اولا : انا بعتذر اننا دخلت مناخيري في منتدي حواء
ثانيا : يوجد في مصر في هذه الفترة ما يسمي بسعار جنسي فكلنا نري الكليبات الساخنة وغيره من الاشياء اللي تحفز الشباب بالاضافة ان سن الزواج تاخر وهناك من لايجد فرص زواج الي سن ال 35 وال 40 ايضا لذا سوف يكون الموضوع بمثابة افكار لمواجهة المعاكسات فا كلنا نري ان المعاكسات اخدت منحني خطير واللي مش كان بيعاكس دلوقتي بيعاكس من سن 15 سنة وانتا طالع لفوق حتي خمسين سنة وكل معاكسة وليها طرقها المختلفة والتي بتبدا من يا صفايح الزبدة السايبة و كوز قشطة ويا عسل ويا سكره و اغسلك الهدوم بس والنبي اتجوزيني واحلي واحدة اللي لابسه شوز احمر لهاية مد الايد وقلة الادب و كان واجب علي كل بنت مؤدبة تاخد لبالها انا ها اقول بعض الطرق اللي فكرت فيها واللي شوفتها وياريت اللي عنده افكار مش يبخل بيها علينا و يقولنا عليها ولو الموضوع حاز اعجابكم و فيه اعضاء كتير شاركوا فيه بوجهات نظر متنوعة ها اقوم بتثبيته
1- الافضل اني اي بنت وهي خارجة وبالذات لو كانت لوحدها تقول مزمور في سرها وتصلي لربنا وهي ماشية انه يحافظ عليها ويحميها لانها ضعيفة
2- في البداية قلة من الشباب من يعاكسونا البنات اللي يستشعرون فيهم الاحترام وذلك عن طريق اللبس المحتشم لا اقول لاي بنت تحجبي ولكني اطلب منها بمحبة ان تلبس ما يليق بها كبنت للمسيح
3- عدم الالتفات او الابتسام للشخص اللي بيعاكس فهذا يعطيه المزيد من التشجيع افضل الحلول تجاهله تمام
4- المشي علي الرصيف ان امكن هيكون افضل شئ لاني حته فيه اطفال قليلة ادب بتركب عجل واظن الغالبية عارف ليه
5- تجنب الشوارع الهادية او الخالية والحرص علي المشي في الشوارع الرئيسية المزدحمة
6- الحرص علي عدم الخروج منفردة الافضل يكون معاكي واحدة صحبتك او مجموعة ده هيخلي موقفك اقوي
7- عدم الضحك او الكلام بصوت عالي او الابتزال بشتي الطرق في الشارع
8- لو حصلك حاجة لاقدر الله ( في حالة المعاكسة عن طريق مد الايد فقط ) لازم تواجهي الموقف بطريقة عنيفة انا اعلم ان غالبيتكم العظمي هم بنات رقيقات لم يتعودا علي مثل هذا الكلام او التصرفات الحادة ولكن هذا افضل الطرق مواجهة عنيفة حادة بدايتا من ضربه بالشنطة الي الي استعامل بعض الالات مثل
أ - كيس شطة صغير وياريت تكوني حاطه الشطة في كيس ورقي صغير و عندما تشعرين بيه يقترب ارميها في خلقته اهم حاجة تنشني علي عينه
ب - هناك الالات صغيرة تباع في المحالات مثل الاسبراي وثمنه لا يتجاوز ال 40 جنيه وهناك العصي الكهربائية الصغيرة والصاعق الكهربي الاصغر ايضا وسوف تفيدك
ج - استعمال صلاحك الصوتي صرخي ( لازم بصوت عالي مش برقة نظام يا حيوان وصحبتك تسمعك بالعافية ) واتبلي عليه انه سرقك حتي لهاية لما الناس اللي في الشارع يمسكوه يطحنوه وانتي امشي بسرعة او اركبي تاكسي
- نهايتا اتمني اني الموضوع يفيدكم بجد لاننا لاحظت انتشار هذا الامر المقرف ولازم تتصرفي بالطرق اللي انا ذكرتها في كلامي ( في حالة مد اليد ) وبلاش تقولي ده مش برستيج البنت الجدعه تقلع اللي في رجلها وتضرب اللي يعاكسها لانها بتحافظ علي نفسها وشرفها ولو مش عملت كدا كل ما يشوفها هيعاكسها وكل مرة هيطول من اسلوبه فبرجاء عدم التهاون
بقلم : coptic man
التعديل الأخير:
