تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="ramy22, post: 3512892, member: 111573"] [SIZE="4"][CENTER]حاولت صدقنى . انا طول الوقت لوحدى فكلامى دايما مع ربنا انا بستريح كتير جدا لما اسمع كلمتة واقرة انجيلة وافضل ايامى لما بكون فى الكنيسة ماتعرفش قد اية صوت الصلاة بيريح الانسان وخصوصا انا ريحة البخور فى القداس والتناول وقراية الانجيل انت بتحس انك فى حضن ربنا بجد انا بس كبرت . كنت طفل بتألم بس فرحان وموجود وسط الكل ولما وصلت لـ 11 سنة بدأ كل شى اتعلقت بربنا ودايما كنت متأكد انة فى يوم هينجيينى ويرحمنى بشوف ناس قدى بتخرج و بتضحك وبتلعب وبتسافر وبتشارك فى الكنيسة بيعملوة كل شى وانا لا . ماكنتش بزعل غير قليل جداا اصل كنت صغير وعارف ان الوقت جاى الى ربنا هيفرحنى فية وصلت الثانوية وبدأت اسكت بس مابتكلمش خالص وبدأت احزن لكنى مفقدتش املى بربنا خالص وجات مرحلة الكلية ماتعرفش قد اية انا كنت تعبان ومقهور فى الفترة دى مخرجتش من بيتى غير مرات معدودة بجيب طلبات . خلست الكلية والناس الى اعرفهم اختفوة . ماتعرفش انا قد اية مريض وتعبان ومش قادر اتحرك تصدق انى بقيت بتمنى افضل بممرضى وتعبى القديم اياام زمان والى جد دة كلة يختفى ويبعد عنى . بدأت فترات غضبى وكرهى لربنا بس بخاف وبرجع بسرعة ااقول معلش كنت تعبان الوقت دة يارب عنت بخاف من ربنا ومبكلمهوش لغترات كبيرة فى اوقات ببصلوة نظرة تعجب وااقولة لية تمرضنى وتعزبنى طول حياتى كنت فاكر انك حاطيتنى فى تجربة بس انت بتقتلنى كل يوم كتير يارب انا اتولدت لقيت حالى كدة اية الى انا عملتة يأسيك عليا بالشكل دة يا الهى كنت بوهم نفسى دايما انى اكيد هكون انسان شرير وخاطى وهأذى ناس وهعمل جرائم وكنت هكون اسوأ البشر بس معقول ربنا بيحاسب حد على حاجة هو معملهاش حتى ماريحنيش من حياتى مع انى جبان جداا وبخاف من الموت اوى. حادثة كانت هتقضى عليا تماما بس عشت بيها واضافت لجراحى عاهة من ضمن عهاتى . اتسلبت طفولتى قلت معلش وشبابى بينتهى والام كل يوم مع كل الم ووجع قلب كبير وانقطاع نفس بقف منتظر لحظة موتى وبقول بسرعة الحقنى يارب والالم بيستمر سعات كتيرة وكفاية رعبى وخوفى وضعفى ووحدتى الشخص بيموت مرة واحدة وانا موتى بيتكرر قدامى كتير .. وعشان كدة برجعلك بسؤالى اعمل اية عشان ربنا يتحنن عليا ؟؟ انت شايف انى قادر اعيش اكتر من كدة انا نفسى ااقول اموت بس انا جبان ونفسى الحقيقة اضحك اة واللة نفسى اضحك كتير نفسى انزل اخرج كل يوم كل يوم نفسى ابطل عياط نفسى انام مرتاح زى الناس عايز يكون ليا حياة مش عشان حب فيها لا عشان اتحرمت منها من يوم ولادتى نفسى اروح الكنيسة واتناول كتير واكون شماس نفسى اووى اقعد فى حوش الكنيسة وااسمع صوت العصافير نفسى اشوف الشمس اكون طبيعى بس زى بقية الناس .. انت تعرف انا عمرى ما اتكلمت مع اى شخص فى حياتى كلها عن الى جواية بس بسبب الالم وفى وقتة خصوصا تلاقينى اتغيرت وبقيت عايز استنجد بأى حد انا مقدرش ادخل اشوف كلامى الى كتبتة فى وقت كويس نسبيا فية بلوم نفسى على ضعفى وجبنى دايما بقرة رسايلى فى وقت المى الشديد بباغت كبريائى واعتزازى بنفسى .. انا عمرى ما اعتقدت انى فى السن دة هصبح كدة انا التجأت للدراما الامريكية كنت بدفن فيها حزنى طول حياتى كنت بشوف حياة اشخاص وكأن حياة الشخص الطبيعى اصبحت حلم ورجاء بالنسبة لمعتوة زيي بيقهرنى اوى لما بشوف ناس تعبانة طول حياتها وماتت وانتهت بمرضها المؤلم كنت ابص لحالى واقول افرق اية عنهم دة حتى هما افضل منى روحيا . انا كان نفسى اكون مع ربنا اكتر بس تخيل انى مرضى تعبنى ومش مخلينى ااقدر . وكأن الله يكرهنى كل الكره ويبعدنى عنة كل البعد (( خايف اموت والناس تقول اهه ربنا ريحة دة كان انسان مريض وبيعانى طووول عمرة )) قد اية خايف يكون دة مصيرى . يبقى لية يارب جبتنى للحياة من يوم ولادتى بتألم وبعانى كل يوم اكتر من قبلة وفى النهاية اموت فى لحظة وتكون لحظة خداع اكون عايش متوهم فى شفائى وفجأة اختفى طب انا كان نفسى اكون انسان كان نفسى بجد يارب ارجوك ماتموتنيش انا خايف جدا اعمل اية عشان ربنا يتحنن عليا ؟[/CENTER][/SIZE] [/QUOTE]

التحقق