك .
وكلام كتير بقى ..
الى شاف حاجه مكتوبه زى كده .. ييجى يقولهالنا .
يا ناس يا شر كفاية قررررر
ما تبصليش يا عبيط الحلوة بالتقسيط
سوقوا بالراحه يابهايم أصل سواق العربيه نايم
الحلوه مش ورث دى جايه بطلوع الدرس
طلبت من ربنا ادانى وعين الناس مش سيبانى
سولار فى التانك ولا مليون فى البنك
حلوة ومتلمعه وعلى السكة متشخلعه
ماتبصليش بعين رضية بص للى اندفع فيا
يا كوذ اشطة ماشي يا لهوي يا خراشي
ما تكب علينا حبه ولا احنا ما نسواشي
