إشــمعنــا مـــصــر !

[Kerlos-love-Jesus]

مصر هي أمي
نيلها هو دمي
شمسها فـ سماري
ومش عارف اية كدة فـ ملامحي
حتى لوني قمحي لون خيرك يا مصر ..

صباح الوطنية
او مساء الوطنية لأن الساعة 9 م

عاش بجد اللي كتب الكلمتين بتوع الأغنية دول
منتهى الإندماج مابين المواطن المصري ومصر
مصر امي
والنيل دمي
وشكلي
ولوني
وكل حاجة مختلطة بمصر

بس اشمعنا مصر ؟
ما أرض الله واسعه وكلها ارض الله
اشمعنا مصر .. لية مصر بس ؟
لية حتى لو ربنا سهلنا ولقينا نفسنا في بلد غيرها بنحس بحنين لمصر ؟
وبيبأة في ايدينا كل حاجة
وعنينا تتملى من كل حاجة
بس قلبنا برضو مع مصر .. مش بس معاها, قلبنا ف مصر !

وتلاقي المصري في جنينة في لندن
او تحت شمسية في استانبول
او في مطعم إيطالي فوق الجبل
والدنيا من حوالية نضافة وزوق ولطافة
ويقولك بس مصر بنت الإيه دي وحشتني !

لو كان الوطن مجرد مكان ناكل ونشرب فية ونتكاثر
نتجوز ونجيب عيال يعني
كان يبأة معظم اماكن الدنيا احسن من مصر
لأن نص دول العالم على الأقل
أكلها
وشربها
وستاتها
ورجالتها
احلى بكتير من اللي موجودين في مصر

يبقى كدة اكيد مش المنفعة من مصر هو سبب إنها وطنا وبنفتخر بية !
أكيييد في سر تاني !

طيب خلاص
تركيا هي أمي
واي نهر من الـ 40 نهر اللي فيها هو دمي
وشمسها في سماري برضو والحاجات التانية دي فـ ملامحي
حتى لوني قمحي لون خيرك يا تركيا
اه
ماهي تركيا برضو بتزرع القمح مش بتستوردوا

بس
مش ماشية برضو !
في
حاجة
ناقصة

مصر بنت اللذينا اللي في قلبي دي
أعمل فيها اية !؟؟؟

حتة الصحرا اللي واقعة في ملطش دي
رايحين جايين يحتلوها
واللي الفرص فيها بالقطارة
والقطارة كمان مش معانا
واللي بأت عاملة زي مقاولة الهدد كل واحد واخدلو طوبتين منها وطالع يجري
وحتى الشعب اللي لونو قمحي اللي كان بيملى الدنيا ضحك بشهادة الدنيا كلها
بأة دمو تقيل
لية بأة مصر حازة ف نفسي كدة ؟
لية مش عارف استأصل نفسي منها
او أستئصلها مني ؟

بيقولو مراية الحب عامية
صح
مراية الحب عامية
حبيبتك مثلا مش ممكن تكون أحلى بنت في الدنيا
الواحد مننا بيحب قردة وبيبأة فاكر انها لو غابت عن نظره هيروح فيها
وكل اصحابه واهلة شايفنها صندل وفردة كوتشي باتا مرمية على رصيف
وهو شايفها ملاك وخسارة فـ الناس انها تمشي وسطيهم او انهم يبصولها

ويمكن بأة بجد هي دي المشكلة
اننا بنحب مصر وبنعشق اللي جابوها قبل مانعرف ان في بلد تانية اسمها تركيا
بنحب القهوة اللي فيها قبل مانعرف ان في قهاوي في باريس
بنحب الفول والطعمية والعدس قبل مانعرف ان الحاجات دي علف للحيوانات في بلاد تانية
بنموت في تراب مصر وممكن نسفو زي السكر قبل مانعرف ان في بلاد تانية اصلا مفيهاش تراب ونضيفة
وبنعشق هواها قبل مايجيلنا خبر انها واحدة من اكبر اماكن التلوث في العالم
وبنحب بنت الجيران او زميلتنا في الجامعه قبل مانفوق عالحقيقة المرة
ان نسبة الذكور في مصر اكتر من 95 في المية

قال والناس فاكرة ان حب الوطن حسابات وعقل
اتاريه في مصر بالذات عشق وغرام فـ غرام

كل اللي فاهمو انا بأة من الكلام دة
ان لما سيرة مصر بتيجي
جسمي بيقشعر
وشعر ايدي بيقف
وبحس ان قلبي هبط
ودمي يجري ويتحرك

حب مصر يا جدعان فية هرمونات اكتر من هرمونات البلوغ والمراهقة والحب الأول

متهيألي انا عرفت المشكلة
اشمعنا مصر ؟

حبها فية هرمونات..

وانت يااللي بتقرا
اشمعنا مصر ؟



​

 

[النهيسى]

علشان


مبارك شعبي مصر اش 19 19



من مصر دعوت ابني مت2 15


شكرا جدا ليكم

 

[dodoz]

عشاااان مصر هى مصر
ههههههه
حقيقى مش عارفة
بس دائما الانسان لو متغرب بعيد عن بلده دائما بيحس بحنين لوطنه
حتى ولو المكان الى هو فيه احسن مليون مرة من بلده مش بس المصرى بس لاء الكلام ده برده لاى انساااااان سواء امريكى او ايطالى او فرنسى أو او .........
وده بسبب الطبيعة الانسانية الموجودة فى الانسان نفسه
بتمنى انى اكون وضحت غرضى
ميررسى على هذاا الموضوع
يسووع يباركك​

 

[MIKEL MIK]

تصدق عندك حق في كلامك

رغم اني علي طول بقول مصر عملتلي ايه وبلعن فيها

لكن لما اسمع النشيد مثلا جسمي يقشعر

او لما المنتخب يبقي في متش مهم بشجعه من قلبي

لان مهما مصر عملت فينا هي البلد اللي اتولدنا فيها واتربينا عليها

واكيد كل واحد له ذكريات سعيده وحزينه بيفتكرها دائما

ومصر هي ام الدنيا

شكرا علي موضوع الشيق




​

 

[Kerlos-love-Jesus]

علشان


مبارك شعبي مصر اش 19 19



من مصر دعوت ابني مت2 15


شكرا جدا ليكم

نور الموضوع بوجودك استاذ النهيسي
جميل ربطك بين الموضوع وآيات الكتاب المقدس
ربنا يباركك
​

 

[zezza]

بص مصر فيها حاجة تتحب ايه هى مش عارفة ..بس بتلاقى نفسك لا ارادى بتحبها بحلوها و مرة بعيوبها و جمالها باضطهادها لاودها و وطنيتها
اكيد كل واحد بيقول كدة على بلده ... بس بجد البلد دى فيها حاجة مختلفة تخليك غصبن عنك تحب دوشتها و ترابها و خنقتها
ليا ناس كتير من سافروا برة مصر بيتمونا يرجعوا تانى على ايه ما اعرفش !!!!!!!!
زى ما انت قلت مصر بنت الذينا دى فيها حاجة تشد و تخليك تدمنها
هى تتحب و تتعشق كدة زى ماهى
+
مصر ما فيش منها اتنين ...لما المسيح هرب من ظلم هيرودس راح على مصر ....و احنا لما نتظلم من شعبها هنرجع برضه لمصرنا مش هنعرف نروح لبعيد​

 

[tamav maria]

طيب خلاص
تركيا هي أمي
واي نهر من الـ 40 نهر اللي فيها هو دمي
وشمسها في سماري برضو والحاجات التانية دي فـ ملامحي
حتى لوني قمحي لون خيرك يا تركيا




هههههههههههههههههههههههههههه
ههههههههههههههههه

انا مش عارفه
ياكيرلس
لما تعرف
اقي اقولي

 

[Kerlos-love-Jesus]

عشاااان مصر هى مصر
ههههههه
حقيقى مش عارفة
بس دائما الانسان لو متغرب بعيد عن بلده دائما بيحس بحنين لوطنه
حتى ولو المكان الى هو فيه احسن مليون مرة من بلده مش بس المصرى بس لاء الكلام ده برده لاى انساااااان سواء امريكى او ايطالى او فرنسى أو او .........
وده بسبب الطبيعة الانسانية الموجودة فى الانسان نفسه
بتمنى انى اكون وضحت غرضى
ميررسى على هذاا الموضوع
يسووع يباركك​

يمكن فعلا شعور الحنين دة موجود عند الكل
بس برضو مصر ليها احساس غريب مبيكونش بس حنين
دة زي مانا قولت كدة ممكن يكون هرمونات عند المصريين
ههههههههه

شكرا دودو على مرورك وردك
​

 

[tasoni queena]

لان مصر بلدنل اتولدنا ملقناش غيرها

لو كنا اتولدنا فى اى حتة تانى كنا برضه هنحبهااااا

كل واحد بيحب بلده ومها يحاول يكرها مبيعرفش
​

 

[Kerlos-love-Jesus]

تصدق عندك حق في كلامك

رغم اني علي طول بقول مصر عملتلي ايه وبلعن فيها

لكن لما اسمع النشيد مثلا جسمي يقشعر

او لما المنتخب يبقي في متش مهم بشجعه من قلبي

لان مهما مصر عملت فينا هي البلد اللي اتولدنا فيها واتربينا عليها

واكيد كل واحد له ذكريات سعيده وحزينه بيفتكرها دائما

ومصر هي ام الدنيا

شكرا علي موضوع الشيق

​

كنت عرفت انك لسة طالع من الجيش
معرفش حضرتك العضو دة ولا مين

بس صدقني لو لسة طالع من الجيش
ودة احساسك بالبلد
يبأة انت عندك نسبة انتماء تقريبا عند 5 بس فـ مصر كلها
ههههههههههههه

ربنا يباركك حبيبي
​

 

[abokaf2020]

بص انا معرفش ايه السر في مصر بس عمنا صلاح جاهين قالها
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهيّ مالكه الأرض شرق وغرب
وباحبها وهيّ مرمية جريحة حرب
باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
وصدقني انا ساعات كتير بكرها وبلعنها بس برجع احبها
ويوم ما بيبقي في ماتش مصر بتلعب بيه مش كورة قدم بس اي ماتش
بجد بشجع من كل قلبي​

 

[$CinDrellA $]

ممكن يكون الانتماء هو السبب لرئيسى لاحساس دة
يعنى مهما عشت فى ظروف متعبة وتطلع عينك و دنيا وسايط
مهما لفيت كتير وقليل مش هتلاقى دة غير فى مصر
اصلها بتنفرد بحاجات كتير اهى هههههههههههههه

هو انا مش بحب مصر ولا بكرهها
مش بطيقها بس :d هههههههههههه

ميرسى للموضوع
وسورى للاطالة
ربنا يبارك حياتك

​

 

[Kerlos-love-Jesus]

بص مصر فيها حاجة تتحب ايه هى مش عارفة ..بس بتلاقى نفسك لا ارادى بتحبها بحلوها و مرة بعيوبها و جمالها باضطهادها لاودها و وطنيتها
اكيد كل واحد بيقول كدة على بلده ... بس بجد البلد دى فيها حاجة مختلفة تخليك غصبن عنك تحب دوشتها و ترابها و خنقتها
ليا ناس كتير من سافروا برة مصر بيتمونا يرجعوا تانى على ايه ما اعرفش !!!!!!!!
زى ما انت قلت مصر بنت الذينا دى فيها حاجة تشد و تخليك تدمنها
هى تتحب و تتعشق كدة زى ماهى
+
مصر ما فيش منها اتنين ...لما المسيح هرب من ظلم هيرودس راح على مصر ....و احنا لما نتظلم من شعبها هنرجع برضه لمصرنا مش هنعرف نروح لبعيد​

بالظبط كدة
مصر فيها حاجة تتحب
بس ايه هي منعرفش
ادمااااان يا رجالة
هههههه

شكرا زيزا على مرورك
​