تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="Desert Rose, post: 3731346, member: 102180"] [COLOR="RoyalBlue"][FONT="Georgia"][SIZE="5"]انا مش قاصده اعمل موضوع علي قد ما انا كل اللي عايزه اعمله اني افضفض لأَنِّي خلاص جالي الضغط والسكر والمرارة من بعد الاستاذة شيماء بتاعت وات اباوت يور فيرست اوسكار وهاي ليو وانا بجد هتشل من كمية الجهل اللي بقينا بنشوفها ، والمفروض ان الاعلام في اي دوله بيكون بيقدم أفضل نماذج في الدوله ديه من علم وثقافة ولباقة وحاجات كتير إنما احنا نختلف عن الآخرون ، احنا بنقدم أسوأ ما فينا بدرجة مستفزة اللي عملته شيماء بتاعت وات ابوت يور فريست اوسكار ده حرق دمي مش علشان اللكنه خالص لا علشان غباء السؤال واستهتارها بشغلها وبعدين جه موضوع تاني لسه سامعه عنه ، موضوع لقاء مذيعه مصرية مع النجم ميسي ، طبعا سمعت عن الموضوع وقولت اشوف اللقاء علي اليوتيوب ، بعيد بقا عن غباء وتفاهه الاسئله وأسلوب إحساسك ايه لما عرفت ان ابنك اتخطف ولا لما عرفتي ان بنتك داسها قطر بعيد عن كل ده ، ايه بقا موضوع الجزمه ده؟ ،انا شوفت اللقاء واللي اتقال فيه ان ميسي بيتبرع بجزمته للبرنامج ، فين مصر في الموضوع مش عارفه؟ الناس بقا عملو فيها سبع رجاله في بعض وكل واحد طالع يزايد علي وطنية التاني ويقول لاااااااااا مش هنقبل ان حد صهيوني يهودي كافر يتبرع بجزمته لفقراء مصر ، طيب يا اخي قبل ما يطقلك عرق أتأكد من الموضوع الاول ، شوف اللقاء وشوف هو اتقال فيه اسمه مصر أصلا ولا لا وبعدين مش بس بيكدبو الكدبه ويصدقوها ، لا كمان جهله بثقافة الآخرين؟ التبرع بالجزم واللبس بتاع لاعبين وفنانين ومشاهير العالم وعمل عليها مزاد ديه ثقافة منتشره جدا وعاديه جدا ومفيهاش اي نوع من انواع الاهانه ، لاعب التنس بيتبرع بمضرب التنس بتاعه وبيتباع بملايين الملايين وبتروح لجمعيات خيريه في كل دول العالم حتي الدول المتقدمة مش بس الفقيرة ولاعب كرة القدم معندوش أغلي من جزمته يتبرع بيها ، من غير جزمته ميعرفش يلعب ، يبقا هيتبرع بأيه ؟ يعني قبل ما يطقلكو عرق طيب اسألو عن ثقافة الاخر وشوفو هو بيفكر ازاي؟ وبعدين ميسي بقا يهودي دلوقتي؟ من أمته يا جماعه؟ اللي اعرفه عن ميسي انه مسيحي وشوفته قبل كده بيرشم الصليب، يهودي وبيرشم الصليب؟ المسيحية منتشره جدا في الأرجنتين ، مش فاهمه ازاي بقا يهودي مرة واحدة ؟ وحتي لو يهودي ايه المشكله في كده؟ يخرب بيت الجهل والعنصريه والمشكله ان موضوع الجزمة ده مش بس بيتكلم فيه الناس العاديه ، لا ده الاعلاميين بقو بيزايدو فيه؟ وكل واحد طالع عامل فيها محمد فريد ومصطفي كامل وكل ده علي كدبه محصلتش أصلا؟ يعني كمان الاعلام بيغيب الناس اكتر ويزود فيها الحقد والكره للاخر ولشخص أساسا معملش اي اهانه من اي نوع لمصر؟ فيه ايه بقا؟ كفايه جهل، كفايه مزايدات ، واللي بيزايدو دول بيقبضو ملايين واتحدي اذا كان فيه حد فيهم بيتبرع بربع جنيه لصالح مصر بدل ماهو طالع يزايد علي الناس في وطنيتها كفايه بقا بجد قرفنا والواحد بقا بيتكسف من كميه الجهل والعنصريه اللي بقينا بنصدرها[/SIZE][/FONT][/COLOR] [/QUOTE]

التحقق