الطريق الي الديمقراطية في مصر

[ياسر رشدى]

لو سألت اي مصري عن حال البلد دلوقتي يإما هايقولك مش عارف ربنا يسترها علينا او احسن من حكم الاخوان الارهابيين او العسكر خربوها 60 سنة ولسه كمان 600 سنة ...

وكل واحد من الفئات التلاتة جواه اتجاهات متباينة تخدم مصالحة فقط ويعتقد من خلالها انه يحافظ علي بقاؤه او مكتسباته

فيه ناس بتقسمها علمانية
وفيه ناي بتقسمها دينية
وفيه ناس بتقسمها اقتصادية
وفيه وفيه ........
واخرهم واقلهم اللي بتقسمها ديمقراطية .... لان البلد دي ماينفعش فيها ديمقراطية

قلي .. انت ايه رايك ؟ بتقسمها ازاي ؟
اتكلم بصراحة وهناقشك وهسألك اسئلة رخمة لو حاولت تزوغ وتخبي اللي جواك :closedeye

وكل مانتفق علي مبدأ او خطوة (دا لو اتفقنا) نحطه في ليستة الطريق الي الديمقراطية والتقدم ......

 

[grges monir]

ياحلاوة مواضعيك ياسر
شوف ياسر
الديمقراطية تبدا عندما ينتهى الجهل
وعندما لا تستخدم الدين فى السياسة
وعندما تختلف مع الاخر فيمقولش انها حرب على الاسلام وضد تطبيق الشريعة
لا تقدم بدون رمى هذة الافكار فى صفيحة القمامة

 

[ياسر رشدى]

ياحلاوة مواضعيك ياسر
شوف ياسر
الديمقراطية تبدا عندما ينتهى الجهل
وعندما لا تستخدم الدين فى السياسة
وعندما تختلف مع الاخر فيمقولش انها حرب على الاسلام وضد تطبيق الشريعة
لا تقدم بدون رمى هذة الافكار فى صفيحة القمامة

- الديمقراطية تبدا عندما ينتهى الجهل
الجهل هنا نسبي ياجرجس ولن تجد مجتمع يمارس الديمقراطية و غالب المصوتين به مثقف سياسيا وهذه ليست بحجة ولكنها تخفي خوفك من ان تصبح مهمشا طبقا لقواعد الديمقراطية لانك مصنف "اقلية دينية" فوصفك هنا للمصوت بعدم صلاحيته للتصويت لجهله هو في الواقع رفضك للتهميش الاجباري من مجموع المصوتين والذي لا يفرق بين لون او عرق او دين

- وعندما لا تستخدم الدين فى السياسة
مرة اخري تريد استبعاد الدين لانك الاقلية مع ان حياتك اليومية تكاد لا تخلو منه وهل السياسة الا ممارسة تعمل في خدمة الحياة اليومية وهناك كثير من الاحزاب الاوربية تحمل اسما مسيحياً ولم يجرمها الغرب

- انها حرب على الاسلام وضد تطبيق الشريعة
اي دين تنادي شريعته بالاعتداء علي حرية الاخرين او حرية اتباعه هو ليس بدين
وهنا وجب ان نضع ضوابط للديمقراطية تضمن عدم جور دين علي اخر او جور نفس الدين علي اتباعه

فما هي هذه الضوابط التي تراها واجبة في المجتمع المصري ياجرجس ؟

واخير اعطني امثلة لهذه الافكار التي تستحق القمامة فربما أعيد تدويرها هههههه :close_tem

كما تري نوازعك كلها تأتي من فكرك الديني ...
ومش انت لوحدك علي فكرة 99% من اخواتنا زيك كده ..

 

[Desert Rose]

فصل الدين عن الدولة و متحاولش في حاجة تاني ، اي حاجة او اي محاولة قبل الفصل ده هي مجرد لف في حلقه مفرغة
نشوف تجارب الآخرين ونتعلم منها مش عيب
الأحزاب المسيحيه في أوروبا ديكور ، بمعني ان الدين فيها ديكور ، إنما الدول علمانية ، والحكم علماني ، وطالما ان الحزب حتي لو كان اسمه ديني مش بيعتدي علي حريتك كمواطن انت زعلان منه ليه؟
وبعدين متقارنش بأوروبا :99: معلش ، أوروبا أساسا مكانش فيها تعدد ، إنما اتبنت مسيحية أصلا ، التعددية ظهرت في أوروبا بعد دخول المهاجرين ليها ، فعملو قوانين مشكورين يعني تضمن للوافدين علي حسب أديانهم ومعتقداتهم الغير مسيحية حريه الاعتقاد ، فحضرتك قدرت تبني جوامع في كل أوروبا والغرب تقريبا ،والسيخ قدرو يبنو معابدهم والهندوس وهكذا
أوروبا تأقلمت وغيرت أوضاعها علي حسب الوضع الجديد او المستقبل الجديد اللي هما كأنو شايفينه لنفسهم من التعددية
مصر بقا أصلا فيها تعددية :99:، المسيحين مش وافدين عليكو ، المسيحين أساسا أصل البلد ، حتي لو الناس معجبهاش الحقيقة ديه يروحو يتخانقوا مع كتب التاريخ مش قضيتي ، وبالتالي الوضع هنا مختلف عن أوروبا
وزي مقولتلك الأحزاب الدينية في أوروبا الدين فيها ديكور او مجرد حزب تاريخي اتبني أصلا علي أساس ديني أيام ماكانت المسيحيه وضعها اكبر في أوروبا ومكملين بنفس الاسم لمجرد انه اسم تاريخي ديكور يعني ، وإلا لو مكانتش كده مكنتش انت هتقدر تبني جوامع براحتك ومراكز اسلاميه براحتك ، وتبشر بدينك كمان براحتك
طيب أقولك علي مفاجاة ، في امريكا في احدي الولايات كانت اتوبيسات النقل العام في فترة من الفترات حاطه اعلان واخد بالك اتوبيسات النقل العام اللي بتمشي في الشوارع ويشوفوا كل الناس ، اعلان عن مركز لمعرفه الدين الاسلامي وحاطين رقم تليفون لو عايز تتصل وتعرف عن الدين اكتر :99: وديه أنا شوفتها بعيني :99: ده طبعا حصل لان الدولة فصلت الدين عن الدولة بالرغم من وجود الحزب الجمهوري اللي هو يعتبر حزب مسيحي محافظ او حزب محافظ بشكل عام
لكن دستور الدولة وقانونها بيسمح للكل بالممارسة والتبشير بحريه
شوفت بقا فصل الدين عن الدولة بيعمل آيه ؟ بيخلي الكل يتعايش رغم اختلافه
اي محاوله تانيه للإصلاح من غير فصل هي مجرد ضحك علي النفس

 

[ياسر رشدى]

من ساعة مارديت علي جرجس ورخمت شوية اتشي كتشهون وهو صدرلي الطرشة ههههه

آجرجس
آ جرجس يا استاذ
آآآآآ آتشي
مع اني قلتلك كل سنة وانت طيب ع الفيس
بس برضو ولا عمبرتني
تكونشي زعلان :smil13:

:ab3:
​

 

[ياسر رشدى]

الله
مجاش !!!
هو مين ده ؟
جرجس
لا مجاش
ياخبر ... يمكن سبق ههههههه
هو مين
جيرجس !!
مجاش ؟؟؟؟؟
​

 

[grges monir]

مساء الفل
اعتذر بشدة
الفلاشة مكرهانى فى النت
وبجانب كدة انا نسيت ارد بصراحة
ليكى عليا بكرة تلاقينى رادد عليك
دة مبصدق اشوفك بس اليومين دول معلهش حصل خلل فنى منى هههه

 

[grges monir]

مش دخلت فيس غير مرة واحدة خلال اسبوع
وانت طيب يا سر
وانت عارف ان مش اطنشك
مبصدق امسكك هنا ههههه

 

[ياسر رشدى]

مش دخلت فيس غير مرة واحدة خلال اسبوع
وانت طيب يا سر
وانت عارف ان مش اطنشك
مبصدق امسكك هنا ههههه

امسك براحتك ياسيدي .. بس اوعي هدومي تتسلت هههههه
​

 

[grges monir]

يخرب بيت كدة
كتبت رددددددد طوووووووويل وفى الاخر طار قبل مينزل
هاعيدة تانى بليل:ab7::1035pk:

 

[grges monir]

الجهل هنا نسبي ياجرجس ولن تجد مجتمع يمارس الديمقراطية و غالب المصوتين به مثقف سياسيا وهذه ليست بحجة ولكنها تخفي خوفك من ان تصبح مهمشا طبقا لقواعد الديمقراطية لانك مصنف "اقلية دينية

انا جيت ياسر
اوعى وشك بقى ههههه
اتفق معك نسبيا فى مفهومك ان الجهل نسبى
بس انا بقصد الجهل هنا بمعناة الحقيقى
ان حوالى 40% من المصريين لا يعرفون القراءة ولا الكتابة
بجانب الامية الفكرية والثقافية التى تعترى اغلبية الشعب حاليا
فلم يجد هولاء ملاذا لجهلهم سوى ان ياخذوا الدين مرجعية ثقافية للمجتمع
نيجى بقى لنقطة الاقلية
ماهو تعريفها فى النظام الديمقراطى ياسر
اعتقد لا يوجد
لان الديمقراطية تعنى الحقوق والوجبات من خلال المواطنة وليس العقيدة
هل معنى اقلية ان لا يكون من حقى التعين فى وظائف الدولة المختلفة وفى جميع المراكز؟؟؟
انا لا يعيننى عقيدة من يقود نظام الدولة سواء مسلم * يهودى* بوذى * مسيحى
يعنينى اى منهم سوف يقود الدولة للتقدم
فعلها المسلم اهلا وسهلا
فعلها غيرة اهلا وسهلا
الكفاءة هى المعييار صديقى
وليس كما قال احد قادة الاخوان
ان يحكمنى مسلم ماليزى
افضل من مسيحى مصرى
هذا قمة ال؟؟؟؟؟؟؟؟؟
وفى حديث مع احد الزملاء الاعزاء
قال لى انة يفضل ان يعيش فى مجتمع متخلف يحكم بالشريعة
على ان اعيش فى مجتمع متقدم لا يحكم بها ...
وسؤال اخر
ما علاقة حديثى بالديمقراطية عن فكرة الاقلية
هذا مورث ثقافى فكرى ليس لة منطق ياسر

هو في الواقع رفضك للتهميش الاجباري من مجموع المصوتين والذي لا يفرق بين لون او عرق او دين

دى بقى وقعت منك ياسر
ياراجل هل التصويت فى مصر لا يعتمد على الدين
اللة يرحم غزوة الصناديق ههههه
دى الانتخابات اللى فاتت كلها مبداها
مع الاسلام ام ضدة هههههه

مرة اخري تريد استبعاد الدين لانك الاقلية مع ان حياتك اليومية تكاد لا تخلو منه وهل السياسة الا ممارسة تعمل في خدمة الحياة اليومية وهناك كثير من الاحزاب الاوربية تحمل اسما مسيحياً ولم يجرمها الغرب

هل الاحزاب الاسلامية تمثل اسما فقط ام تريد تطبيق شريعة وقوانين معينة منهجها عقيديتها
ادينى اى حزب مسيحى غربى يتحدث سياسيا من خلال الدين ؟؟؟؟
وتانى ياسر لديك فكر خاطىء تماما عن كون المسيحى اقلية لذلك يطالب بفصل الدين
هل الموطنة مرتبطة بها ياسر
\اين اى دولة متقدمة تدين بالمسيحية تطلق لقب اقلية على الاخر ؟؟؟؟؟؟؟؟
هذا هو مورث الجهل الثقافى صديقى ههههه

اخير اعطني امثلة لهذه الافكار التي تستحق القمامة فربما أعيد تدويرها هههههه :close_tem

كما تري نوازعك كلها تأتي من فكرك الديني ...
ومش انت لوحدك علي فكرة 99% من اخواتنا زيك كده ..

اعطيك امثلة
لا هاديك مثال واحد ذكر تة فى مووضع من قبل
قنوات الاخوان المفترض انها مختلفة سياسيا مع النظام
من ضمن اخبارها
ان سلطة الانقلاب تخصص مساحات واسعة من الاراضى فى المدن لبناء كنائس هههه
رد انت بس على المثال دة هههههه
صدقنى ياسر
نوازعى فكرية بحتة لا علاقة بها للدين
شوف ردى على موضوع الجامعة التى سمحت با يؤذن بها المسلمون من اعلى منبر بها وشوف تدرك نوازع من الدينية ههههه

 

[+إيرينى+]

طب أنا عايزة أسأل سؤال

هو إحنا مش ديمقراطيين و لا إيه ؟؟:dntknw:


إحنا بلد ديمقراطى


​

 

[ياسر الجندى]

طب أنا عايزة أسأل سؤال

هو إحنا مش ديمقراطيين و لا إيه ؟؟:dntknw:


إحنا بلد ديمقراطى

​

لما طقت فى دماغهم ياإيرينى وقالوا يوما ما
ومالو ياخويا مالها الديمقراطية ماهى حلوة وجميلة أهى وزى الفل
ماتيجوا نجرب
لما جربوا ماعجبتهمش اللعبة
قالوا يالا ياض منك له على السجن ، انت صدقتو ولا إيه
معلهش دا احنا كنا بنهزر

 

[ياسر الجندى]

لو تسمح لى ياأبو اليسر


عندى رأى مخالف قد يصدمك


نعم قد تكون موروث دينى


بيد أنها قناعتى التى توصلت إليها

 

[grges monir]

لو تسمح لى ياأبو اليسر


عندى رأى مخالف قد يصدمك


نعم قد تكون موروث دينى


بيد أنها قناعتى التى توصلت إليها

جبت حاجة من عندى
ياسر قالها بشجاعة تستحق التقيم
بدون الفاظ او كلمات مائعة
فكرنا الديمقراطى مرتبط بفكرنا الدينى وهنا المشكلة الكبرى

 

[ياسر الجندى]

جبت حاجة من عندى
ياسر قالها بشجاعة تستحق التقيم
بدون الفاظ او كلمات مائعة
فكرنا الديمقراطى مرتبط بفكرنا الدينى وهنا المشكلة الكبرى

مش بالضبط ياجرجس


عايز أقول الديمقراطية بفكرها الغربى ليست من ديننا


إن أردت قياسا فهى الشورى لكن مع الفارق


أن الشورى بضوابط بينما الديمقراطية سداح مداح

 

[grges monir]

مش بالضبط ياجرجس


عايز أقول الديمقراطية بفكرها الغربى ليست من ديننا


إن أردت قياسا فهى الشورى لكن مع الفارق


أن الشورى بضوابط بينما الديمقراطية سداح مداح

من قال ان الديمقراطية سداح مداح ؟؟؟؟؟؟
الديمقراطية حقوق ووجبات من خلال المواطنة
قل لى مثال لهذا السداح صديقى
الشورى مصطلح اسلامى لايمكن تعميمة ياسر

 

[grges monir]

بتاع الفوازير
انت فيييييييين

 

[grges monir]

طب أنا عايزة أسأل سؤال

هو إحنا مش ديمقراطيين و لا إيه ؟؟:dntknw:


إحنا بلد ديمقراطى


​

احنا منعرفش من الديمقراطية غير اسمها يا هندسة

 

[ياسر رشدى]

بتاع الفوازير
انت فيييييييين

يابني احترم امين الخدمة شوية ههههه

انت بتقول ان المصريين عندهم امية فكرية وثقافية
طب مين اللي ممكن يغيرها ...
الممارسة
بس سيبه يجرب ، ماهو لو مجربش مش هايبقي فيه خبرات تراكمية
شفت تونس ... الناس قررت عدم اختيار الاسلاميين
وعدت التجربة بنجاح
انما احنا اتلعب بينا من قادة مجلس ولائهم ليس للشعب المصري بل لقادة الغرب لو عايز تعرف ليه
ابقي إسألني ليه ههههههه

المشكلة الكبيرة ان المخابرات بتلعب علي ملف الاقليات الديني والفكري وخلق عدو لهذه الاقليات
حتي وان لم يكن موجودا (فما بالك لو كان موجود وجاهز ومستني زقة صغننة)... وافهم الحتة الجاية دي
بدون هذا الصراع الايديولوجي ، لن يستقر اصحاب المصالح من كبار القادة علي الحكم

وبكده هاتعرف ان مافيش لا ديمخراطية ولا ملوخية

الان فيه حكم جهاز سيادي للدولة ورفضه خروج الحكم من عنده نقطة.
------------
الجيش يجب ان يكون حارس للديمقراطية وصندوق الانتخابات فقط
--------
انا سألتك كام سؤال في المشاركة اللي فاتت
وهاعيدها تاني بصورة اكثر توضيح
انت من رايك ان الاقليات يجب عمل كوته لها حسب نسبة السكان ولا ان تكون بلا تفرقة من اي اساس ؟
​