(( ..... اطمن انا جنبك ..... ))

[h.cat93]

(( ..... اطمن انا جنبك ..... ))


اطمن انا جنبك .....

.. متقلقش يا والدى انا سندك

أمانك يا أمى والحضن اللى يضمك .

اطمن انا جنبك .....

.. يا أخويا اطمن انا ضلك

دا الدم اللى فــ عروقى دمك .

اطمن انا جنبك .....

.. أختى , انا سامع حتى همسك

وفداكى عمرى لو دا فـــ صالحك .

اطمن انا جنبك .....

.. يا صديقى كتفى فـ كتفك

متخفش لا يمكن يوم اتخلى عنك .

اطمن انا جنبك .....

.. يا حبيبى حبيتك وبحبك

وهأفضل طول العمر احبك .

اطمن انا جنبك .....

.. انا ايدى حاضنه يدك

وحضنى مفتوح عشان يضمك .

اطمن انا جنبك .....

.. انا دارى وعارف همك

انا عكازك , سندك وفـــ ضهرك .

اطمن انا جنبك .....

.. ايدى محوطاك بتطبطب على كتفك

وهتفضل دايما تمسح فــ دمعك .

​

اطمن انا جنبك .....

.. يا قلبى حب واتمسك بحبك

اتمنى وانا دورى احقق حلمك .

اطمن انا جنبك .....

.. يا ولدى انا حمايتك

متخفش غدر الدنيا طول مانا ماسكك .

اطمن انا جنبك .....

.. اطمن يا تلميذى ياللى واخدنى مثلك

انا بحافظ على نفسى عان خاطرك .

اطمن انا جنبك .....

.. يا ابن بلدى ايدى فــ يدك

نبنى نعلى وطنى وطنك .

اطمن انا جنبك .....

..يا قطى الاليف انا امنك

بتحبنى وانا كمان صدقنى بحبك.

اطمن انا جنبك .....

..ياللى بتحبنى لشخصى ومقربنى منك

من قلبى بقولك (( اطمن انا جنبك )) .


انا عارف ربى انك جنبى , عشان كدا مطمن وانا جنبك .

م/هانى صموئيل​

Eng/Hany Samouel​

 

[tamav maria]

انا عارف ربى انك جنبى , عشان كدا مطمن وانا جنبك .

رائع كما تعودنا منك دائما h.cat93
وبإنتظار ابداعاتك القادمة
لك مني كل الود والاحترام

 

[حبيب يسوع]

كلمات جميلة ومعزية
الرب يباركك

 

[h.cat93]

شكراااااااااااااااااااااااااااا


شكرا تماف ماريا على الكلام المشجع


شكراااا حبيب يسوع


ربنا يبارككم