انا بتكسف أعترف .. ساعدوني

[koky katy]

سلام ونعمة ، ازيكم يا جماعة أنا عضوة جديدة هنا معاكم .. ودا اول سؤال ليّ انا بتكسف اني أعترف بخطايايا .. ازاي اتغلب على الحكاية دي وتنصحوني بإية ؟

 

[naderkhalil]

1. اكتبيها فى ورقه.
2. لو مكسوفه من اب اعترافك ، اعترفى عند اب اعتراف تانى ..
3. اكتر حاجه تخليكى تغلبى الخطيه انك تفضحيها امام اب اعترافك ..
4. انصحك متكسفيش انك تقوليها قدام اب اعترافك حتى لو بالكتايه ، الاب الكاهن ياما بيسمع و اتاكدى مش هغير رايه فيكى و لا حاجه ..

صدقينى و عن تجربة الاعتراف ،، قدمى توبه و كملى و ربنا هيكون معاكى
و اعرفى ان عدم الاقرار بالخطيه هيخليكى عمرك ما تبطليها !!!

 

[aymonded]

سلام لك يا أختي العزيزة، للأسف كتير من الناس مش بيعترفوا صح وفاكرين أن الموضوع موضوع حكاوي وأحاديث عن الخطية، فالاعتراف ليس كما يمارسه الكثيرين بصورة مبتورة ومشوهه وقد تحدثنا كثيراً في المنتدى عن موضوع التوبة والاعتراف باستفاضة شديدة فرجاء الرجوع لهذه الموضوعات بتدقيق رغم طولها لأنها ستوضح معنى سر التوبة والاعتراف...
​

ممكن الرجوع إليها بالضغط على هذا العنوان:
ما هو سرّ التوبة والاعتراف - قوانين سرّ التوبة والاعتراف​

 

[+ماريا+]

الكسوف ده من بركات الاعتراف
لما بنكسف قدام انسان زينا
هنعمل ايه لما نقف قدام الملك
فى واحد راح لأبونا وقاله انا عملت خطايا كتير جدا
وعايز اقولك عليها فابونا لا انت كده اعترفت بيها
ولم يحكى بالتفصيل اى خطيه وفعلا ربنا غفر له خطيته
(هى قصه طويله بس انا اختصرتها )

 

[صوت صارخ]

الكسوف من أحد حروب الشيطان على جماعة المؤمنين

قاومى هذا الخجل واهزميه...... فأنت تعترفين للرب يسوع .... العالم بكل افعالك

وحولى طاقة الخجل هذه إلى طاقة إيجابية ..... وعندما تفعلين شيئ أنت تعرفين أنه لا يرضى صلاح الله ..... تذكرى هذا الخجل ..... وقد يكون هذا دافع لعدم فعل الخطية

صلى أن يرفع الرب عنك هذه الحرب وأن يقويك على الأعتراف بندم .... وبخجل

 

[aymonded]

أحب اضيف كلمة صغيرة مهمة، لازم نعرف أولاً ليه الكسوف وايه سببه، وهل هو نوع من أنواع الخجل، والا مشكلة نفسية عامة، والا لأن طبيعة النفس منغلقة على نفسها، والا الشخصية منفتحة على الآخرين، لأن هناك خجل سببه الكبرياء وخجل سببة صغر النفس، أو قد يكون نوع من أنواع كسرة النفس، فلا زم يتعرف نوع الخجل وسببة وهو ايه على وجه التحديد والدقة علشان يتم علاجه علاج سليم، لأن ليس كل خجل حرب شيطان، ولا يصح أن يُجبر إنسان على أن يتخطى الخجل لا من نفسه ولا من الآخرين، عموماً هذا كله يعرفه الأب الروحي المحنك الذي له خبرة في قيادة النفوس، لأن معرفة النفس ليس شيئاً سهلاً ويحتاج موهبة من الله لكي يتم توجيهها التوجيه السليم والصحيح... لأن أي إرشاد خاطئ ممكن يطيح بالنفس حتى أنها تهرب من الله تماماً ولا تقدر أن تعيش باستقامة بل قد تدخل في تعقيدات نفسية أكبر... كونوا معافين
​

 

[واثقه فيك يارب]

طبعا انا مش هضيف حاجه بعد كلام اساتذتي
لكن انا شايفه كسوفك من خطاياكي دا لوحده اعتراف قدام ربنا .

ربنا يباركك حبيبتي
​

 

[R.O.R.O]

بصى يا حبيبتى الكسوف غلط فى موضوع الاعتراف ده
فكرى كدا انك مكسوفة من ابونا ما بالك يوم ما تقفى قدام ربنا وتقدمى حساب اعمالك
لو انتى مش قادرة تتغلبى على الموضوع ده
حاولى تكتبى خطاياكى فى ورقة باسلوب كويس ابونا يقدر يقراه
وتديها لابونا وهو هيقرالك التحليل
ناس كتير بتعمل كدا لما بتكون مش قادرة تتعترف وجها لوجه
ربنا معاكى يا حبيبتى ويبعد عنك افكار ابليس
​

 

[rania79]

كان عندى المشكلة دى
ودى كانت سبب انى مش قادرة اقف قدام اى كاهن واعترف
اكيد دة حرب من الشيطان عشان يخاليكى تاجلى توبتك
المهم حطى ف باللك نقطة مهمة وانتى قاعدة مع ابونا
انك مش بتعرفى بخطاياكى لابونا كشخص
لا
بتعرفى بخطاياكى قدام ربنا ف حضرة وجود الكاهن
و ان ابونا عدى علية كل انواع الخطايا ف الاعترافات فمش هيندهش من اى خطية ليكى
وكمان انة مش هيغر فكرتة عنك
هو وانتى ونا والكل خطاة ومحتاجين للتوبة
وهو نفسة بيعترف
فالحوار عادى

 

[YOYO JESUS]

انا عندى نفس مشكلتك ع فكرة كنت بتكسف اوى اوى اوى وانا فى ثانوى اروح اعترف بس مدرسة الدين فى المدرسة عندنا فى الحصص كانت بتقولنا ان الكسوف محاربة من محاربة الشيطان لينا
وانا ساعتها بعدها بيوم روحت لابونا وحكيتله كل حاجة بس فى ورقة
​

 

[aymonded]

معلشي يا إخوتي كتابة الخطية في ورقة وتقديمها للكاهن خطأ وكلام غير مضبوط، ثم سرد الخطايا بتفاصيلها أيضاً خطأ وتعليم مشوه عن الاعتراف، لأن لا يوجد شيء اسمه سرّ الاعتراف لكي نركز على الاعتراف في حد ذاته والكلام عن الخطايا والذنوب، بل هو [ سر التوبة والاعتراف ] فالاعتراف في الكنيسة يأتي بعد التوبة دائماً، وأيضاً اقول مرة أخرى ليس كل خجل مصدرة الشيطان قد يكون هناك شيء ما نفسي، أو أن الشخصية بطبعها منغلقة، فرجاء أن لا يُكتب الكلام في صيغة إرشاد او توجيه بدون معرفة الشخصية، فالكام كله هنا يعتبر راي شخصي حسب كل من كتبه فقط، لأن ممكن نجعل أي شخصية تقتنع بالكلام وحينما تعترف غصب وتسرد التفاصيل أو تتكلم عن خطاياها تتحطم تماماً وتنهار نفسياً بعد ذلك ويكون هذا مدخل للشيطان...
لذلك فأن إرشاد أي إنسان لا يصح أن يكون بشكل عام للجميع، بل دائماً يكون خاص، شرط ان يتناسب مع الشخصية وطبعها الخاص، تحت إرشاد أب روحي محنك له خبرة في توجيه النفوس لأنه نال موهبة من الله، لأن ليس كل إنسان روحي متعمق مع الله وعنده خبرة روحية عميقة يصلح أن يكون أب روحي مهما ما كان قديس أو حتى أعظم القديسين، لأن الأبوة الروحية والإرشاد موهبة من الله بالروح القدس..

فرجاء خاص من السائلة أن لا تصغي للكلام على نحو شخصي للتنفيذ، بل تبحث عن أب روحي محنك أو أم روحية لها خبرة وعندها موهبة توجيه الفتيات أو السيدات بإفراز وتمييز، فيا أختي السائلة صلي واطلبي معونة الله الحي لكي يوجه قلبك بالروح القدس، وابحثي عن أب روحي محنك يستطيع أن يوجهك التوجيه الصحيح والسليم، النعمة معك ومع كل من يحب ربنا يسوع في عدم فساد آمين
​