تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="دكتور آية, post: 2997269, member: 110568"] انا دخلت المنتدي بتاعكم لسببين عشان اعزيكم واقلكم ربنا يصبر اهالي اي حد قتل ف احداث ماسبيرو تاني سبب اني كنت عايزه اسمع الراي والراي الاخر وعايزه اشوف الاحداث من وجهة نظركم قلبي معاكم وزعلانه جدا من اللي حصل رغم اني شفت تعليقات كتيره بتغلطوا فيها في ديننا رغم اننا يعلم الله اننا بنحترمكم ونكن لكم كل احترام وتقدير وعلاقاتي كويسه جدا بناس كتير مسيحيه من غير ما نبص انت مسلم ولا مسيحي بس ياريت يا جماعه منخليش الغضب يعمينا عن حاجات مهمه بلاش نفكر نقسم بلدنا اللي عشنا فيها مسلم ومسيحي طول عمرنا بلاش نخلي امريكا او غيرها يتدخل طبيعي اننا في مرحلة انتقاليه ولازم نعاني وكتير من الشعب بيعاني الاعراض الجانبيه للثوره بس لازم نفكر بهدوء ونرجع تاني للحاجات الجميله اللي شفناها في الثوره شفنا الشباب المسيحي الجميل بيحمي غيره من المسلمين ف الصلاه او بيصب عليه الميه عشان يتوضي عايزين الحاجات دي تستمر انا لما شفت الحاجات دي ف الثوره قلت احنا لو طلعنا من الثوره بالنتيجة دي يبقي كسبنا كتير اووي لازم يا جماعه نفكر ازاي نتخطي المرحله دي وده مش هيحصل الا لما نحط ايدينا في ايدين بعض لما كنا ايد وحده ابهرنا العالم بحضارتنا ف الثوره وعملنا ثوره التاريج عمره ما هينساها ليه نضيعها من ايدنا انا حزينه جدا جدا جدا علي اي شاب راح ضحيه انا شفت ناس كتير هنا غلطت اوي في ديني وفي ربي وفي رسولي مع انكم لو تعرفوا الرسول اد ايه وصانا علي المسيحين كنتوا عرفتوا اد ايه احنا بنحبكم لو كان الرسول بينا كان حمي كل مسيحي بروحه ده النبي قال ان اللي يأذي ذمي فالنبي بريء منه لازم نشيل فكرة انت مسيحي او مسلم من دماغنا ونحط في دماغنا اننا شعب واحد مش عايزين اي بلد تتدخل او نرجع ورا بدل ما نحط رجلينا علي طريق التقدم وبعزيكم مره تانيه وبامانه انا في حالة حزن شديده من اللي شايفاه [/QUOTE]

التحقق