المصطبه النسائيه

[white.angel]

تقريبا بعمل مثلك يا نيفو
بس موضوع بوس الاطفال ده لاء ابدا

مع إن صوره مثل الى حطاها دى ببقا عايزا امسك خدود الطفل و افعصها بوس - بس بكتفى انى ببوس كف اليد من الداخل و لو بيبى نونو بئا ببوس رجليه من تحت بيبقا ليها طعم تانى يجنن بجد و هما بيبى مبقلظين و نعمين كدا-- بس مش ببوس وشهم ابدا ابدا كبيرى على دماغهم من فوق...
بخاف على بشرتهم...

ايدين ايه ورجلين ايه :budo:
هو كله على بعضه بوسه .. هو بيبقى فيه :smile01
دة انا مستنيه مارلى بنت خالى ... باقيلها اسبوعين وتشرف ...
بفااااارغ الصبر ..... هطلع عينيها بوس ... بس تيجى بس :t23:
​

 

[عبود عبده عبود]

بعيداً عن التهريج وعن احمر شِفاه بيزيه
بعض الأسر تكره ان يُقبل الناس أطفالها ...وأحياناً تجد إمتعاض على وجه الأم لو حد باس أبنها أو بنتها ...
خاصة لو كان " عم الولاد " ...
لذا أنا عن نفسى باحرص أنى أقبل يد الطفل لو أبن صاحبى او قريبى فى أعمار حتى 4 سنوات
وراسه فقط ما بين 4 - 6 سنوات
فوق السن دة باسلم عليه وأقوله أزيك يا " جحش " وأزاى أبوك كدة ...!!

 

[+Nevena+]

مهو انا ببوس الاطفال اللي تبعي بس
يعني ولاد اختي اكتر وخصوصا لحد سن 4
بطلع عينهم مش بعرف احوش نفسي عنهم
مجرميين بجد

ولما بيكبروا بقي بيقي خلاص

لكن اولاد العيله يادوب بوسه خفيفه كدا
عشان انا مش بحب اضيق حد اصلا
والاطفال مش بيكون ليهم خلق

 

[ميرنا]

تصدقو وانا بس انا مش موضوع تقبيل الطفل لا انى حد يتجن فى مخة ويفكر يشتمه وشى دا هيضرب احمر واخضر من الغيظ

 

[+Nevena+]

طب بما اننا دخلنا علي الاطفال بقي

ايه رايكم نحكي مواقفنا معاهم

اكيد اغلبنا ليه مواقف مضحكه جدا معاهم

في انتظاركم

 

[+Nevena+]

تصدقو وانا بس انا مش موضوع تقبيل الطفل لا انى حد يتجن فى مخة ويفكر يشتمه وشى دا هيضرب احمر واخضر من الغيظ

مش فهمت قوي قصدك
يعني انك مش بتحبي حد يشتم طفل قدامك ؟

 

[mero_engel]

طوول الوقت بحب اغيظ الاطفال معرفش ليه بحب استفزهم لحد ما يتنرفزو
من المواقف ولسه قرريب جداااا
جالي طفل ابن ليدر خدمتنا عنده 3 سنين كده معرفوش ومش بشوفه خاالص
وفي ايده حاجه حلوه شكلها غريب يقولي خدي دي انا جيبهالك والتانيه لاختي قولتله لا خليها معاك ليك قالي لا اسمعي الكلام دي بتاعتك وانا مش مشكله هبقي اشتري من بره هههههههه اخدتها وسكت
المهم روحت مديها لمراته ومكملتش خمس داقايه ولقيته جاي غضبان ومكشر وزعق فيا وانا وسط اصحابي قالي مديتهاش لحد تاني دي بتاعتك فاردت عليه واحده صحبتي اخدها انا يا دودو قالها لالالا انا جيبها ليها هي وانا بحبك قوووي
ههههههههههههههههه بجد حسيت قد ايه بالبراه واخدتها بجد واحتفظت بيها

 

[+Nevena+]

فعلا هما بيكونوا فظاع جدا

مره زمان ايام ما كنت بشتغل
كانت بنت اختي ماريز لسه عندها 3 سنين كدا
كانت متعوده اني اول ما ادخل من باب الشقه
لازم اديلها حاجه حلوه
في يوم نسيت كنت راجعه متاخر ومش جه في بالي
وقولت عادي وكسلت انزل لما افتكرت
بخبط ودي واقفه وراء الباب
مين ؟
بقولها : انا
قالتلي : جبتي حاته حوه
قولتها : لا نسيت
قالتلي : يبقي خليتي بره انهارده مش تتدخلي

طبعا الحوار بلغتها المكسره والحروف الضاربه كان تحفه منها
قولتها طب افتحي انا بضحك عليكي وجبت
وخلت امها تفتحلي
واخدت الشطنه ومش لاقيت حاجه
وعينكم ما تشوف الا النور
لاقيت شوزات العيله كلها نزله من فوق وتحت ويمين وشمال
وتعيط انتي وحشه وبتضحكي عليا
وانا ميته من الضحك مش قادره ارد عليها
ومش سكتت غير لما صممت انزل واجبلها


وليها مواقف كتيره معايا البت دي كانت تحفه لحد 4 او 5 سنين

ابن اختي عنده سنه و4 شهور كدا
لما اغيظه واعمله حاجه
بالقلم علي وشي عدل
مش عنده تفاهم دا وينزل ضحك
وبكد بيكون بيهزر يعني

بس بعشقهم مووووووووووووت

 

[حبو اعدائكم]

طوول الوقت بحب اغيظ الاطفال معرفش ليه بحب استفزهم لحد ما يتنرفزو
من المواقف ولسه قرريب جداااا
جالي طفل ابن ليدر خدمتنا عنده 3 سنين كده معرفوش ومش بشوفه خاالص
وفي ايده حاجه حلوه شكلها غريب يقولي خدي دي انا جيبهالك والتانيه لاختي قولتله لا خليها معاك ليك قالي لا اسمعي الكلام دي بتاعتك وانا مش مشكله هبقي اشتري من بره هههههههه اخدتها وسكت
المهم روحت مديها لمراته ومكملتش خمس داقايه ولقيته جاي غضبان ومكشر وزعق فيا وانا وسط اصحابي قالي مديتهاش لحد تاني دي بتاعتك فاردت عليه واحده صحبتي اخدها انا يا دودو قالها لالالا انا جيبها ليها هي وانا بحبك قوووي
ههههههههههههههههه بجد حسيت قد ايه بالبراه واخدتها بجد واحتفظت بيها

تقصدى مامته صح؟؟

 

[mero_engel]

هههههههههههههههههههه شكلك اضربتي كتيرررررر

 

[حبو اعدائكم]

لا انا على قد حبى للاطفال على قد ما انا ببقا حازمه جدا-- يعنى مهما عمل مش يهزر معايا باليد ابدا--و مفيش عندى شىء إسمه لسا نونو-- هما نونو بس بيفهمو كويس اوى---
عندى مواقف كتير معاهم بس مش حاضرنى موقف الحقيقه... اوقات مواقف محرجه هههههههههه بس مينفعش احكى هنا بما انى فى ناس بتبص من ورا السور كتير هههههههههههه

 

[+Nevena+]

كتيررررررررررررررررررررر
ضرب وشد شعر
ودلق ميه كل الانواع اللي تتخيليها

بس انا اللي ببدأ فلازم استحمل

 

[white.angel]

خاصة لو كان " عم الولاد "..

دة بجد ...؟؟
اشمعنى العم ... اول مره اسمع الموضوع دة ؟؟
​

 

[mero_engel]

ااااااااااااه انتي اللي بتبداي طيب مستنيه ايه ؟؟؟

 

[عبود عبده عبود]

دة بجد ...؟؟​

اشمعنى العم ... اول مره اسمع الموضوع دة ؟؟​

هو دايماً أهل الأب بيبقوا تحت المنظار - الأم والعم والعمة :smile01
أيوة فيه ناس مش بتحب حد يبوس عيالهم ...

 

[white.angel]

هو دايماً أهل الأب بيبقوا تحت المنظار - الأم والعم والعمة :smile01
أيوة فيه ناس مش بتحب حد يبوس عيالهم ...

يس انا عارفه ان فى ناس بتتجنن لو حد باس عيالها
وانا لو خلفت فى المستقبل البعيد هكهرب الواد عشان محدش يبوسه

بس لفت نظرى موضوع "العم" تحديداً طلع اضطهاد عرقى هههههههههههههه
​

 

[+Nevena+]

لا انا على قد حبى للاطفال على قد ما انا ببقا حازمه جدا-- يعنى مهما عمل مش يهزر معايا باليد ابدا--و مفيش عندى شىء إسمه لسا نونو-- هما نونو بس بيفهمو كويس اوى---
عندى مواقف كتير معاهم بس مش حاضرنى موقف الحقيقه... اوقات مواقف محرجه هههههههههه بس مينفعش احكى هنا بما انى فى ناس بتبص من ورا السور كتير هههههههههههه

احكي وانا هكهربلك الموضوع
وامنع العيون اللي بتتلصص دي

هههههههههههههههههههه

 

[حبو اعدائكم]

كتيررررررررررررررررررررر
ضرب وشد شعر
ودلق ميه كل الانواع اللي تتخيليها

بس انا اللي ببدأ فلازم استحمل

استحملى بئا ههههههههههه
انا مهظرش معاهم كدا علشان متبهدلش ههههههههههههههههههه
اسلهم بيبقو مفتريين-- و لو ووخدين على الهزار ده تيجى قدام الناس و فى عزومه كلاس تلاقى نفسك اتسكعتى قلم او قفا محطرم هههههههههه علشان كدا مفكرش اهزر مع الولاد باليد ابدااااااااااااااااااااا-
ممكن زغزغه و لعب و رقص و تلوين... نلون إدنا و رجلنا و نطبعهم على ورقه و نكتب الاسم و التاريخ نعمل لعب و اشكال -- استغميه ممكن العب بس ضرب نووووووووووو كرمتى بتتبعتر

 

[dawquinas]

بعد فترة بسيطة من البقاء في الخارج توقفت تماماً عن تقبيل اصدقائي الرجالة....سواء مصريين او لأ....
وحدث اكتر من مرة كنت مع غربيات (محترمين جداً على فكرة) وحصل حضن خفيف او قبلة خفيفة....اما الرجل فلا مجرد مصافحة....

الاطفال...ممكن بس انا مش غاوي...خصوصاً لو فكرت في الريالة والبهدلة اللي عليهم

 

[white.angel]

بعد فترة بسيطة من البقاء في الخارج توقفت تماماً عن تقبيل اصدقائي الرجالة....سواء مصريين او لأ....
وحدث اكتر من مرة كنت مع غربيات (محترمين جداً على فكرة) وحصل حضن خفيف او قبلة خفيفة....اما الرجل فلا مجرد مصافحة....

فى الغرب تفكريهم واسلوبهم معاكس لينا
اتناقشنا فى موضوع السلام دة مع دكتور يوحنا فى موضوع
"ادم فى مأزق"
كان رأيه ان فى الغرب تقبيل الانثى للأنثى والرجل للرجل ..
قد يعتبر نوع من الشذوذ .... فالطبيعى عندهم الطريقه اللى حضرتك ذكرتها ..
بعكس العرب متميزون متفردون متخصخصون :smile01
​