الاعتراف بالخطأ !!!!

[Dona Nabil]

احنا بشر عباره بنقولها لما نكون عاوزين نبرر غلط عملناه او صفه سيئه مش عارفين نتخلص منها
بنقول كده علشان نعفى نفسنا من مسؤولية اى فعل ومبنفكرش ندى نفسنا فرصة تصحيح الغلط
الاعتراف بالخطأ فضيله وشجاعه مش موجوده عند ناس كتير
قليل اوووى اللى بيكون عنده الجراءة يقول اااه انا فعلا كنت غلطان او انا فعلا اساء ت ليك أو فعلا انت عندك حق ورأيك هو الاصح انا كنت فاهم غلط......
رغم اننا كلنا بنحسد الشخص ده من جوانا على الصفه الجميله دى وبنعلن اعجابنا بيه وبشجاعته لكن عمرنا ما فكرنا نقلده
غريبه صح !!؟؟
يا ترى ليه:t9:
يمكن انانيه .. استكبار .. كرامه ..احراج...هروب من المواجهه ...عناااااد ....
حاجات كتير بتمنعنا من اننا نكون كده
والنتيجه اننا للاسف بنستمر فى الغلط
لو رأى أو فكر بنفضل معتنقينه وبندافع عنه بشراسه رغم علمنا انه غلط
ولو تصرف بنكرره بدل المره الف اصلنا لو بطلناه كده كأننا بنقول اننا كنا غلط
خليك شجاع وفكر انك لو اعترفت بغلطك سوا ء رأى أو تصرف انك هتكسب احترام الناس وكمان هتكسب ثقتهم ومصداقيتك عندهم
دى كلها حاجات متتقدرش بتمن
اغلب انانيتك وتكبرك
وخليك متأكد ان اعترافك بالحق عمره ما هيجرح كرامتك
وشجاعتك عمرها ما هتكون سبب لاحراجك
العكس هو الصحيح هروبك من المواجهه هو قمة الضعف
والعناد فى الغلط صفه طفوليه لازم تتخلص منها
تحياتى :Love_Letter_Open:

 

[+Bent El3dra+]

ا

غلب انانيتك وتكبرك
وخليك متأكد ان اعترافك بالحق عمره ما هيجرح كرامتك
وشجاعتك عمرها ما هتكون سبب لاحراجك
العكس هو الصحيح هروبك من المواجهه هو قمة الضعف
والعناد فى الغلط صفه طفوليه لازم تتخلص منها

موضوع جميل كعادتك يا دونا
بس يمكن كتير بتغلبنا حتة الكرامة ودى مش صح انها تمنعنا نراجع نفسنا ونعتذر لاى حد نغلط فى حقه
يارب كلنا نكون قادرين على نعترف بغلطاتنا هنرتاح اوى
​

 

[asmicheal]

ههههههههههههههههههههههههه

معلش يا دونا

اصل الموضوع دة معايا بالعكس

انا لسهولة اعترافى واعتذارى

مرشدتى الروحية بتقول لى

دايما فاضحة نفسك
ربنا سترك تروحى انتى تعتذرى وعلى الملا

اقول لها الاعتذار المهين هوة اللى بيكون حافز لعدم تكرار الخطا



ونتجادل وغالبا تاخدنى فى حضنها بنهاية الحوار


ههههههههههههههههههههههههههههههههههههههههههههه

 

[+Roka_Jesus+]

موضوع جميل كعادتك
ميرسي دونا
​

 

[مملكة الغابة]

موضوع بجد جميل بس انا عنادية جدا ولو اعتذرت بعتزر بالعافية بس بحاول مغلطش علشان مقلش الكلمة دى

 

[النهيسى]

موضوع رائع جدا

ياريت الناس تعمل كده

شكرا ليكم

الرب يبارككم

​

 

[grges monir]

موضوع حساس جدا دونا
الاعتراف بالخطأ سواعى بتتفهم انة ضعف والا صعب بقى انة بعد كدة ممكن تكون انت صح واللىقدامك يعند ويقول منتى غلط زيى المرة اللى فاتت
اصبحنا حاليا دونا فى عالم كل شخص لةمنطقة الخاص بة من الصح والخطا الثوابت اختفت وحلت محلها اشياء اخرى زيى نعمل اية هو دة بقى الحال ولازم نعمل كدة الا مش نعرف نعيش وكتيير
عارفة دونا مشكلة كبرى فى شغلى الموضوع دة كل مجموعة ليها هدف معين شايفةنفسها صح وعشان كدة الدنيا بتولع
ميرسى علىالموضوع الجميل دونا

 

[zama]

الاعتراف بالخطأ فضيله وشجاعه

من حيث المبدأ ، فأنا أوافقك و أؤيدك ..

أما من حيث المنطق و أسس التفكير فينتج الخلاف ..

لكل منا مدرسته الفكرية فهى بمثابة think tanks فطبقاً لدلالته المنطقية المترسخة بوجهة نظره الحياتية ،

يجد أن ما يؤمن به صحيح ..

الفكر كالنبات له مناخه المناسب ، بيئته التى نشأ عليها ، بذوره التى تختلف من مجتمع لأخر ، ألخ ..

كلها عوامل تؤسس فكر مختلف ينتج من هنا تصادم الأراء ، يرى كل طرف أنه الحق و الأخر مخطئ ..

لو أخذنا بالأعتبار و رأينا مدققين بيئة كل فكر و العوامل المؤثرة فيه سنتلاشى الكثير من الخلافات ..

=========================

مع الأخذ فى الأعتبار أن هناك مبادئ و مـُسَـلمات لا تختلف من مجتمع لأخر (( الأمانة ، ألخ )) ..

=========================

أريد أن أشير لنقطة أخيرة :

يجب أن ننظر لطبيعة الشخص الذى نكون على صلة به

مثلاً : إن كان (( س )) طبيعته مخطئ عند الغضب فلا يؤخذ على تصرفاته ، أيضاً واجب علينا أن لا نصل به لهذه المرحلة إن كان يهمنا أمره ..

أما

إن كان (( س2 )) طبيعته شخص مدقق بتصرفاته ، أخطائه معدودة ، صدر منه لفظ بشأنى أو أعتنق سلوك بغير عادته ،إذن فلابد من محاسبته لأنه بتلك الحالة يكون قاصد للأهانة ..

==========================

أشكرك أ / دونا ..

 

[Dona Nabil]

ا

موضوع جميل كعادتك يا دونا
بس يمكن كتير بتغلبنا حتة الكرامة ودى مش صح انها تمنعنا نراجع نفسنا ونعتذر لاى حد نغلط فى حقه
يارب كلنا نكون قادرين على نعترف بغلطاتنا هنرتاح اوى
​

تمام كلامك يا جميله
نورتى وشرفتى
ربنا يباركك:Love_Letter_Open:

 

[Dona Nabil]

ههههههههههههههههههههههههه

معلش يا دونا

اصل الموضوع دة معايا بالعكس

انا لسهولة اعترافى واعتذارى

مرشدتى الروحية بتقول لى

دايما فاضحة نفسك
ربنا سترك تروحى انتى تعتذرى وعلى الملا

اقول لها الاعتذار المهين هوة اللى بيكون حافز لعدم تكرار الخطا



ونتجادل وغالبا تاخدنى فى حضنها بنهاية الحوار


ههههههههههههههههههههههههههههههههههههههههههههه

الاعتذار الصادق والشجاع عمره ما يكون مهين لصاحبه ابدااا يا اسميشيال
بالعكس د ه منتهى الشجاعه والقوه والصدق مع النفس
اننا نقول غلطنا وبعتذر وبنوعد بعدم التكرار
نورتى يا قمررر :Love_Letter_Open:

 

[Dona Nabil]

موضوع جميل كعادتك
ميرسي دونا
​

ميرررسى لذوقك يا قمرايتى :Love_Letter_Open:​

 

[Dona Nabil]

موضوع بجد جميل بس انا عنادية جدا ولو اعتذرت بعتزر بالعافية بس بحاول مغلطش علشان مقلش الكلمة دى

العند كتير بيخسرنا ناس وبيخلينا مش مرتاحين ولا راضيين عن حالنا
بس جميل اننا نحرص على عدم الغلط
ميرررسى على مشاركتك معانا
ربنا يباركك

 

[Dona Nabil]

موضوع رائع جدا

ياريت الناس تعمل كده

شكرا ليكم

الرب يبارككم

​

نورت استاذى
ربنا يباركك​

 

[Dona Nabil]

موضوع حساس جدا دونا
الاعتراف بالخطأ سواعى بتتفهم انة ضعف والا صعب بقى انة بعد كدة ممكن تكون انت صح واللىقدامك يعند ويقول منتى غلط زيى المرة اللى فاتت
اصبحنا حاليا دونا فى عالم كل شخص لةمنطقة الخاص بة من الصح والخطا الثوابت اختفت وحلت محلها اشياء اخرى زيى نعمل اية هو دة بقى الحال ولازم نعمل كدة الا مش نعرف نعيش وكتيير
عارفة دونا مشكلة كبرى فى شغلى الموضوع دة كل مجموعة ليها هدف معين شايفةنفسها صح وعشان كدة الدنيا بتولع
ميرسى علىالموضوع الجميل دونا

لا محدش بيقول نعتذر لو احنا مش غلط
ده يبقى منتهى الاذلال والظلم للنفس
وصدقنى يا جرجس الثوابت موجوده ومعلومه بس حاجات كتير بقت تطغى عليها وتطمسها وتشوه معالمها
منتهى القوه انك تعتذر وانت غلطان ومنتهى الذل اعتذارك وا نت على حق والفرق بينهم كبييير
ميرررسى وربنا معاك

 

[Dona Nabil]

من حيث المبدأ ، فأنا أوافقك و أؤيدك ..

أما من حيث المنطق و أسس التفكير فينتج الخلاف ..

لكل منا مدرسته الفكرية فهى بمثابة think tanks فطبقاً لدلالته المنطقية المترسخة بوجهة نظره الحياتية ،

يجد أن ما يؤمن به صحيح ..

الفكر كالنبات له مناخه المناسب ، بيئته التى نشأ عليها ، بذوره التى تختلف من مجتمع لأخر ، ألخ ..

كلها عوامل تؤسس فكر مختلف ينتج من هنا تصادم الأراء ، يرى كل طرف أنه الحق و الأخر مخطئ ..

لو أخذنا بالأعتبار و رأينا مدققين بيئة كل فكر و العوامل المؤثرة فيه سنتلاشى الكثير من الخلافات ..

=========================

مع الأخذ فى الأعتبار أن هناك مبادئ و مـُسَـلمات لا تختلف من مجتمع لأخر (( الأمانة ، ألخ )) ..

=========================

أريد أن أشير لنقطة أخيرة :

يجب أن ننظر لطبيعة الشخص الذى نكون على صلة به

مثلاً : إن كان (( س )) طبيعته مخطئ عند الغضب فلا يؤخذ على تصرفاته ، أيضاً واجب علينا أن لا نصل به لهذه المرحلة إن كان يهمنا أمره ..

أما

إن كان (( س2 )) طبيعته شخص مدقق بتصرفاته ، أخطائه معدودة ، صدر منه لفظ بشأنى أو أعتنق سلوك بغير عادته ،إذن فلابد من محاسبته لأنه بتلك الحالة يكون قاصد للأهانة ..

==========================

أشكرك أ / دونا ..

مشاركه مميزه يا زاما ولا اعتقد ان هناك ما نختلف عليه
ميرررسى وربنا يباركك