تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="ROWIS, post: 3596527, member: 19356"] [COLOR="Black"][FONT="Arial"][SIZE="5"][B]ينقسم كل دين من الأديان (رغم تحفظي على كلمة الدين المسيحي) يوجد فيه جزئين، جزء إيماني أو عقيدي، والجزء الثاني الطقسي. الجزء الإيماني هو اللي غير قابل للتغير، لأنه يعبر عن حقائق إيمانية لا يمكن أن تتغير بمرور الزمن مثال: أن المسيح تجسد على الأرض، أنه صُلب ومات وقام من الأموات، أن المسيح هو خالق السموات والأرض .... أما الجزء الطقسي، هو ده بقى اللي ممكن يتغير مع مرور الوقت، وطالما هناك بشر يبقى هناك تطور. وعلى فكرة ده اللي جزء كبير مننا كمسيحيين عرب مش قادرين نستوعبة، وبالنسبة لنا لما نلاقي حد بيقول حاجة جديدة على مسامعنا، نعتقد انه يهرطق. وللأسف الشديد كثير من اللاهوتيين (أو اللي فاكرين نفسهم ذلك) بيحصروا خلافتنا مع باقي الطوائف المسيحية في مسائل طقسية! بالرغم أن طقسنا نحن الآن ليس هو ما كان منذ 2000 سنة، ولن يبقى هو للـ 2000 سنة القادمة. وأنا أول ما أشوف أي واحد كاتب موضوع أو كتاب أو تعليق على النت بيهاجم فيه خلافات طقسية مع طوائف أخرى أعرف أنه مش فاهم حاجة. الله يترك المسائل الطقسية والقانونية لنا كبشر لكي ما نضعها نحن حسب تطورنا، وتقدمنا الحضارين، أبسط الأمثلة ما استجد من سنين على العالم في مسألة أطفال الأنابيب، والاستنساخ... يعني لما تلاقي اتنين بيختلفوا مع بعض ومش راضين يعترفوا بأسرار بعض، بحجة ان واحد بيعمل بالرش والثاني بالسكب والثالث بالتغطيس! وكأن حلول الروح القدس لا يحل إلا لما تغطس الطفل!! المياة ليس لها أي قوة، هي مجرد أداة ظاهرية، لعمل سرائري يقوم به الروح القدس، ولذلك تلك المياة بنتخلص منها بعد كده بأي شكل سواء في زرع أو بيارة (بتبقى موجود في كل كنيسة خاصة بذلك) أو في نهر...الخ. لما تلاقي اتنين بيتخانقوا بحجة أن أنت عامل الجسد المقدس على شكل قربانة مدورة، أما الثاني عمله في شكل رقائق رفعية!!! تقولشي المسيح جه قالهم لازم تعملوا القربانة كذا وكذا! أصبحا نعبد الحرف، وفهمنا للحقائق الإيمانية سطحي، وتمسكنا بكل أشكال الشكلية في العبادة. تخيل أما تلاقي واحد بيقول على التاني أنه غير مسيحي علشان مختلف معاه في أن شكل القربانة أو طريقة استخدام المياة في طقس المعمودية، لما تشوف واحد زي ده بيكفر في البني آدمين علشان تلك الأسباب، هل ده يستاهل أنك تضيع وقتك معاه علشان تفهمه؟! الطقوس تطور، هناك ألحان لم يكن لها وجود قبل المعلم ميخائيل البتانوني، وهناك مدائح كيهكية تم تأليفها من بشر عاديين وأدخلوها في طقس كيهك حجم وعدد الصوات وترتيب الصلوات في الأجبية تغير بمرور الزمن، ترتيب القداس تغير بمرور الزمن بالحذف والزيادة... الخ لازم نتطور، والشوية اللي خدوا دينهم من شرائط الكاسيت أو سي تي في وأغابي، لازم يركنوا شوية على جنب، أو الافضل يقروا دينهم بجد في كتب الأباء، مش كتب كهنة اليوم. [/B][/SIZE][/FONT][/COLOR] [/QUOTE]

التحقق