السلام عليكم , سلام المسيح عليكم

[احبك يا ربى]

السلام عليكم ورحمه الله وبركاته

----------------------
سلام المسيح عليكم
بسم الاب والابن والروح القدس
أله واحد , أمين
سلام ونعمه
----------------------
اولا احب اقول انا فى غايه اسفى وبتأسف لكل الاخوه الاقباط
عن الاعضاء المسلمين
اللى انا شوفت مواضيعهم بعضهم
اللى فعلا متعصبين جدا جدا
وسبوا الدين المسيحى والاخوه الاقباط
انا بقدم خالص اسفى بالنيابه عن كل المسلمين امثالى
اللى مش متعصبين
بحب دينى واؤمن بالله ربى ومحمد رسولى ولكن دون تعصب
كما قال سيدنا محمد ( ص )

" تعامل مع اليهود والنصارى معاملة حسنة "
"ادعوا إلى سبيل ربك بالحكمة والموعظة الحسنة وجادلهم بالتي هي أحسن"


--------------


نحن لا نعيش في عالم معزول عن الأخرين." من اهتدى فإنما يهتدي لنفسه ومن ضل فإنما يضل عليها"


فطبعا للأسف التعصب بيكون غلط ووالله مش موجود فى الاسلام اصلا التعصب ولكن بعض المسلمين

مش فاهمين كده وبيتعصبوا جدا لدينهم



كثير من المسلمين شوهوا صوره الاسلام عند الاقباط واصبح ان بعد ما كنا كلنا واحد بنحب بعض عايشين لبعض بنخاف على بعض التعصب الاعمى جمعنا حقا ديه حقيقه فعلا نشوف بعض دلوقتى ونشوف بعض فى 1970 مثلا

كانت الناس كلها بتحب بعض



------


انا قريت كانت فى اخت اسمها تقريبا ( رنا المسلمه ) اعتقد اسمها كده

كانت كاتبه موضوع

وبتسب وانتم كفره و و

للاسف كلامك غلط انتى لو عندك كلام صح قوليه

هاتى دليل اعملى مناظره بينك وبين اى حد ومع ذلك تكون المناظره

باحترااااام

اه ممكن اوجه سؤال قاسى لاخويا المسيحى وهو هديله فرصه يرد

وهو كمان بس مش اشتم او اسب

وانا سعدت جدا لما شوفت اخواتى المسيحين

بيردوا بكل احترام



انا مش هعلق كتير على كده او عليها او غيرها لانها صغيره وزى ما بيقولوا كده

حافظه مش فاهمه



انما طبعا الاسوء عندما نشاهد مثل

وجدى غنيم

والله الذى لا اله الا هو

انا كمسلم عمرى ما احب انى اقعد قدامه

واستمع الى درس اسلوب الهمج

اسلوب التكفر

مينفعش وانا كذلك بتأسف

مين الناس امثال دول

انا فعلا اللى بيمثلنى واحزن لو اتشتم وانا عارف انه مش هيتشتم لان هو ده شيخى الوحيد

هو الشيخ محمد حسان

انا بطلب من كل الاخوه المسيحين ايا كان اللى هيسمعوه من وجدى غنيم حازم ابو اسماعيل وغيرهم امثلهم انه مش يهموا لان امثال دول مش بيمثلوا الاسلام ومش بيخطوا على سنه رسول لله محمد

مثال فيديو وجدى غنيم تعليقا على اختيار البابا

ههههههههه

هى كلمه واحده وطبعا هاخدها من استاذ احمد حلمى فى فيلم

1000 مبروك

وانت مال امك هيقولى " ايه " هقولوا وانت مال مامتك

هههههههههههه
بجد حاجن تجنن والله انت مالك سبحان الله حاجه غريبه انت عايز المسيحين مش يبقوا ليهم صوت مش عايز اى حاجه تتعمل تخلى المسيحين عايشين بحريه ؟

على فكره انا وانتم اخواتى المسيحين عارفين

ان انتم بتقولوا على المسلمين كفره

وان برده احنا بنقول انكم كفره واحنا عارفين كده كويس اوى

بس المفروض بينا وبين بعض


فالرسول اذا تكلم لم يتكلم الا بكل ادب واخلاق "الرسول ابدا لما يخاطب مسيحيا .ولم يتكلم في حضور المسيحين . في غير حرب . وقال لهم" هولاء الكفرة" . نعم نحن نعلم في ديننا انهم كفار وهم ايضا يعتبروننا كفار . ولكن هذا نقولة بيننا وبين بعضنا في مجال العلم وتعلم الدين . فاذا ما خرجنا لخطاب عامة الناس نخاطب الانسان . ونترك جزاء اعتناق دين اخر غير الاسلام لله


فطبعا عيب هو مش بيمشى على سنه رسول الله

الذى يظنه البعض انه يحس على العنف والدماء والغزوات والحروب

والله العظيم الذى لا اله الا هو

محمد صلى الله عليه وسلم

ابدا ليس ذلك عندما تقول من هو اشرف الخلق فهو محمد



ولكن المسلمين او بعض المسلمين شوهوا للاسف صوره محمد



انا كتير مبسوط انى بينكم وانى فعلا عمرى ما هكون غير ضيف خفيف عليكم ولو مش عيزنى والله العظيم عمرى ما هاجى تانى ولا ازعج احد مهما كان



وفى اخر كلامى احب اقول لحضرتكم انا اولا متأسف لو طلعت منى كلمه غلط

جل ما لا يخطو

وطبعا بتأسف مره تانيه وتالته ومليون عن كل اشكال تشويه الاسلام

وطبعا كما قولت يارب مش اكون ضيف تقيل على حضرتكم ابدا



ولو اى حد عايز يوجه اى سؤال فى الاسلام انا تحت امره وانا دائما جاهز حتى لو للمناظرات وطبعا كما قولت بكل احترام وانا متأكد ان حضرتكم بتتكلموا بكل احترام

وفى الاخر حفظ الله مصر دائما وجعلنا ايد واحده

القرأن على راسى والصليب على راسى

ومهما حصل والله لن يفرقنا ابدا اى حد مهما كان



السلام عليكم ورحمه الله وبركاته

سلام ونعمه




​

 

[احبك يا ربى]

انا بالنسبالى اختى او اخى ان كل اللى كانوا بيعملوه الاخوه المسلمين والمواضيع اكيد اثار غضبكم جدا فانا حاولت اكتب فى نفس المكان اللى هما كانوا بيكتبوا فيه فهمانى اخى او اختى تقدر تنقليه اى مكان وشكرا واسف لو كنت ازعجتك

 

[Jesus is the truth]

انا بالنسبالى اختى او اخى ان كل اللى كانوا بيعملوه الاخوه المسلمين والمواضيع اكيد اثار غضبكم جدا فانا حاولت اكتب فى نفس المكان اللى هما كانوا بيكتبوا فيه فهمانى اخى او اختى تقدر تنقليه اى مكان وشكرا واسف لو كنت ازعجتك

من يسئ إلينا الله يباركة كما قال الكتاب المقدس


http://www.arabchurch.com/forums/showthread.php?t=134663

أَحِبُّوا أَعْدَاءَكُمْ. بَارِكُوا لاعِنِيكُمْ. أَحْسِنُوا إِلَى مُبْغِضِيكُمْ.​

وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ.​

اسفك مقبول لكن انا لست مشرف هنا ومتشكر على الكلمات التى قلتها فى حقي كمسيحي

 

[احبك يا ربى]

طبعا الكتاب المقدس دائما يحث على الاخلاق والتسامح لان الدين المسيحى هو دين التسامح سياما الاسلام اكيد وربنا يعزك اخوى واحنا اخوات والله مهما يحصل سنظل كذلك ..

 

[amgd beshara]

اهلا احبك يا ربى
منور المنتدي
و شكرا علي زوقك و كلامك الجميل .. ربنا يديم المحبة
لكن عندي نقطة بس احب اوضحها
احنا مش بنكفر المسلمين و لا اي دين تاني , لكن بنقول عليهم مش مؤمنين و في فرق كبير بين الكلمتين و بين المفهوم نفسه بين المسيحية و الاسلام
فالمسيحية لا تأمر بقتل الكافر و لا رجمة و لا تضييق الطرق عليه و لا اي شئ اخر
و غير مسموح بالتحدث في الاسلاميات في غير القسم الاسلامي و اعتقد العام


و احب اشكرك تاني لطريقتك المهذبة المحترمة و في انتظار اسألتك و مشاركاتك
سلام المسيح

 

[حبو اعدائكم]

منور اخى احبك يا ربى
اهلا وسهلا بك--- كلامك جميل اخى بس عايزا اعلق على الجزء ده...

"على فكره انا وانتم اخواتى المسيحين عارفين

ان انتم بتقولوا على المسلمين كفره

وان برده احنا بنقول انكم كفره واحنا عارفين كده كويس اوى

بس المفروض بينا وبين بعض


فالرسول اذا تكلم لم يتكلم الا بكل ادب واخلاق "الرسول ابدا لما يخاطب مسيحيا .ولم يتكلم في حضور المسيحين . في غير حرب . وقال لهم" هولاء الكفرة" . نعم نحن نعلم في ديننا انهم كفار وهم ايضا يعتبروننا كفار . ولكن هذا نقولة بيننا وبين بعضنا في مجال العلم وتعلم الدين ."

اولا اخى نحن مش بنقول على المسلمين كفار!!
ممكن نقول عليه مش مؤمن-- و نفس الكلمه ممكن نقولها على المسيحى كمان-- الى هو بيبقى مسيحى فى البطاقه بس--
بس إحنى مش من حقنا نحكم على بشر مثلنا-- لإننا بشر اخى--
بشر لا يحكم غير على الظاهر--
لكن ربك عادل-- يحكم على الباطن و الظاهر-- لهذا هو وحده الكلى العدل الى له الحق ان يحكم على البشر----
و قايلها فى كتابه المقدس واضحا و صريحا---
يعنى الى يفكر مننا يحكم على مسلم و يقول عليه ده كافر ده رايح النار حدف --- يبقى كدا بيخالف كلام الرب و يتحمل غلطته--
لكن إلى عندكم يقول على اى مسيحى سواء امامه او من خلفه او فسره ده كافر و رايح النار-- هيبقى مفيش غلط عليه-- لإن فى كتابه ربنا سامحله يقول كدا-و سامحله يحكم على غيره من البشر على الظاهر بس!!-

مره اخرى منورنا اخى

 

[amgd beshara]

السلام و النعمة
انت جبت ايات كلها منسوخة و انا مش هجيب الايات اللى نسخت الايات دي علشان تخصص القسم لكن علي العموم كل ايات السلم نسخت بايات الحرب و القتل

و الشيخ محمد و حسان و من قبله الشيخ الشعراوي كانوا بيكفروا في المسيحيين و بيقولوا كلام غلط عنهم لكن زي ما انت بتقول ان الاسلام بيأمر المسلم بتكفير غير المسلم و حتي المسلم تارك الصلاة
فدي مش مشكلة كبيرة المشكلة في حكم الكافر ..

و قسم حوار الاديان مغلق في الفترة دي
فبلاش نتكلم في الجزء الاسلامي لانه ممنوع و بيعرض العضو للمخالفة و الفصل

و في انتظار مشاركاتك و اسألتك عزيزي من غير اسلاميات

 

[احبك يا ربى]

انا كنت كاتب ردت طويل اوووووووى وواضح انه اتمسح بس ما علينا مش مهم

 

[احبك يا ربى]

تمام اخى مش مهم بس انا جبتلك الحقيقه على فكره انت مقتنع بكده ملياش دعوه انا بعمل اللى بشوفوا وخلاص وزى منا قولتلك لو كان حسان او الشعراوى كفروا فعليك انك تجبلى الفيديو وحتى لو تم ذلك فأنهم يستعينوا بدينهم ليس الكلام بغباء امثال وجدى غنيم التعصب وشكرا

 

[النهيسى]

​

 

[!! MR.BeBo !!]

اهلا وسهلا بيك
لو عندك اسئله يا ريت توضوع في القسم المناسب
وايضا لو عندك شبهه توضع في القسم المناسب
وارجو ان لا ينقلب الموضوع من ترحيب
الا نقاااش
شكرا لك
​

 

[حبيب يسوع]

انت انسان متحضر اهلا وسهلا بك واتمنى ان يكون الجميع مثلك

 

[Abdel Messih]

اهلاً بك يا احبك يا ربى

 

[Eternal life]

+ ..

شكرآ لذوقك وكلآمك الحب يا أخ "احبك يا ربي"

وهم ايضا يعتبروننا كفار

نحن لآ نعتبركم كفآر ياعزيزي كما قالت احبوا اعدائكم

آنصحك بقراءة المزيد والمزيد عن يسوع والآنجيل فأنا كنت مثلم مسلم وآلان آشكر الرب عرفت الحق وعقبآلك أخي العزيز

وأهلا وسهلا بيك بأي وقت .. الرب يحميك

 

[سانتي]

وعَلَيكُم السَلام ورحمَةُ اللهِ وبَرَكَاتُه...

أسعَدَني جداً توضيحُك للصورة العامة عن الإسلام...
لسنا مُتعصبين أو ارهابين أو قتلة... نحنُ مُسلمون مُستسلمون و مسلمون أمرنا (للهِ تعالى)

رغم انَ في كلامِك بضعة أُمور سأتجاوز عنها...

لكن من يود معرفة الإسلام فليقرأ "القُرآن" ومن يود معرفة المسيحية فليقرأ " الكتاب المُقدس"
هكذا نستطيع الحكم على الطرفين...

فليس كُل كلام أبنائهما يُمثِلُهما ...

في حفظ الرحمن ^_^​

 

[sama239]

اولا السلام عليكم

صراحه سوف اتحدث ليس بصفتي "" اكره "" المسيحين لان لي اصدقاء منهم ولا انبذ حد
لاني امشي على مبدا كما علمنا الاسلام والقران (( لكم دينكم ولي دين )) و ( لا إكراه في الدين قد تبين الرشد من الغي ))
في النهايه كل واحد يحكم عقله في الموضوع

ولكن اراكم ترددون كلمه "كافر " او ""كفر "" وللعلم هي ليست شتيمه وابحثو عنها في اصل اللغه العربيه بما انه القران باللغه العربيه

وبالعاميه نقول الجوع كافر وليس معناه الجوع يدخل النار او يخرج الناس من يدينهم وانما في شده الجوع يغطي على الانسان ويصبح في حاله لايريد سوى الطعام وكفر وغطى عما دون ذلك

في النهايه نحن نكفر بما لديكم وما يحتويه دينكم وكتبكم المقدسه وانتم تكفرون بما لدينا من يننا والقران الكريم

في النهايه اكن لكم كل الود والاحترام وهناك رموز في الديانه المسيحيه يكن لها الاحترام مثل الاب عطاالله حنا اقل ما يقال عنه انسان يحكم ضميره و عقله قبل لسانه