تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="YOYO JESUS, post: 3680483, member: 117869"] [COLOR=Black][CENTER][B][FONT=Microsoft Sans Serif][SIZE=4]طبعا مصر بلد زراعية ... فى منا كتير اهاليهم فلاحين .. لو انت فلاح ... وعندك ارض .. بتربى حمار عشان يشغل مكانك الارض وممكن بعد كدة تبقى غنى وعندك حاجات كتير خايف عليها ... فبتربى كلب عشان يحرسلك عليها [COLOR=DarkOrchid]لو فاضى بقى وعندك وقت ممكن تربى قرد عشان يسليك[/COLOR] :smile02 ولو عندك برد ممكن تبقى تربى قطة فى شقتك عشان تتدفيلك السرير بليل [COLOR=Blue] اما بقى لو انتى ست .. عندك مخ .. ممكن تربى رجل يعملك الحاجات دى كلها [/COLOR]:smile02 الراجل ياجماعة بالنسبة للست هو حيوان اليفى متعدد الاستخدامات الست بتتصطاده وبعدين بتاخده تستانسة وتخليه يبطل يشرب سجاير .. وياكل من المراعى ( اللى هو اكل الشارع ) وبتاكله وبتنضفه والصبح بتسرحه يشتغل وطبعا بليل بينام فى السرير عشان يدفى فى ناس ممكن تختلف معايا وممكن ناس تتفق بس انا شايفة ان المراة كائن متطور عن الراجل بكتير يعنى مثلا الست ممكن تتكلم مع اربع ستات كلهم بيتكلموا فى وقت واحد وكلهم سامعين بعض الاربعة ستات دول ممكن تخش عليهم ست جديدة مسمعتش القصة من الاول تقولهم لا من الاول من الاول فتبدا من الاول وتحكى بنفس الاتفان والستات اللى معاها يسمعوا تانى وكأنهم بيسمعوا القصة الى اول مرة :smile02 الست بقى فى حكاية الاكل طبعا غذائها بيتكون من انواع متعددة من العناصر انما الراجل بياكل حاجة واحدة بس ... عشان كدة دايما كل ست بتقول لجوزها [COLOR=Magenta]كل رز مع لحمة[/COLOR] عشان تشبع :smile02 برضه فى موضوع الاكل الستات عندهم خيال وعلى مر التاريخ الستات قدروا يقنعوا الرجالة انهم ياكلوا حاجات عمرهم ماكانوا هياكلوها زى البيض يعنى الراجل شاف الفرخة كلها فماتت وخالص الست بقى قعدت تراقب الفرخة والفرخة مشيت وهى سابتها تمشى لحد ماشافتها دخلت فى حتة ونزلت حاجة شبه الزلطة سهيت الفرخة وخدت منها الزلطة دى وكسرتها لقيت حاجة بتنزل منها لونها اصفر قالت[COLOR=Red] " دة اكيد بيتاكل "[/COLOR] :smile02 طبعا فى جدل كبير بين الست هى الاذكى من الراجل و لالا بس فى دراسة مؤخرا اثبتت ان الكائن اللى يقدر يتفرج على 6 مسلسلات فى وقت واحد اكيد هو الاذكى :smile02 6 مسلسلات 2 منهم فيهم نور الشريف واحد طيب وواحد شرير وفيهم 4 خالد الصاوى وفيهم 6 انتصار وعارفة مين متجوزة مين ومين بيحب مين والارض بتاعت مين ! :smile02 ومتابعة كل دة فهى اكيد الاذكى ومن رحمة ربنا بالرجالة ان الستات مركزين بس فى المسلسلات :smile02:smile02 لان لو الستات ركزوا معاهم هيتعبوا اوى اوى لية بقى ؟ الراجل بيشتغل بيفكر انه يتجوز هو مش بيفكر هو بيجى وقت ولازم فيه يتجوز انما الست مش بتعمل حاجة من دول الست بس بتفكر وبعد ماتفكر تفكر طيب الرجالة ممكن تفكر فى الحاجة دى ازاى !! انت كاراجل برضه مابتفكرش فهى تفكر فى الحاجة اللى ممكن انت تفكر فيها وبعدها تتضايق منك لانك فكرت فى الحاجة دى اللى انت اصلا مفكرتش فيها فتبتدى تعاقبك على الحاجة اللى هى فكرت انك فكرت فيها لما هى فكرت فى الحاجة الاولانية :smile02 [COLOR=Navy]( وانت اصلا مفكرتش )[/COLOR] حتة بقى الذكريات وخصوصا عند الستات وخصوصا لو كانت مع الكائن الاليف اللى هى عايشة معاه عندها قدرة انها تمحى كل حاجة فمثلا وانت بتتخانق معاها تقولك[COLOR=DarkRed] " عمرك ماقولتلى كلمة حلوة "[/COLOR] :smile02 [COLOR=RoyalBlue]واظن كدة عرفتوا الفرق بين الراجل والست بدون ضرب بقى بهزر اجدعان [/COLOR]:vava: [/SIZE][/FONT][/B][/CENTER] [/COLOR] [/QUOTE]

التحقق