اللى امشى معاها ما اتجوزهاش !!!!!

[max mike]

اللى امشى معاها متجوزهاش






جمله اترددت كتير اوى الايام دى.....انا مش عارف ليه؟؟
ال ايه الواد يقولك مدام انا مشيت مع بت تبقى البت دى مينفعش اتجوزهاااا علشان هيه مشيت معايا وخرجت واتفسحت معايا .....وكمان كان ممكن تعمل كده مع حد غيرى...........؟؟
بذمتكوا مش فيه ناس كتير اوى بتقول كده........ولا ايه؟؟
انا مش عارف ايه دول .........اكيد دول طبعا معندهومش دم ولا حياااء ولا ضمير ........
بقى علشان البنت بتحبه ومأمنه له وواثقه فيه.......يعمل فيها كده .......بقى هوه دا جزائهاااااا....؟؟
شبان اخر زمن................؟؟
عايزة رايكم فى المبدأ ده بس بكل صراحه ومن غير كسوف ...............!!!!
علشان نعرف مين الصح ومين الغلط..............؟؟
اتمنى يكون الموضوع والفكره عجبتكوااااااا.....................!!
شكراااااااااااا........مستني ردكم ورايكم في الموضوع ......


مــــــــــــــع تحيـــــــــــــاتـــــى

منقول

 

[Rosetta]

فعلا يا مايكل في شباب متل هيك..بس اكيد مش الكل.. لانه لو الكل هيك كان خربت الدنيا ..
بس اسمحلي احكي انه الشب اللي متل هيك بيكون مريض نفسيا..و ما عنده ضمير!!و بيتلاعب بمشاعر الغير!!!
يعني من بعد ما مشي مع البنت و اوهمها انه بيحبها و بده يتزوجها..و اكيد رح تكون هي كمان حبته و اخلصت ليه .. و في الاخر بيجي و يقولها لا ما بينفع نتجوز علشان انتي قبلتي تطلعي معي!!.. لهدرجة مش فارقة عنده مشاعر البنت.. و ناسي انها انسان ليه مشاعر و احاسيس و بينجرح من التصرف ده...
بس برجع و بقول ..مش كل الشباب هيك..
و مشكوووووور يا مايكل
موضوع رائع
ربنا يحميك ​

 

[max mike]

شكرا لمرورك ومشاركتك الجميلة

 

[G.a.L.a.x.y]

مشعارفه اقولك ايه يا مايك
بس الايجابه دى عند الاولاد مشعندنا
وانا بشوف من دة كتير ببلدنا هنا بالصعيد
عشان كدة بالخدمه بنصح البنات تاخد حزرها لانه الشاب الايام دى مشعارفه بيفكر ازاى
لكن ارجع واقولك
الدنيا مبقتش امان
وساعات الولد بيبقى خايف لانها هتبقى حياته وعمره
طب ليه من الاول اوهمتها ليه لعبت بمشاعرها
هو الولد كدة لو البنت مالتله يسبخها تسيبه يجرى وراها
بس مش الكل كدة بس الاغلبيه كدة
ميرسى للموضوع

 

[احلى ديانة]

بص دا مش حاجة عمومية

يعنى بتختلف من واحد لواحد

اية المانع لو ارتبطت بواحدة وخرجنا مع بعض واكتمل الارتباط بالجواز

طالما انا متاكد من اخلاق البنت الى انا بحبها وانها هتعرف تصون الجواز وتحافظ علية

 

[hokka_2020]

طبعا الولد اللى يقول كده غلطان لان مش معنى ان بنت خرجت مع واحد وثقت فيه تبقى هى مش كويسة
ده غلط
لكن ممكن تكون اتصرفت تصرف غلط ايا كان التصرف ده خلت الولد يقول كده وكمان يكرهها
وكمان لازم البنت تعرف الشخص الاول قبل اما تثق فيه وتعرف ايه شخصية الولد وتتعامل معاه بالطريقة اللى تنفعله عشان ميفتكرش عنها حاجة (ده لو هى بتحبه وعايزة ترتبط بيه )
يعنى لو كان واد شايف نفسه تتقل عليه
لو ولد حساس متبقاش تقيله اوى .... كده يعنى
لان ساعات ناس بتتعقد من تجربة ويفتكروا كل البنات كده
لكن ده غلط
ولازم البنت تكون اذكى من كده وتعرف تتعامل مع الولد (على حسب تفكيره وشخصيته ) لان مش كل حاجة بتيجى بسرعة ومش كل حاجة سهلة​

 

[go love]

انت بتتكلم عن حاجة مهما اوى بجد
بس عايز ابدل الجملة بالاصح بتاعها دة عن وجهة نظرى
اللي اغلط معها عمري مهتجوزها وانت فهمنى يعنى اية
ام بالنسبة اللي اخرج معاها فمش كل الشباب مع الفكرة دية فى عكسة بص
انا ابن خالتى خرج مع بنت مدة كبيرة جدا
كان كل خروجتهم اديرة فقط وكنايس
ودلوقتى نفسة يرتبط بيها بس عارف مين اللي رافض الاهل
قبل ميسافر للخارج حاول يرتبط وهما رفضة
ورجع دلوقتى من السفر وهما برضو لسة رفضين
دة معناه اية
دة معناة ان الفكر بتعنا اصلا من اب وام ومجتمع احنا عيشين فى بيمنع
خروج البنت مع الولد والاهل رفضين سوء للبنت او الولد
ندء لكل بنت بل وطلب ارجوكم لاتكونو صيدا سهلا للشباب
لان حقيقي اى علاقة بنت بولد حقيقي بتتغير طبيعى جدا ان انهارضة مسكت اديها بكرة بحط ايد على كتفها بعدو بقربلها بعد بهمس فى ودنها
بعد كدة بـــــــ وهكذ ومن هنا
الحب يتقلب لغريزة وشهوة
صدقونى انا بتكلم على احساسي انا كشاب وبمثل راي اصدقائى وصحابى وقريبى انت عارف
لما البنت بتغلط بنقول لا هى عملت كدة عشان بتبدلنى الحب وعايزة ترضينى بقي شكل
وبعديا نرجع ونقول لا
هى ممكن تكون مش كويسة ممكن تعمل كدة مع اى حد
ممكن متستحملش غيابى وتضعف مع اي حد ممكن متصون حبى بعد كدة
ومن هنا تيجى عدم الثقة والرفض النهائي
يعنى ممكن حب تكون بديتة طهرة بس بسبب تنازلكم يتقلب
محديش يحاول يقنعنى ويقولي ان ممكن البنت تخرج مع الولد من غير متضعف
انت
عارفين امتة هنقول عليكم لا
لما انت هتقولو اة
وامتة هنمسك فيكم ونقول الف اة لما انت تقولو وتصرخو وتقولو لاااااااااااااااااااا
وياريت يكون رد فعل اقوي من لا عشان يتمسك بيكي اكتر وسعتها تاكدى ان لو بيحبك هيجى ويرتبط بيكي فورا
ولو مش بيحبك تاكدي صدقينى هيسيبك لان سعتها غرضو مش لقي

فهمين ااقصد اية؟
مش زي مالاخت كيريا قالت ان اللي ان الولاد كدة البنت مالتله يسبها.... تسيبه يجرى وراها
دة مش شرط صدقينى
عارفا اية الشرط
هو رباط الحـــــــب
بس الحب الحقيقي
الحب اللي اللي يدى ميختش
الحب اللي يبنى ميهدمش
الحب اللي يشفى ميمرضتش
الحب اللي يداوي ميجرحش
بجد رباط الحب انا بالنسبالي بعتبرو اقوي من رباط الجواز اللي بيكون من غير حب لان بيكون رباط ضعيف ...مريض...مخنوق
وحتى رباط الدم اللي بيربط الاب والام بأولدهم من غير حب بيكون رباط مفكك ومهزوز
يا جماعة الحب مش سلعة هنروح نشتريها او نستبدلها
الحب احساس حقيقي كل انسان نفس يعيشة
فياريت متنزلوش للحب الحب هو اللي هيطلعلكم هو اللي هيجي ويخبط على ابوابكم صدقونى

بعتذر لو راي هيضايق حد ​

 

[rmbs8]

بص يا مايك انت موضوعك دا غايه في الروعه
لانه بيشل بنات كتير يا تري لما احب واحد هيقول عليا ايه
انا ليا راي
الانسان اللي يقول ان اللي يمشي معاها (رغم اني انا مبحبش اللفظ بتاع يمشي معاها ده)
لكن المهم :.
انا شايفه ان الانسان ده مش عنده خالص قلب علشان يحب ده بس كان بيتسلي
وربنا يرحمنا كلنا البنات ولاد ربنا من النوعيه اللي ما لهاش قلب دي من ​

 

[rmbs8]

بص يا مايك انت موضوعك دا غايه في الروعه
لانه بيشغل بنات كتير وتفضل دايما تسال نفسها يا تري لما احب واحد هيقول عليا ايه
هل هيقول اني كنت عارفه حد تاني
او لو كانت مخطوبه قبل كده ويقعد يسالها علي الخطيب الاول
انا ليا راي
الانسان اللي يقول ان اللي يمشي معاها (رغم اني انا مبحبش اللفظ بتاع يمشي معاها ده)
لكن المهم :.
انا شايفه ان الانسان ده مش عنده خالص قلب علشان يحب ده بس كان بيتسلي
وربنا يرحمنا كلنا البنات ولاد ربنا من النوعيه اللي ما لهاش قلب دي من ​

​

ربنا يحفظ علي ولاده وبناته في كل مكان

 

[BishoRagheb]

بص الموضوع ده منتشر اليومين دول
ويرجع لسبب قلة شأن البنت في نظر الولاد
بمعني ان الواد بيبص للبنت علي انها سلعة
من اللي بيشوفوه
وهما اصلا بقوا ضايعين وفاقدين للهوية
وللمخ....
علي العموم البنت لازم تاخد بالها من علاقتها
وربنا يعين الكل
ويحافظ علي كل ولاده​

 

[max mike]

أولا شكرا لكل من قال رأيه

ثانيا انا مع رأى اغلب الاعضاء ان البنت غلطانة انها تخرج او تمشى مع شاب متعرفوش
فى ولاد واخدينها تسلية ومش حاسس بغلطه لكن الفيصل هنا البنت انها توافق او متوافقش

وعموما الولد مش هيآمن لواحدة او يتجوزها طالما مشيت لانها زى ما مشيت معاه ممكن تمشى مع غيره فأذاى يختار شريكة حياته وهو مش ضامنها

شكرا لمروركم

 

[+SwEetY KoKeY+]

مبدا غلط بجد يعنى هى ممكن تكون خرجت معاه وبتحبه ومعملتش معاه اى حاجه غلط ليه يسيبها فى الاخر
وبرده مش كل الشباب كده فى بيبقوا بيخرجوا سوا وبيكملوا لغايه الجواز
ربنا يحافظ على الكل

 

[sony_33]

انا بقول يا اصدقائى ان الولد الى يعمل كدة يبقى عايز يتعالج
بس دى بترجع للولد هو ماشى معاها على اساس اية من البداية
هل حب ولا تسالى اذا كان حب متهياليش انة حيسيبها ام اذا كان تسالى فالرد معروف
انا بقى انصح كل فتاة اذا عرفت شاب مش كل ما يقول لها نخرج تقولو ماشى
امال حيتقدملها لية بعد كدة بعد ما كان بيخرج حيكلف نفسة لية بخطوبة وربطة
ماهى موجودة
وشكرا لموضوعك الجميل وربنا يحافظ على بناتة من الشباب الذئاب​

 

[max mike]

آميــــــــــــــــن

شكرا لمروركم كلكم

بس برده مع احترامى لرأيكم البنت هى اللى بتكون غلطانة هى متعرفش الشاب ده كويس يبقى ليه تخرج معاه

هو مضربهاش على ايدها عشان تخرج معاه او خلاها تخرج معاه بالعافية هى اللى رضيت بمزاجها

مع انهم متعرفين من فترة قريبة وميعرفوش كتير عن بعض