اكتشفت انى ماما

[soul & life]

لما ملقيتش عندي ولا شوز بكعب... و كلهم بقوا كوتشي..


لما ملقيتش علي تسريحتي اي ادوات تجميل غير كريمات و لوشن جونسون



لما بقت ‏الكوسة و الجزر و البطاطس من اهم مشترياتي.. و نسيت ‏التونة و السوسيس و البرجر :w00t:

اكتشفت ان انا ماما... لما بقت اطول فترة بنامها ٤ ساعات..و مش علي بعض.. و ملهمش ميعاد ثابت كمان :t7:

لما بطلت البس ابيض او اسود.. :t9:

اكتشفت انا ماما... لما مبقتش اجيب لبس ‏عيد.. ولا باخد عيدية ld:

لما لقيت صاحبات بنتي بيقولولي يا طنط :t26:

اكتشفت ان انا ماما لما بقت كل خروجاتي في ‏النادي و الملاهي... و نسيت السينما و الكافيهات ..

لما بقت رجلي علي طول متعورة من كتر ما بدوس علي اللعب الصغيرة اللي منتشرة في كل ‏البيت.. :w00t:

لما بقيت ملحقش الاكل و هو سخن.. ولا حتي كباية الشاي.. "مش هتكلم علي اليوم اللي بناكل فيه سمك.. :08:

اكنشفت ان انا ماما لما بقيت بقفل مكلمتي مع اصحابي فجأة بدون مقدمات عشان الحق المصيبة اللي بتحصل :close_tem

اكتشفت ان انا ماما لما انقطعت صلتي بالمسلسلات...و القراية... و اي حاجة كانت بتتعمل بمزاج:t26::t26:

لما بقت #‏قمة_الرفاهية بالنسبالي اني أازاز لب وانا بتفرج علي فيلم في التليفزيون بعد ما يناموا...و احبس بكباية شاي سخنة .. :08:

اكتشفت ان انا ماما لما بقت اقصي طموحي اني انام علي السرير لوحدي..:99:

لما تبقي ‏ذكري اني احط السماعات في وداني و اقفل باب اوضتي عليا ذكري بتخلي عينيا تدمع...:t7:

او اني اكتشف ان عمرو_دياب نزل اربع شرايط معرفش عنهم حاجة..

اكتشفت ان انا ماما ..لما مبقتش اعرف اربي ضوافري واقول ولادي اولي

اكتشفت ان انا ماما لما بقيت طول اليوم بدور علي حاجات بتضيع ..واكتر سؤال بتسأله هي فين ال.. :smi420:

اكتشفت ان انا ماما.. لما جوزي يبقي بيكلمني واروح في ‏النوم

 

[ابن يسوعنا]

لما بقت رجلي علي طول متعورة من كتر ما بدوس علي اللعب الصغيرة اللي منتشرة في كل ‏البيت..
هو انتي بتمشي حافية ولا مش لاقية مقاس ؟
كتشفت ان انا ماما ..لما مبقتش اعرف اربي ضوافري واقول ولادي اولي
؟؟؟؟؟؟
الله يسامحهم ولادك
راحت تربية الضوافر ....
اللهم لا اسألك رد القضاء
بل اللطف فية
الحمد للة انا في نعمة
اني بلبس شبشب في البيت
وبربي ضوافري
الحمد للة علي النعمة اللي انا فيها
والحمد للة اني مش من اليكس

 

[حبيب يسوع]

ربنا يخليهم لك ويسعدك بهم
هذه سنة الحياة

 

[اني بل]

انت ام مثالية ياغالية ...
واحنا بنفتخر بيكي ياعسل
واكيد زوجك كمان واولادك المميزين
محبتك وطول اناتك وايمانك كلهم شواهد على الأنسانة المميزة وعلى الروح الحلوة اللي فيكي ويسعدني وجودك بينا ياحبي
انا بحبك اوووي لحبك الكبير لربنا وللمنتدى والنا كمان
ربنا يخليكي وتقومي بالسلامة

 

[soul & life]

لما بقت رجلي علي طول متعورة من كتر ما بدوس علي اللعب الصغيرة اللي منتشرة في كل ‏البيت..
هو انتي بتمشي حافية ولا مش لاقية مقاس ؟
كتشفت ان انا ماما ..لما مبقتش اعرف اربي ضوافري واقول ولادي اولي
؟؟؟؟؟؟
الله يسامحهم ولادك
راحت تربية الضوافر ....
اللهم لا اسألك رد القضاء
بل اللطف فية
الحمد للة انا في نعمة
اني بلبس شبشب في البيت
وبربي ضوافري
الحمد للة علي النعمة اللي انا فيها
والحمد للة اني مش من اليكس

اتريق اتريق :act19::act19:

 

[soul & life]

ربنا يخليهم لك ويسعدك بهم
هذه سنة الحياة

تعيش وتسلم من كل شر شكرا استاذى ربنا يخليك

 

[soul & life]

انت ام مثالية ياغالية ...
واحنا بنفتخر بيكي ياعسل
واكيد زوجك كمان واولادك المميزين
محبتك وطول اناتك وايمانك كلهم شواهد على الأنسانة المميزة وعلى الروح الحلوة اللي فيكي ويسعدني وجودك بينا ياحبي
انا بحبك اوووي لحبك الكبير لربنا وللمنتدى والنا كمان
ربنا يخليكي وتقومي بالسلامة

ايه دا كله ايه دا كلله ههههه
علطول انتى كريمة فى حبك ومجاملاتك يا انى ربنا يخليكى حبيبتى ده بس من زوءك وطيبة قلبك

 

[اني بل]

ايه دا كله ايه دا كلله ههههه
علطول انتى كريمة فى حبك ومجاملاتك يا انى ربنا يخليكى حبيبتى ده بس من زوءك وطيبة قلبك

مش بجامل ياغالية
ماعنديش هالصفة بحكي اللي بقلبي عالطووول واللي بحسه تجاه اللي بحبهم
وانتي منهم ..
وبحب الدغري ولا اللف ولا دوران ....
واللي بيحب ربنا بحب اوووي اوووي وده ببين من تصرفاته المسيحية واخلاقه الطيبة

 

[++ كاترين ++]

يا الله ما احلا هالحكي
الرب يباركهن ويخليلك ياهن وتشوفيون عم يكبرو
ويصيرو بأعلى المراتب
تحياتي ​

 

[أَمَة]

أسلوب عفوي جميل ومشوق!
الأم الأم يعني الأم ومش "والدة وبس" تعيش حياتها كلها في تضحية تلو التصحية.

 

[حبو اعدائكم]

كل كلمه قولتيهاااا صحححح
ممكن الضوافر و هما اطفال صغار كنت بقصهم
لكن دلوقتى من كتر المواعين و الشغل فى البيت بيتقصفوا لوحدهم ----
دا غير انى اصلا مش بطولهم اوى علشان بيدايقونى و انا بكتب على الكي بورد فى شغلى----
بس بردوا بيتقصفوا.
فى مرحله الطفوله الصغيره اكتشفت انى ماما لما كنت ابقى قاعده جنبهم طول الوقت و اخاف اسيبهم لحظه حتى لدخول الحمام و افضل مستنيا ماما لما ترجع من شغلها الساعه 3 الظهر علشان اقوم الحمام و اكلمها اعيطلها يااله تعالى هموت هههههههههههه تقول لى سبيه يا هبله دى ثوانى مش هيحصل شىء هههههههههههه اقول لها لا -- بس تعالى انتى الاول ..
دا كان طبعا اول طفل بس كنت فعلا هبله هههههههههههه و اخاف اى حد يمسكه غيرى انا و ماما-- لو حد تانى طلب يشيله كنت ابقا واقفه قدامه و مجهزا ايدى علشان الحقه لو وقع منه او حاجه
يوووووووووووووووووووووه دا انا كنت فظيعه هههههههههههههههه
و غيره و غيره و غيره و غيره
المهم انى لما بقيت ماما عرفت فعلا قيمه امى و فهمت فعليا هى تعبت معايا قد ايه--
مكنتش حساها اوى قبل كدا...
ربنا يخلى كل الامهات و يباركهم و يبارك صحتهم و يخليهم لنا كلهم دايما فى احسن حال امييين يا رب

 

[soul & life]

يا الله ما احلا هالحكي
الرب يباركهن ويخليلك ياهن وتشوفيون عم يكبرو
ويصيرو بأعلى المراتب
تحياتي ​

ههههه ميرسى يا كاترين مرورك وكلماتك هى الاحلى يا حبيبتى نورتينى ربنا يسعدك يارب

 

[soul & life]

أسلوب عفوي جميل ومشوق!
الأم الأم يعني الأم ومش "والدة وبس" تعيش حياتها كلها في تضحية تلو التصحية.

ميرسى يا ماما لمرورك احنا بنتعلم الامومة منك يا ست الكل

 

[soul & life]

كل كلمه قولتيهاااا صحححح
ممكن الضوافر و هما اطفال صغار كنت بقصهم
لكن دلوقتى من كتر المواعين و الشغل فى البيت بيتقصفوا لوحدهم ----
دا غير انى اصلا مش بطولهم اوى علشان بيدايقونى و انا بكتب على الكي بورد فى شغلى----
بس بردوا بيتقصفوا.
فى مرحله الطفوله الصغيره اكتشفت انى ماما لما كنت ابقى قاعده جنبهم طول الوقت و اخاف اسيبهم لحظه حتى لدخول الحمام و افضل مستنيا ماما لما ترجع من شغلها الساعه 3 الظهر علشان اقوم الحمام و اكلمها اعيطلها يااله تعالى هموت هههههههههههه تقول لى سبيه يا هبله دى ثوانى مش هيحصل شىء هههههههههههه اقول لها لا -- بس تعالى انتى الاول ..
دا كان طبعا اول طفل بس كنت فعلا هبله هههههههههههه و اخاف اى حد يمسكه غيرى انا و ماما-- لو حد تانى طلب يشيله كنت ابقا واقفه قدامه و مجهزا ايدى علشان الحقه لو وقع منه او حاجه
يوووووووووووووووووووووه دا انا كنت فظيعه هههههههههههههههه
و غيره و غيره و غيره و غيره
المهم انى لما بقيت ماما عرفت فعلا قيمه امى و فهمت فعليا هى تعبت معايا قد ايه--
مكنتش حساها اوى قبل كدا...
ربنا يخلى كل الامهات و يباركهم و يبارك صحتهم و يخليهم لنا كلهم دايما فى احسن حال امييين يا رب

امين يا رب ربنا يباركهم ويعوضهم عن تعبهم معانا
لكن انا اكتشفت اننا مشتركين فى الهبل بس انا زايدة عليكى شويتين فى النقطة دى هههههههههه انا بعول هم اليومين اللى بعد الولادة مش لاى سبب غير انى ببقا فعلا مش قادرة اقوم واعمل كل حاجة بنفسى وبضطر اعتمد على مامتى مثلا او اختى وببقا خايفة وهما بيغيروا للبيبى وهما بياكلوه هههههه كانهم متعاملوش مع اطفال قبل كده حتى جوزى من هبلى خليته يبقا خايب خالص فى الحكاية دى جوزى ممكن ياعد لحد ما البيبى يكمل سنة ميشيلهوش او يعرف بيشرب ازاى او ياكل ازاى هو بكبيره يبوسه من بعيد لبعيد فى ايده او ايدها و عند البوسة دى بتنتهى علاقته الابوية لحد ما يكبر كده ويشد حيله ويبقا عنده قولى سنتين :2::2: وبصراحة ده مش لانه بيخاف ومش متمرس وبس لا انى انا نفسى مبحبش اى حد يساعدنى فى حكاية رباية ولادى وهما نونو معرفش مبقدرش اعد ومامتى او جوزى مثلا ياكل البيبى او يغيرله زى ازواج كتير بشوفهم تعرفيش ده يا اختى هبل ولا عبط ولا ايه بالضبط يلا اكثر من كده وربنا بيشفى ههههه

 

[عبود عبده عبود]

لكن انا اكتشفت اننا مشتركين فى الهبل

:new6::new6::new6:

الموضوع لذيذ ...بس أحلى حتة عجبتنى هى دى
:download::download::download:
​

اكتشفت ان انا ماما.. لما جوزي يبقي بيكلمني واروح في ‏النوم

مش عايزك تقلقى خااااالص ...لأن 90% من ستات مصر بتعملها
أتعملت فيا وأحنا مسافرين ..بعد ساعة وربع ولما وصلنا
أكتشفت انى كنت باكلم نفسى
أتاريها طوووول السكة كانت
:a4::a4::a4:

​

 

[soul & life]

:new6::new6::new6:

الموضوع لذيذ ...بس أحلى حتة عجبتنى هى دى
:download::download::download:
​

مش عايزك تقلقى خااااالص ...لأن 90% من ستات مصر بتعملها
أتعملت فيا وأحنا مسافرين ..بعد ساعة وربع ولما وصلنا
أكتشفت انى كنت باكلم نفسى
أتاريها طوووول السكة كانت
:a4::a4::a4:

​

ههههههههههههههههه الحمدلله طمنتنى على نفسى يعنى انا مش حالة فريدة من نوعها ده طلع فى منى كتير فى البلد :scenic:كويس علشان اقول لجوزى واطمنه :flowers:

 

[عبود عبده عبود]

ههههههههههههههههه الحمدلله طمنتنى على نفسى يعنى انا مش حالة فريدة من نوعها ده طلع فى منى كتير فى البلد :scenic:كويس علشان اقول لجوزى واطمنه :flowers:

لأ بس أنتى ع الأخص فى أيدك الحل
مش زى الستات التانيين
يعنى "سول" نامت ..."لآيف" تسهر مع الراجل

:new6::new6::new6:
​

 

[soul & life]

لأ بس أنتى ع الأخص فى أيدك الحل
مش زى الستات التانيين
يعنى "سول" نامت ..."لآيف" تسهر مع الراجل

:new6::new6::new6:
​

ههههههههههههههههههههه ضحكتنى بجد لا فى دى انت عندك حق شوفت بقا الاسماء المزدوجة ليها فايدة ازاى اومال ايه احنا بنهزر ههههههه

 

[ابن يسوعنا]

اتريق اتريق :act19::act19:

انا مش بتريق انا بسأل سؤال
وكنت اتمني الجواب علية !!!!
ها مش هتجاوبي ؟؟؟
منتظر .....