المصطبه النسائيه

[Desert Rose]

طب اقولك حاجة و متتصدميش منى بس .. انا الكلام اللى قولته دة والدتى بتعمله و اكتر .. و والدتى مش ربة منزل بتشتغل و كانت بتروحلى كل يوم الساعة 3 الظهر و اوقات 5 .. هى بتعمل كل حاجة .. من أكل و تنظيف و تربيتى و مذاكرتى و الغسيل و المكوة و كل شئ و والدى مش بيساعد غير فى الحاجات اللى قولتها .. يعنى لو وصل قبلها يشغل الغسالة على ماهى تيجى تكمل .. ممكن يسخن الاكل .. كنت و انا طفلة يجيبنى من المدرسة ( فكرة الباص فى مصر فكرة فاشلة الاطفال بتبقى عجينة فيه و انا كنت هادية ممكن اتفعص فيها :smile01 ) .. انا اللى قولته مش كلام وردى من الخيال و الاحلام .. دة واقع انا عيشته 22 سنة و بصراحة مشوفتش اعظم من والدتى أم عشان أخدها قدوة فى التربية و الحياة الزوجية و النجاح فى الشغل( ربنا يخليهالى و ابقى نص عظمتها ) .. ضيفى على كل دة ان احنا على ايامنا الحياة اسهل كتير من الاول .. فيه غسالة أطباق و غسالة فول اتوماتيك للهدوم و الكتريك اوفن و ديب فريزر كل دة يسهل الشغل فى البيت جدًا .. زمان مكنش فيه الكلام دة .. هو يادوب الاكل يتعمل لمدة يومين عشان ميبوزش و يتعمل غيره لان الموجود تلاجة بس .. و مكنش فيه أى حاجةاتوماتيك و كل حاجة على دماغ الست .. اظن اننا فى نعمة دلوقتى

حبيبتى انا عارفة ان الكلام ده واقع وشوفتو في امي وجدتي وكل الناس
بس مش معني انو واقع يبقي صح
مامتك ومامتي قدروا يعملو الحاجات ديه وكانو ناجحين جدا بس مش معني ان اعرف ان حد يقدر يعمل حاجة يبقي استنفزو هيجي عليه وقت ويستنفز ويكره الحياة ويكره الجواز وسنينو ومش معني ان امهاتنا مشتكوش يبقي مش تعبانين ومستهلكين كمان
انا بتكلم من ناحية العدل هل الوضع اللي بتقولي عليه ده عدل
مش مفروض ان الجواز مشاركة في كل شئ ولا هي حياة واحد تقريبا يعمل كل حاجة والتاني ضيف شرف
الحياة دلوقتي مش اسهل ولا حاجة كتر الاجهزة خلاها شكلها اسهل لكن الحياة دلوقتي اعقد
شوفي الازمة الاقتصادية اللي خربت بيوت الناس شوفي المواصلات شوفي المعاكسات والقرف اللي بتتعرض ليه الست وهى رايحة وجاية من الشغل شوفي لما تتعرضى لده كل يوم وترجعي البيت كمان مفيش راحة
انا بجد مش مصدقاكو انتو بتتكلمو كده ازاى معقولة انتي عايزة تستنفزى نفسك بالشكل ده التضحية والحب مش معناها انك تستهلكي نفسك وتستنفزيها بالشكل ده وعلي فكرة اللي بيفضل يدي طول الوقت ده بيجى وقت عليه وبستنفز وميبقاش عندو اى حاجة يديها علشان اللي بيدي لازم ياخد علشان يعرف يدى
معلش سامحوني متجوش بعد كده تشتكو
قالو لفرعون ايه فرعنك قال عبيدى:smile01

 

[white.angel]

طب اقولك حاجة و متتصدميش منى بس .. انا الكلام اللى قولته دة والدتى بتعمله و اكتر .. و والدتى مش ربة منزل بتشتغل و كانت بتروحلى كل يوم الساعة 3 الظهر و اوقات 5 .. هى بتعمل كل حاجة .. من أكل و تنظيف و تربيتى و مذاكرتى و الغسيل و المكوة و كل شئ و والدى مش بيساعد غير فى الحاجات اللى قولتها .. يعنى لو وصل قبلها يشغل الغسالة على ماهى تيجى تكمل .. ممكن يسخن الاكل .. كنت و انا طفلة يجيبنى من المدرسة ( فكرة الباص فى مصر فكرة فاشلة الاطفال بتبقى عجينة فيه و انا كنت هادية ممكن اتفعص فيها :smile01 ) .. انا اللى قولته مش كلام وردى من الخيال و الاحلام .. دة واقع انا عيشته 22 سنة و بصراحة مشوفتش اعظم من والدتى أم عشان أخدها قدوة فى التربية و الحياة الزوجية و النجاح فى الشغل( ربنا يخليهالى و ابقى نص عظمتها ) .. ضيفى على كل دة ان احنا على ايامنا الحياة اسهل كتير من الاول .. فيه غسالة أطباق و غسالة فول اتوماتيك للهدوم و الكتريك اوفن و ديب فريزر كل دة يسهل الشغل فى البيت جدًا .. زمان مكنش فيه الكلام دة .. هو يادوب الاكل يتعمل لمدة يومين عشان ميبوزش و يتعمل غيره لان الموجود تلاجة بس .. و مكنش فيه أى حاجةاتوماتيك و كل حاجة على دماغ الست .. اظن اننا فى نعمة دلوقتى

بدأت اشك انك اختى وانا معرفش :thnk0001:
ههههههههههههههههههههه
​

 

[مارتينا فوفو]

يا مساء العسل عليكم

 

[white.angel]

حبيبتى انا عارفة ان الكلام ده واقع وشوفتو في امي وجدتي وكل الناس
بس مش معني انو واقع يبقي صح
مامتك ومامتي قدروا يعملو الحاجات ديه وكانو ناجحين جدا بس مش معني ان اعرف ان حد يقدر يعمل حاجة يبقي استنفزو هيجي عليه وقت ويستنفز ويكره الحياة ويكره الجواز وسنينو ومش معني ان امهاتنا مشتكوش يبقي مش تعبانين ومستهلكين كمان
انا بتكلم من ناحية العدل هل الوضع اللي بتقولي عليه ده عدل
مش مفروض ان الجواز مشاركة في كل شئ ولا هي حياة واحد تقريبا يعمل كل حاجة والتاني ضيف شرف
الحياة دلوقتي مش اسهل ولا حاجة كتر الاجهزة خلاها شكلها اسهل لكن الحياة دلوقتي اعقد
شوفي الازمة الاقتصادية اللي خربت بيوت الناس شوفي المواصلات شوفي المعاكسات والقرف اللي بتتعرض ليه الست وهى رايحة وجاية من الشغل شوفي لما تتعرضى لده كل يوم وترجعي البيت كمان مفيش راحة
انا بجد مش مصدقاكو انتو بتتكلمو كده ازاى معقولة انتي عايزة تستنفزى نفسك بالشكل ده التضحية والحب مش معناها انك تستهلكي نفسك وتستنفزيها بالشكل ده وعلي فكرة اللي بيفضل يدي طول الوقت ده بيجى وقت عليه وبستنفز وميبقاش عندو اى حاجة يديها علشان اللي بيدي لازم ياخد علشان يعرف يدى
معلش سامحوني متجوش بعد كده تشتكو
قالو لفرعون ايه فرعنك قال عبيدى:smile01

معلش بس فى نقطه صغيره عايزه اقولك عليها
الحب يعنى تضحيه ... ويعنى انك تستنفزى نفسك لاخر مجهودك
عشان تسعدى اللى حواليك ... جوزك دة انت بتحبيه اذا هتيجى على نفسك عشان تريحيه ... حتى لو كان دة على حسابك ... امال ايه الحب ... وليه امهاتنا نجحت واحنا هنفشل

وهل معنى كدة اننا هنتجوز ... ونعمل جدول ... يومك فى الطبيخ انهارده ..
المواعين عليك والغسيل عليا .... المشاركه فى الحياه موجوده بشكل عام ....

تربية الاطفال علينا احنا الاتنين .... انه ينضفهم ويرضعهم "بيبرون"
دة لازم يعمله معايا ... عشان الطفل يطلع سوى ...

التربيه والمذاكره بينا احنا الاتنين ..

التخطيط فى الحياه بينا كمان ...

التنظيف والترتيب مش صعب اصلااااااااااا ..
انت لو شخصيه مرتبه وبيتك نضيف اول بأول الموضوع مش هيبقى صعب ...

انما مقدرش اجبره يقوم بواجباتى ... زى ماهو ميقدرش يجبرنى "اشتغل" واجيب فلوس لو انا رافضه .. لان دة واجبه هو .. زى ما تنظيم البيت واجبى انا ....

انا بساعده فى الشغل بشغلى ... وهو بيساعدنى بترتيبه ...
بس مش اساسى .....

الرجل لو مرن ومش سي السيد ... هتلاقيه من غير كل دة
بيساعد لوحده واللى هيقدر عليه هيعمله ....
​

 

[sha2awet 2alam]

حبيبتى انا عارفة ان الكلام ده واقع وشوفتو في امي وجدتي وكل الناس
بس مش معني انو واقع يبقي صح
مامتك ومامتي قدروا يعملو الحاجات ديه وكانو ناجحين جدا بس مش معني ان اعرف ان حد يقدر يعمل حاجة يبقي استنفزو هيجي عليه وقت ويستنفز ويكره الحياة ويكره الجواز وسنينو ومش معني ان امهاتنا مشتكوش يبقي مش تعبانين ومستهلكين كمان
انا بتكلم من ناحية العدل هل الوضع اللي بتقولي عليه ده عدل
مش مفروض ان الجواز مشاركة في كل شئ ولا هي حياة واحد تقريبا يعمل كل حاجة والتاني ضيف شرف
الحياة دلوقتي مش اسهل ولا حاجة كتر الاجهزة خلاها شكلها اسهل لكن الحياة دلوقتي اعقد
شوفي الازمة الاقتصادية اللي خربت بيوت الناس شوفي المواصلات شوفي المعاكسات والقرف اللي بتتعرض ليه الست وهى رايحة وجاية من الشغل شوفي لما تتعرضى لده كل يوم وترجعي البيت كمان مفيش راحة
انا بجد مش مصدقاكو انتو بتتكلمو كده ازاى معقولة انتي عايزة تستنفزى نفسك بالشكل ده التضحية والحب مش معناها انك تستهلكي نفسك وتستنفزيها بالشكل ده وعلي فكرة اللي بيفضل يدي طول الوقت ده بيجى وقت عليه وبستنفز وميبقاش عندو اى حاجة يديها علشان اللي بيدي لازم ياخد علشان يعرف يدى
معلش سامحوني متجوش بعد كده تشتكو
قالو لفرعون ايه فرعنك قال عبيدى:smile01

فيه جزء انا قولته و مش أخدتى بالك منه

الاهم من كل دة .. التقدير .. يقدر انى بتعب و يقدر انى بشتغل و انى مش بلعب و انى ممكن يجى يوم و اقول انا مرهقة انا تعبانة و ميقوليش ايه الجديد ماهو انا مش كل وقت هقدر ادى كل طاقتى .. ممكن اتعب ممكن ارهق ممكن حالتى النفسية تسوء فمقدرش اشتغل بكل مجهودى ..عايزاه يقدر كل دة و يحس بيا و يقولى و ماله انا معاكى لحد ماترجعى احسن من الاول .. ميحسسنيش ان دة فرض و واجب و سخرة انى اعمله يخلينى اعمل كل دة بحب

انا مش عايزة استنفذ نفسى و موعدتش انى اعرف اعمل كل دة على طول .. انا قولت وارد اتعب وارد ازهق وارد اقوله انا مرهقة .. و عايزاه جنبى و يفهمنى و يستحملنى ساعتها .. و يقدر كل دة .. لكن لو قادرة معملش ليه ؟ خصوصا اما الاقيه مقدر اللى بعمله دة و مش قايل انه واجب و فرض عليا .. هبقى مبسوطة و انا بعمل كل دة .. و مين جاب سيرة انه هيبقى مرتاح و انا شغالة يعنى .. لوافترضنا انا بشتغل نبطشية واحدة هو هيتشغل 2 .. مصاريف الحياة بتزيد فحرام يبقى بيشتغل كدة و انا اقول ننصص شغل البيت .. خصوصا انا مش بقتنع قولنا بشغل الرجالة فى البيت بحس انه مش بالدقة المفروضة ..

المثل بيقول .. قالو لفرعون ايه فرعنك ملقيتش موسى يلمنى :smile01

 

[+Nevena+]

هي المصطبه دي مفيهاش دم ليه ؟

 

[sha2awet 2alam]

بدأت اشك انك اختى وانا معرفش :thnk0001:
ههههههههههههههههههههه
​

هههههههه لا اطمنى انا وحيدة . ممكن نكون اخوات فى الرضاعة .. انتى كنتى بتاكلى زبادى فى الببرونة ؟؟؟:smile01

يا مساء العسل عليكم

مساء الورد يا قمر :t23:

هي المصطبه دي مفيهاش دم ليه ؟

مسمعش نفسك انتى عاملة المصطبة دى و بتدخليها صدف اصلا و احنا اللى مشاغلينها دة تسيب و استهتار يا ست المشرفة .. مقولتلناش بقا ايه رايك فى الموضوع اياة و متسخنيش الدنيا هى مولعة لوحدها :59:

 

[Desert Rose]

طيب علشان اوضح كلامي انا مش بقول يبقي فيه جدول ومواعيد انا قولت ان هما الاتنين ينظمو حياتهم علي حسب ظروفهم طبيعي ومنطقي لو هو بيرجع من الشغل الساعة ١٢ بليل مش من الضمير ابدا انها تبقي مستنياة بالمقشة ويلا نضف
زى ماهو مش من العدل ان هما الاتنين يكونو بيرجعو من الشغل في نفس الوقت وهو يعقد علي الكنبة يتفرج علي التلفزيون وهى بتنضف ده اللي انا قصدي عليه
كل اتنين ينظمو حياتهم بينهم علي حسب ظروفهم وظروف شغلهم
لكن الفكرة اللي انا بتكلم فيها ان انا مبقاش داخلة مؤسسة الجواز وانا حاطة في دماغي ان عادى جدا اني استهلك واستفز حتى لو كان هو قاعد فاضى ولا هو يبقي حاطط في دماغة ان شغل البيت ده للست بس مهما كانت بتشتغل وتتعب بره
الحب تضحية ايوة وليس استهلاك واستنفاز الحب تضحية متبادلة ولو مكانش كده يبقي استغلال مش حب
لو واحد منهم فضل يضحي طول الوقت بدون مقابل من الطرف التاني الحب نفسو بيستنفز وبينتهى ومحدش يقولي ان الحب انك تحب وتقدم وانت مش مستني مقابل ده كلام افلام لا الحب علاقة ثنائية بين اتنين طبيعي انك لما تحب وتضحي بتكون منتظر ان اللي قدامك يبادلك نفس الشئ والا هتحس انك مستغل ومستنفز واللي قدامك مش بيحبك
المشاعر الانسانية محتاجة تغذية لازم اتحب علشان افضل اقدر احب هو ده الانسان والا المشاعر بتموت لو متغذتش من الطرفين

 

[sha2awet 2alam]

طيب علشان اوضح كلامي انا مش بقول يبقي فيه جدول ومواعيد انا قولت ان هما الاتنين ينظمو حياتهم علي حسب ظروفهم طبيعي ومنطقي لو هو بيرجع من الشغل الساعة 12 بليل مش من الضمير ابدا انها تبقي مستنياة بالمقشة ويلا نضف
زى ماهو مش من العدل ان هما الاتنين يكونو بيرجعو من الشغل في نفس الوقت وهو يعقد علي الكنبة يتفرج علي التلفزيون وهى بتنضف ده اللي انا قصدي عليه
كل اتنين ينظمو حياتهم بينهم علي حسب ظروفهم وظروف شغلهم
لكن الفكرة اللي انا بتكلم فيها ان انا مبقاش داخلة مؤسسة الجواز وانا حاطة في دماغي ان عادى جدا اني استهلك واستفز حتى لو كان هو قاعد فاضى ولا هو يبقي حاطط في دماغة ان شغل البيت ده للست بس مهما كانت بتشتغل وتتعب بره
الحب تضحية ايوة وليس استهلاك واستنفاز الحب تضحية متبادلة ولو مكانش كده يبقي استغلال مش حب
لو واحد منهم فضل يضحي طول الوقت بدون مقابل من الطرف التاني الحب نفسو بيستنفز وبينتهى ومحدش يقولي ان الحب انك تحب وتقدم وانت مش مستني مقابل ده كلام افلام لا الحب علاقة ثنائية بين اتنين طبيعي انك لما تحب وتضحي بتكون منتظر ان اللي قدامك يبادلك نفس الشئ والا هتحس انك مستغل ومستنفز واللي قدامك مش بيحبك
المشاعر الانسانية محتاجة تغذية لازم اتحب علشان افضل اقدر احب هو ده الانسان والا المشاعر بتموت لو متغذتش من الطرفين

ايووووووة هنبدأ نتفق اهو .. التقدير لازم .. و مبقاش انا طالع عينى و هو قاعد متدلع لا طبعا اضعف الايمان هوقفه جنبى يعمل اى حاجة بس محسش انى لوحدى :mus13: لكن الحاجات التقيلة انا اللى هعملها .. و الحب مش معناه انى اموت نفسى عشان مكرهوش فى الاخر .. واضح اننا متفقين بس التعبير عن الفكرة هو اللى مختلف

 

[Desert Rose]

ايووووووة هنبدأ نتفق اهو .. التقدير لازم .. و مبقاش انا طالع عينى و هو قاعد متدلع لا طبعا اضعف الايمان هوقفه جنبى يعمل اى حاجة بس محسش انى لوحدى :mus13: لكن الحاجات التقيلة انا اللى هعملها .. و الحب مش معناه انى اموت نفسى عشان مكرهوش فى الاخر .. واضح اننا متفقين بس التعبير عن الفكرة هو اللى مختلف

تمام اننا متفقين ياقمر انا عارفه ان النقاش معايا بيبقي صعب ساعات اصلي دماغي بعيد عنك حجر:smile01 علشان كده بطلت اتناقش في المنتدي
بس بردو مش قادرة افهم ليه الحاجات التقيلة انتي اللي تعمليها ليه متبقاش بالتقسيم بينكو لو ينفع

 

[sha2awet 2alam]

تمام اننا متفقين ياقمر انا عارفه ان النقاش معايا بيبقي صعب ساعات اصلي دماغي بعيد عنك حجر:smile01 علشان كده بطلت اتناقش في المنتدي
بس بردو مش قادرة افهم ليه الحاجات التقيلة انتي اللي تعمليها ليه متبقاش بالتقسيم بينكو لو ينفع

الاكل بحب انا اللى اعمله .. بالرغم انى مش عبقرية بس بحب انا اللى اعمله ممتع بصراحة .. الغسيل انا هنشر بس و الغسالة هى اللى بتقوم بالواجب .. المسح و الكنس و كدة بصراحة مش بيعملو بذمة و هتلاقى الحاجة مش نضيفة مهما عملو مجهود مش بيطلعوها حلوة زى ما البنات بتعملها ابدا و دى عن تجربة صدقينى فى كل قرايبى الشباب كارثيين فى التنظيف فعلا .. لكن زى ما قولت فى الاول لو حاة بعيدة عنى و مش عارفة اوصلها و هو اطول و وصلها امرى لله هقبل بنص النظافة دى اهو احسن من مفيش

 

[+Nevena+]

مسمعش نفسك انتى عاملة المصطبة دى و بتدخليها صدف اصلا و احنا اللى مشاغلينها دة تسيب و استهتار يا ست المشرفة .. مقولتلناش بقا ايه رايك فى الموضوع اياة و متسخنيش الدنيا هى مولعة لوحدها :59:

ههههههههههههههههههههههه
انا في حاله اعتكاف اليومين دول
بتفرج من بعيد لبعيد
ولاني مقتنعه ومتفقه مع رأيك انتي ووايت
فبكتفي بالمشاهده حاليا

استمروا هههههههههههههههههه

 

[sha2awet 2alam]

ههههههههههههههههههههههه
انا في حاله اعتكاف اليومين دول
بتفرج من بعيد لبعيد
ولاني مقتنعه ومتفقه مع رأيك انتي ووايت
فبكتفي بالمشاهده حاليا

استمروا هههههههههههههههههه

افادكم الله يا ست :t4:

 

[Desert Rose]

الاكل بحب انا اللى اعمله .. بالرغم انى مش عبقرية بس بحب انا اللى اعمله ممتع بصراحة .. الغسيل انا هنشر بس و الغسالة هى اللى بتقوم بالواجب .. المسح و الكنس و كدة بصراحة مش بيعملو بذمة و هتلاقى الحاجة مش نضيفة مهما عملو مجهود مش بيطلعوها حلوة زى ما البنات بتعملها ابدا و دى عن تجربة صدقينى فى كل قرايبى الشباب كارثيين فى التنظيف فعلا .. لكن زى ما قولت فى الاول لو حاة بعيدة عنى و مش عارفة اوصلها و هو اطول و وصلها امرى لله هقبل بنص النظافة دى اهو احسن من مفيش

كونهم انهم مبيعرفوش ينضفو ده مش معناه انهم مش مؤهلين لكده لا ده سببه مشكلة تانية ان الراجل عندنا ممكن يوصل لسن ال٣٠ ومش متجوز وماما او اختو هما اللي بيعملولو حاجته لدرجة انو بيبقي متخيل ان ده الوضع الطبيعي انو يبقي قاعد في البيت زى مايكون قاعد في فندق يرجع من الشغل ياكل وينام ده غير غلطة امهات كتير في التربية من وهما صغيرين ان البنت هي اللي تنضف اوضة اخوها وهو مبيعملش حاجة انما الطبيعى انو لما يكبر ويعدي العشرين ميبقاش قاعد مستني ماما واختو ياكلوه ويغسلو هدومو كانو طفل اربع سنين

 

[sha2awet 2alam]

كونهم انهم مبيعرفوش ينضفو ده مش معناه انهم مش مؤهلين لكده لا ده سببه مشكلة تانية ان الراجل عندنا ممكن يوصل لسن ال30 ومش متجوز وماما او اختو هما اللي بيعملولو حاجته لدرجة انو بيبقي متخيل ان ده الوضع الطبيعي انو يبقي قاعد في البيت زى مايكون قاعد في فندق يرجع من الشغل ياكل وينام ده غير غلطة امهات كتير في التربية من وهما صغيرين ان البنت هي اللي تنضف اوضة اخوها وهو مبيعملش حاجة انما الطبيعى انو لما يكبر ويعدي العشرين ميبقاش قاعد مستني ماما واختو ياكلوه ويغسلو هدومو كانو طفل اربع سنين

طب نعمل ايه طيب ؟؟ ناخدهم نربيهم الاول و بعدين نتجوزهم :smile01

 

[Desert Rose]

طب نعمل ايه طيب ؟؟ ناخدهم نربيهم الاول و بعدين نتجوزهم :smile01

حبيبتي المجتمع فيه اوضاع غلط ده طبيعي زى اى مجتمع بس المشكلة اننا نبقي مقتنعين بالغلط ده وندافع عنو كمان
الحل انك break the chain
نكسر الغلط ده ونبني من جديد لو منضفش كويس المرة ديه هينضف احسن المرة الجاية:smile01
بنات كتير بتتجوز وهى متعرفش تمسك مقشة وبتتعلم اشمعنا احنا بنتعلم وبنبقي احسن

 

[sha2awet 2alam]

حبيبتي المجتمع فيه اوضاع غلط ده طبيعي زى اى مجتمع بس المشكلة اننا نبقي مقتنعين بالغلط ده وندافع عنو كمان
الحل انك break the chain
نكسر الغلط ده ونبني من جديد لو منضفش كويس المرة ديه هينضف احسن المرة الجاية:smile01
بنات كتير بتتجوز وهى متعرفش تمسك مقشة وبتتعلم اشمعنا احنا بنتعلم وبنبقي احسن

لالا انا احسنلى اعمل بنفسى بدل ما افضل اعلم .. و خصوصا انى ناوية اطلع عينه شغل عشان مبحبش الراجل يقعد فى البيت بصراحة بيصدعونا برغيهم :59:

 

[Desert Rose]

لالا انا احسنلى اعمل بنفسى بدل ما افضل اعلم .. و خصوصا انى ناوية اطلع عينه شغل عشان مبحبش الراجل يقعد فى البيت بصراحة بيصدعونا برغيهم :59:

ههههههه المهم انك في الاخر هتطلعي عينو بردو وهو المطلوب اثباتو :smile01
معلش صدعتك بكلامي وطول النقاش

 

[sha2awet 2alam]

ههههههه المهم انك في الاخر هتطلعي عينو بردو وهو المطلوب اثباتو :smile01
معلش صدعتك بكلامي وطول النقاش

هههههههههه ربنا يقدرنا على فعل الخير .. لا طبعا مفيش صداع .. اانا مبسوطة اننا بندردش سوا

 

[+بنت الكنيسة+]

أحلي مساء علي الناس العسل
اتمني الكل يكون بخير
هو الحوار انهارده عن ايه ؟؟؟
​